اطباق رئيسية ورمضانية اكلات رئيسية للغداء اطباق سهله ولذيذه للعشاء اكلات السفره الرئيسية مثل الارز والمعكرونة والدجاج واللحوم والاسماك اطباق رئيسية بالدجاج
السلام عليكم ورحمة الله وبركاته
الغداء كان كفتهالحاتى ومكرونه اسباكتى وسلطة وكاتشب للمكرونه
المقادير
كيلو لحمه مفرومه
بصلتين كبار مبشورين
200 جرام دهون ليه أو دوش أو أى دهون لحمه
ملعقة كبيرة بيكنبودر
ثلاث معالق كبيره نشأ
بياض بيضه
جزره مبشوره ناعم
فلفل رومى على حامى مفروم
بقدونس
ملح وفلفل وبهارات لحمه
كيس مكرونه اسباكتى
عصير طماطم تقيله وكونت مفرزه وزيت
ملح وفلفل ورشة من العشر بهارات وبصل بودر للدمعه
خيار وجزر وطماطم للسلطة وبقدونس
الطريقة
نجيب اللحمه المفرومه ونحط عليه البصل المبشور بعد ما نعصر أقل من نصه
وعليه الدهون وبياض البيضه والجزر والفلفل والبقدونس والملح والبهارات والنشا والبكنبودر
يعنى كل المكونات ونعجنه كويس جدآ ونحطه فى الثلاجه ساعتين على الأقل وناخد مايه البصل
ونحط عليه بابريكا وملح وفلفل وزيت وملعقه صغيره سكر أو عسل نحل وتقلبى كويس
وبعدين نجيب اسياخ الشيش ناخد أربع أسياخ ونصبع عليه ونكون دهنين أيدينا بمايه البصل ونحطه على الشبكه
الى تحتيه صنيه وفيه شويه مايه وورق لورا وريحان وكرفس وده بديل الفحم ومش مضر زى الفحم
واكون مسخنه مايه على درجة حرارة 240 وندخل الصنيه لحد ما يحمر وشها تقلبى على الوش التانى
كما هو واضح فى الصور
اما المكرونه
بنجيب حله فيه مايه وملح وزيت ونحطه على النار ولما تغلى تنزلى بالمكرونه ولما تغلى غلوتين ثلاثة اغطى الحله واطفى
وبتكمل سواه فى الحله ويدوب ربع ساعة واشطفه واصفيه واحط عليه الدمعه الى هى عبارة عن نجيب الحله
ونحط فيه زيت ونحطه على النار ولما تسخن ننزل بعصير الطماطم التقيله واحط عليه بصل بودر أو ثوم بودر
وملح وفلفل ورشة شطه والعشر بهارات وبابريكا وغلوه وانزل بيه على المكرونه وتقلبى واحطه على النار
يدوب تسخن وتقدم ساخنه مع كفتهالحاتى والسلطة ويارب أكون افدت بوضوح
والى عايزه تسأل على حاجه تحت أمره وشكراً
الطريقة والمقادير :
بهارات اللحمة :
معلقة كبيرة كمون
معلقة كبيرة حبهان
1/2 معلقة قرفة
1/2 معلقة قرنفل
1/2 معلقة كارى
1/2 معلقة كبابة صينى
1/2 معلقة بابريكا
1/2 معلقة كركم
1/2 معلقة كزبره
وده محتويات الكفتة صنيه فيه مايه وورق لورا وريحان وكرفس وعليه الشبكه واسياخ الشيش طاوق
وعجينه الكفتة وهى عبارة عن
كيلو لحمه مفرومه
بصلتين كبار مبشورين
200 جرام دهون ليه أو دوش أو أى دهون لحمه
ملعقة كبيرة بيكنبودر
ثلاث معالق كبيره نشأ
بياض بيضه
جزره مبشوره ناعم
فلفل رومى على حامى مفروم
بقدونس
أما الطبق الصغير للتصبيع
عباره عن مايه بصل وبابريكا وزيت وملعقه صغيره سكر أو عسل نحل ورشه ملح وفلفل
وتدهنى ايدك لما تيجى تصبعى الكفتة
والطريقة دى مش بتحتاج فحم ودى بشهادة الى كلوه انه زى الى بيشتروه من بره
وده شكله لما صبعته على أسياخ الشيش طاوق وبصبعه فى أربع أسياخ علشان تستوى من جوه
وهنا لما أحمر الوش
وهنا لما قلبته على الوش التانى
وهنا لما قلبته على الوش التانى وحطيط من الخليط الى بدهن بيه ايدى لما بصبعه
وده شكله فى الفرن لما اتشوت