العرض العادي
- مطبخ كنتوسة
- ازياء موضة واناقة
- الرشاقة والرجيم
- صور
- رعاية الام والطفل
- الأعمال والاشغال اليدوية
للنساء فقط
الحلويات الشرقية والغربية
طرق عمل الحلويات الشرقية و الغربية التورت والجاتوة شاتو والدسباسيتو والكيك استشارات فى الحلويات والتارت الشرقية والغربية اسماء الحلويات الفرنسية والشاميه بالصور مخبوزات العيد بالخطوات المصوره
نسخ رابط الموضوع
https://vb.kntosa.com/showthread.php?t=11018
#1
~{ مديرة منتدى كنتوسه }~
تورته المانجو باسهل طريقه وأقل امكانيات، طريقة عمل كيكة المانجو،اسهل طريقة لعمل تورته المانجو
السلام عليكم يا أهل (منتدى كنتوسه)
تحياتى لكم جميعا أينما كنتم
يالا بقى نلحق نشترى (منجاية ) كبيرة وحلوة كده ونعمل التورتاية الجميلة دى
المقادير :
٣ بيضات _ ٢كوب دقيق _ كوب سكر _ نصف كوب زيت _علبة زبادى (١٠٥) جرام
_ معلقة كبيرة بيكنج بودر _معلقة كبيرة خل _ رشة ملح
الطريقة :
*فى الخلاط ...
بنضرب السكر والبيض والفانيليا كويس قوى وبعدين نضيف الزبادى ونضرب وبعدين ننزل بالزيت (خيط )
ونضرب كويس قوى قوى ونضيف معلقة الخل ونكمل ضرب شوية لغاية لما القوام يتقل ويبيض
*فى بولة ...
حنحط الدقيق وعليه البيكنج بودر ورشة الملح ونقلبهم مع بعض (وننخلهم )
*ننزل بخليط (الخلاط) على الدقيق ونقلب كويس فى اتجاه واحد بخفة من تحت لفوق حتى يختفى الدقيق
*حنضيف على الخليط (أقل من ربع كوب ماية ) ونقلب كويس فى اتجاه واحد ...(محدش يخاف من الخطوة دى خااالص)
*هنا حنولع الفرن على (١٨٠)
*عندى حلة الومنيوم مقاس (٢٠)..بطنتها بالزبدة والدقيق كويس علشان لما اقلب الكيك تطلع قالب بسهولة
*أصب خليط الكيك فى الحلة واخبط الحلة على الرخامة خبطة خفيفة
*أدخلها الفرن على الشبكة فى المنتصف ...على درجة (١٨٠)لمدة (١٠)دقايق ...
وبعدين أوطى الحرارة (١٦٠)لمدة( ٣٠) دقيقة ...لما أشم ريحة الكيك (مش قبل ٣٥ دقيقة )أفتح أتأكد إنها استوت ...
لو استوت تمام أطفى الفرن ...لو لسه أوطى الفرن شوية واسيبها كمان (٥)دقايق
*بأطفى الفرن وبلاش استعجل وأطلعها
الكريم شانتيه:
*فى بولة ...أحط كوب كريم شانتيه خام ...وأضيف نصف كوب سكر ...وأنزل بلبن مثلج
( نصف كوب قد يزيد لكوب إلا ربع )
*أضرب بالمضرب كويس قوى على أعلى سرعة لغاية لما الكريم شانتيه يتقل ويزيد ...نحطه فى التلاجة شوية
*منجاية كبيرة متماسكة (مش طرية )نقشرها ونقطعها شرايح زى ماحيكون واضح فى الصور ...
ونقطع جزء مكعبات نحشى بها الطبقات
طريقة التزيين:
*بعد الكيك ماتبرد خااالص
*بأقلب الكيكة على صينية كبيرة وبقسم الكيكة (تلات طبقات )
*الطبقة اللى كانت على وش الكيكة بخليها تحت وأسقيها بشربات خفيف وأفرد عليها جزء من الكريمة وأحط
عليها قطع من المانجة ..وبعدين بأحط الطبقة التانية من الكيك وأكرر اللى اتعمل فى الطبقة الأولى ...
وبعدين الطبقة الأخيرة من الكيك أسقيها بالشربات وانزل عليها بطبقة حلوة من الكريمة وأساوى الوش والجناب بالكريمة
*بأثبت بقى شرايح المانجة داير مايدور لغاية لما أخلص محيط الكيكة ..
ومتخافيش مش حتقع لأنها بتلزق فى الكريم شانتيه ...
حيفضل مساحة على الوش فى المنتصف بيضاء ...بأعمل شرايح المانجة على شكل وردة داير مايدور ..
وبعدين بأحط فى المنتصف أى حاجة لون تانى ...ممكن كريز أو عنب ...
أنا حطيت شيكولاتة كرسبى (اللى كان موجود عندى )
*لو التورتة( حتبات )لمعى المانجة( بچيلى) مانجة ...وممكن تحطى شريط داير مايدور يدى شكل حلو...
حطى بقى التورتة فى التلاجة تتماسك كويس
ملحوظة :
*الشربات الخفيف ...كوب سكر وكوب ماء ونصف ليمونة يادوب ياخد غلوة علشان ميبقاش تقيل
*الكيكة حتلاقوها فى الصور لونها (أحمر زيادة )لأن فرنى حامى وحظبطه إن شاء الله
*مش بأستعمل دقيق الأسبونج خااالص لأن فيه محسنات
*المقادير دى مناسبة للحلة اللى خبزت فيها وكان ممكن أستعمل مقاس (٢٢)
*الكوب اللى بعاير فيه فى الصور
*لو حتستعملى صينية المقادير تناسب صينية (٢٤)
*لازم كل واحدة تبقى عارفة فرنها كويس قوى ...وده بيجى بالتجربة طبعا
يارب تعجبكم وتنفذوها مع نهاية الأسبوع وألف هنا وشفا ..
معاكم فى أى استفسار بس ياريت يبقى في ( منشن)
للأسم علشان يظهر عندى السؤال..(وما توفيقى إلا بالله)
تورتة المانجو بدقيق اسبونج بشكل و طعم افخم المحلات
كوب المعيار
حلة مقاس ٢٠متبطنة حلو بالزبدة والدقيق
قبل الفرن
لما خرجت من الفرن ...أحمرت زيادة مع إن الفرن كان على ١٦٠بس مقصرش عليها من جوة
شيلت الجزء اللى قب فى المنتصف ..ومش لازم أشيل كل الجزء ده لأنه حيبقى من تحت
قسمت الكيكة تلات طبقات ...وقشرت الإطار الأحمر الخارجى
المانجة بشرحها شرايح طولية
الطبقات بتاخد شربات خفيف وطبقة كريمة وقطع مانجة
رص شرايح المانجة داير مايدور
رباط داير مايدور للزينة وعلشان يخلى شرايح المانجة تمسك شوية
الشكل النهائى والطعم تحفة
ماشاء الله وبفضل الله
مفروض يبقى فى نصف كريز أو عنب لكسر اللون ...استعملت شيكولاتة كرسبى
من جوة ماشاء الله ولا أروع
القطعة كاملة
المانجة ماسكة عليها
المصدر : منتدى كنتوسه - من قسم الحلويات الشرقية والغربية
اظهار التوقيع
توقيع
ام رونزا
يُقَالْ أنْ مِنْ تَعود عَلىَ الصَمتْ ،
باستطَاعتَهُ وَقتٍ { العِتَابْ} أنْ يُدمَر قَلبكَ بكلمَه .. !
باستطَاعتَهُ وَقتٍ { العِتَابْ} أنْ يُدمَر قَلبكَ بكلمَه .. !
من مواضيع : ام رونزا
- اصنعي كريم النشا والفازلين لتبييض وتقشير البشرة والجسم وإزالة الجلد الميت سيزيل سواد السنين
- حلول سريعة لإنقاذ المناكير السايح
- ملابس اطفال بنات 2021،أجمل صور ملابس أطفال بنات لتستلهمي منها إطلالة بناتك في الصيف 2020
- طريقه عمل الكنافه المبرومه,طريقة عمل كنافه مبرومه بامكسرات بالصور خطوة خطوة,مقادير الكنافة المبرومة
- طريقة عمل الكنافة النابلسية بالجبنة
التعديل الأخير تم بواسطة ام رونزا ; 11-09-2019 الساعة 02:30 AM
| الكلمات الدلالية (Tags) |
| كيكة, لعمل, وأقل, المانجو, المانجو،اسهل, امكانيات،, باسهل, تورته, طريقه, طريقة, عمل |
«
الموضوع السابق
|
الموضوع التالي
»
| أدوات الموضوع | |
| انواع عرض الموضوع | |
|
|
الساعة الآن 04:25 PM