نصائح مهمه عند شراء سمك الماكريل , الفرق بين سمك الماكريل وسمك شك الزور

[ام رونزا]

https://up.kntosa.com/uploads/kntosa.com_10_18_15391846687513.png
السلام عليكم ورحمة الله
معلومات مهمة عن اسماك الماكريل

كلامنا مع حضراتكم عن الاسماك اللى بينها تشابه شديد فى الشكل الا ان بيبقى فى تفاوت كبير فى اسعارها
واللى للاسف بعض البائعين بيستغلوا التشابه دة وبيخدع بيه الناس اللى خبرتها محدودة فى التفرقة بين الانواع
وعشان كده دايما بنحاول نوضح الفروق مابين الاسماك دى وبعضها
عشان منديش فرصة لحد يغشنا
وهنتكلم النهاردة عن احد اشهر الاسماك فى السوق المصرى وهى الماكريل
https://up.kntosa.com/uploads/kntosa.com_08_19_156797879431271.jpg (https://up.kntosa.com/)

الماكريل
احد اغنى الاسماك بالاوميجا ٣ وذو قيمة غذاءية كبيرة وكمان من الاسماك المحببة حتى للصغار لقلة الاشواك الموجودة فيه
وكمان بديل ممتاز عن اسماك المزارع فى حالة تواجدنا فى مكان مفهوش اسماك بحرية
الا اننا هنلاقى سمكة شديدة الشبه بيه وللاسف كتير مابيتم بيعها والترويج ليها على انها ماكريل رغم انها لاتعادل الماكريل
سواء فى طعم او فى قيمة وسعرها نصف سعر الماكريل تقريبا
والسمكة دى اسمها " شك الزور " او زى مابيطلق عليها اختصارا " شك "
فى الصورة حطينا لحضراتكم على اليمين سمكة ماكريل وهنلاحظ فيها الاتى
اولا : كونها نحيفة القوام
ثانيا : صغر حجم العين
ثالثا : ويمكن ده اهم اختلاف وهو لون السمكة الداكن وخاصة فى منطقة ظهر السمكة وهنلاحظ
ان الخطوط اللى بتغطى ظهر السمكة محددة وظاهرة
اللى على الشمال سمكة "شك"
وبنلاحظ فيها
* جسم السمكة ممتلىء وخاصة منطقة بطن السمكة
* كبر حجم العين
* لون السمكة الفاتح وهنلاحظ ان الخطوط اللى فى منطقة الظهر تكاد تكون غير واضحة ولابد من التدقيق لرؤيتها
شكرا لحضراتكم
دمتم بخير
https://up.kntosa.com/uploads/kntosa.com_10_18_1539184668756714.png