منتدى كنتوسه - طريقة عمل العجة بالبيض والبقدونس بالفرن,عجة البيض بالبقدونس بالفرن سهلة واقتصادية

https://up.kntosa.com/uploads/kntosa...8842290749.gif
صينية عجة بالفرن مع سلطة خضرا وبطاطس محمرة وبادنجان مقلى

https://up.kntosa.com/uploads/kntosa...9090931362.jpg
مقادير العجة
5 بيضات و بصله كبيرة مقطعة رفيع وحبة طماطم كبيرة

وحزمة بقدونس او نص حزمة لو كبيرة
و5 معالق دقيق او على حسب ما تكون العجينة شبه قوام الكيك كدا
وطبعا فلفة رومى او قرن فلفل مش حراق وملح وفلفل وكمون ومعلقة صغيرة بيكنج بودر
لانه بيخليها هشة وجميلة

الطريقة

اولا نقطع البصلة صغير ونقطع الطماطم والبقدونس والفلفل كل حاجة فى طبق لوحدها
نحمر البصلة فى معلقة زيت لحد ما تقرب تصفر ونضيف الفلفل بعده بدقيقة الطماطم ونقلب لحد ما يدبلوا ونحط البقدونس
ونطفى النار وطبعا الملح والفل والكمون على حسب الرغبة بنضيفهم مع الطماطم فى الاول
نطفى باءة ونسيبه يبرد خالص وفى اثناء ما يبرد بنجيب طبق غويط ونحط فيه البيض ونضربه بالمضرب كويس
مع ملح وفلفل ونضيف الدقيق معلقة معلقة ونضرب اوى لحد ما يخلص المقدار ونضيف الخليط اللى جهزناه

وبردناه ونخلطهم مع بعض وبعدين نجيب صينية اصغر مقاس اللى هى اخر العنقود
فى الطقم مقاس 20 ونبطنها بالزيت والدقيق ونضيف المقدار ونهز الصينية وعلى الفرن عدل

ومش بتاخد وقت يعتى من 15 الى 20 دقيقة ونختبر نضجها باننا ندخل فى قلبها سكين
لو طلعت ناشفة تبقى استوت

وبنقدم معاها طبق سلطة خضرا وبطاطس محمرة وبادنجان مقلى بالخل والتوم والف هنا .
https://up.kntosa.com/uploads/kntosa...9090928731.jpghttps://up.kntosa.com/uploads/kntosa...8422921610.gif