منتدى كنتوسه - [من مطبخي] رز باللبن بالسحلب احلى من المحلات

السلام عليكم

الرز بلبن بالسحلب
https://up.kntosa.com/uploads/kntosa...5231217931.jpg

كنت عاوزه اشرب سحلب واكل رز بلبن فقولت ليه مخترعش اختراع جديد
بصراحه اخترعته وطلع حلو جدا جدا الحمدلله
المقادير :
كيلو لبن حليب بقشطته
كوب رز
فانيليا
معلقتين سحلب
معلقتين نشا
اربع معالق سكر
كوبايه ونص مايه
معلقه جوز هند
معلقه سمنه
الطريقه :
اول حاجه طحنت الرز بعد ما غسلته في طحانه الخلاط نص طحنه كده
وحطيت الميه تغلى
وبعدها حطيت عليها الرز
وجبت ربع كوبايه ميه دوبت فيها باقى الحاجه كلها
ووطيت عالرز لما غلى وبعدين نزلت بنص اللبن وقلبت لما الرز دخل فالسوا

واستنيت دقيقتين وبعدين نزلت بالمكونات اللى دوبتها عليه
وقلبت ونزلت بباقى اللبن ودققتين تلاته وقفلت وبعدين غرفت
ملحوظه *
عمل حوالى عشر اطباق مليانين
ممكن لو معندكيش الحاجه دى تستغنى عن كذا حاجه زى الفانيليا او السحلب او الجوز هند
بالف هنا
https://up.kntosa.com/uploads/kntosa...5231220042.jpg