منتدى كنتوسه - طريقة عمل رز السمك المقلى,طريقة عمل رز السمك زى المطاعم,سمك مقلى او بانيه مع رز سمك وسلطه

https://up.kntosa.com/uploads/kntosa...8422964511.gif
اكله اليوم
طريقة عمل ارز السمك البني بالصور

https://up.kntosa.com/uploads/kntosa...9247789661.jpg
سمك مقلى او بانيه مع رز سمك وسلطه وبصل وبعده لبان علشان الريحه هههههههه
وطبعا السمك مش مكلف زى اللحمه والفراخ واهو نفرح العيال
المقادير(للسمك)
اى نوع سمك تحبيه
وملح وفلفل وكمون وثوم حسب الرغبه
وخل وليمون وشطه حسب الرغبه بردو
ودقيق وزيت وممكن بقسماط كرفس للزينه
الارز
ارز مصرى او بسمتى
بصله متوسطه او حسب كميه الارز
بهارات(كركم فلفل كزبره ) ملح
https://up.kntosa.com/uploads/kntosa...9247790782.jpg

الطريقه
اولا تمسكى السمك تنضفيه كويس جدا من الى فى بطنه وكمان تشيلى القشر من عليه والراس والزى منه مفهوم طبعا
وتغسليه بطريقتك دقيق ماشى خل ماشى ملح ليمون كله ماشى
وبعدين تجيبى طبق تحطي فيه ا البهارات والخل واليمون والملح
وبعدين تتبلى السمك من جوا ومن برا
وعلى فكرة انا بعمل نفس التتبيله للسمك البانيه
وتسبيه كده كام ساعه وتعملى شغلانه تانيه اه يعنى متعمليهاش حجه وتقعدى على كنتوسه ههههههههههههه(زىى يعنى)
وبعدين تحطى الزيت وتقليه بالنسبه للسمك الفليه انا بعلى النار اما السمك العادى بهديها علشان يستوي كويس
نيجى للرز
هتمسكى البصل تخرطيها اما متوسطه او انصاف دواير انت وراحتك
وبعدين تحطيها فى الزيت وممكن معاها معلقه سمنه واول ما تبتدى تصفر تهدى النار لحد ما يكون لونها بنى
مش اسود خلى بالك لتتحرق وتبوظ طعم الرز
وبعدين انا غليت ميه الرز عقبال ما ال بصل اتحمرت وكل كوب رز مصرى كوب وربع ميه
وبعدين حطيت الميه المغليه وفيها الكركم والمملح والفلفل وسقط الرز الى طبعا اتغسل واتنقع
وولما ينشف الرز نهدى عليه ولما يستوى
بالهنا والشفا .
https://up.kntosa.com/uploads/kntosa...9247792283.jpghttps://up.kntosa.com/uploads/kntosa...8422976312.gif