المساعد الشخصي الرقمي

مشاهدة النسخة كاملة : [من مطبخي] طريقة عمل التورتة زى المحلات بالصور , تورته نصف فانيليا ونصف شوكولاته زي الحلواني خطوه بخطوه


سينا
09-13-2019, 08:24 PM
https://up.kntosa.com/uploads/kntosa.com_15_18_153962437665071.gif
السلام عليكم يا أهل ( منتدى كنتوسه )
تحياتي لكم جميعا أينما كنتم ...
عارفنى طبعا أحب الجاتوهات والحلويات ياجميلات..
تورتاية صغننة وبتكلفة قريبة بالمقارنة بالجاهز

https://up.kntosa.com/uploads/kntosa.com_13_19_156839817181710.jpg (https://up.kntosa.com/)

مقادير الكيك :
٣بيضات _كوبين ونصف دقيق _نصف كوب كاكاو _كوبين سكر _كوب الا ربع زيت _
كوب لبن _فانيليا _باكو بيكنج بودر _معلقة كبيرة خل _رشة ملح
الطريقة :
*فى الخلاط ...حنحط ..
البيض والفانيليا و السكر والزيت واللبن والخل ونضرب كويس قوى قوى ونضيف الكاكاو ونضرب تانى كويس قوى
*فى بولة غويطة ...حنحط الدقيق وعليه الملح والبيكنج بودر ونقلبهم كويس
*حننزل بخليط الخلاط على الدقيق ونقلب فى اتجاه واحد حتى يختفى الدقيق تماما
*متنسوش التركة اللى كنت قولت لكم عليها( ربع كوب ماية )
ننزل بيها ونقلب حتى يتجانس الخليط تماما
*هنا حنولع الفرن على (١٨٠)
*حنبطن صينية مقاس( ٢٦)بالزبدة والدقيق ....
أنا عندى حلة مقاس (٢٢)الومنيوم جوانبها عالية استعملتها (بعد ماشيلت اليدات بتاعتها )
*حانحط خليط الكيك ونهزها هزة خفيفة علشان الوش يتساوى
*حندخلها الفرن على الشبكة فى النصف على( ١٨٠)لمدة (١٠)دقايق
وبعدين ننزل بدرجة الحرارة (١٦٠)لمدة (٢٥:٣٠)دقيقة ...حنراقب من خلال زجاج الفرن ...
منفتحش قبل مرور (٣٠)دقيقة وبعد مانشم الريحة ...نفتح نختبر السوى لو استوت تمام نطفى ...
ماستوتش نوطى النار شوية ونسيبها خمس دقايق ونطفى ..
*خليها فى الفرن لغاية لما تبرد
طريقة الكريمة :
*فى بولة غويطة ...حنضرب كوب وربع كريم شانتيه خام ..ومعاه نصف كوب سكر مطحون ..
ومعاه تلات معالق كبار كاكاو خام (وممكن اضافة معلقة نسكافيه )...وكوب لبن ساقع جدا جدا ...
حيتكون عندنا الكريمة ..نحطها فى التلاجة
طريقة التزيين :
*بعد الكيكة ماتبرد تماما ...نقلبها ونقسمها تلات طبقات
*الطبقة اللى عالوش حنساويها ونشيل الجزء اللى( قب على السطح )
*حنبدأ نسقى كل طبقة بقليل من( الشربات الخفيف) ..أو بقليل من( السفن إب)
*وبين الطبقات نحط طبقة من الكريمة
*آخر طبقة من فوق حتكون الطبقة اللى كانت فى قاع الصينية
*غطى بقى الطبقات كلها بالكريمة ...واعملى وردات وزينى بكرات الشيكولاتة الكرسبى ...وأبدعى على ذوقك وبالمتاح
ملحوظة :
الجزء بقى اللى كان( قب على الوش )
عجنته بجزء من الكريمة وعملته وحدات كده زى الغريبة وحطيت عليه وحدات شيكولاتة ...جميل جدا
يارب تنال اعجابكم ....وأكون دايما أهلا لثقتكم
(وما توفيقى إلا بالله)
ملحوظة :
*عمرى ماستعملت دقيق اسبونج
*ماتسقيش الطبقات باللبن والسكر ...لان التورتة لو قعدت طعمها بيغير (من تجربة سابقة )
*الكوب اللى بعاير بيه فى الصور ...بيقولى أنا بقيت مشهور أكتر منك ونسى إن أنا السبب فى شهرته
ماشاء الله وبطريقة سهلة جدااا
https://up.kntosa.com/uploads/kntosa.com_13_19_156839817172323.jpg (https://up.kntosa.com/)

https://up.kntosa.com/uploads/kntosa.com_13_19_156839817179449.jpg (https://up.kntosa.com/)
شايفين الطبقات والإرتفاع
https://up.kntosa.com/uploads/kntosa.com_13_19_156839817177247.jpg (https://up.kntosa.com/)
ده الجزء اللى كان الوش شيلته الأول وعجنته بشوية من الكريمة وذوقته بالشيكولاتة الكرسبى
https://up.kntosa.com/uploads/kntosa.com_13_19_156839817169241.jpg (https://up.kntosa.com/)
الكيكة بعد ماستوت وقلبتها
https://up.kntosa.com/uploads/kntosa.com_13_19_156839817174715.jpg (https://up.kntosa.com/)
لما خرجت من الفرن وبردت شيلت الطبقة اللى على الوش(التشققات دى علامة للسوى )
https://up.kntosa.com/uploads/kntosa.com_13_19_156839817171132.jpg (https://up.kntosa.com/)
قسمتها تلات طبقات
https://up.kntosa.com/uploads/kntosa.com_13_19_1568398171852211.jpg (https://up.kntosa.com/)
لما خرجت من الفرن
https://up.kntosa.com/uploads/kntosa.com_13_19_156839817175836.jpg (https://up.kntosa.com/)
خليط الكيكة فى الحلة قبل الفرن
https://up.kntosa.com/uploads/kntosa.com_13_19_15683981717354.jpg (https://up.kntosa.com/)
حلة ألومنيوم شيلت اليدات بتاعتها وسديت مكانها بمسامير (غير قابلة للصدأ)
https://up.kntosa.com/uploads/kntosa.com_13_19_156839817178348.jpg (https://up.kntosa.com/)
الكوب اللى بعاير بيه
https://up.kntosa.com/uploads/kntosa.com_13_19_156839817188312.jpg (https://up.kntosa.com/)
التورتاية من جوة والطبقات ماشاء الله واضحة ...الصورة بالفلاش
https://up.kntosa.com/uploads/kntosa.com_13_19_156839817181710.jpg (https://up.kntosa.com/)
https://up.kntosa.com/uploads/kntosa.com_15_18_153962437668612.gif