منتدى كنتوسه - [من مطبخي] كيفيه عمل كفته الحاتي بالخطوات،النهارده جبتلك طريقه كفته الحاتى الاصليه بالتتبيله السريه بالصور

https://up.kntosa.com/uploads/kntosa...6051256211.gif
السلام عليكم يا أهل( منتدى كنتوسه)
تحياتى لكم جميعا أينما كنتم ....
الحمد لله خلصتوا الإمتحانات وخدتوا الأجازة نشوف بقى تفاعل حلو كده يورينى محبتكم علشان أتشحن طاقة إيجابية
وكمان مرة كفتة الحاتى بتاعتى (وبتركاتى)... الحمد لله صنف مميز جدا ...وحصريا معايا ...
https://up.kntosa.com/uploads/kntosa...6154634928.jpg
وبفضل الله كل اللى جربها عجبته جدا ..
.بأنزل وصفتها تانى لكل اللى متابعنى وطلب منى أعيد وصفاتى ..
وكمان لأعضاء المنتدى الجداد وفعلا اللى مجربهاش لازم يجربها ...دى خلاصة تجارب كتييير .
المقادير :
كيلو لحمة مفرومة بها نسبة من الدهن
(يفضل مفرومة وشين علشان تبقى ناعمة )
_بصلة متوسطة مفرومة _بيضة _ ٣معالق كبار دقيق _معلقة كبيرة دبس رومان
_ملح _فلفل اسود _بهارات كفتة (من عند العطار )
أو بهارات مشكلة _معلقة خل _نصف معلقة سكر _كيس بيكنج بودر
الطريقة :
*حنسيب اللحمة على جنب شوية ....
ونضيف كل المكونات اللى عندى على بعضها وندعكها كويس لغاية لما كل حاجة تختلط وتتجانس ....
نضيف بقى اللحمة ونعجن كويس قوى قوى قوى ..وممكن نديها خلطة فى الكبة لتمام تجانس المكونات .
*حنحضر صينية مدهونة زيت خفيف ...
ويكون معانا طبق فيه شوية ماية من الحنفية وعليها معلقتين زيت ونصف معلقة سكر(غير اللى فى المقادير) ....
ونبدأ نصبع الكفتة على سيخ ونشكلها على السيخ( بإيدينا المبللة بالماء اللى فى الطبق )
وبعدين نسحب الكفتة بالراحة ونرص فى الصينية لغاية لما نخلص نسيبها فى التلاجة
ونسويها قبل ميعاد الغداء بنصف ساعة
*حندخلها الفرن على الشبكة فى نصف الفرن على درجة حرارة (٢٣٠)
بتاخد حوالى( ٢٥:٣٠ ) ونخرجها على فرشة بقدونس ...
وممكن نحطها فى حلة ونضيف فحمة ونطفيها بنقطة زيت للحصول على ريحة الشوى ...
وللأمانة موضوع الفحمة ده عرفت إنه مش صحى ..فأنا مش بأعمله
*ممكن فى الآخر أحتاج أفتح الشواية عليها يادوب خمس دقايق مش أكتر علشان الوش يآخد لون
حنلاحظ:
*الطريقة دى مش بحتاج اصفى البصل وأخد التفل بس
*الدقيق بيمتص أى سوائل فى الكفتة ومع البيكنج بودر بتكون الكفتة (جوسى) ومش بتكش خالص ...
*ودرجة الحرارة العالية بتسوى الكفتة بسرعة من غير ماتنشف
ومش بتدى فرصة ان الكفتة ينزل منها أى سوائل
*السكر والخل فى الكفتة بيساعدوا على سرعة تسوية اللحم ..
فالكفتة ماتنشفش...والخل بيمنع زفارة البيضة اللى طعمها مش بيبان خااالص ...
*البيضة عامل ربط وتماسك وطعمها مش بيبان خااالص
*طبعا ممكن نصبع الكفتة على (عيدان الشيش طاووق ) ونرصها على الشبكة فى الفرن على طول
ونغطى الصاجة تحتها بالفويل (علشان الفرن يفضل نضيف) بس الطريقة دى أسهل ومافيش دخان خااالص
*ولهواة الشوى على الفحم ...الطريقة حلوة قوى ومش حتقع من على السيخ
*كل مكون فى الخلطة أنا قولت سبب إضافته
*بديل دبس الرمان معلقة صغيرة عسل أبيض
الكفتة على طريقتى( وبتريكاتى) ..يارب تعجبكم ..والف هنا وشفا ..
جربوها .وعايزة أعرف رأيكم..(وما توفيقى إلا بالله )
تعالو نشوف الصور بقا بالطريقة وحصرياا
طريقة التصبيع على السيخ ورصها فى الصينية
https://up.kntosa.com/uploads/kntosa...6154619231.jpg
مرصوصة فى الصينية
https://up.kntosa.com/uploads/kntosa...6154622412.jpg
فى الفرن على الشبكة
الكمية دى زيادة عن كيلو شوية
https://up.kntosa.com/uploads/kntosa...6154624023.jpg
شكل جميل وطعم شهى وريحة ولا أروع
https://up.kntosa.com/uploads/kntosa...6154625564.jpg
ماشاء الله الصورة بتنطق
https://up.kntosa.com/uploads/kntosa...6154629675.jpg
https://up.kntosa.com/uploads/kntosa...6154631386.jpg
https://up.kntosa.com/uploads/kntosa...6154633297.jpg
https://up.kntosa.com/uploads/kntosa...6154634928.jpg
https://up.kntosa.com/uploads/kntosa...6154636499.jpg
https://up.kntosa.com/uploads/kntosa...6051257692.gif