المنتدى الأدبي

ابيات شعر قصيرة,شعر وشعراء,ابحارات ادبية وشعريةة,نقد ادبي,ابيات شعرية,نثر,شعر الحب,شعر فصيح,مقالات,خواطر, مدح,وروايات منتهيه,قصص ادبيه,المنتدى الادبي 2020.

نسخ رابط الموضوع
https://vb.kntosa.com/showthread.php?t=1089
5501 0
12-05-2018 02:21 AM
#1  

Qubanzhuهو انتى كنتى بجد ولا انتى كنتى سراب (بقلمى)


هو انتى كنتى بجد ولا انتى كنتى سراب (بقلمى) kntosa.com_09_18_154
( غير مقصوده فقط من وحي الصورة ✋🏼)
هو انتى كنتى بجد ولا انتى كنتى سراب (بقلمى) kntosa.com_05_18_154
( غير مقصوده فقط من وحي الصورة ✋🏼)

هو انتى كنتى بجد ولا انتى كنتى سراب ..

أنا عارف أن الكل جاى من تراب لتراب ..

فيه حضن زى الوطن يملك فى لحظه الروح ..

و حضن لو لسنين جواه نكون أغراب ..

و يا راحل أرحل أنا من زمان وحدى ..

رابط طريقى ميثاق كاتب معاه عقدى ..

و إن يوم لقيت روحى بتحن ليك هفتكر ..

أنك مشيت و رضيت عادى تبيع عهدى ..


أقوى أنا بكتير و بعيش فى ضلمه و نور ..

مايهمنيش الوجع ولا أنى أعيش مضرور ..

مستنى ايه من واحد بيتبسط جداً ..

وهو عند أصحابه المدفونين فى قبور ..

و الراس دى ياما دقت عليها طبول ..

و القلب طول عمره شجاع و جسور ..

و العقل يوزن بلد و إن قالوا فيه مجنون ..

يضرب كلامهم صرمه ميهمهوش القول ..

الناس كلامهم كدب و الزيف ملى قلوبهم ..

خاضوا فى شرف عذراء ربك كاتبها بتول ..

يا راحل أرحل قلبى شديد و جرئ ..

ربطونى و رمونى فى البحر قالوا غريق ..

لقيونى واصل الشط و ببتسم عادى ..

و فى كل تيه بعرف أوجد لنفسى طريق ..

يرموك فى بير معدوم علشان تموت فى سكون ..

لو يدفنوك بالحيا صوتك يهز الكون ..

مش كل من يترمى بيموت كده و ينتهى ..

يوسف طلع م البير ملك بكُن فيكون ..

مش كل حد إتساب عاشها حزين مكبوت ..

ولا كل قفلة باب بتصون معاها بيوت ..

ولا كل من يتنفس بيتحسب عايش ..

ولا كل قاطع نفس بيتوصف بالموت ..

واللى عرف العشق للموت بكل ضمير ..

عنده يموت عادى ولا أنه يبقى أسير ..

ميهمهوش الوجع أصل البطل و الجدع ..

عدى عليه أصعب و أقوى كمان بكتييييييير .

مثلا ........

هو انتى كنتى بجد ولا انتى كنتى سراب (بقلمى) kntosa.com_09_18_154








الكلمات الدلالية (Tags)
(بقلمى), كنتى, هو, ولا, انتى, بجد, سراب

أدوات الموضوع
انواع عرض الموضوع

الانتقال السريع


الساعة الآن 10:48 PM


Powered by vBulletin® Version 3.8.11 Beta 4
Copyright ©2000 - 2024, vBulletin Solutions Inc.
new notificatio by 9adq_ala7sas
User Alert System provided by Advanced User Tagging (Lite) - vBulletin Mods & Addons Copyright © 2024 DragonByte Technologies Ltd.

خيارات الاستايل

  • عام
  • اللون الأول
  • اللون الثاني
  • الخط الصغير
  • اخر مشاركة
  • لون الروابط
إرجاع خيارات الاستايل