الفته المصرى على طريقتى مع الرقاق البيتى
حبايبى الحلوين اخباركم ايه يا رب تكونوا بخير كل سنه و انتوا طيبين عيد سعيد علينا جميعا يا رب جيبالكم بقى الراعى الرسمى للعيد الفته و الرقاق https://up.3almc.com/uploads/3almik....8766320497.jpg ما شاء الله اللهم بارك شايفين الجمال طبق فته مصرى اصلى وصايه طعم و ريحه هتجيب آخر الشارع و الكل هيحلف بيها و الرقاق بيتى من الألف إلى الياء بقالى كذا سنه بعملوه و حقيقى احلى من الجاهز مليون مره مقادير سهله جدا و بسيطه و نتيجه مضمونه بإذن الله الفته المصرى على طريقتى مع الرقاق البيتى المقادير : للفته المصرى لحمه مسلوقة مع بصل و جزر و طماطم و ورق لورا و فصوص حبهان و فلفل اسود و يفضل نضيف الملح فى الاخر علشان بيبطئ من سواه اللحمه و لو كان سنها كبير شويه ممكن نضيف رشه سكر لأنها بتسرع من السواه عيش بلدى متقطع مكعبات بندهنه دهنت زيت و نحمصه فى الفرن علشان يبقى اخف أرز ابيض عادى صلصة الفته الحمراء و البيضاء رأس ثوم مفرومه ناعم عصير طماطم صلصة طماطم حسب الرغبه لتعزيز اللون و الطعم ملح و فلفل خل رشه سكر سمنه الطريقة : بالنسبه للصلصه الحمراء هنجيب حله و نحط فيها شويه سمنه و ننزل بشويه من الثوم المفروم و اول ما يبدأ ياخد لون و ريحته تطلع بنضيف صلصه الطماطم و نديها تشويحه و بعدين بنطفيهم بشويه خل و بعدين بنضيف عليهم عصير الطماطم و نظبط الملح و الفلفل و السكر و اول ما تغلى بنهدى النار و نسيبها تتسبك مع نفسها و بعدين بالنسبه للصلصه البيضاء بنجيب طاسه و نحط فيها شويه سمنه و ننزل بالثوم المفروم و اول ما ياخد لون حلو بنطفيه بشويه خل و بعدين شويه من شوربة اللحمه و ياخد غلوه كده و نطفى عليه بناخد شويه من الصلصه البيضاء دى كام معلقه و نحطها على العيش المحمص علشان تنكهه و تديله طعم حلو و بعد ما اللحمه اتسلقت بنديها تحميره حلوه كده فى حته سمنه و شويه ملح و فلفل و طبعا الخطوه دى اختيارى ممكن نحطها مسلوقة زى ما هى و بنبدأ نجهز طبق الفته بتاعنا بنحط الأول العيش اللى طعمناه بشويه من الصلصه البيضاء و بعدين الأرز الأبيض و بنديله كام معلقه شوربة طبعا مش كتير علشان مايعجنش مننا حسب ما نحب و بعدين عالوش شويه من الصلصه الحمراء و بعدين قطع اللحمه و عليها باقى الصلصه البيضاء الرقاق البيتى المقادير : طبعا داه مقدار صغير و تقدروا تضاعفوه براحتكم ٢ كوب دقيق جميع الاغراض و يفضل يكون دقيق قوى و ليه عرق علشان يفرد بسهوله معانا و مايتقطعش رشه ملح رشه سكر ماء دافئ للعجن الطريقه : هنجيب بوله و نحط فيها الدقيق و الملح و السكر و بنضيف المياه الدافيه بالتدريج و لازم نعجنها كويس مش اقل من ٧ دقايق لغايت العجينه ما تلم معانا و تبقى ناعمه و ملساء و بنغطيها و بنسيبها ترتاح على الأقل ساعه علشان نقدر نفردها بسهوله من غير ما تغلبنا و بعدين هنقسمها لكور حسب حجم واحده الرقاق اللى عايزينها و بنغطيهم و بنسيبهم يرتاحوا مره كمان حوالى نصف ساعه https://up.3almc.com/uploads/3almik....8766232321.jpg https://up.3almc.com/uploads/3almik....8766234812.jpg https://up.3almc.com/uploads/3almik....8766304573.jpg https://up.3almc.com/uploads/3almik....8766306434.jpg https://up.3almc.com/uploads/3almik....8766312125.jpg https://up.3almc.com/uploads/3almik....8766313946.jpg https://up.3almc.com/uploads/3almik....8766320497.jpg |
الساعة الآن 05:52 PM |
Powered by vBulletin® Version 3.8.11 Beta 4
Copyright ©2000 - 2024, vBulletin Solutions Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd.