العرض العادي
- مطبخ كنتوسة
- ازياء موضة واناقة
- الرشاقة والرجيم
- صور
- رعاية الام والطفل
- الأعمال والاشغال اليدوية
للنساء فقط
أكلات وأطباق رئيسية
اطباق رئيسية ورمضانية اكلات رئيسية للغداء اطباق سهله ولذيذه للعشاء اكلات السفره الرئيسية مثل الارز والمعكرونة والدجاج واللحوم والاسماك اطباق رئيسية بالدجاج
نسخ رابط الموضوع
https://vb.kntosa.com/showthread.php?t=11116
#1
~{ مديرة منتدى كنتوسه }~
طريقة عمل الفتة المصرية بالصور،مكونات الفته المميزه على طريقتى،أرز الفته علي طريقتي والطعم خيال
جيبالكم وصفة بقى ان شاء الله هتعجبكم اوى و كل اللى هيدوقها هينبهر بيها
ما شاء الله اللهم بارك شايفين الجمال و الألوان اللى تفتح النفس
ب ١/٤ كيلو لحمه مفرومه هنعمل احلى طبق فته
ينفع فى غداء أو حتى عزومه وصفة تجنن و تشرف و فى نفس الوقت مش مكلفة خاااااالص
ان شاء الله تجربوها و تعجبكم و ماتنسونيش فى دعوه حلوه
الفته المميزه على طريقتى
البيتى يكسب
المقادير :
ربع كيلو لحمه مفرومه و ممكن تزودوا طبعا حسب الرغبه
ملح و فلفل و طبعا تقدروا تضيفوا البهارات اللى تحبوها انا حبيت يبقى طعمها محايد من غير نكهات كتير
زيت
٢ كوب ارز بسمتى مغسول و منقوع حوالى نصف ساعه و متصفى
٢ م ك زبده و ٢ م ك زيت
بصله متوسطه مفرومه ناعم
ملح
م ص كارى
م ص كركم
ماء مغلى
صوص الزبادى :
٢ علبه زبادى كبيره وزن ١٦٠ جرام
٤ م ك طحينة خام
ملح و فلفل
خل و عصير ليمون
٢ فص ثوم مفرومين
مكعبات باذنجان اسود مقليه
مكعبات بطاطس مقليه
عيش لبنانى متقطع مكعبات و مدهون دهنت زيت و متحمص فى الفرن
للتزيين :
بقدونس مفروم
الطريقة :
بالنسبه للحمه المفرومة تقدروا تقدموها بطريقتين ياما تبقى على شكل كور كفته كده زى ما انا عملاها
أو تعصجوها مع شويه عصير طماطم و طماطم مفرومه و يبقى فيها شويه صوص كده فزى ما تحبوا انا هنا جيبت اللحمه
و عجنتها كويس اوى مع الملح و الفلفل و شكلتها كور بحجم متوسط لأنها بتكش شويه فى السوا و فى طاسه فيها شويه زيت
اول ما سخن نزلت بالكفته و اديتها صدمه و لون حلو من الناحيتين و سيبتها تستوى براحتها
بالنسبه للارز هنجيب حله و نحط فيها الزبده و الزيت و اول ما يسخنوا هننزل بالبصله و نشوحها كويس اوى
لغايت ما تاخد اللون الشفاف و بعدين هنضيف الأرز و الملح و الكارى و الكركم و نديهم كلهم
تشويحه حلوه كده مع بعض و بعدين هنضيف المياه المغليه و اول ما يغلى و يتشرب هنهدى عليه
و نسيبه يستوى براحته و بالنسبه لصوص الزبادى بنحط كل المكونات على بعض و نضربهم كويس اوى
بالمضرب السلك اليدوى لغايت ما يبقى القوام ناعم و مفيهوش اى تكتلات
و بنبدأ نقدم الطبق بتاعنا بنحط الأول طبقة من العيش المحمص و بعدين الأرز الاصفر و حاولين داير كرات الكفته
و بعدين شويه من مكعبات البطاطس و الباذنجان المقليين و عالوش صوص الزبادى و رشه بقدونس مفروم
و بالهنا و الشفا
المصدر : منتدى كنتوسه - من قسم أكلات وأطباق رئيسية
اظهار التوقيع
توقيع
ام رونزا
يُقَالْ أنْ مِنْ تَعود عَلىَ الصَمتْ ،
باستطَاعتَهُ وَقتٍ { العِتَابْ} أنْ يُدمَر قَلبكَ بكلمَه .. !
باستطَاعتَهُ وَقتٍ { العِتَابْ} أنْ يُدمَر قَلبكَ بكلمَه .. !
من مواضيع : ام رونزا
التعديل الأخير تم بواسطة ام رونزا ; 11-12-2019 الساعة 06:11 PM
| الكلمات الدلالية (Tags) |
| والطعم, الفته, الفتة, المميزه, المصرية, بالصور،مكونات, خيال, طريقة, طريقتى،أرز, طريقتي, على, علي, عمل |
«
الموضوع السابق
|
الموضوع التالي
»
| أدوات الموضوع | |
| انواع عرض الموضوع | |
|
|
الساعة الآن 01:17 AM