منتدى كنتوسه

منتدى كنتوسه (https://vb.kntosa.com/index.php)
-   بنك المعرفة (https://vb.kntosa.com/forumdisplay.php?f=116)
-   -   هذا الراجل علمني درس مهم جدا للعمر من حكايات دكتور مصطفى محمود (https://vb.kntosa.com/showthread.php?t=18049)

أسيا 07-28-2021 01:08 AM

هذا الراجل علمني درس مهم جدا للعمر من حكايات دكتور مصطفى محمود
 
ايه رايكم ..قرأت لكم
كان فيه راجل بيبيع جرايد جنب حديقة الحيونات بالجيزه

https://up.kntosa.com/uploads/kntosa...2711277731.jpg

كنت اعدى عليه كل يوم بعد توصيل زوجتى للعمل
اقف معاه شويه وبعدين اشترى منه الاهرام علشان اتعلم اسلوب الكتابه لكن علمني حاجة أهم من ذلك
هذا الراجل علمني درس مهم جدا للعمر.
لما كنت أسأله ازيك انهاردة يقولي "في نعمة الستر".
فاندهشت من الإجابة وسألته ليه الستر تحديدا؟
قالي *لأني مستور من كله.*
ستر ايه يا حج ده إنت البلوڤر بتاعك فيه رقعتين مختلفين اللون
فلما أحس بغبائي فبادر بالشرح. ‏
قال الستر ده أنواع:-
‏ لما تكون مريض بس قادر تمشي علي رجلك ده ستر من مذلة المرض.!
‏ لما جيبك يكون فيه جنيه يكفيك تنام متعشي حتي لو عيش حاف ده ستر من مذلة الجوع .!
لما تكون تملك ملابس تحميك من البرد حتى لو مرقعة ده ستر من مذلة البرد.!
لما تكون قادر تضحك وأنت حزين لأي سبب ده ستر من مذلة الكسرة.!
‏لما تكون قادر تقرأ الجريدة اللي في ايدك ده ستر من مذلة الجهل.!
‏- لما تقدر تتصل فى أى وقت بأهلك تطمنهم عليك وتطمن عليهم ده ستر من مذلة الوحدة.!
- ‏لما تكون عندك أي وظيفة حتي لو بياع جرايد زى حالاتي بس مش بتمد ايدك لحد ده ستر من مذلة السؤال.!
‏- لما يكون ابنك ربنا مبارك في صحته وتعليمه وبيته ده ستر من مذلة القهر.
- لما يكون عندك زوجة بنت حلال وشايلة الهم معاك ده ستر من مذلة كسرة الراجل قدام مراته.!
الستر يا ابنى *مش ستر فلوس* الستر *ستر نفوس*
تذكر إنك تملك نعم يتمناها ملايين‏ البشر إنها نعمة الستر.
*جعلنا الله وإياكم من المستورين بستره الجميل*
*اللهم أدم علينا سترك دنيا وآخرة*
*اللهم استرنا بسترك الجميل في الدنيا والآخرة*
اللهم صل وسلم وبارك على سيدنا محمد وعلى آله وصحبه أجمعين

ام رونزا 07-28-2021 02:53 PM

رد: هذا الراجل علمني درس مهم جدا للعمر من حكايات دكتور مصطفى محمود
 
تسلمى


الساعة الآن 11:33 PM

Powered by vBulletin® Version 3.8.11 Beta 4
Copyright ©2000 - 2024, vBulletin Solutions Inc.
new notificatio by 9adq_ala7sas
User Alert System provided by Advanced User Tagging (Lite) - vBulletin Mods & Addons Copyright © 2024 DragonByte Technologies Ltd.