كلمات قصيدة وحشتيني بقلمي
- وحشتينى https://up.kntosa.com/uploads/kntosa...4678912321.jpg - قولت اجى اسئل عليكى ، انتى مش بتسئلي - لسه حلوه وبتتكسفي تبينى سنانك ف الصور - مالك مش بتردى ليه ! = عاوزه اقابلك - بجد ! أول مره تطلبي مني كدا !! = مانا بقيت أعمل حاجات ماكنتش بعملها ، المهم هنتقابل امتى وفين - انا مستغرب بس ماشى هحدد وابعتلك - ازيك ! وحشتينى حقيقي ! ولسه بتتكسفي تمدى ايدك الاول ف السلام زى زمان ؟؟ = اقعد - !!! = أنت عاوز ايه ! - انتى اللى طلبتي تقابلينى ! = ايوه عشان أسئلك عاوز ايه ! - يعنى ايه عاوز ايه ! = رجعت تكلمنى وبتقولي وحشتيني ليه ! - لأنك وحشتيني فعلا .. = مرض ، أنت مرض يابني - بتقولي ايه ! وبعدين إسمها مريض ! = لا انت مرض ! وأنا اللى كنت مريضه مش انت = يعني إيه تسبني فتره وترجع تقولي وحشتيني ! ف الأول كنت بقول معلش يمكن مشغول جايز عايز يهدا مع نفسه ، لكن أكتشفت الحقيقه ، انت بتجيلي وقت إحتياجك بس ! بتجيلي وقت ماتعوز حد يقف جنبك يحسسك إنك محبوب ! بتحتاجني كـ مكمل غذائي وجوده بيحسسك إنك كامل ،، وأنا مش جايه أديلك من غير ما أخد ! ماينفعش أفضل أفني طاقتي معاك من غير ماتدينى بديل أشحن طاقتي من تاني ،، أنت فضتني وجاي تاني عشان تنهي عليا فاكرني لسه هبله وبصدق !! = فتره كبيره عدت و أنا بحاول أتعافي منك بحاول أخف من مرضك ! بحاول أخرج كل خلايا حبك اللى إتملكت ع خلايا جسمى أنت مشيت واللى سبته جوايا منك كان متسلط ع كل حياتى بيمنعنى من ممارسه حياه طبيعيه وكأن من بعدك لازم تتوقف الحياه عنى أنت مشيت وأنا بقيت مريضه بيك ومش عارفه أخف منك ! ذكرياتك بتنهش ف أغشيه دماغي وبتقطع أوردة قلبي كل ليله !! عندى رغبه ع التشافي بس مش قادره عليه ! اللى سبته فيا كان أكبر من انى أخف منه كان بيمنعنى عن كل حاجه وقبل ماأعمل اي حاجه يفكرنى بيك وكأنه بيقولي ماينفعش تعيشى بعد ماسابك اقعدى موتى ع ذكرى رحيله ! = وجاى دلوقت بعد ماابتديت أشد حيلى واستأصل كل اللى ف حياتى منك وألغيه من قدام عنيا وتفكيرى تفكرنى بيك وتقولي وحشتينى !! = أنت عارف أنت راجعلي ليه ! أنت حسيت أني بدأت أتجاهلك وأني قدرت أخف منك جاي تحطلي بنزين ع نار لهيبها أنطفى جوايا !! = مستنينى أتعافي منك عشان ترجع اللى منك فيا عشان اعيا بنفس المرض مرتين وتجبلي نكسه ! = لعبه سخيفه بتلعبها عليا كل شويه وتعشمنى اننا ممكن نرجع ،، شيطان لابسك بيحس بمتعه وبيتلذذ وهو شايف روحي متشعبطه فيك = أنا جيباك عشان أشكرك لولا قساوتك و تجاهلك و إنعدام إنسانيتك كنت هفضل سذاجه بصدق ف الحب و بقول حاضر وشايفه الدنيا بمبي وسبته ومشيت وأنا حاسه ب إنتصار رهيب إني كشفته قصاد نفسه و إني رفضت رجعوه * مش لازم كل المرات تساير قلبك و تمشي ع كيفه * ، جايز أكون لسه بشتاقله لكن ملعون الحب اللي يزلنى ويخلينى تحت رحمه كلمه منه ... |
رد: كلمات قصيدة وحشتيني بقلمي
جزاكى ربى كل خير
|
الساعة الآن 04:57 AM |
Powered by vBulletin® Version 3.8.11 Beta 4
Copyright ©2000 - 2024, vBulletin Solutions Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd.