منتدى كنتوسه - اسهل طريقة عمل عجينة السيراميك،مكونات عجينة السيراميك،استفسارات عن مكونات عجينة السيراميك

عجينة السيراميك ممكن تعملوها للولاد بالبيت ينفذو منها مجسمات وأشكال
ومن مميزاتها ان الشكل بيجف ويتحجر وأعمالهم هتكون دائمه يقدور يلعبو بها وقت طويل.
طريقة عمل عجينة السيراميك للاعمال الفنيه
طريقه عمل عجينة السيراميك على البارد للاطفال بطريقة سهله وسريعه :
مكونات عجينة السيراميك
كوب نشا
كوب غراء أبيض والأفضل ماركة ( بنتا)
معلقه جلسرين سائل
معلقه ك فازلين او اي نوع كريم
معلقه زيت بيبي اويل.
طريقة عمل عجينة السيراميك
تخلط المكونات مع بعض بملعقه كويس بإناء يفضل يكون زجاج ثم تدهن اليد فازلين وكملي عجن المكونات.
*(يفضل اضافه معلقه زيت برافين اذا توفر.)
*يضاف العجينه الوان اكريلك او الوان زيت او جواش او الوان طعام.
تغلف كويس جداا داخل كيس بلاستك.
وبعد التشكيل تترك الأشكال تجف على اسفنج او مناديل مطبخ سميكه ..
وممكن تتحكمي في قوام العجينه بزياده او تقليل نسبه النشا او الغراء لان نوع الغراء بيختلف قوامه من ماركه التانيه.
///////////////////////////////////////////////
بسم الله..
اجابة لأسئلة واستفسارات عن مكونات عجينة السيراميك ..
وسبب ظهور ديفوهات بعد تشكيل العجينة .. الموضوع كله أساسه العجينة نفسها ..
لو اتعملت بطريقة مناسبه من البدايه هنتجنب اكتر المشاكل ال بتظهر بعد كده ..
في طرق كتير لتنفيذ العجينة منها البسيط جداا ومنها بيحتاج مكونات اكتر ..
وخلال سنين من استخدامي لها جربت طرق كتير واستفدت كتير من عمل سيرش باكتر من لغة
والنتيجه كانت الطريقة ال بنتج من خلالها اعمالي الفنيه والحمد لله من فضل ربنا..
ابتكرت منها مجسمات جديده وافكار مختلفة لم تنفذ قبل كده.
فالعبرة بالتميز والعالم ليس بحاجه لمزيد من النسخ .
..........
اي حد يحب يعمل مشروع من عجينة السيراميك ..فلازم يستخدم عجينة جودتها عاليه علشان تناسب مستوي التسويق ..
ودلوقت هشرح طريقتي في عمل عجينة السيراميك بجوده عاليه ..ودي كانت خلاصة خبرتي وأسراري في عمل العجينة..
(الشرح مع كل صورة )
#طريقة_عمل_عجينة_السيراميك
مكونات عجينة السيراميك(بجودة عالية ):
*كوب نشا
*كوب غراء ابيض (افضل نوع حاليا هو غراء بنتا ) وبحذر ان في انواع تانيه سيئة فياريت نستخدم النوع ده افضل.
*معلقة جلسرين سائل
*معلقة زيت برافين
*كريم لليدين .
*معلقة زيت اطفال بيبي اويل.
* معلقة صغيرة فازلين طبي.
والمكون الاخير هو مكون غير تقليدي لكنه هو سر جوده عجينة السيراميك عند الاجانب
(او بديل لمادة مش متوفره في مصر )
*معلقة كبيرة شمع خام مبشور .( متوفر في محلات العطارة )
https://up.kntosa.com/uploads/kntosa...4181314774.jpg
هنجهز مقلايه تيفال علي نار هادئة ونضيف المكونات بداية من النشا
https://up.kntosa.com/uploads/kntosa...4181321358.jpg
بعد كده كوب الغراء ولازم يكون معيار الغراء والنشا واحد (نفس الكوب )
https://up.kntosa.com/uploads/kntosa...4181352114.jpg
نضيف الجلسرين و زيت البرافين ( معقله اكل )
https://up.kntosa.com/uploads/kntosa...1813365211.jpg
نضيف بيبي اويل
https://up.kntosa.com/uploads/kntosa...1813318810.jpg
واخيرا الشمع المبشور مع معلقة فزلين صغيره ونبدأ نقلب كويس
https://up.kntosa.com/uploads/kntosa...4181326289.jpg
ده شكل الشمع الخام قبل ما يتبشر
https://up.kntosa.com/uploads/kntosa...4181316245.jpg
وممكن استخدام ده عادى

https://up.kntosa.com/uploads/kntosa...4222233061.jpg

لازم نخلي بالنا ان الحرارة لو كانت عاليه هتكون طبقة سميكه من العجينة ..
فنقلب دايما من تحت ل فوق

https://up.kntosa.com/uploads/kntosa...4181311552.jpg
نلاحظ خلال 5 دقايق ان العجينة بدأت تتكون واهم دليل انها عجينة مظبوطه انها تبدأ تتكور بدون ما تلصق في المقلايه ..
(بمعني أوضح المقلايه هتكون نضيفه من العجينة ومش هيكون في اي بقايا لاصقه فيها )
https://up.kntosa.com/uploads/kntosa...4181313183.jpg
هنا دور المعلقة هينتهي .. وانا بفضل اكمل عجن العجينة بايدي في المقلايه وهي لسه علي نار هاديه

بعد ما استخدم جونتي مطبخ (مبطن مش بيوصل الحرارة
https://up.kntosa.com/uploads/kntosa...4181319747.jpg
https://up.kntosa.com/uploads/kntosa...4181317876.jpg
العجينة كده جاهزة تترفع من المقلايه .. متماسكه (ومش لينه ولا صلبه والمقلايه بقت نضيفه )
https://up.kntosa.com/uploads/kntosa...4181309551.jpg
آخر خطوة ضرووووري جداا نكمل عجن عجينة السيراميك علي رخامة المطبخ لمده 5 دقايق كمان ..
طبعا الجونتي بيساعدني لان العجينة لسه سخنه لكن لو مش متوفر ..

يبقي نغلف العجينة كويس جدا في بلاستك فويل او كيس من البلاستيك لمده 10 دقائق لحد ما تبرد ..
ونبدأ نعجنها كويس علي الرخامه ..
https://up.kntosa.com/uploads/kntosa...1813559215.jpg
بتعيش لشهر او اكتر بكتير ..
وممكن اي نوع شمع يكون صافي بدون شوائب فيه
https://up.kntosa.com/uploads/kntosa...1813480513.jpg
كده انتهينا من تجهيز العجينة .. نغلفها كويس جداا ببلاستيك فويل بعد دهنها كويس بالكريم او الفازلين ..
وزيادة تأكيد علشان نعزل عنها الهواء نهائي .. ندخلها كيس بلاستك ونقفله كويس ..
لان الهواء هيسبب انها تنشف ومش هنقدر نستخدمها ..
ونقدر نستخدم العجينة بعد ساعتين او 3 ساعات ..
اتمني يكون الشرح واضح .. وهستني نتائج تجاربكم
ويارب بالتوفيق
https://up.kntosa.com/uploads/kntosa...1813422512.jpg
آخر خطوة ضرووووري جداا نكمل عجن عجينة السيراميك علي رخامة المطبخ لمده 5 دقايق كمان ..
طبعا الجونتي بيساعدني لان العجينة لسه سخنه لكن لو مش متوفر ..
يبقي نغلف العجينة كويس جدا في بلاستك فويل او كيس من البلاستيك لمده 10 دقائق لحد ما تبرد ..
ونبدأ نعجنها كويس علي الرخامه ..
ممكن تلوين العجينه زى ما تحبى
https://up.kntosa.com/uploads/kntosa...4285816961.jpg