قصص - حكايات - روايات

القصص والرويات، قصيرة , طويلة,قصص الانبياء , منتديات قصص ، اجمل القصص اروع القصص ، اجمل الروايات ، قصص قصيره ، قصص طويله ، رويات قصيره ، رويات طويله ، قصص عدلات ، قصص الوفاء ، قصص مخيفه ، قصص محزنه ، قصص عجيبه ، رويات، رويات عدلات ، قصص الانبياء ، القصص العربية ، قصص واقعيه ، قصص اطفال ، روايات للاطفال ، مكتبة القصص ،القصص والروايات ، قصص غريبه ، قصص دينية ، قصص حقيقيه ، قصص مضحكة ، قصص مؤثرة ، قصص خيالية ، اغرب القصص قصص الصحابة ، مواقع قصص ورويات2020.

نسخ رابط الموضوع
https://vb.kntosa.com/showthread.php?t=10664
21620 29
10-23-2019 01:20 AM
#7  

افتراضيرد: قصة احكي حكايتك , روايه قصيرة احكى حكايتك

{الحلقة التامنة} (8)
*تقرب عليها مليكة وترفع ايديها في وشها*
مليكة بنبرة سخرية: لية وانتي فاكرة اني هسيبگ تعيشي هنا كدا علي راحتك ولا اي قولتهالك مرة دة بيتي وهيفضل بيتي لاخر يوم عمري وانتي مجرد ضيفة عندنا بس ضيفة تقيلة شوية بس هنعمل اي مضطرين نستحمل باي يا عمتو ولا اقولك يا فوفا..بلاش فوفا انتي بردو كبرتي وعجزتي علي الدلع والكلام دا..
وتمشي وتسيبها ووفاء واقفة متنحة من كلامها الي زي السم..
وفاء: ماشي يا مليكة انا عجزت هتشوفي العجوزة دي هتعمل فيكي اي قريب..
(عند محمد وجاسم في الشقة)
محمد: اي يعم انت مش ناوي تتطري القعدة الناشفة دي ولا اي...
جاسم: والله مش عارف بس مش عايز اشرب عشان نبقي مركزين متنساش فيه عملية بكرا...
محمد: يعم متقلقش كلم لينا بس اي بنت من البنات تبعنا...
جاسم بقلة حيلة: ماشي
مليكة في البيت قاعدة وعمالة تعيط ، وماسكة صورة مامتها
مليكة بدموع: وحشتينيحياتي كلها وحشة من غيرك انا مدمرة من بعدگ عني بابا وبعتبره مش ابويا من ساعة مارفض ياخد حقگ ولا يتحرك في اي اجراءات عشان يحاول يوصل للناس الي قتلوكي انتي اتقتلتي قدام عيني وانا مقدرتش اعمل حاجة انا مازلت هبلة ومش بقدر اعمل حاجة انا عايزاكي ترجعي عايزاكي جنبي..انا تعبت مبقتش قادرة أواجه اي حاجة في الدنيا دي..مبقتش قادرة اقف علي رجلي اكتر من كدا محتاجة فترة انهار فيها واطلع كل الي جوايا بس لا والف لا انا هقف في وش الكل واكيد هجيب حقگ في يوم..
(تمسح دموعها وتسمع فونها بيرن)
مليكة:السلام عليكم.
مي:وعليكم السلام عاملة اي
مليكة: الحمدلله انتي عاملة اي..
مي بقلق: انا كويسة بس انتي صوتك قلقني متأكدة انك كويسة..
مليكة: اه يا حبيبتي متقلقيش
مي: طب بقولك اي الواد شادي قالي تعالوا نخرج اي رائيك تعالي ننزل نروح الكافية عندنا وخلاص..
(مليكة بعد تفكير قررت انها تقوم تنزل)
مليكة: ماشي هقوم البس ونتقابل هناك..
"تقوم مليكة تجهز وتخرج تلاقي فهد واقف برااا"
مليكة: فهد يلا عشان رايحة مشوار
*يشوف فهد وشها يعرف انها كانت بتعيط بس ميرضاش يعلق*
فهد: تمام ماشي..
(تركب مليكة ويتحرك فهد يوصلوا قدام الكافية)
فهد: انا هستني حضرتك هنا..
مليكة: ماشي يا فهد..
(تتدخل مليكة تلاقي مي وشادي قاعدين)
مليكة: مسا مسا عليكم..
شادي: مسا مسا عليكي يختي اي الي اخرگ..
مليكة: عقبال مالبست.!!
مي: علي طول متأخرة..
شادي: فكككوا بقي تشربوا اي بقي لا وكمان علي حسابي
مي: اي الكرم دا كله يا فندم
شادي: عشان تعرفي يا معفنة..
مليكة: طب هاتلي نسكافية يخويا.. .
مي: وانا عصير مانجا...
شادي للجرسون: اتنين نسكافية وواحد مانجا وعايزين واحد شيشة تفاح ..
مليكة: هتشرب شيشة قدامنا كدا عادي
شادي : اه عادي عندكم اي موانع
مي: موانع حمل هقهقهقهقهقهقهق
الاتنين يبصولها نظرة قاتلة (الصراحة عندهم حق)
مي: استهدوا بالله كدا مكنتش الشة بسيطة يعني...
شادي: لو سمعت صوتك تاني هتبقي برا الكافية
(يجي الطلبات ويبدؤا يشربوا ومليكة عايزة تجرب الشيشة)
مليكة: يا رخم بقي هات اجرب
شادي: بس يماما
(تضربه مليكة في كتفه)
شادي: قد الضربة دي يعني.
مليكة: هات اجرب طيب ومتبقاش رخم
"وقاعدين يهزروا ويضحكوا"
مي: انا هقوم ادخل التواليت
*تقوم مي التربيزة تتزق يقع النسكافية علي ايد مليكة كلها يلسعها*
مليكة بوجع:اااااااااه
مستنية رائيكم ويارب حلقة انهاردة تكون عجبتكم



10-23-2019 01:24 AM
#8  

افتراضيرد: قصة احكي حكايتك , روايه قصيرة احكى حكايتك

{الحلقة التاسعة}(9)
*وقفنا المرة الي فاتت لما مليكة وقع عليها النسكافية*
مليكة بوجع: ااااااااه
مي بخوف وعياط: مليكة انتي كويسة انا اسفة والله انا مش قصدي حاجة مكنش قصدي اني أوقعه عليكي..
شادي: اوعي يا مي طيب نشوف ايديها...
(يروح شادي يبص علي ايد مليكة يلاقيها التهبت وبدأت تعمل فقعات فيها مية من الحرق)
شادي: مليكة لازم نروح المستشفي عشان الحرق دا
مليكة بوجع حاولت تخفيه: لا يا شادي خرجني بس براا للسواق وانا هروح فيه عندي في البيت مرهم للحروق وان شاء الله هتخف..!!
مي بعياط: لا يا مليكة لازم تروحي مستشفي..
مليكة بوجع خفيته: يا حبيبتي متقلقيش انا كويسة والله محصلش حاجة كملوا انتو القعدة وانا هقوم اروح وهطمنك عليااا بليل...
شادي بقلق: نيجي نوصلك طيب.
مليكة: لا متقلقش السواق معاياا براااا..يلا سلام
(تخرج مليكة وباين علي وشها العياط والوجع يلاحظها فهد أن باين عليها التعب ينزل من العربية يروح عندها)
فهد بقلق: مليكة هانم انتي كويسة...
مليكة: روحني يا فهد بسرعة..
*ويلاحظ أن مليكة ماسكة ايديها بوجع يحط أيديه عليها*
مليكة بوجع: ااااااه
فهد بخضة: انا اسف بس هو فيه اي في ايدك
"يرفع ايديها يلاقي ايديها بايظة وملتهبة جامد يتخض فهد"
فهد بخضة: مليكة هانم ايدك متبهدلة جامد اي الي حصل..!!
مليكة بتعب: وديني العربية وهقولك يلا يا فهد!!
(يسندها فهد لحد العربية)
فهد: ها اي الي حصل..؟؟؟
مليكة بتنهيدة تعب: مفيش كنا قاعدين انا وصحابي وصاحبتي جت تقوم كان فيه نسكافية علي الترابيزة وهي مخدتش بالها وهي بتقوم الترابيزة اتحركت والنسكافية وقع علي ايدي بس دا الي حصل...
*فهد في سره بقي بيلعن صاحبتها دي عشان وجعت مليكة حبيبته أيوة حبيبته هو خايف يعترف بكدا بس بينه وبين نفسه هي حبيبته وقلبه وكل حاجة في دنيته والي عمره ماهيستحمل يشوفها بتتوجع ابداااا*
(يفوق فهد علي صوت انين مليكة وهي بتتوجع)
فهد بزعل: مليكة هانم احنا لازم نروح المستشفي...؟؟؟
مليكة: لا لا انا مش بحب المستشفيات...
فهد: بس ازاي انتي ايدك متبهدلة جامد...؟؟طب انا هقف عند اقرب صيدلية واجبلك مرهم للحروق..
مليكة بأستسلام لانها تعبت من الكلام: مااااشي
"اتحرك فهد وهو نظره علي مليكة الي تعبانةنزل عند اقرب صيدلية وجاب حاجات للحروق ركب فهد جمب مليكة..!!"
فهد: مليكة هانم انا جبت ليكي كل الحاجات اهي تسمحيلي اساعدك زي ماساعدتيني.!!
(مليكة مكنش فيها حيل انا ترفض دة غير أن الالم في ايديها لا يطاق)
*طلع فهد المرهم وبدا يحطه علي أيدها ويدعكه ومليكة طبعاااا مش مستحملة اللمسة لأن ايديها وجعها جدااا*
مليكة بوجع: كفاية يا فهد مش قادرة...
فهد بأسف: انا اسف بس عشان تقدري تخفي
"وفهد بيتقطع عشانها خلص ايديها ولفها ليها"
فهد: بصي انا جبتلك حقنة مسكنة هتسكن معاكي الالم..
مليكة بخوف: لا لا انا مش بحب الحقن..
فهد: متخافيش يا مليكة هانم مش هتحسي متقلقيش خليكي باصة في عيني هنا...
(مليكة فضلت باصة في عين فهد واكتشفت اد اي عينه جميلة وازاي هي ملاحظتهمش قبل كدا)
فهد: ها اديني خلصت حسيتي بحاجة...
مليكة: .......
فهد: مليكة هانم انتي كويسة
مليكة: ها بتقول حاجة..
فهد بضحكة خفيفة: لا انا بطمن عليكي...
*ونزل فهد وركب في المكان المخصص للسواقة وطلع علي الفيلا*



10-23-2019 01:24 AM
#9  

افتراضيرد: قصة احكي حكايتك , روايه قصيرة احكى حكايتك

{الحلقة العاشرة}
(في مكان تاني مايسمي الديسكو)
"يدخل ادهم بشموخ وغرور
يقابله صاحب المحل"
صاحب المحل: اتفضل يا فندم نورتنا!!
ادهم: بنورك وعينه رايحة وجاية..
صاحب المحل: حضرتك بتدور علي حد معين وانا اجبهالك..!!
ادهم: أيوة انا عايز واحدة اسمها سالي هنا...!!
صاحب المحل: تحت امرگ يباشا دقايق وتكون عندگ...
*يروح ادهم يقعد علي التربيزة ويمشي صاحب المحل يدور علي سالي يشوفها..!!*
صاحب المحل: سالي بت يا سالي..
سالي: اي فيه اي...
صاحب المحل: فيه زبون بيسأل عليكي روحي ظبطيه يلا
اهو الي قاعد هناك دا (ويشاور علي مكان ادهم)
سالي بمياصة ودلع: من عنيااا
وتمشي تروح عند ادهم ...
سالي بدلع: ايووة يباشا انا سالي
"وتقعد جمبه وتحط ايديها علي كتفه"
(ادهم يشيل ايديها بقرف)
ادهم بقرف منها: كنت عايزك في خدمة وهتقبضي فيها كويس...
(تقرب منه جامد)
سالي بدلع: وماله يباشا احنا في الخدمة بردو..
ادهم بزعيق: اتعدلي بقي انا مش جايلك عشان القرف الي في دماغك القذرة انا جايلك عشان حاجة تانية!!
سالي بخوف : اتفضل قول
ادهم: تعرفي جاسم ومحمد زباينگ الي بيجوا يسهروا هنا.
سالي: مين دول ما فيه الف محمد وجاسم اكيد مش هفتكر
*افتكر ادهم أن دول ملهمش سعر ومن كتر الرجالة الي بيقعدوا معاهم ممكن ينسوا نفسهم مش ينسوا الناس الي كانت قاعده معاهم وبس*
سالي: اي يا استاذ روحت فين..
ادهم بأشمئزاز: معاكي وطلع فونه وطلع صور..
ادهم: هما دول تعرفيهم صح...
(سالي بتدقق في الصور)
سالي: اه طبعااا اعرفهم دول زبايني من زمان...!!
ادهم: تمام حلو اوووي انتي بقي هتتصلي بيهم وهتشوفيهم فين وبعد كدا هتلاقيهم قاعدين في الشقة الي انتي متعودة تروحي ليهم فيها..وبعد كدا عايزاك تخليهم يشربوا لحد اما يتعموا وتحطي ليهم البرشام دا وتشربيه ليهم... وبعد كدا عايزاك تفضل تجريهم في الكلام عشان عايز معلومات معينة منهم...
سالي بصدمة: لا طبعاااا يباشا انت عايزني اعمل كدا لا مستحيل...
(يمسكها ادهم من شعرها)
ادهم بعصبية: شكلك عايزة تقضي بقيت عمرك كله في السجن ولا اي تبلع ريقها بخوف يكمل ادهم: انا ابقي المقدم ادهم لو منفذتيش الي بقولك عليه بالحرف هتزعلي مني اووي يا سالي ولحد دلوقتي انا مش عايز اوريكي غضبي عامل ازاي هي قضية واحدة كفيلة تجيبك الارض حد من رجالتي يجرك معاه في الشقة وانتي عارفة الي هيحصل هلبسك قضية دعارة...
سالي بخوف: لا لا يباشا انا هعمل كل الي انت بتقولي عليه...
ادهم: شطورة يا سالي ودلوقتي تقومي تروحي تلبسي وانا هستناكي برا واياكي حد يحس بحاجة
سالي بخوف: حاضر حاضر
*تقوم سالي عشان تلبس يخرج ادهم برااا يتكلم في التليفون*
ادهم: الووو محتاج اتنين امين شرطة علي العنوان دة بسرعة...
الشخص: تمام يا فندم...
(يقفل مع الشخص يلاقي سالي في وشه يتحركوا مع بعض)
*عند مليكة يوصلها فهد*
فهد: الف سلامة يا أستاذة مليكة واتفضلي المرهم اهو عشان تحطي منه تاني...
مليكة: ماشي يا فهد وشكرا علي كل حاجة عملتها عشاني...
فهد: انا معملتش حاجة دي حاجة بسيطة يلا اتفضلي عشان الجو بيسقع....
مليكة: ماشي يلا باي...
فهد: باي..
"تتدخل مليكة تلاقي عمتها قاعدة*
وفاء: نورتي والله..
مليكة: مساء الخير..
وفاء: هيجي منين الخير وانتي بأيدك دي مالها...
مليكة: حاجة بسيطة...امال فين بابا....
وفاء:هيتأخر في الشركة وممكن يبات هناك..
مليكة بعدم اهتمام: ماشي *وتروح تتطلع تتدخل وتقعد علي السرير وتبص لايديها وتفتكر معاملة فهد ليها ولون عنيه الي سرحت فيهم اول ماشافته*
مليكة: هو انا لية قلبي دق كدا اول ماقرب مني لية حاسة أنه كل اما يقرب مني انا بتوه وببقي ضايعة بسببه...
قلبها: يمكن تكوني اعجبتي بيه.
عقلها: بطل هبل اعجبت بيه اي مينفعش...هي كدا هتجبله الاذية..
مليكة: ازاي هجبله الاذية...
عقلها: انتي فاكرة أن باباكي يوم ماتحبي أنه يوافق انك تحبي سواق هيمحيه من علي وش الارض..
قلبها: مفيهاش حاجة لما تجرب مش هتخسر حاجة....
عقلها: لا هتخسر كتير بطل عشان انت دايما بتتحكم بمشاعرك
مليكة: خلاص بس...
(تقوم مليكة من التعب تغير هدومها وتلبس قميص قطني قصير لحد الركبة بحملات وتقعد تقرأ كتاب)
"يوصل ادهم قدام العمارة"
ادهم: امسكي البرشام اهو تجاريه في الكلام معرفتيش اديني رنة وانا هتابع معاكي واياكي يا سالي اياكي مرة كمان تعملي اي غلطة فيها رقبتك والله
*سالي تبلع ريقها بخوف هي عارفة أن ولا ادهم هيرحمها ولا محمد وجاسم أو عرفوا هيرحموها بس تعمل اي مضطرة تخاطر☝??????*
سالي: تمام يباشا متقلقش..
(تنزل وتسيبه وتتطلع عند محمد وجاسم)
يفتحلها محمد
محمد بتوهان: طول عمرك مظبوطة في مواعيدك
سالي بدلع: عيب عليك يا حمودي
جاسم جاي من ورا محمد: اه دة انتو السهرة صباحي طب انا كفاية عليا كدا لاني هيبرت خلاص انا هروح سلام يخويا انت وهي...
*يعدي جاسم بينهم وينزل وادهم واقف تحت يشوفوا ويدقق في ملامحه ويعرف أنه جاسم يحمد ربنا أنه فيه واحد بس الي هيكون موجود عشان تقدر تتصرف ومتبقاش متوترة*
(فوق عند سالي....يقرب عليها محمد ولسة هيلمسها...)
سالي بتوتر: اي يا عم اهدي كدا تعالي نشرب حاجة الاول...
محمد: كل حاجة عندك علي البار !!
(تديلوا بوسة في خده)
سالي: ثواني وراجعة ..
(تروح سالي تجهز كاسين وتحط البرشام زي ما ادهم قالها
وترجع لمحمد وتبدأ تنفذ في الخطة وتسأله عن شغله وعن الي بيعمله في حياته وهكذا)
"عند مليكة في الفيلا يوصل الفيلا ويلاقي الفيلا كلها مضلمة يطلع علي أوضته فوق يلاقي أوضة مليكة منورة يروح عندها ويفتح عليها مرة واحدة..."
مليكة بخضة: انت متخلف ازاي تفتح الباب مرة واحدة كدا
جاسم بتوهان وتريقة: هبقي افتحه علي مراحل بعد كدا
مليكة بحذر: جاسم انت شارب...
جاسم: دول كام كاس مش كتير
مليكة: اطلع برا يا جاسم...
جاسم وهو بيقرب عليها: ولو مطلعتش هتعملي اي..
مليكة: هصوت والم عليك الفيلا
*يقرب عليها اكتر ويشدها من ايديها ويحاول يبوسها بالعافية وهي عمالة تصرخ لحد اما باب الأوضة يتفتح مرة واحدة ويدخل فريد...*
فريد:انت بتعمل اي يا ابن ال...
*انا نزلت الحلقة مع اني مكنتش منزلها انهاردة والله بس الناس الي بتتفاعل ملهاش ذنب التفاعل بيقل جامد يجماعة لو القصة مش عجباكم قولوا واانا أوقفها لكن بالتفاعل دة انا حقيقي بتعب نفسيا ومش ببقي عايزة اني اكمل نزولها نهائي يلا اتمني تتفاعلوا مع الحلقة ومستنية رائيكم والحلقة طويلة اهي زي ماطلبتم*



10-23-2019 01:27 AM
#10  

افتراضيرد: قصة احكي حكايتك , روايه قصيرة احكى حكايتك

{الحلقة الحادية عشر}
فريد: بتعمل اي يا ابن ال....
(يتخض جاسم ويبعد عن مليكة، ومليكة تجري تقف وراء ابوها وفريد يروح عند جاسم وينزل فيه ضرب تيجي وفاء علي صوتهم...)
وفاء بخضة: ابني فيه اي يا فريد وسع ايدك كدا اوعي...
فريد بعصبية: ابنك دة مش عايز اشوف خلقته هنا تاني اخرتها بيتهجم علي بنتي في بيتي دة اتجنن ولا اي انا لو مقعده هنا ف دة عشانك ولولا أنه ابنك كان زمانه مرمي في السجن دلوقتي..
وفاء بهدوء: وهو اتهجم عليها..!!؟؟
فريد بعصبية: اي البرود الي انتي فيه دا بقولك أيوة اتهجم عليها..
وفاء بخبث: انا عايزة اجوز جاسم لمليكة وكدا كدا احنا قرايب في بعض ومش هلاقي لابني احسن من بنت اخويا ولا اي
فريد: لا طبعا انتي بتقولي اي..
*مليكة من الصدمة وقعت أغمي عليها حااسوا بحاجة اترمت في الارض*
فريد بخضة: مليكة...
(يجري عليها ويحاول يفوق فيها يشيلها يحطها في السرير ويتصل بفهد)
فريد بخوف: الو يا فهد انت فين..
فهد بنوم واستغراب:انا في البيت يا فريد بيه فيه حاجة ولا اي...
فريد: تعالي بسرعة يا فهد لان مليكة تعبانة ولازم اروح بيها المستشفي عشر دقايق وتكون قدامي هنا وقفل معاه...
*وفهد قلبه وقع في رجله خوف علي مليكة حب عمره من وهي صغيرة*
فهد بقلق: يارب تبقي بخير يارب خليها ليا انا مليش غيرها يارب والله
(وفي اقل من غير دقايق وصل فهد قدام الفيلا ودخل لقي فريد نزل بمليكة)
فريد : تعالي يا فهد خد مليكة وديها العربية عقبال ماجيب في حاجتي من المكتب..
*يقرب فهد ويشيل مليكة بين أيديه الاتنين مش مصدق انها في حضنه بس في حضنه وهي تعبانة وهلكانة وهي باين عليها الإرهاق والتعب...حبيبته بين ايديه بتروح منه اقسم أنه مش هيخليها تدوق الحزن تاني ابدااااا*
(ياخدها ويدخلها العربية ويخرج فريد ويطلعوا علي اقرب مستشفي يدخلوا)
فريد بزعيق: دكتور بسرعة
"تيجي ممرضة علي صوت الزعيق"
الممرضة بخوف: اتفضل يا فندم والدكتور جاي حالا احنا هننقلها دلوقتي..!!
( وبالفعل تم نقل مليكة للاوضة وجيه الدكتور وكشف عليها يخرج الدكتور من الأوضة
فريد بقلق واقف جمبه فهد الي مبقاش مستحمل حاسس أنه قلبه بيقف..)
فريد: ها يا دكتور طمني
الدكتور: هي متعرضة لصدمة عصبية لازم تريح اعصابها اكتر من كدا تسافر اي مكان بعيد عن هنا شوية لحد اما تستريح ولازم تهتموا بأكلها شوية لأنها ضعيفة جداااا..انا علقت ليها محلول دلوقتي وان شاء الله كلها كام ساعة وتفوق هنسيبها انهاردة تحت الملاحظه وتقدر تخرج بكرا..
فريد: شكرا يا دكتور..
الدكتور: العفو دة واجبي عند اذنكم...
(يقعد فريد علي اقرب كرسي
وفهد واقف مية سؤال في دماغه اي حصلها خلاه تتدخل في صدمة مين ضايقها مين قدر يقرب من حبيبته ويجرحها مين كان عنده الجراءة دي مين قدر يبص في عينيها ويجرحها

مية سؤال في دماغه ومش عارفة إجابة ليهم قرر السكوت وعدم التفكير يعدي اليوم من غير اي جديد)
(في الصباح في مكتب ادهم
يسمع صوت دقات علي الباب)
ادهم: ادخل
"يدخل امين شرطة"
أمين الشرطة: تمام يا فندم..
ادهم: خير...
أمين الشرطة: اللواء حسين عايز حضرتك يا فندم..
ادهم: تمام انصراف انت..
(يأدي الأمين التحية العسكرية ويخرج يقوم ادهم من علي مكتبه ويروح عند اللواء)
ادهم في سره: خير يارب
يدخل ويأدي التحية العسكرية.
ادهم: خير يا فندم طلبتني لية...
حسين: تم نقلك الساحل لمدة أسبوعين أو تلاتة كدا
ادهم: لية يا فندم..؟؟؟
حسين: في عجز في الظباط هناك وانت تروح تكمل العجز دا لحد اما الظابط الجديد يوصل وهناك مجهزين ليك شالية تقعد فيه وكل حاجة جاهزة.!!
ادهم: تمام يا فندم المفروض اسافر من أمتي..!!
حسين:بكرا بكتير تكون مخلص كل حاجة وتسافر!!
*يقوم ادهم ويأدي التحية العسكرية*
ادهم: تمام يا فندم.
حسين: انصراف
"يخرج ادهم برااا"
ادهم في سره: ياربيي يعني الواحد ناقص سفر ومرمطة في الحر دا هو مفيش غيري يعني انا الحيطة المايلة روح يا ادهم تعالي يا ادهم..
سامح: طب قولي ونبي لو حد قفشك وانت بتكلم نفسك كدا مين هيحترمك بعد كدا ..
ادهم: ازيك ياض يا سامح عامل اي
سامح: انا تمام يخويا انت عامل اي
ادهم: انا فل الفل..
سامح: كنت ماشي بتبرطم لية كدا
ادهم: اللواء يعم هينقلني الساحل بكرا عشان فيه عجز في الظباط
سامح: يعيني عليك وبعدين يعم هو لاقي دة مليطة هناك..
ادهم: ماتتلم يا بني انا مش عارف انت ظابط ازاي اصلا..
سامح: انا ظابط علي ماتفرج
ادهم: صحيح جهز نفسك عشان لما هرجع فيه طالعة مع فريد كدا هنعمل معاه الصح..
سامح: خلاص ماشي مستنيك يا صاحبي
(ويسلموا علي بعض ويمشي ادهم ،في المستشفي عند مليكة يدخل عليها فريد)
فريد: صباح الخير علي بنوتي الجميلة
مليكة بخوف وقلق: صباح النور..
فريد: عاملة اي دلوقتي احسن عن الاول صح
مليكة: الحمدلله بابا هو
(تقاطع كلامها دخول مي وهي بتعيط تجري عليها تحضنها+
مي: كدا تخضيني عليكي يا مليكة بتختبري غلاوتك عندي يعني
مليكة: مانا زي الفل قدامك اهو متقلقيش بطلي عياط بقي..!!
فريد: مليكة الدكتور قال انك لازم تسافري يومين تريحي فيهم اعصابك انا بعت ناس يظبطوا ليكي الشالية الي في الساحل وانتي هتروحي بكرا وهبعت معاكي فهد يفضل معاكي هناك بالعربية ولو طبعاا مي توافق انها تروح تقعد معاكي اليومين دول..
مي: مفيش مشاكل يا عمو هروح معاها متقلقش عليها...
فريد: كتر خيرك يا بنتي..يلا يا مليكة اجهزي عشان نمشي..
مليكة بخوف: بابا هو جاسم هناك
فريد: لا متقلقيش مش موجود هناكانا هستناكي برا...
*يخرج فريد ومي تجهز مليكة ويخرجوا يقابلها فهد*
فهد بقلق: الف سلامة عليكي آنسة مليكة
مليكة بشئ من التعب: الله يسلمك يا فهد..
(ويسندها مع مي ويخرجوا يركبوا ويتحركوا يوصلوا وكل الحراس يسلموا علي مليكة لأنهم بيحبوها جدااااا..)
"تتدخل مليكة الفيلا تقرب عليها وفاء"
وفاء: الف سلامة عليكي يا بنت اخويا..
مليكة بأشمئزاز: الله يسلمك يا عمتو مي معلش طلعيني اوضتي عشان تعبانة وعايزة استريح..
مي: حاضر يا حبيبتي يلا...
فريد: فهد تعالي المكتب عايزاك .
"يروح وراه فهد"
فهد: خير يا فريد بيه
فريد: مليكة هتتحرك بكرا الصبح بدري هتروح الساحل وانت هتروح معاها وهتبقي تحت عينك لحظة بلحظة انا بثق فيك جداااا عشان كدا اخترتك اتمني انك تكون قد الثقة دي...
*فرح فهد جداااا لأنه هيقعد مع مليكة وقت أطول*
فهد: متقلقش يا فريد بيه في عنيا..
فريد: وانا متأكد من حاجة زي كدا اتفضل انت بقيت اليوم إجازة جهز نفسك
فهد: ماشي عن اذنك...
(يعدي بقيت اليوم من غير اي احداث تذكر)



10-23-2019 01:28 AM
#11  

افتراضيرد: قصة احكي حكايتك , روايه قصيرة احكى حكايتك

{الحلقة الثانية عشر}
"تاني يوم الصبح تصحي مليكة تجهز وتصلي وتفضل قاعدة مستنية مليكة عند فهد في البيت يدخل أوضة مامته"
فهد: صباح الفل علي احلي ماما
نادية: صباح النور يا حبيبي جهزت حاجتك خلاص.
فهد: اه يماما ونبي خلي بالك من نفسك وانا وصيت بنت جارتنا الي جمبنا انها تتطمن عليكي وانا أن شاء الله مش هتأخر
نادية: ماشي يا حبيبي المهم تخلي بالك من نفسك يا فهد ونبي..
فهد: حاضر يا ام فهد متقلقيشيلا مع السلامه انا...
نادية: مع السلامة يا حبيبي
(يخرج فهد وينزل يركب العربية ويتحرك يوصل قدام الفيلا يلاقي مليكة ومي واقفين ينزل يحط الشنط في العربية ومليكة تسلم علي اهلها وتركب هي ومي ويتحركوا ، عند ادهم ينزل هو كمان ويركب عربيته ويتحرك)
*في الطريق بعد اما يوصلوا نص الطريق يقفوا عن استراحة*
فهد: محتاجين اي حاجة اجيبها ليكم..؟!!
مليكة: انا عايزة ازازة مية معدنية...
مي: وانا هنزل معاك لاني هدخل التويليت
فهد: ماشي يلا...
(علي الناحية التانية ينزل ادهم ويدخل الكافية الي في الإستراحة)
*عند فهد ومي*
فهد: روحي انتي يا آنسة مي الحمام وانا هروح اجيب الحاجة واجي!!
مي: ماشي!!
(تروح مي الحمام وبعد خمس دقايق تروح تدور علي فهد متلاقيهوش عمالة تتلفت حواليها في وقت دة معدي ادهم يخبط فيها يوقع كل الحاجة الي في ايديها)
مي بعصبية: انت يا حيوان مش تفتح وتخلي بالك كدا...
ادهم بصدمة: انا حيوان
مي: اه وستين حيوان
" وتنزل تلم الحاجة الي وقعت منها في الارض"
ادهم بعصبية: لولا أنك بنت انا كنت عرفتك مقامك بس مش هنزل مستوايا لواحدة زيك
مي: حوش حوش ونبي روح اتنيل علي جمب كدا بدل ماخلي الي يشتري يتفرج عليك في الكافتريا واتقي شري احسن وسع كدا....
(وتمشي وتسيبه في حالة زهول وعصبية تروح مي العربية وهي متعصبة)
مليكة: مالك يا مي
مي بعصبية: مفيش
*عند ادهم يتحرك ويروح عربيته*
ادهم: انا حتة بت زي دي تقولي يا حيوان بس اي دا يخربيت جمالها
(يتحرك ادهم والناحية التانية يوصل فهد ويتحرك هو كمان
بعد كام ساعة يوصلوا الشالية
ويحطوا الشنط)
مي: انا همشي اتجول انا في المكان واجيب فطار..
فهد: اجي أوصلك...
مي: لا خليك يا فهد مع مليكة جهز معاها الشنط وانا هروح اجيب فطار من السوبر ماركت واجي..
فهد ومليكة: ماشي..
تتحرك مي لاقرب سوبر ماركت وتجيب الفطار...!!
وبكدا تكون حلقتنا خلصت اتمني انها تكون عجبتكممنتظرة رائيكم كالعادة




10-23-2019 01:32 AM
#12  

افتراضيرد: قصة احكي حكايتك , روايه قصيرة احكى حكايتك

{الحلقة الثالثة عشر}
*توصل مي وتتدخل علي مليكة وهي بتكلم نفسها*
مليكة: انتي اتجننتي خلاص وبتكلمي نفسك..
مي: اقعدي ساكتة يا مليكة لحسن انا على أخري..!!
مليكة: مالك يا مصيبة فيه اي وبعدين انتي الصبح كمان كنتي متعصبة حصل اي
مي بعصبية: يا بنتي الصبح واحنا في الإستراحة حصل موقف كدا
(وتبدأ تحكيلها كل حاجة لحد اما وصلوا الشالية)
مليكة: يخربيت ام لسانك الطويل الي موديكي في داهية دا..
مي بعصبية: هو الي يستاهل دة انا كنت هاكله بسناني☝??????
مليكة: اهدي يا وحش مش كدا قومي يلا غيري هدومگ كدا وخدي وانا هقعد عند البحر شوية لحد اما تخلصي وتبقي نجهز الاكل..
مي: ماشي يا مزة..
مليكة: يا مصبرني الله يكون في عون الي هيتجوزگ...
مي: امه هتكون داعية عليه
مليكة: اكيد..
*تقوم مي تتطلع فوق وتخرج مليكة علي البحر يلمحها فهد يتسحر بجمالها*
(مليكة لابسة شورت جينز وبادي كت احمر وحاطة شال علي كتفها وشعرها مفرود علي دهرها والهوا عمال يطيره..)
"تلاحظه مليكة أنه عمال يبص عليها تتكسف تقرب منه"
مليكة: انت لسة مغيرتش هدومگ..
فهد: كنت بركن العربية وقولت أقف عند البحر شوية واستناكم لو احتجتم حاجة..
مليكة:اه طب تعالي نقعد
(يروحوا يقعدوا)
مليكة: احكيلي عنك يا فهد..
فهد؛ محتاجة تعرفي اي عني..
مليكة بفضول: كل حاجة...
فهد: نظرة الفضول في عنيكي رهيبة..
مليكة بضحك: باين عليا اووي كد..
فهد: اووي بصي يا ستي انا من عيلة بسيطة عايش مع امي والدي الله يرحمه وكان ليا اخ اختفي يوم موت بابا مكملتش تعليم طبعااا لان ظروفنا مكنتش تسمح لحاجة زي كدا لو تعرفي بابا كان شغال عند فريد بيه وانا جيت مكانه..
مليكة: أيوة طبعااا فاكراه الله يرحمه كنت بحبه اوي طب واخوك متعرفش عنه أي حاجة.
فهد بيأس: لا من ساعة موت بابا وهو اختفي نهائي منعرفش عنه حاجة كان انا عندي وقتها خمس سنين وكان عشر سنين مقدرتش اني ادور عليه وصحة امي اتدهورت من ساعتها كنت بشتغل اي شغلانة تقابلني لحد اما كبرت وجيت بقي اشتغلت عندكم في الفيلا كان عندي بتاع ١٨ سنة بس كدا يا ستي دي حكايتي....
مليكة: يااااه بس انت اتبهدلت اووي وكان نفسك تخش كلية اي يا فهد
فهد: كان نفسي اخش صيدلة بس ربنا مكتبليش نصيب اني اكمل تعليمي بقي بس اهو بنقول الحمدلله..
(لسة مليكة هتتكلم تنادي عليهم مي)
مي: يلا يجماعة انا حضرت الفطار..
مليكة: ماشي يا مي يلا يا فهد
فهد: لا اتفضلي انتي وانا هقعد هنا احميكم...
"تشده مليكة من ايده"
مليكة: احنا جاين هنا نغير جو سيبك بقي من الشغل والرسميات دي
يبتسم فهد ويبصلها بحب: تمام
(يدخلوا يفطروا ويريحوا شوية)
*عند فريد في الفيلا، بيتكلم في الفون*
فريد: اي يا محمد انا سمعت أن ادهم اتنقل الساحل..
محمد: أيوة يا فريد بيه اتنقل فعلا الساحل لأن فيه عجز في الظباط....
فريد: تمام ابدؤا جهزوا في الشحنة الجديدة قبل مايرجع القاهرة تاني..
محمد: تمام يا فريد بيه.
(عند مليكة في الساحل تصحي من النوم تروح تصحي مي)
مليكة: مي قومي يا مي تعالي نخرج شوية انا زهقانة..
مي: اممم
مليكة: يا بنتي قومي بقي انجزي..
مي: لا يا مليكة انا مش قادرة اخرج روحي انتي...!!
مليكة: فقرية وربنا...!!
"تخرج مليكة من الأوضة ترن علي فهد"
مليكة: الو يا فهد انت نايم
فهد: لا انا صحيت محتاجة حاجة يا مليكة هانم..
مليكة بزهق: مش قولتلك ترفع الألقاب دي بقي يا بني بقولك اي طيب جهز العربية عشان نخرج والبس كلاسيگ بلاش اللبس الرسمي دا تمام..
فهد بتعجب: تمام..
(تروح مليكة أوضتها تاخد دش وتخرج تروح عند الدولاب)
مليكة: يا تري البس اي بقي
(تقلب في الهدوم لحد اما تتطلع فستان احمر كت ضيق من عند الصدر ونازل علي واسع واحد الركبة وتطلع جزمة سودا)
*تلبس الفستان وتفرد شعرها علي ضهرها وتحط ميك اب خفيف زادها جمال علي جمالها*
تسمع صوت زمارة عربية تعرف أن فهد وصل تنزل تحت تخرج تلاقي فهد واقف لابس قميص ابيض مبين عضلاته وبنطلون اسود وكوتش ابيض كان وسيم جداا يشوفها فهد ينبهر بجمالها....)
فهد: هو انا ينفع اقولك انك جميلة اووي..
مليكة بضحك وكسوف:اعتبر دي معاكسة ولا اي♥
فهد: لا مقدرش
مليكة : طب يلا بينا
(يركبوا العربية ويبدأ فهد يتحرك يشغل التسجيل تبتدي اغنية لعمرو دياب)
*وماله لو ليله توهنا بعيد وسبنا كل الناس ... انا يا حبيبي حاسس بحب جديد ماليني ده الاحساس وانا هنا جنبي اغلي الناس انا جننبي احلي النااس حبيبي ليله تعالا ننسا فيها ال راح تعالا جوا حضني وارتاح دي ليله تسوي كل الحياه*
يبص فهد لمليكة يلاقيها سرحانة مع الاغنية والهوا بيطير في شعرها كان منظرها حلو اووي كانت ملاگ من ملائكة السماكانت حورية بمعني الكلمة ولون عينيها الي بيسحروه..
فهد في نفسه: ياااه يا مليكة لو اقدر اقولك علي الي جوايا من ناحيتك مش عارف لية انتي الوحيدة الي حبيتها لية اقع في حبك انتيسحرتيني خلتيني مش قادر اشوف غيرك ولا احب غيرك بس مش هينفع لازم الحب دة ينتهي انتي عمرك ماهتكوني من نصيبي ولو انتي وافقتي فريد بيه مش هيوافق يارب حلها من عندك بقي!!
مليكة: فهد يا فهددددد
(ينتبه فهد علي صوتها)
مليكة: اي يا بني بقالي ساعة بنادي عليك كل ..
فهد: معلش مخدتش بالي كنت مركز في الطريق..
مليكة: طب اركن هنا علي جمب هننزل الكافية دة عشان بحبه اووي ..
فهد: تمام انا هستني حضرتك هنا او ماتخلصي اديني رنة..
مليكة: نعم..!؟؟هتستني فين انت هتتدخل معايا
فهد: مينفعش يا...
(تحط مليكة ايديها علي بؤق فهد)
مليكة: مش عايزة اعتراض هتتدخل معايا يلا ..
"يستسلم فهد ويركن العربية ويدخلوا يقعدوا علي الترابيزة تنادي مليكة الجرسون"
مليكة: تشرب اي..
فهد: مش عايز والله..
مليكة: ياربي عليك خلاص هجبلك كابتشينو زي اتنين كابتشينو لو سمحت..
مليكة: ممكن تفك كدا يا فهد وبعدين مش انا قولتلك احنا جاين هنا نخرج ونتفسح مفيش شغل والكلام دا...
فهد: معلش لسة مخدتش علي الجو بردو...
مليكة: طب قوم معايا نرقص وانت تاخد علي الجو بسرعة..
(يتنح فهد)
فهد في سره: دي بتتطلب مني ارقص معاها هو فيه اي انهاردة ناوية تجيب اجلي انهاردة بحلاوتها دي
مليكة: هفضل واقفة كدا كتير يا بني قوم يلااا...
(يطلعوا علي الاستيدج ويبدؤا يرقصوا سلو فهد مبسوط اووي بقرب مليكة منه يفضل باصص في عينيها )
(تتكسف مليكة)
*يبفضلوا يرقصوا لدرجة أنه الأغنية خلصت وهما مش حاسين*
مليكة: شكلنا خدنا علي الجو بسرعة الأغنية خلصت واحنا محسناش يلا نرجع نقعد
فهد: احم يلا
(يرجعوا علي الترابيزة)
فهد: ممكن أسألك سؤال..
مليكة: اتفضل طبعاا
فهد: هو انتي ازاي يعني بتتعاملي معايا كدا عادي...
مليكة: عادي ازاي يعني
فهد: احم يعني في الاول وفي الاخر انا سواق بشتغل عندكم ازاي بتقعدي معايا وبتتكلمي معايا عادي فاهمة قصدي
مليكة: عشان انا مش بعرف افرق بين الناس بطل تشوف نفسك اقل من الناس وانت هتلاقي كل الناس بتتعامل معاك عادي مش معني انك بتتشغل مع بابي اني متعاملش معاك أو اخرج معاك حتي لا انا عادي جداااا احنا كلنا ولاد تسعة...
*فهد الكلام دة فوقوا خلاه عنده امل لسة أنه لو اعترفلها بحبه ممكن تتقبله وتبقي معاه*
فهد بأبتسامة: عندك حق فعلا..
(عند مي تصحي من النوم متلاقيش مليكة تعرف انها خرجت تقوم تلبس وتخرج تتمشي علي البحر ، وهي بتتمشي وسرحانة تخبط في شاب لسة بترفع وشها تشوف خبطت في مين!؟)





الكلمات الدلالية (Tags)
قصيرة, قصة, احكى, احكي, حكايتك, روايه

أدوات الموضوع
انواع عرض الموضوع

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
شاي التركي بالرمان 2020 , طريقة تحضير شاي التركي بالرمان , مشروب شاي الرمان كنتوسه هانم مشروبات وعصائر طبيعية ومثلجات 0 07-31-2019 07:38 PM
مكياج سموكي2019,مكياج سموكي اسود وذهبي,مكياج سموكي ناعم,مكياج سموكي بني,مكياج سموكي خفيف لوسيندا ميك اب ومكياج 1 06-29-2019 12:09 PM
اجمل انتريهات وموديلات كنب تركي شيك جدا,كنب تركي مودرن,احدث موديلات الكنب اللف,موضة الكنب الكلاسيكي ام رونزا صالونات وانتريهات 2021 0 04-29-2019 07:27 PM
مكونات خبز البازلاما التركي هش ولذيذ,خبز المقلاة التركي المنزلي الراائع لجميع الاستعمالات2019 جودى المعجنات والفطائر 2 01-31-2019 01:31 AM
اسماء فيس بوك بالتركي,اسماء بنات ورجال تركي للفيس بوك,أسماء بنات تركي , أسماء تركية , أسماء تركية كنتوسه هانم تعليم لغات - loghat 1 01-12-2019 05:46 AM


الساعة الآن 04:30 PM


Powered by vBulletin® Version 3.8.11 Beta 4
Copyright ©2000 - 2024, vBulletin Solutions Inc.
new notificatio by 9adq_ala7sas
User Alert System provided by Advanced User Tagging (Lite) - vBulletin Mods & Addons Copyright © 2024 DragonByte Technologies Ltd.

خيارات الاستايل

  • عام
  • اللون الأول
  • اللون الثاني
  • الخط الصغير
  • اخر مشاركة
  • لون الروابط
إرجاع خيارات الاستايل