منتدى كنتوسه - طريقة عمل اسياخ الشيش طاووق, ازاى اسوى الشيش طاووق,طريقة شيش طاووق لذيذ,مكونات الشيش طاووق

https://up.kntosa.com/uploads/kntosa...8842278335.gif
بسم الله
ونصلي علي رسول الله
هنعمل شيش طاووق بطريقة ولا اروع من كده.
برغم من التفاعل دعييييييف بس مش خسارة فيكم ...
الشيش طاووق بالتتبيلة السرية ولا اروع

دا بقا ربع رز وربع صدوور فراخ ونقول يارب بارك
كنت جايبه نص صدور ونص رز بسمتي عشان احنا اتنين قسمته .....
بحب التنوع في الأكل مش لازم تعملي الأكل التقليدي تسلقي الفراخ وتحمريها وخلاص غيري

كل مرة وهيا نفس الحجات اللي بتجبيها بس اعمليها بشكل مختلف اكسري الروتين اليومي وفرحي ولادك بأكله حلوة ......
قطعت الفراخ مكعبات وتبلتها بتوم وبصل بودره وبابريكا ورشه كاري وكركم وزعتر و زبادي ولمون

وسبيها في التتبيله وممكن تجيبي البهارات الجاهزة للشيش طاووق .. ..
عملت الرز الاول غليت ميه وحطيتها بالرز وسبته نص ساعه .....
صفرت بصله عالنار ونزلت عليها كركم وكاري وزنجبيل ووحدتين قرنفل ولورا.

ورشه قرفه وحطيت ميه وسبتها غلت شويه ونزلت الرز بعد ماغسلته ولما اتشرب وطيت النار السوا العادي تمام .....
وفي العيدان الخشب حطي الفراخ وفلفل الوان وممكن اخضر بس لو مش عندك اصفر واحمر ..

وطماطم وبصل وفي طاسه سخنه مع شويه زيت نزلي الشيش وقلبيه علي كل جنب عشان يستوي من كل ناحيه ...
وبالهنا الناس اللي بتتفرج في صمت

السلام عليكم ...ودمتم مقلبظين.

وشكرا للتفاعل الدعييييف
https://up.kntosa.com/uploads/kntosa...4407524651.jpg
https://up.kntosa.com/uploads/kntosa...4075250182.jpg
https://up.kntosa.com/uploads/kntosa...4075251953.jpg

https://up.kntosa.com/uploads/kntosa...8842280026.gif