وصفات باللحمة المفرومة، اكلات باللحم المفروم سهلة، اكلات سريعة باللحم المفروم
اصناف متعددة باللحمة المفرومه https://up.kntosa.com/uploads/kntosa...5076509491.jpg بدأ العد التنازلي لشهر رمضان المبارك ربنا يبلغنا وإياكم لافاقدين ولامفقودين كلنا ستات وبنات هنبتدي التجهيزات سواء للمطبخ أو للزينة أو لأصناف تخزين في الفريز مع يوميات شبكة عالمك فى المطبخ مش هتشيلي هم حاجة هنبدأ بسم الله بتجهيزات اللحمة المفرومة نصيحة بقي انا بعملها عشان الوصفات تطلع مظبوطة لازم اخلط لحمة بلدي علي اللحمة بتاعت منافذ الجيش عشان اللحمة البلدي لوحدها مش بتظبط الوصفات 1_كفتة الحاتي https://up.kntosa.com/uploads/kntosa...5076664488.jpg المقادير لحمة مفرومة بصل برغل زيت توابل (ملح _ فلفل اسود _ بهارات _ قرفة _ شطة ) بيكنج بودر الطريقة 1_ اول حاجة هنفرم البصل ونصفية كويس ناخد التفل بتاعة نحطة علب اللحمة والماية نسيبها في طبق هنرجعلها 2_ نغسل البرغل كويس ونحطة عليها محدش ينقع البرغل وكل كيلو لحمة بياخد كوباية برغل صغيرة 3_نحط التوابل والبيكنج بودر علي اللحمة ونقلب كلة مع بعضة ونسيبها ترتاح 10 دقايق 4_ نرجع بقي لماية البصل نحط عليها شوية زيت وملح وفلفل نجيب اللحمة بقي نبل ايدينا بالماية دي ونبدأ نصع الكفتة صوابع علي خلة او ضهر معلقة نخلص الكمية كلها ونحطها في اطباق ونشيلها في الفريز لما نيجها نسويها نحطها علي الفحم او الشواية بتاعت البوتجاز ________________________ 2_ الكفتة السريعة https://up.kntosa.com/uploads/kntosa...5076511652.jpg المقادير لحمة مفرومة مخلطة زي ماقولتلكوا بصل مفروم توابل(ملح _ فلفل اسود _ بهارات _توم وبصل بودر _ بابريكا _ حبهان بودر ) طماطم متقطعة جوانج بصل متقطع جوانج فلفل الوان احمر واخضر واصفر متقطع جوانج الطريقة 1_نجيب اللحمة المفرومة نحطها في الكبة نضربها صربة ننعمها والبصل كذلك ننعمة ونخلطهم علي بعض مع التوابل 2_ نصبع الكفتة دي صوابع صغيرة جدا زي الكفتة ام رز 3_نجيب طاسة نحط فيها زيت قليل ونحط فيها صوابع الكفتة دي نشوحها لحد لما تستوي 4_ نركن الكفتة علي جنب الطاسة وفي الجنب التاني نشوح الطماطم لحد لما تتشوح خالص والقشرة تختفي ونقلب كلة علي بعضة بعد كدة نحط البصل والفلفل ونقلب كلة علي بعضة لحد لما الفلفل والبصل يدبل ونقفل عليها ودي بقي اسرع كفتة في العالم ________________________ 3_ البرجر https://up.kntosa.com/uploads/kntosa...1507651783.jpg المقادير لحمة مفرومة بقسماط مطحون (ريتش باك) بياض بيض نجيب من عند العطار بهارات برجر او كيس فاين فودز الطريقة 1_نخلط كل المقادير علي بعض ونسيبها ترتاح نص ساعة بعد كدة نعنلها اقراص متساوية ونشيلها في طبق في الفريز 2_ لما نيجي ناكل نطلعها ونجيب جريل ندهنة زيت ونشوحة ودة اسهل برجر وطعمة خطييير ____________________________ 4_الحواوشي https://up.kntosa.com/uploads/kntosa...5076523046.jpg المقادير لحمة مفرومة لية مفرومة بصل مبشور التوابل (ملح _فلفل _رشة سكر_بهارات حواوشي _ رشة جوز الطيب) 2 قرن فلفل احمر واخضر وقطع.ط طمطاية صغيرة مبشورة الطريقة 1_ نخلط كل المكونات مع بعض ونسيبها ترتاح شوية 2_ نرسها في عيش بلدي وندخله الفرن او نشوحة علي طاسة او جريل ودة او نشوية علي فحم ودة الحواوشي العادي ____________________________ في بقي الحواوشي الاسكندراني الي بالعجينة https://up.kntosa.com/uploads/kntosa...5076519374.jpg مقادير العجينة كيلو دقيق 2 كوباية ماية دافية علبة زبادي صغيرة ملعقة ونصف سكر ملعقة ونصف خميرة فورية ربع كوب زيت رشة ملح https://up.kntosa.com/uploads/kntosa...5076521145.jpg الطريقة نعجنها زي اي عجينة عادية ونسيبها تخمر بعد كدة نكورها كور صغيرة ونفردها ونحط فيها اللحمة ونعملها رغيف وندخلها الفرن بس قبل الفرن لازم ندهن الوش و نشكلة دهن الوش ملعقة صغيرة سكر رشة قهوة سريعة الذوبان معلقة كبيرة لبن بودرة 5 معالق كبيرة ماء تشكيلة الوش ودي خطوة اختياااااااري حبة البركة سمسم ميكس جين طماطم شرائح زيتون ____________________________ 5_ اخر حاجة معانا اللحمة المعصجة https://up.kntosa.com/uploads/kntosa...1507652837.jpg ودي تستخدم في المكرونة بالباشميل رقاق وجلاش وسمبوسك وفطير حادق وبطاطس محشية المقادير لحمة مفرومة بصل مقطع قطع صغيرة فلفل اخضر واحمر واصفر مقطع قطع صغيرة معلقة صلصة طماطم التوابل (ملح _ فلفل _ بهارات _قرفة ) الطريقة 1_نجيب طاسة فيها شوية زيت يسخن نحط فيها اللحمة تتشوح وتنزل الماية بتاعتها وهتبدأ تتشربها ننزل البصل ونشوحة معاها والتوابل بعد كدة الفلفل ونقلب شوية ونقفل عليها وفي اكياس وفي الفريزر بالهنا والشفا ودي اول حاجة معاكوا في تجهيزات رمضان لايك وكومنتات كتييير |
الساعة الآن 08:33 AM |
Powered by vBulletin® Version 3.8.11 Beta 4
Copyright ©2000 - 2024, vBulletin Solutions Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd.