الحمية والرجيم والرشاقة

تجارب و طرق و استفسارات عن الرشاقة وانظمة ووجبات صحية للنحافة والتخسيس,طرق زيادة الوزن,نصائح برامج غذائية للرجيم والنحافة رجيم السعرات الحرارية وطرق غذائية اخري للرجيم,صور تمارين رياضية, تمارين سريعة وفيديوهات تعليمية

نسخ رابط الموضوع
https://vb.kntosa.com/showthread.php?t=21825
2646 3
06-24-2022 02:25 AM
#1  

Icon11568القواعد العشرين عشان تخس أول عشرين


# القواعد العشرين عشان تخس أول عشرين :
القواعد العشرين عشان تخس أول عشرين 3almik.com_24_22_165
1- بطل تقف عالميزان كل يوم ، ساعات يجي يوم متلقيش النتيجة اللي كنت متوقعها عالميزان فممكن يقلل من حماسك انك تلتزم ومش بعيد يخليك ترجع تعك تاني .
2 - متستعجلش النتيجة أبدا ، الموضوع ده بالذات انت مش بتجري ورا حد ولا حد بيجري وراك ، فrelax كدة وحاول تتبسط .
3 - أي أسلوب حياة انت بتمارسه جاي من نمط العادة ، وأي عادة خاصة بيك بتبقى مبنية على مبدأ التدرج وتراكم الأيام ، وبما إنك عارف إن الدايت عبارة عن أسلوب حياة فمش من المعقول إنك تعيش أسلوب حياة متكامل في يوم وليلة ، لازم يكون فيه تدرج فالأول و واحدة واحدة لغاية أما يتحول لنمط وعادة ، فيبقى بالنسبالك عمل آلي انت بتعمله من غير ما تفكر ، وساعتها لما تلاقي اللي بيسألك هو انت ماشي على نظام دايت في أكلك ولا إيه ، فهتلاقي ردك :

لأ أنا باكل كدة أصلا ! ....
لما توصل للرد ده إطمن إن الدايت بالنسبالك خلاص كدة بقى أسلوب حياة .
4 - مترفعش سقف طموحاتك فالأول وتقول أنا لازم أخس كذا كيلو في أول أسبوع أو أول شهر لأن مش ده الهدف الأساسي في أول الريجيم ، بالضبط زي واحد باديء مشروع براس مال كبير ، فالأول بيبقى عامل حسابه إن مش ضروري يحقق هامش الربح المطلوب في أول 6 شهور أو سنة مثلا ، بيكون مهتم فالأول انه يثبت المشروع بتاعه فالسوق و يعمل زباين وهكذا .
5 - متحددش فترة زمنية محددة للريجيم طالما ناوي تخليه أسلوب حياة بالنسبالك ، مفيش حد بيقول لنفسه أنا هنام لمدة 6 شهور وبعدين هبطل أنام ، طول ما انت عايش هتاكل وتشرب وتنام ، فخليه أكل صحي ونوم صحي وشرب صحي علطول .
6 - في مشوار الدايت والرجيم تقلق بس لو وزنك زاد ، غير كدة شكليات .
7 - مفيش أصعب من إنك تمشي في مشوار وتنهيه غير إنك تبدأه ، بمعنى إن البدايات دايما مرة ، ومرارتها بتخلي ناس مش بتستحمل و بتنسحب من الأول للآسف ، فحط النقطة دي في إعتبارك وتقبلها من الأول و إبلعها لأنها مش هتدوم ، بتبقى فعلا أيام وبتلاقي الدنيا بتمشي بيس .
8 - الموضوع لعبة سعرات حرارية مش أصناف أكل ، فلو عملت كنترول على اللي بتدخله جوة جسمك فاليوم هتلاقي الفرق بيبدأ يظهر عليك .
9 - المعدة بتاعك غبية ملهاش مخ فمش هتتشرط عليك بصنف معين من الأكل عشان تشبع ، هي عاوزة تتملي وخلاص ، فيكون تركيزك وانت بتملاها إنه يكون بحجات رخيصة في سعراتها الحرارية ، مثال بسيط طبق شوربة عظم محترم وطبق سلطة محترم قبل الغدا هيعملوا معاك أحلى واجب ، ومش مقفلين 150 كالوري على بعض .
10 - بطل تقف عالميزان كل يوم برضو، و ثبت معاد للوزن كل أسبوع أو أسبوعين ، بالنسبالي أنا بوزن كل شهر. عامل plan إني أنزل من 4 ل 5 كيلو بناءا على واقع اني مش بتمرن وبكتفي بتضبيط الأكل بس ، بلاقي شهر نزلت فيه 4 كيلو وشهر 5 كيلو ومرة شهر نزلت 3 كيلو بس ومرة شهر منزلتش كيلو ( بس مزدتش )
11 - كل اللي انت عاوزه ، بس إعرف إنت بتاكل إيه و ليه و إمتى .

و حاول تثبت مواعيد أكلك ، بتفرق جدا معاك قدام فالنتايج .


12- بداية البناء المضبوط للدايت هو انك تعدل الدايت الحالي بتاعك مش تلغيه كله ، وافتكر الموضوع لعبة سعرات مش أصناف أكل .
13 - كل الطرق تؤدي إلى روما ، شوف نظام الدايت المناسب بالنسبالك واللي تضمن إستمراريته في سيستم يومك و إعتمده ، بالنسبالي أنا ماشي على نظام الlow carb .

14 - رياضة المشي كنز مدفون و بيفرق في السكة بتاعنا ، وسر قوته في سهولته ، لأنك محتاج زيرو تحضيرات عشان تمارسه ، وبمجرد انك بتمشي انت فعلا بتحرق ، أه والله .
15 - لما تيجي تاكل كل في أطباق صغيرة ، guess what بيفرق جدا .
16 - إزازة الماية زي ظلك ، متنساش تشرب ماية بإستمرار لأن ساعات جسمك بيغفلك ويوصل إحساس العطش شبه إحساس الجوع فتحس انك جعان وانت أصلا عطشان ، فتأكد من النقطة وإشرب ماية كويس وبعدين شوف نفسك محتاج تاكل ولا لأ .
17 - الخيار والطماطم والكابوتشي والخس والجرجير والفلفل الرومي والجزر دول أبرز الشخصيات الرخيصة في عالم الدايت من ناحية السعرات ، فلو حسيت بجوع وسط الوجبات إستعين بحد منهم مش هيخذلوك وفي نفس الوقت هتشبع .
18 - هيجي وقت وتلخبط فالأكل وتعك ، عادي خالص ، طالما الدايت بالنسبالك أسلوب حياة ، هيبقى العك اللي عكيته ده يوم وهيعدي ومحدش هيدور وراك وانت مش هتدور ورا الميزان في اليوم ده زي ما إتفقنا ، ومش هيفضل في بالك غير آخر قياس انت قيسته وانك كنت خاسس كذا كيلو ولسة شغال في موضوع الدايت وانك رفيع وزي الفل وهتعوض اليوم اللي عكيته ده بيوم إلتزام و شكرا على كدة .
19 - في العبادة النبي عليه أفضل الصلاة والسلام بيقول : أحب الأعمال إلى الله أدومها و إن قل ، ليه ، عشان قدام هتلاقي القليل ده بقى كتير في آخرتك ، كذلك الحال في الموضوع بتاعنا ، دقيقة plank ومشي ربع ساعة كل يوم مداومة أبرك من يوم جيم وتبطل بعديه بالعشر أيام .
20 - مفيش حد يستاهل إنك تعمل حسابه وتتحداه في أي حاجة غير نفسك ، عشان بعد كدة هيكون مفيش حاجة هتبسطك أكتر من إنك تشوف نفسك كنت فين ووصلت لفين .



اظهار التوقيع
توقيع
ام رونزا
يُقَالْ أنْ مِنْ تَعود عَلىَ الصَمتْ ،
باستطَاعتَهُ وَقتٍ { العِتَابْ} أنْ يُدمَر قَلبكَ بكلمَه .. !






01-02-2023 10:49 PM
#2  

افتراضيرد: القواعد العشرين عشان تخس أول عشرين

نصائح رائعة و مفيدة شكرا لكي



اظهار التوقيع
من مواضيع : lola

06-18-2023 01:52 PM
#3  

افتراضيرد: القواعد العشرين عشان تخس أول عشرين

مشكوووووووووووووووووووور



07-11-2023 03:45 PM
#4  

افتراضيرد: القواعد العشرين عشان تخس أول عشرين

شكرا عالموضوع الجميل شكرااا





الكلمات الدلالية (Tags)
نظام غذائي للتنحيف في أسبوع, نظام غذائي للتنحيف سهل, جدول نظام غذائي للتخسيس, جدول رجيم للمبتدئين, رجيم لإنقاص الوزن 15 كيلو في أسبوع, رجيم ينزل 10 كيلو في اسبوع سهل, رجيم تخسيس 10 كيلو في 4 ايام, طريقة عمل الرجيم الصحيح

أدوات الموضوع
انواع عرض الموضوع

الانتقال السريع


الساعة الآن 03:13 AM


Powered by vBulletin® Version 3.8.11 Beta 4
Copyright ©2000 - 2024, vBulletin Solutions Inc.
new notificatio by 9adq_ala7sas
User Alert System provided by Advanced User Tagging (Lite) - vBulletin Mods & Addons Copyright © 2024 DragonByte Technologies Ltd.

خيارات الاستايل

  • عام
  • اللون الأول
  • اللون الثاني
  • الخط الصغير
  • اخر مشاركة
  • لون الروابط
إرجاع خيارات الاستايل