طريقة عمل صينية الكرنب بالفرن , تسوية محشى الكرنب فى الفرن

[ام رونزا]

https://up.kntosa.com/uploads/kntosa.com_15_18_153962437672395.gif
https://up.kntosa.com/uploads/kntosa.com_11_19_1568214309111910.jpg (https://up.kntosa.com/)
عمرك جربتي تعملي المحشي في صينيه
احنا نسمع صينيه بطاطس وحله محشي مثلا يعني لكن صينيه محشي دي حاجه كده ميعرفهاش غير جيل العظماء
امبارح اتفاجأت وانا في السوق ان في كرنب وامبارح كان موسم بقي وكده فقلت لنفسي يابت لازم تبدعي النهارده بقي تعالوا اقولكم ابدعت ازاي
جبت كرنبايه وسلقتها ومتنسيش تحطي في ميه السلق كمون وياريت حصي وبلاش ملح علشان هايسوي الورق زياده عن اللزوم من غير ماتاخدي بالك ويتهري منك بعد الشر يعني ويادوبك نزلي الورق في الميه وشيليه علي طول في مصفي المكرونه واحده هاتقولي هايبقي لسه ني اه ياستي ماانا عارفه بس لما يتحط علي بعضه في المصفي هايحن علي بعضه يعني هايطري ويستوي وهو ماسك نفسه يارب تكوني فهمتيني ونعمل بقي الخلطه الجباره ٣بصلات مقطعين صغير جدا ونحطهم في زيت علي النار ولازم زيت في الاول علشان رز المحشي يبقي مفلفل وميعجنش ابدا حتي لو ميه المحشي زادت منك ويدي لمعه للمحشي وبعدين يدوب البصله تاخد لون خفيف انزل بالصلصله اشوحها مع البصل وانزل بعصير الطماطم المضروب في الخلاط مع قرن فلفل حامي وياخبر ابيض علي الريحه اول لما تغلي حاجه كده تخلي الكرش يصرخ وبعدين انزلي بملح وفلفل اسود وياسلام لو عندك بهارات هاله تحفه وعسل في المحشي وممكن رشه نعناع ناشف وكمون وشطه ونص معلقه صغيره سكر مهمه جدا ياسكر انتي اوعي تنسيها وبعد ما تغلي الصلصله كام غلوه اطفي عليها وانزلي بالارز المغسول ومصفي كويس وانزلي بالخضره المشكله واركنيهم بقي شويه لغايه لما نقطع الورق بيكون الارز طري جدا في الصلصله السخنه واتشرب منها ومن التوابل بتاعتها ياسلام ياسلام هو ده الكلام
ونحشي بقي ياقمر ونجيب صينيه ونرص فيها لغايه تلات تربعها بس ونيجي بقي للشوربه اي شوربه عندك وتحطي فيها معلقه صلصله وكزبره ناشفه وسيبيها تغلي وبعدين اسقي المحشي في الصينيه وعلي عين البوتاجاز وغطي الصينيه واول لما تغلي وطي النار خالص لغايه لما تستوي وريحتها تملي الشقه والشارع كمان
بعد كده هانحط معلقه سمنه علي الوش وياسلام بقي لو سمنه بلدي او زبده تبقي حاجه كده لوووز العنب
وتحت الشوايه سيكه بس مجرد ان الوش ياخد تحميره وطلعيها وشوفي المنظر هايغمي عليكي من جمالها وريحتها واراهنك ان العيله كلها هاتتخانق علي اول سطر في الصينيه اللي هو متحمر ده وبيدي قرمشه طعمه كده اه ياقلبي اه ياكرشي
اديها بقي ماترحميهاش
وبالف هنا لحبايب قلبي انا
https://up.kntosa.com/uploads/kntosa.com_11_19_156821430821941.jpg (https://up.kntosa.com/)
https://up.kntosa.com/uploads/kntosa.com_11_19_156821430823422.jpg (https://up.kntosa.com/)

https://up.kntosa.com/uploads/kntosa.com_11_19_156821430824693.jpg (https://up.kntosa.com/)

https://up.kntosa.com/uploads/kntosa.com_11_19_156821430826364.jpg (https://up.kntosa.com/)

https://up.kntosa.com/uploads/kntosa.com_11_19_156821430827625.jpg (https://up.kntosa.com/)

https://up.kntosa.com/uploads/kntosa.com_11_19_156821430828846.jpg (https://up.kntosa.com/)

https://up.kntosa.com/uploads/kntosa.com_11_19_15682143083317.jpg (https://up.kntosa.com/)

https://up.kntosa.com/uploads/kntosa.com_11_19_156821430906378.jpg (https://up.kntosa.com/)

https://up.kntosa.com/uploads/kntosa.com_11_19_156821430908619.jpg (https://up.kntosa.com/)

https://up.kntosa.com/uploads/kntosa.com_11_19_1568214309111910.jpg (https://up.kntosa.com/)

https://up.kntosa.com/uploads/kntosa.com_11_19_1568214309133711.jpg (https://up.kntosa.com/)

https://up.kntosa.com/uploads/kntosa.com_11_19_1568214309154612.jpg (https://up.kntosa.com/)

https://up.kntosa.com/uploads/kntosa.com_11_19_1568214309174513.jpg (https://up.kntosa.com/)
https://up.kntosa.com/uploads/kntosa.com_15_18_153962437673636.gif