منتدى كنتوسه - طريقة عمل الكنافة بالكاسترد بالخطوات والصور

الكنافه وجمال الكنافه وحلاوه الكنافه الله ايه الطعم ده
طريقة عمل كنافة بالكاسترد روعة بالصور
https://up.kntosa.com/uploads/kntosa...7077728012.jpg
كان عندي في الفريزر نص كيلو كنافه ومكسله اعملها.
النهارده قولت مبديهاش بقي لازم تتعمل
قمت مطلعاها ضرباها في الكبه فرمتها وبعدين صينيه كبيره
ونزلت فيها بخمس مكعبات زبده ومعلقه زيت وحمرتها خفيف سبتها تهدي
وكنت مجهزه الكريمه بتاعتها او الكاسترد الرهيب باضافتي حاجات فيه :
معلقتين نشا كبار وثلاث معالق كاسترد نحط الكاسترد علي النشا وفي شويه لبن بارد في كوبايه وندوبهم
رفعت حله علي النار فيها كوبايتين لبن وعليهم كوبايه سكر ومعلقتين كبار كريم شانتيه ومعلقتين كبار لبن بودره
ونزلت بالنشا والكاسترد المدوب وفانيليا ومعلقه قشطه اللبن وقلبتهم بالمضرب كويس لحد ما لف وبقي كاسترد
لاتقيل ولا خفيف حلو كده خطيير .
جبت صينيه دهنتها سمنه ونزلت بنص الكنافه وزعتها كويس ونزلت عليها بمهلبيه الكاسترد
وفوقها النص الثاني من الكنافه ودخلتها فرن سخن حراره180لمده نصف ساعه
اتحمرت من تحت شغلت الشوايه مع الفرن ولما طلعت سقتها بشربات دافئ وغطتها عشر دقايق ..
https://up.kntosa.com/uploads/kntosa...7077732065.jpg
الشربات :
كوبايه ونصف كبيره سكر عليها كوبايه ونص كبيره ميه يغلي ندي عصره ليمونه وفانيليا
وربع معلقه سمنه بتدي لمعه وطعم للكنافه وبالهنا...
https://up.kntosa.com/uploads/kntosa...7077730534.jpg

https://up.kntosa.com/uploads/kntosa...7077726131.jpg

https://up.kntosa.com/uploads/kntosa...7077728012.jpg

https://up.kntosa.com/uploads/kntosa...7077729293.jpg