طريقة عمل الأرز البسمتي الأصفر مثل المطاعم

سر الرز بالجمبري واللون الاصفر بتاع المطاعم

وازاي تسويته تبقي مظبوطه كل ده هاتلقوه فالصور

مع شرح مفصل للمكونات والطريقه
ده الرز بطريقتي بالجمبري والسبيط بعد التسويه

المكونات والطريقه بالتفصيل فباقي الصور بحاول افيدكم بحاجه


فتفاعلكم علي البوست هايفدني وهايفيد غيركم محتاج يعرف الوصفه
سر الرز بالجمبري واللون الاصفر بتاع المطاعم وازاي تسويته تبقي مظبوطه
كل ده هاتلقوه فالصور مع شرح مفصل للمكونات والطريقه.

باقي الاطباق اللي مع الرز هانزلها فيوست تاني
عشان ميحصلش لخبطه فترتيب الصور

ده سمك سلمون احمر مشوي جريل

المكونات
كوب ارز بسمتي غسلته ونقعته ساعه فمياه فاتره
روس السبيط اللي عملته طاجن استخدمتها فالرز مع ربع جمبري متقشر ومتنظف
واستخدم القشر بتاعه فعمل شوربه سقيت بيها الرز
زيت وتوم ملح وفلفل وكمون
فلفل الوان بيون الجمبري وده عملته بروس الجمبري والقشر ضيفت عليهم
بصل وفلفل وتوم وطماطم وحطيتهم فحله ومعاهم كوب او اتنين مياه وملح وفلفل وكمون
لحد ما غليوا صفيتهم ورميت القشر وزي مانتو شايفين هاستخدم الشوربه فطبخ الرز

اول حاجه بحط معلقه زيت فحله علي نار عاليه

اول ما يسخن بنزل بالسبيط واقلبهم كويس علي حراره عاليه

عشان مينزلش مياته ويظفر

مجرد مالسبيط يشد ولونه يغير بضيف الجمبري

واتابع التقليب والنار لسه عاليه الجمبري يلون اضيف معلقه التوم

زي ما واضح كده الجمبري لونه اتغير وكذلك السبيط

بضيف الفلفل الالوان عليهم وبتابع التقليب

لحد ما الفلفل يدبل

اضيف التوابل البسيطه اللي معايا ملح فلفل كمون فقط لا غير

وعليهم بيون او شوربه الجمبري اللي ذكرت طريقتها فالمكونات فوق

اسيبهم يغلو بعد كده اصفي الرز من مياه النقع واضيفه عليهم
معيار المياه بيكون مغطي الرز بعقله صباع

وعشان اظبط اللون محتاج لون اصفر زعفران بودر
وده بجيب من عطار فالمندره متوفر علي طول

بضيف اللون وبقلب الرز مع باقي المكونات

لحد ما يبداء يبكبك اهدي النار شمعه خفيفه خالص واسيبه ربع ساعه

او اقل هايستوي ويبقي فل

وده شكل الرز بعد العرف واستوي وواضح لونه
لا كركم ولا كاري ولا حاجه تاثر فالطعم انا بحب اكلي بهارات خفيفه

سر لون رز المطاعم في لون الزعفران اللي ضيفته
وكده الوصفه خلصت اتمني اكون شيف مفيد
وقدرت اقدملكم حاجه تفتكروني بيها او حاي بدعوه حلوه