العرض العادي
- مطبخ كنتوسة
- ازياء موضة واناقة
- الرشاقة والرجيم
- صور
- رعاية الام والطفل
- الأعمال والاشغال اليدوية
للنساء فقط
منتدى كنتوسه
[من مطبخى] طريقة عمل الزيتون الاخضر المخلل بالصور
أكلات وأطباق من كنتوسه
تعليم الطبخ اطباق متنوعه عربيه وأجنبيه مترجمة , وصفات الاكلات وطرق عملها , تعليم فنون الطبخ , نصائح وخبرات لستات البيوت , استشارات مطبخيه عاجله , أكلات مصوره حصرية على كنتوسه
نسخ رابط الموضوع
https://vb.kntosa.com/showthread.php?t=9437
#1
~{ مديرة منتدى كنتوسه }~
طريقة عمل الزيتون الاخضر المخلل بالصور
البوست ده بتاع ماما وابويا الله يرحمه اللي علمنا المخلل بانواعه والحقيقه ليس لنا منافس في السوق
الزيتون مش بنقعه النقع بيخليه يشرب ميه ويبقي مهري
ثانيا الخل مهم ده اللي بيساعد ف التخليل ولونه الأصفر
ثالثا اللي مش بيحب معاه ليمون يشيله يبقي زيتون وفلفل بس
اللي مش بيحب الحامي يحط فلفل بسيط بس ده اللي بيخليه يعيش
التوم نكهه جميله فيه اللي مش عاوزه يشيله
واللي يدوق المخلل بتاعنا وتحديدا الزيتون بيلاقيه مختلف تماما عن اَي مخلل مش ميه وملح وخلاص يطلع مخلل
وطبق الزيتون اللي من سنه ده اكبر دليل انه مخلل زيتون يقعد معاكي من سنه لسنه
ده برطمان انا فتحته علشان تشوفوه برضه
ده اخر برطمان من شهر ٩ اللي فات والصور دي المخلل الجديد
البوست يبان طويل بس مهم
الأول نسمي الله
دول 3 ك زيتون
3 ك ليمون
2 ك فلفل شطه قرون بلدي
برطمان فلفل احمر مضروب
4 رأس توم فرمتهم مع شويه فلفل احمر
3 كوبايات عصير ليمون ولما نعصره نخلي القشر علي جمب
3 كوب خل
كوبايه ونص زيت
كيس ملح بحري أو خشن
الأول فرزنا الليمون
اخدنا الكبير نعصره والصغير أخدناه حطينا عليه ميه واخد غلوه
طلعته يبرد ونفس الميه بتاعته وهيه سخنه فرغت فيها كيس ملح خشن
علشان نخلل بيها الزيتون طبعا فوائد الميه دي بتحفظه أطول وقت ممكن وكمان طعم مميز
بعد كده شقينا الزيتون بالسكينه فتحه بسيطه خالص
والفلفل شلنا منه الأعناق علشان مياخدش مكان
كده كله جهز
جبنا حاجه واسعه قلبنا الزيتون مع الليمون مع الفلفل والتوم والعصفر
اخدنا القشر لفيناه بملح علشان الوش ميعملش طبقه عفن
ورصينا طبقة فلفل طبقه زيتون وليمون وهكذا
لازم بقا نسيب فراغ بتاع أقل من شبر لأنه بيفور
ده مليناه ليمون بقشره
اول حاجه تتحط بالتساوي خليط الخل مع الليمون كل برطمان كوبايتين خل مع ليمون يعني كوبايه وكوبايه
وبعدين حطينا الميه بتاعت الليمون اللي دوبنا فيها الملح
وبعدين كل برطمان كبشه ملح من فوق
ونص كوب زيت
وده زيتون تخزين يقعد بالسنه
شويه ملاحظات بقا
الفلفل لازم يبقا بلدي علشان يدي طعم وميعبيش ميه
التوم بقشره لازم مش مقشر
الفلفل الأحمر بيديه لون مميز
كل ما صغرتي البرطمان كل ماكان احسن علشان يعيش
ده مش بيتحطله جزر لأن الجزر هايستوي بسرعه وده مش مخلل سريع
لازم نلبس جوانتي علشان دي مفرقعات
وبس كده اتمني يعجبكم
وموعدنا بمشيئة الرحمن بعد شهر لما يستوي
اتمني تجربوه ويعجبكم وبالهنا والشفا
والصور موضحة كل شيء
المصدر : منتدى كنتوسه - من قسم أكلات وأطباق من كنتوسه
اظهار التوقيع
توقيع
ام رونزا
يُقَالْ أنْ مِنْ تَعود عَلىَ الصَمتْ ،
باستطَاعتَهُ وَقتٍ { العِتَابْ} أنْ يُدمَر قَلبكَ بكلمَه .. !
باستطَاعتَهُ وَقتٍ { العِتَابْ} أنْ يُدمَر قَلبكَ بكلمَه .. !
من مواضيع : ام رونزا
- أقنعة الشعر الحامضة،وصفات أقنعة الشعر مع القشدة الحامضة
- اجمل تصاميم والوان الكنب 2020،الديكور الفرنسي الريفي لعشاق الأثاث البسيط،الوان دهانات مميزه2020
- طريقة رسم نقش حناء مذهل للعيد وجميع المناسبات,نقش حناء تزيين يدك وظهرك بلمسة عربية جميلة,رسم حنا2019
- عبايات سوداء كاجوال 2019,عبايات خروج سوداء فى الوان,كولكشن جديد ومميز من العبايات النسائيه
- اقتراحات هدايا عيد الحب , هدايا للمخطوبين بالصور , هدايا عيد الحب 2019
| الكلمات الدلالية (Tags) |
| المخلل, الاخضر, الزيتون, بالصور, طريقة, عمل |
«
الموضوع السابق
|
الموضوع التالي
»
| أدوات الموضوع | |
| انواع عرض الموضوع | |
|
|
الساعة الآن 02:00 AM