منتدى كنتوسه - طريقة عمل بسكويت النشادر بالصور،بسكويت النشادر منتدى كنتوسه،مقادير بسكويت النشادر،طريقة عمل البسكويت

https://up.kntosa.com/uploads/kntosa...2437665071.gif
السلام عليكم يا( منتدى كنتوسه )...
طبعا ماينفعش الموضوع ده مايترفعش علشان الكل يشوفه
تحياتى لكم جميعا أينما كنتم ...
كنت ناوية النهاردة أنزل وصفة تانية خاالص....لكن بعد البتيفور والكحك إتسألت كتييير عن بسكويت النشادر
https://up.kntosa.com/uploads/kntosa...1461254271.jpg
(وكنت عايزة أعمل مفاجأة ...بس أجلتها بقى للمرة الجاية)..
الوصفة ماشاء الله ناجحة ومظبوطة ونتيجتها مبهرة بفضل الله ....
ونتيجة لنجاحها نقلها الكثير بالشرح والصور على صفحاتهم الشخصية
المقادير:
كيلو دقيق / ٤يضات/ كوب سمنة/ ربع كوب زيت/ كوبين ونصف سكر مطحون ناعم جدا
/ فانيليا/ معلقة صغيرة بيكنج بودر/ معلقة كبيرة نشادر / ربع كوب لبن دافى بسيط/ رشة ملح
الطريقة :
*فى وعاء غويط حنضرب السمن مع السكر بالمضرب حتى يصبح الخليط كريمى ...
ثم نضيف البيض ومعه الفانيليا ....ونضيف البيكنج بودر .ونستمر فى الضرب
*ندوب النشادر فى اللبن الدافى (الفاتر)ونقلبه كويس بمعلقة خشب (حنلاحظ فوران)
ويتم اضافته الى الخليط السابق ونستمر فى الضرب الى أن يمتزج الجميع جيدا...
*حنحضر الدقيق المنخول المضاف اليه رشة ملح ....
ونضيفه الى الخليط السابق ونعجن كويس باضافة ربع كوب الزيت (العجينة يابسة الى حد ما)مش بتلزق فى الايد خالص...
*مهم قوى العجينة ترتاح ساعة علشان تديكى النقشة الحلوة دى (تريكة مهمة جدا)
*حنستعمل المفرمة فى تشكيل البسكويت
*حنرص فى صينية مدهونة زيت خفيف قوى علشان البسكويت مايفرش منك ونسيب فراغات
*حندخل الفرن على الشبكة فى وسط الفرن ونخبز على ١٨٠
*بياخد حوالى من١٠:١٢ دقيقة ونلاحظ كويس اول مايحمر من الحروف
بنعلى الشبكة لأعلى الفرن درجة واحدة ...يادوب الوش ياخد لون دهبى
نطلعه يتهوى كويس والف هنا وشفا
*طبعا هو ممكن يتعمل بمفرمة اللحمة بتاعة زمان اللى كنا بنركب ليها وش البسكويت و اللى كنا بنلفها بإيدينا ....
وممكن يتعمل بماكينة البيتيفور بيكون معاها نفس الوش ده
*والجديد بقى والأسهل مفرمة اللحمة اللى بالكهرباء ..
اشتريت ليها وش وبركبه عليها وأعمله بيها ....أسهل طبعا وأسرع
*حبايبى الكوب المستخدم فى المقادير بيكون مج واحد فى المقاس وهو المج اللى بيعمل من كيلو الدقيق (٨)أكواب..
*البسكويت بعد مايتهوى بيتخزن بحفظه فى حلة محكمة الغلق(استانلس)
علشان مايمتصش بخار ماء من الجو ويطرى ...مهم جدا علشان تحافظى على طعم البسكوتة المقرمش
*بفضل الله ..أى حاجة بأنزلها باكون متأكدة من مقاديرها وبكتب كل (تركاتها )
بهدف الافادة وتوفير التجارب على الآخرين ....كل أملى الحاجة تظبط معاكم وتفتكرونى بدعوة بظهر الغيب
....تحياتى لكم(وما توفيقى إلا بالله)
ملحوظة :
*النشادر مش هى النشا...النشادر هى البودرة اللى ليها ريحة نفاذة بنشتريها من العطار ...بتخلى البسكويت هاش
*النشادر اسمها فى البلاد العربية ..أمونيا
*الوش بنشترى وش مفرمة لحمة عادية يدوى ونوديه لحداد يظبطه على مقاس المكنة الكهرباء ...
بيحتاج يتقص داير مايدور
*كل حاجة متعلقة بالوصفة فى الصور
*الصور لكذا مرة اتنفذت فيها الوصفة والنتيجة ماشاء الله واحدة
*العجينة دى لا تصلح لكيس الحلوانى علشان تقيلة
*أفضل حاجة للخبيز الصوانى الألومنيوم ...وبأكد على كده ...التيفال بيلسع الحاجة قبل ماتستوى
*ممكن نكتفى بكوبين سكر للى متعود على الحاجة (دلعة )بس هو طعمه مظبوط جدا
*وش الماكنة غالبا بيتباع عند رنين أو محلات بيع الأدوات المنزلية
https://up.kntosa.com/uploads/kntosa...1404065761.jpg
https://up.kntosa.com/uploads/kntosa...1404067522.jpg
https://up.kntosa.com/uploads/kntosa...1404068783.jpg
https://up.kntosa.com/uploads/kntosa...1404070284.jpg
https://up.kntosa.com/uploads/kntosa...1404071845.jpg
https://up.kntosa.com/uploads/kntosa...1404073436.jpg
https://up.kntosa.com/uploads/kntosa...1404074837.jpg
https://up.kntosa.com/uploads/kntosa...1404076428.jpg
https://up.kntosa.com/uploads/kntosa...1404077969.jpg
https://up.kntosa.com/uploads/kntosa...4040795410.jpg
https://up.kntosa.com/uploads/kntosa...4040810711.jpg
https://up.kntosa.com/uploads/kntosa...4040825712.jpg
https://up.kntosa.com/uploads/kntosa...4040841713.jpg
https://up.kntosa.com/uploads/kntosa...4040857514.jpg
https://up.kntosa.com/uploads/kntosa...4040872715.jpg
https://up.kntosa.com/uploads/kntosa...1461254271.jpg
https://up.kntosa.com/uploads/kntosa...1461256132.jpg
https://up.kntosa.com/uploads/kntosa...1461257453.jpg

https://up.kntosa.com/uploads/kntosa...2437668612.gif