الحلويات الشرقية والغربية

طرق عمل الحلويات الشرقية و الغربية التورت والجاتوة شاتو والدسباسيتو والكيك استشارات فى الحلويات والتارت الشرقية والغربية اسماء الحلويات الفرنسية والشاميه بالصور مخبوزات العيد بالخطوات المصوره

نسخ رابط الموضوع
https://vb.kntosa.com/showthread.php?t=13670
6708 1
05-26-2020 12:10 AM
#1  

Icon21463موضوع يضم كل مخبوزات العيد بالتجربه والنصائح وحصرى


موضوع يضم كل مخبوزات العيد بالتجربه والنصائح
موضوع يضم كل مخبوزات العيد بالتجربه والنصائح وحصرى kntosa.com_25_20_159
******
الغريبه
اسباب نجاح الغريبه

موضوع يضم كل مخبوزات العيد بالتجربه والنصائح وحصرى kntosa.com_25_20_159
- يستخدم السمن وليس الزبد في صنع الغريبة، لأن الزبد يحتوي على لبن ، والغريبة لا تحتاج لسوائل.
- يوضع السمن في الثلاجة قبل استخدامه علي الاقل بساعتين ليصبح بارد ومتماسك.
- يضرب السمن مع السكر البودرة جيداً - الغريبة لا تحتاج لبيض لصنعها.
- لا يوضع على الغريبة بيكنج باودر، فحجمها يزيد في الفرن من تلقاء نفسها.
- ييسخن الفرن قبل الخبز علي 160 من ظ،ظ* الي ظ،ظ£ دقيقه
العيوب
تشققت الغريبة

نتيجه خلطها جيدا فالخلط الجيد للغريبة يجعلك تحصلى على عجينة طرية ويمنع تشقق الغريبة عند التسوية
الغريبة الناشفة

موضوع يضم كل مخبوزات العيد بالتجربه والنصائح وحصرى kntosa.com_25_20_159
سببه زيادة مقدار السكر عن المقادير اللازمة
المقادير
من كيلو الا ربع الي كيلو دقيق- نصف كيلو سمنه ساقعه من الثلاجه - ربع كيلو سكر بودره
الطريقه
يتم ضرب السكر مع السمنه حتي يصبح لونها ابيض وقوامها كريمي ثم ننزل بالدقيق ونخاط جيدا

ولكن ومانعجن علشان ماتشد ثم ندخلها الثلاجه لمده 15 دقيقه ثم تخرج وتملك بالايد
وتشكل وتزين وتدخل الفرن علي حراره 160 لمده من 10 الي 13 دقيقه وبالهنا
**********************

البيتيفور
موضوع يضم كل مخبوزات العيد بالتجربه والنصائح وحصرى kntosa.com_25_20_159

ارشادات
استخدام بياض البيض بيجعله كرسبي
استخدام البيض كامل او الصفار بيجعله طري وناعم
-لازم يكون السكر ناعم جدا
-السمنه او الزبدة تكون فى التلاجه متكونش سايحة ونضربها كويس مع السكر

لما يدوب حتي لا يفرش وكمان يلزق فى الصاج
-لوهتعمليه بسمنة هنستخدم البيضة كاملة مع السمنة لتفادي فرشه بالفرن
-في حاله السمنه بعد وضع الدقيق يدوب نلم العجينه ونخلطها مانعجن لان ممكن السمنه تفصل مع العجن
-لما تيجى تسويه هنجرب واحدتين الاول ونشوف ظهر البتى فور لو فيها ثقوب او فرشت

وشكلها النقشه مش ظاهره تبقى عايزه رشه دقيق كمان ويدوبك العجينة تلم متعجنيش علشان ميعملش عرق
-واحنا بنختبره لو لقتيه ناشف وجامد ومش ناعم يبقى تضيفى شويه زبده سايحه صغيرين على العجينة

لحد ماتلاقى العجينه بقت لينه اكتر فى ايدك وتجربى تانى لو لقيته فرش يبقى عاوز دقيق ضيفى معلقة معلقة
وهكذا لان لوالدقيق عرقه قوى بيحتاج زبدة اكتر
عند الخروج من الفرن انتظري يهدي لانه بيبقي ناعم و ممكن يتكسر بسهولة

المقادير
دقيق(حوالي كيلو الا ربع )-نصف كيلو زبده-كوب سكر بودره -
4 بياض بيض -ورقتين فانيليا - نصف معلقه ملح
الطريقه
نضرب السكر مع الزبده جيدا حتي نحصل علي قوام كريمي ثم نضيف بياض البيض وحده وحده ثم نضع الفانيليا

ثم نضع الملح علي الدقيق ونضع علي الزبده ونعجن جيدا ونبداء التشكيل حسب الرغبه
ونرص علي صينيه مدهونه وندخل الفرن علي 140 لمده 25 دقيقه ثم نخرج ونبدا بالتزين
بوضع قطعتين مع بعض بالمربي والفارماسيل وبالهنا
*******************
بسكوت النشادر بالكيس والماكينه

موضوع يضم كل مخبوزات العيد بالتجربه والنصائح وحصرى kntosa.com_25_20_159

اسباب نجاح البسكوت
"نفش" او فرش البسكويت بشكل مبالغ فيه أثناء التسوية زياده النشادر او زياده السكر ايضا.
جفاف البسكويت " او البسكوت ناشف هو كثره الحليب السائل ومن الأفضل اقل كميه حليب او وضع الحليب البودرة

بكمية مناسبة لتجنب هذه المشكلة.
العجينه مفتته او تحتوي علي شقوق لابد من ان تعجن العجين جيدًا حتى يسهل عليها

بعد ذلك تقطيع البسكويت بالمكنة أو بالقمع
ارشادات
لو بالمكنه حنضيف ربع كيلو دقيق ونفس المقادير
لو حنستبدل الزبده بالسمنه يبقي 350 جرام سمنه وكيلو دقيق ونزود بيضتين علي نفس المقادير
المقادير
نصف كيلو زبده - كيلو الا ربع دقيق--ربع كيلو سكر بودره -كوب حليب صغير-3 بيضات متوسطين

- معلقه بيكنج بودر-معلقه صغير نشادر -معلقه صغيره فانيليا
الطريقه
نضرب الزبده مع السكر جيدا حتي تصبح كريمي ثن ننزل بالبيض بيضه بيضه ونضرب جيدا ثم نضع البيكنج بودر

علي الدقيق ونقلب ثم نضع علي الزبده ونخلط جيدا ثم نضع النشادر علي اللبن ونقلبهم ونضعهم علي الخليط
ونقلب تمام ثم نضع الخليط في كيس ونبداء التشكيل ونرص في صواني مدهونه ويدخل الفرن
علي 160 لمده 20 دقيقه او يستو ويحمر ونتركه علي الصواني حتي يبرد
****************
بسكوت اللانكشير

موضوع يضم كل مخبوزات العيد بالتجربه والنصائح وحصرى kntosa.com_25_20_159

المقادير
50 جم سكر بودرة منخول ( 1/3 كوب ) - 100 جم سمنة ( 1/2 كوب )
1 بيضة - 150 جم دقيق ( 1 كوب )-50 جم نشا ( 1/3 كوب )
رشة ملح -فانيليا او بشر برتقال -½ ملعقة صغيرة بيكنج بودر
للحشو: مربى -فارماسيل
الطريقه
تضرب السمنة (ساقعه من الثلاجه )مع السكر البودرة جيدا، حتى تبيض لونها ثم تضاف البيضة و الفانيليا

بدرجة حرارة الغرفة، ويقلب جيدا.
ثم يضاف الدقيق والنشا والبيكنج بودر والملح، وتقلب جيدا حتى تكون عجينة سهلة التشكيل.

تترك العجينة لترتاح 15 دقيقه بالثلاجه
تشكل العجينة على شكل كرات صغيرة، وترص في صينية
تدخل الفرن على درجة 180 مدة 12 دقيقة، حتى تستوي او تاخذ لون فاتح مائل للذهبي
تترك لتبرد تماما، ثم تحشى بالمربي ،وتلصق كل 2 مع بعض، ثم تزين الحواف بالفارماسيل او المكسرات المجروشة.
*********
المنين او كعب الغزال

موضوع يضم كل مخبوزات العيد بالتجربه والنصائح وحصرى kntosa.com_25_20_159
او قراقيش بالعجوه اوالملبن (راحه -حلقوم) او ساده
المقادير
كيلو دقيق - نصف كوب زيت - 4/3 كوب سمنه - 4 معالق سكر بودره - معلقه خميره -

رشه ملح - كوب لبن - ماء لاتمام العجن
الحشو
عجوه - ملبن - اوساده ( ممكن يضاف عليها شمر او ينسون للساده )
الطريقه
نضع الخميره والسكر والملح علي الدقيق ونخلط ثم نضع الزيت والسمنه ويتم فرك الدقيق بالايد

حتي يصبح الدقيق مرمل ثم نضع كوب اللبن ونعجن ونكمل العجن بالماء ونعجن جيدا
ثم نترك العجينه ترتاح نصف ساعه ثم نبداء الحشو والتشكيل علي صاج مدهون ونلمع المنين بسائل تلميع

( لبن مع بيض او لبن فقط او لبن مع نسكافيه حسب الرغبه ) ثم نرش السمسم او نضع السمسم

علي الوجه اثناء الحشو حسب رغبتك مثل الفيديو ويدخل الفرن ساخن حتي يحمر
***************
المعمول علي البارد بحشواته( كحك العيد)

موضوع يضم كل مخبوزات العيد بالتجربه والنصائح وحصرى kntosa.com_25_20_159
المقادير.

نصف كيلو دقيق - ربع كيلو سمنه - م ك بكنج بودر- 4م ك سكر- بيضه- فانيليا - ملح - نصف كوب لبن
الطريقه
يتم خلط المقادير الجافه مع بعض ثم اضع البيضه ثم السمنه واخلطهم جيدا ثم باللبن وحده وحده

حتي تتكون عجينه طريه اترك العجينه 20 دقيقه تستريح ثم ابدا بالتشكيل والحشو او ممكن ساده
ثم اتركه 20 دقيقه تستريح ثم الفرن علي 180 لمده 15 دقيقه **** اضافه ممكن ارش سكر بودره بعد ان يبرد
************
الكحك علي الساخن

موضوع يضم كل مخبوزات العيد بالتجربه والنصائح وحصرى kntosa.com_25_20_159
المقادير
كيلو دقيق
نص سمنه بلدي
م.ك ممسوحه خميره
م.ص بيكنج بودر ويمكن الاستغناء عنه
200جم لبن او كوب الا ربع لبن
رشه ملح
م.ك سكر
الطريقة
بنقدح السمنه كويس ونحطها على الدقيق ونسيبه يبرد بعدها نضيف باقي المكونات ونشكل الكحك

ونسيبه يخمر بعدها نشكل العجينه ونحشيها وننقشها ونسيبها تخمر تاني .
ندخلها الفرن على حراره متوسطه تقريبا 20 دقيقه .




اظهار التوقيع
توقيع
ام رونزا
يُقَالْ أنْ مِنْ تَعود عَلىَ الصَمتْ ،
باستطَاعتَهُ وَقتٍ { العِتَابْ} أنْ يُدمَر قَلبكَ بكلمَه .. !






05-30-2020 04:19 PM
#2  

افتراضيرد: موضوع يضم كل مخبوزات العيد بالتجربه والنصائح وحصرى

بارك الله فيكى





الكلمات الدلالية (Tags)
كل, موضوع, مخبوزات, والنصائح, وحصرى, يضم, العيد, بالتجربه

أدوات الموضوع
انواع عرض الموضوع

الانتقال السريع


الساعة الآن 04:17 PM


Powered by vBulletin® Version 3.8.11 Beta 4
Copyright ©2000 - 2024, vBulletin Solutions Inc.
new notificatio by 9adq_ala7sas
User Alert System provided by Advanced User Tagging (Lite) - vBulletin Mods & Addons Copyright © 2024 DragonByte Technologies Ltd.

خيارات الاستايل

  • عام
  • اللون الأول
  • اللون الثاني
  • الخط الصغير
  • اخر مشاركة
  • لون الروابط
إرجاع خيارات الاستايل