يا غلام سم الله وكل بيمينك وكل مما يليك
حبايبي الحلوين
عاملين ايه في المدرسة
عايزاكم كلكم متفوقين
هنتكلم عن حديث عن النبي صلى الله عليه وسلم
لكن قبل ما نقوله عايزين نتفق إننا لما نسمع حديث لازم نطبق اللي هنتعلمه من الحديث
تعالو نسمع الحديث مع بعض
عن عمر بن أبي سلمة رضي الله عنهما قال: كنت غلامًا في حجر رسول الله صلى الله عليه وسلم، وكانت يدي تطيش في الصحفة، فقال لي رسول الله صلى الله عليه وسلم: ((يا غلام، سمِّ اللهَ، وكُلْ بيمينك، وكُلْ مما يليك))، فما زالت تلك طُعمتي بعد.
كلامه صعب ؟
متتخضوش تعالو نعرف مع بعض معنى الحديث
عمر بن أبي سلمة ابن أم المؤمنين أم سلمة رضي الله عنها واحدة من زوجات النبي صلى الله عليه وسلم
فكان النبي صلى الله عليه وسلم بيربيه
وهما بياكلوا كان عمر ايده تطيش في الصحفة
يعني ايه؟
الصحفة يعني الطبق
فعمال ياكل من كل حتة من الطبق
يمين وشمال
فراح الرسول صلى الله عليه وسلم قاله
ان الاكل ليه اداب لازم اعملها
ايه الآداب دي ؟
ايوه برافو عليكم ممتازين
اني اسمي الله قبل ما ابدأ اكل
يعني اقول بسم الله الرحمن الرحيم
او بسم الله
طيب لو كنت جعان اوي اوي وبسرعة اكلت من غير ما اسمي؟
يبقى اقول بسم الله أوله وآخره
طيب ايه الادب التاني اللي علمه ليتا رسول الله صلى الله عليه وسلم
اننا ناكل بايدنا اليمين
وخلوا بالكم لان الشيطان بياكل بايده الشمال ولما بناكل بايدنا الشمال الشيطان بياكل معانا
والادب الثالث اننا ناكل من أمامنا
مش ايدنا تفضل تلف في الطبق من كل حتة
عايزاكم من النهاردة يا حبايبي تلتزموا بهذه الاداب الثلاثة وانتم بتاكلوا
إقرئي المزيد :
من مواضيع : الملكة نفرتيتى
- سكرابز فيونكات للفوتوشوب 2019,سكرابز فيونكات متنوعة,سكرابز فيونكات 2019,سكرابز فيونكات من تجميعي2019
- العناية بالأظافر فى الشتاء,طرق العناية بالأظافر في الشتاء
- تفسير وتلاوة ما تيسر من سورة ص قراءة الشيخ عبد الله الجهنى من مكة المكرمة
- سكرابز بنات كيوت للتصميم,سكرابز بنات كيوت,سكرابز ازياء بنات,سكرابز روعة,سكرابز بنات حصريا على كنتوسه
- كيف تتعاملين مع عنف الزوج,طرق التعامل مع الزوج الذي يضرب زوجته,ماذا تفعل المرأة إذا ضربها زوجها لها