وجبات افطار رمضان بالصور، وصفات فطور صحي في رمضان
بم اننا داخلين علي رمضان ف احب اقترح اننا نعمل وجبه فطار خفيفه علي المعده وطعمها لذيذ (شاورما سوري +بطاطس سوري +توميه +عصير مانجه) https://up.kntosa.com/uploads/kntosa...7465911753.jpg ولو كورونا منعت المطاعم مننا احنا نجيب المطعم جوا مطبخنا يا حلي بنات المكونات موجوده في مطبخنا سهله وبسيطه #العيش_سوري مكوناته : 3 كوبايات دقيق، ملعقه كبيره خميره، نص ملعقه سكر، نص ملعقه صغيره ملح، 3 ملاعق زيت، مياه الخطوات : كوبايه مياه دافيه ونضيف فيها الخميره والسكر ونقلبهم كويس، نجيب حله للعجن نحط فيها الدقيق والملح والزيت ونقلبهم، ضيفي خليط المياه والخميره والسكر علي خليط الدقيق واعجني كويس لحد ما تبقي عجينه متماسكه معاكي ولو احتجتي ميه ضيفي شويه صغيرين وبعد كده غطي الحله بفوطه سخنه او نايلون وسيبيها تخمر نص ساعه #شاورما_السوري مكوناتها : 3 صدور فراخ مخليه، 3 حبات طماطم متوسطه، حبتين بصله متوسطين، 4 حبات شطه خضرا، 3 فصوص توم، 2 ملعقه كبير دبس رمان، ملح وفلفل اسود وشطه حمرا علي حسب الرغبه الخطوات : قطعي الفراخ شرايح طويله ورفيعه قطعي البصله نصين بالطول وكل نص قطعيه حلقات رفيعه قطعي الشطه والطماطم بنفس طريقه البصل اهم حاجه حلقات رفيعه اهرسي التوم كويس هاتي طاسه وحطي فيها 3ملاعق سمنه و3 ملاعق زيت وارمي فيها البصله لحد ما تدبل حطي عليها الشطه لحد ما تدبل برضو ارمي عليهم الفراخ وشوحيهم سوا لحد ما الفراخ تاخد نص سوا حطي دبس الرمان والطماطم والتوم والتوابل وقلبي كويس وضيفي شويه ميه علشان فراخك تستوي هتلاقي ان العجينه خمرت قطعي العجينه كور صغيره وافردي دقيق علي الرخامه وبالنشابه بقي افردي الكور لحد ما تبقي زي القرص خفيفه كده تكوني جايبه صنيه بسبوسه وكفياها بالمقلوب علي النار هاديه عندك كل قرص تعمليه حطيه علي الصنيه وخلي بالك عيشك يحمر ما يتحرقش منك وبين قرص وقرص امسحي الصنيه بفوطه نضيفه بعد ما عيشك استوي هات واحد وادهنيه بصوص الشاورما و حطي شاورما بتاعتك وحطي فوقيها شرايح خيار مخلل وشرايح شطه مخلل ولفي عيشك رول وطاسه صغيره مدهونه زي حمري السندوتش بتاعك وبالهنا والشفا واسفه لو طولت عليكم https://up.kntosa.com/uploads/kntosa...0746590641.jpg https://up.kntosa.com/uploads/kntosa...7465909422.jpg [url=https://up.kntosa.com/]https://up.kntosa.com/uploads/kntosa...7465911753.jpg[/url |
الساعة الآن 11:20 PM |
Powered by vBulletin® Version 3.8.11 Beta 4
Copyright ©2000 - 2024, vBulletin Solutions Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd.