أفكار ونصائح مطبخية

تبادل الخبرات في مجال الطبخ و نصائح و إرشادات,أفكار مبتكرة لتنظيم مطبخك الصغير, أفكار ذكية تفيدك في حياتك اليومية,افكار وخبرات وترتيب المطبخ,نصائح غير عادية لحاجات فى مطبخ الست الشاطرة,خبرات متنوعة أفكار ذهبية,اسئله في المطبخ هنجاوبك عليها.

نسخ رابط الموضوع
https://vb.kntosa.com/showthread.php?t=21354
2851 0
05-14-2022 08:42 PM
#1  

Icon21463نصائح مطبخية هامة وحيل ذكية تساعدك في المطبخ - عالمك


المطبخ هو المكان الذي تقضي فيه المرأة معظم وقتها لتحضّر أشهى المأكولات وأطيبها.
ولكّن بعض النساء تري ان الطبخ من الاعمال المنزلية الشاقة
نصائح مطبخية هامة وحيل ذكية تساعدك في المطبخ - عالمك 3almik.com_14_22_165
1- اقولكم على كريمة حشو تورت تحفة
نص كوب زبدة ونص كوب سكر بودرة
ونضربهم مع بعض كويس وبعدين نضرب كيس كريم شانتى معاهم طعمها جميل اوى
احلى من الكريم لوحدة
2-اى محشى لو هتسبكى الخلطة تحطى معاها بصلة نية
3- اللبن البودر بتزودية على اى حلويات اوكريمات او حتى معجنات بيديكى طعم مالوش حل
4- الارنبيط تحطي في الخلطه بتعته قبل ماتحمريه بيكنج بودر
5-الزبادي في تتييله الفراخ المشويه مع التوم والبصل وتتبيلة البانيه

مع التوم وتتبيلة التكه مع توم وكركم وبهارات بيكون تحفه
6-عشان البانيه يكون حلو الاول بعد التتبيله حطيه ف دقيق

وبعدين بيض ع لبن وبعدين فيجتار ع نشا ع كورن فليكس ع دقيق بقسماط عادي وادعولي بقى
7-اى صلصة حطى عليها ذرة سكر خاصة صلصة البيتزا بتكون هايلة
8-عشان الزيت مش يطرطش وانتى بتقلى رشى فيه شويه ملح
9-لعمل صلصة مكرونة زى بتاعه المطاعم ضيفى معلقه دقيق مع الصلصه وهى بتستوى
10-للكبدة الاسكندرانى زى المحترفين حطى معلقه خل فى الزيت اللى هتحمرى فيه الكبدة
11-عشان الكيك يطلع متساوى وميبقاش عالى من النص وهابط من الجناب

ضيفه خليط الكيك بطريقه الحلزون فى الصينيه ومتصبيهوش كله فى النص
12-عشان المخلل بتاعك يطلع حلو استعملى الملح الخشن مش الناعم

ودايما ضيفى معلقه زيت على وش البرطمان عشان لونه ميسودش
13- لطعم محشى هايل حطى معلقه صغيرة من النعناع المجفف
14-لوحبيتى تحطى مكسرات فى الكيك لازم تقلبى المكسرات فى دقيق الاول

علشان ماتسقتش فى قاع صنيه الكيك
15- وانتى بتعملى عصير الليمون حطى معلقة لبن كبيرة هتتفرجى علية الرغوة

بتاعتة هتفضل يومين ومش هيمرر
16-صلصة الكشرى سبكى الطماطم من غير اى اضافات واول ما تتسبك

امليلها توم زى الملوخية بس قبل ماتنزلية عليها حطى الخل
وبعدين بهاراتك ولازم تحطى عصرة ليمون وجربوها وبجد هتفرق اووووووووووووووووووووووووووووووووووى
17-وانتى بتقلى السمك طبعا ريحت الشقة بتبق فظيعة اليمون بعد ماتعصرية

حطى القشرة فى الزيت وانتى بتقلى السمك
18-حطى فى طبق الصابون السايل والليفة الى على الحوض

لغسيل المواعين نصف الليمونة بعد ماتعصريها بتلمع الاطباق
19-علشان الكيك تكون هاشة انخلية مرة واتنين
20- علشان تستمتعى بااحلى شوربة فراخ او لحمة حطى الحلة على النار

وحطى فيها بصلة متقطعة اربع وجزرة وطماطمية وحبهان ومستكة وقرنفل وورق لورا
وفص توم وفلفل اسود حب وام يغلو الحاجات دى حطى بق الفراخ او اللحمة
وام تخلص سوى صفى بالمصفة واستمتعى بااحلى طعم شوبة احسن من المطعاطم
21-لمحشى الكرنب علشان يطلع احمر ولونه جمبل حطى عليه صلصه طماطم فى الشوربه
22-لمنع فواران او غليان لحمه فراخ ضعى معلقه خشب من فوق الحله
23- وانتي بتقلي البانيه حطي فالزيت معلقة سمنه بلدي هيطلع لونه أصفر

وطعمه وريحته سمنه بلدي مش زيت
24-لفراخ مسلوقه بطعم أحلی قطعي البصل وأدعكيه بملح وفلفل وأدعكي

بيهم الفرخه وسيبيها تلت ساعه طبعا بعدغسيلها وتصفيتها
ومتمليش الحله مايه عشان الفرخه والشوربه يبقوا مسكرين
25-الباشاميل باللبن أحلی كتير من الشوربه بس تكه كده بعد ماترصي الصينيه

تحطي علی الوش كوباية شوربه وتعملي فتحات لتحت بتطلع خفيفه وطعم ولا أروع
26-الفطير الشرقى سويه ع البوتجاز من فوق روعه,,,,,,,,

البشاميل ضيفى معاه بشر جبن رومى وانسى البشاميل القديم,,,,,,,,
الرز بلبن اغليه مع اللبن وسبيه ساعه مرتاح فيه وكملى بعدها هتلاقيه
شرب م اللبن جامد ويبقى طرى زى بتاع بره
وياريت لو تضيفى كريمه لبانى معاه او وش اللبن,,,,,,,,,,,,,
الفرخة المشويه السريعه تتبليها ببهاراتك والبصل والزبادى ورصيها
ف صينيه وع عين البوتجاز لحد ماتستوى بعدها تحت الشوايه مع الفحمه سريعه وروعه,,,,,,,,,,,,,,
المحشى اعمليه نى ف نى من غير تسبيك يادوب بس الطماطم
لوحدها تبخر ميتها والبصل والخضرة كلو نى واحكمى بنفسك ع طعمه,,,,,,,,,,,,,
سوى محشى الكوسه ف الفرن مع معلقه ذبده روعه,,,,,,,,,,,,,,,,,,
بدل ماتعملى كنتاكى وحوار شوفتى طريقه الفراخ ال انا كتباها
هى هى بس مدخلهاش الفرن اقليها بفيجتار او كورن
او اى حاجه انتى عوزاها هتبقى شاربه م البصل والتتبيله,,,,,,,,,,,,,,,,
شيلى جناحات ورقبه الفرخه مع اى زوائد عندك وكونيهم واعملى بيهم اكله ف يوم..................
سوى اى نوع عيش عندك ع البوتجاز علشان
الافران بتاعتنا مش عاليه هيقب ويبقى تحفه,,,,,,,,,,,,,,,,,
بدل ماتقشرى ثوم وتدقيه لا انزلى ع الثوم بالشاكوش هتلاقى القشرة طلعت حطيه ف كيس
واضربى تانى لحد مايتفرم.............
الثوميه ببياض البيض مع ثوم مع سرسوب زيت لحد ماتمسك ف الخلاط احلى من البطاطس
والحوارات دى رهيبه بجد.............
اى لحوم عندك عيزاها محمرة جامد زى بتوع الافلام ادهنى عسل نحل واشوي وشها بس................
ضيفى حته قشطه مع رز الحمام واتفرجى ع الطعم
27-علشان البيض المسلوق يتقشر معاكى بسهوله حطى ع الميا معلقه خل
28-علشان اللبن المغلى ما يسبش اثر فى اللبانه ويعب

تنضيفها اشطفيها بميا متلجة قبل ما تحطى فيا اللبن
29- ما ترميش قشر الليمون بعد ما تعصريه حطيه فى قماشه من التول

وارميه فى السيفون ومع كل مرة تستخدمى السيفون ريحه تجنن
30-بعدماتسوى الكفته ولعى على فحمه وهاتى حتت سمن وارمى عليها

الفحمه على الكفته وشوفى الطعم وريحه
31-عشان ما تدمعيش وانتى بتقطعى البصل حطى البصل فى الفريزر خمس دقايق قبل ما تقطعيه
32- عشان تقشرى التوم بسهوله حطيه فى الميا قبل ما تقشريه
33-ممكن تحطي معلقة خل ع بيض الكيكه بيدي نفس مفعول محسن الكيك
34- لمكياج ثابت طول اليوم مررى على بشرتك قطعه تلج قبل وضع كريم الاساس
35-استبدلى مزيل المكياج بالزبادى منه مزيل ومنه ماسك للبشرة والنتيجة رائعه
36- بعد اما تسبكى الطماطم وتحطى منها على الرف عشان تستخدميه

كل يوم حطى عليه زيت من فوق عشان متبوظش
37-لو الرز شاط منك خدى السليم منه فى حله تانيه وحطى فى وسطهم قطعه خبز مبلوله بالميا وغطى الحله قطعه الخبز هتمتص طعم الشياط من الرز
38- لو الشوز ضاق عليكى شغلى جواه السيشوار دقيقتين
39-لو الهدوم جه عليها شحم اوزيت رشى عليها بيرسول قبل الغسيل وهو يطلع
40-لو فاض منك رز او مكرونة وخلاص مش عاوزة تاكليه

او وولادك مش هيرضوا شوية باشاميل وشوية لحمة معصجة وتعمليهم
احلى صينية باشاميل وعالفرن من غير ماحد يعرف والف هنا انا عن نفسى جربت الرز وطلع تحفة
41-ضيفى ملعقه من الملح الى مياه المسح بيزيل الطاقه السلبيه بالمزل
42-استمتعى باحلى شوربه لسان عصفور باضافة عود قرفه كامل لمياه

سلق الفراخ مع باقى التوابل العروفه

43-لبطاطس محمرة زى بتاعه المطاعم المشهورة حمرى البطاطس نص تحميره واطلعيها من الزيت واتركيها نص ساعه وبعدين عيدى تحميرها قرمشه رهيبه ولون رائع
44-لو الكيك باظ منك فتتيه وضيفى عليه اى نوع فاكهة مجففه عندك وضربى بيضتين مع شويه لبن وكيس فانليا وحطيهم ع الخليط ودخلى الفرن
45- لو عندك فطير نشف منك فتتيه وحطيه فى بايركس وضيفى عليه لبن مغلى محلىبالسكر وشويه مكسرات ومعلقه سمنه ع الوش ودخلى الفرن ولا احلاها ام على
46-لبقايا عيش فينو عندك فى الفريزر قطعيها دوائر وحطيها فى صينيه ودخليها الفرن لدقايق هيطلع يجنن ومقرمش زى صن بايتش بتاع الاكياس
47-الارز باللبن زى بتاع المحلات حطوا 1/2 كوب ارز وعليه كيلو لبن و3 ملاعق كريمه شانتيه وسبيهم يغلوا واما يغلوا اطفى النار وسبيهم ساعه وربع وبعد الساعه وربع ولعى عليه النار تانى وحطى السكر والفانليا وسبيه على النار عشر دقايق وبعد كده اطفى وفرغى زى المحلات بالضبط
48-لاحلى عصير ليمون اعصرى الليمون بالعصاره وحطى السكر وعود نعناع و1/4 قشره ليمونه من اللى عصرتيه معاهم فى الخلاط واستمتعى با حلى طعم لعصير الليمون
49- خلطه الفراخ الى هى بتبقى زى كنتاكى بتخلى الفرخه وتقطعيها

وبعد كده تجيبى تلات معالق دقيق وشويه لبن وملح وفلفل وكارى وخلطه فراخ
وتقلبيهم مع بعض لحد اما يبقو زى المهلبيه كده وتجيبى البيض وتحطى فيه الفراخ
وبعد كده الفجتار وبعد كده الخليط ده ومنه على النار على طول والزيت
يبقى سخن اوى والقطعه الى تعمليها تحطيها على طول فى الزيت
50-لوعندك حله اتحرقت اونستيها على البوتاجاز بتعمل سواد صعب تتطلعيه ،

حطى فى الحله كربوناتو وخل وميه مغليه وصابون سايل وسبيها ساعه او اكتر
ادعكى بقى هتلاقيها سهله جدا
51-عاوزة تشيلى ريحة توم او بصل من ايدك ادعكيها ب حاجة ستانلس ستيل

و لو عاوزة تشيلى ريحة توم من بؤك يبقى امضغى عود بقدونس كامل
52-لتخزين السبانخ جيبيها ومعاها الخضرة بتاعتها واقطعيها واغسيها وقلبيها ف حله ع النار لحد ماتشرب مياتها وبعدين قسميها ف اكياس ف الفريز تقعد لحد سنه ميحصلهاش حاجه
53-ولتخزين الباميه اغسليها وامعيها وجيبى حله فيها مياة مغليه واعصرى ليمون

وحطى عليهم الباميه وتلات دقايق وارفعيها من النار ف مصفاة وقسميها ف اكياس
وحطيها ف الفريز برضه لونها ميتغيرش وتفضل سنه ف الفريز ولا يحصلها حاجه
54-عشان ريحه القرنبيط والكرنب متنتشرش فى البيت اسلقى معاهم قطعه خبز ومعلقه كمون إذا زاد الملح في الطعام أضيفي قطعة من البطاطس او البصل حطى عود كبريت لو البيضه اتكرست وانتى بتسلوقيها مش هتسرب اللى فيها فى ميه السلق رشه سكر صغيره مع تتبيله السلطه بتديها طعم حلو اوى ادهنى وش اى معجنات زى الخبز والفطار بقليل من القهوه الدايبه فى ميه بتخلى وشها احمر وجميل لما تيجى تعملى اى صوص شيكولاته للجاتوهات والكيك حطى عليه معلقه نيسكافيه وشوية قرفه بتفرق جدا فى الطعم وبتبقا خراااافه لو هتسلوقى جزر عشان تعمليه سوتيه حطى معاه شويه سكر هتحافظ على لونه وهيديله لمعه حلوه ومتحطيش معاه ملح عشان ميطراش منك حطى حبايه تمر فى الزيت وانتى بتقلى السمك مش هيطلعله ريحه خااالص حطى معلقه خل صغيره على البيض مع الفانليلا وانتى بتعملى الكيك هيفرق فى الطعم وريحه البيض مش هيكون ليها اى اثر
55-عايزين الارز يستوى بسرعه وميحتجش يتقلب حطوا عليه مايه مغليه ، عايزين الهدوم البيضاء تطلع فله شمعه منوره حطوا عليه مع المسحوق ف الغسابه ربع كوب خل
56-لو مش عندكوا بخور وعايزين ريحه البيت حلوه ويطلع من البيت اى ريحه كريهه مثلا زى ريحه السمك ؟!

هاتوا حله صغيره وحطوا فيه مايه مغليه وعليها شويه قرفه وليمونه مقطوعه اعصروها ف المايه وحطوا الليمونه ف الحله بعد متتعصر مترموهاش ووطى النار وسيبى الحله تغلى بالقرفه والليمون ، وأدعولى بئى
نصائح مطبخية هامة وحيل ذكية تساعدك في المطبخ - عالمك 3almik.com_14_22_165
57- طيب لو السجاده وقع عليها زيت هاتى كوب ماء ساخن ودوبى فيها معلقتين بيكاربوناتو من عند العطار وحطيها عليها واستنى شويه واغسلى البقعه بفرشه وشويه مايه وصابون هاتروح على طول مجربه
58-لما بيكون عندى عزومة وشاوية فراخ وتبقى منها فتانى يوم بقطعهم واتبلهم بتوم وشوية زبادى ومايونيز واشوحهم عالنار واحمر مكعبات بطاطس وارصهم بصينية واحط خيار مخلل وبعدين الفراخ واعمل باشميل خفيف واحطه عالوش وادخله تحت الشواية يتحمر وبالهنا والشفا مع رز ابيض وسلطة
59-عايزة الملوخية مزبوطة حطى ذرة سكر فيها وحطى فصين توم.

مدقوقين نيين غير التقلية ومعاهم كزبرة ناشفة غير اللى فى التقلية
عايزة السمك والجمبرى المقلى متقرمش ومتماسك بعد الدقيق قبل التحمير هاتى طبق فيه مية غطسيه فى المية واحدة.واحدة بسرعة وحطى على النار...لالالالا مش هتطرطش خالص متقلقوش لأن المية بتلزق فى الدقيق وتثبته
الكرنب عشان يبقى اطعم حطى فى الشوربة اللى هتتشربه توم مدقوق وكمون ومعلقتين صلصة
البامية عشان تبقى احلى حطى التوم على مرحلتين مرحلة مع تشويح البصل والمرحلة التانية مع الطماطم المعصورة وخليها كلها بالطماطم بلاش صلصة صناعية تبقى احلى
-سلطة الكول سلو او الكرنب حطى مع المايونيز زبادى وسكر طعهمها هيبقى زى المطاعم بس سبيها فى التلاجة الأول كام ساعة فى الخليط
-البهارات الصحيحة قبل ماتطحنيها شوحيها ع النار طعمها هيبان اكتر
-البيتزا حطى على اطرافها زبدة وتوم بودرة متسيحين فى المايكرويف كلهم هياكلو الأطراف مش هيسيبوها بس إحشيها بجبنة
-التومية حطى نشا متدوب فى مية ع النار لما تبقى مهلبية سيبيه يبرد وإضربيه مع فصين توم وخل ومعلقه مايونيز وبعدين زيت طعمها افضل
-ماتحطيش لمون خالص بقشره على صوانى السمك او الجمبرى او فى الشوربة فى النار الطعم هيبقى مر ضفيه بعد مايستوى المقصود القشر فقط
-الكبدة الاسكندرانى حطى عليها طحينة قبل السوا حبة صغيرين
60-لمعرفة البيض الطازج : ضع البيضة في الماء ، فإن رسبت بشكل أفقي فإنها طازجة ، وإن رسبت بشكل مائل

نصائح مطبخية هامة وحيل ذكية تساعدك في المطبخ - عالمك 3almik.com_14_22_165
فإن عمرها 3-4 أيام ، وإن رسبت بشكل عمودي
فإن عمرها 10 أيام ، وإن طفت فإنها فاسدة
61-ولو عايزه عصير مانجو زى اللى بتشربيه بره هاتى واحد مانجو واعصريها وهاتى واحده بطاطا واقشريها وقطعيها واسلقيها فى حبه ميه ولما تتسلق صفيها من الميه وخدى البطاطايه حطيها على عصير المانجو وحطى السكر وزودى ميه لو عايزه وهى دى اللى بتشربيها عند الراجل
62- الطحينة 1كوب سمسم ابيض 1كوب دقيق 1كوب زيت سمسم لوتوفر لو مش موجود يبأ زيت نضيف بتحمر السمسم شوية وبتطحنى ف الكبه بتاعتا الخلاط عشان يبأ ناعم معاكي بتشوحي الدقيق شوية وتحطي كل الخليط ف دورق الخلاط مع الزيت وتضربيهم كويس لحد مايتخلطو وتطلع معاكي احلي طحينة
63-لعمل داونى فى البيت يا بنات هاتى لتلر بلسم للشعر نوع اسمة يارا 2لتر مية وازازة اسانس ورد صغيرة واخلطى كلة على بعض واستعملية
64-لعمل داونى فى البيت يا بنات هاتى لتلر بلسم للشعر نوع اسمة يارا 2لتر مية وازازة اسانس ورد صغيرة واخلطى كلة على بعض واستعملية
65-وانتى بتغسلى الستاير ضيفى لميه الشطف معلقتين نشا ده هيخليها متتكرمش وتبى سهله وانتى بتكويها
66- لبقايا الصابون اللى بتفضل فى الحمام جمعى بقايا الصابون وابشريه بالمبشرة وحطيه فى قطع من التول وعلقيها فى الدواليب بتاعه الهدوم هتلاقى ريحة الدولاب حلوة كل ما تفتحى ودى عن تجربه
67-عشان جسمك يكون ريحته حلوه بعدالشاورلترمايه سوخنه بعدالشاورعلى رشتين تلاته من نوع البرفن اللى بتحبيه هيخلى جسمك ريحته حلوه وشعرك كمان
68-لو بتستعملي زيت تموين وريحته بتكون وحشه وانتي بتقدحيه ارمي فيه لقمه عيش لما تتحمر ارميها واطبخي ولا هتلاقي اي ريحه ....

لو الرز شاط منك انزلي بالحله علي طبق مايه ساقعه واكشفي الحله ولا هتلاقي اي ريحه .....
عشان الحوض مايتسدش هاتي بطاس من العطار وكل شهر ربع كيلو بطاس في المصفه بتاعت الحوض وعليها لترين مايه بتغلي
نصائح مطبخية هامة وحيل ذكية تساعدك في المطبخ - عالمك 3almik.com_14_22_165








الكلمات الدلالية (Tags)
-, في, مطابخ الوميتال خشمونيوم, مطابخ الاكروميتال, مطابخ الخشمونيوم, مطابخ خشمونيوم, مطبخية, معلومات مفيده عن المطبخ, نصائح, نصائح للمبتدئين في المطبخ, نصائح للمطبخ والمنزل, نصائح للمطبخ بالصور, نصائح مطبخية مهمة, نصائح مطبخية خطيرة, نصائح طبخ الحلويات, هامة, وحيل, أفضل انواع الخشمونيوم, أنواع المطابخ الألوميتال, المطبخ, الوميتال مطابخ, تساعدك, دولاب مطبخ خشمونيوم, ذكية, شوية نصائح للمطبخ, عالمك

أدوات الموضوع
انواع عرض الموضوع

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
افضل انواع فرش المكياج2019,صور أنواع فرش المكياج,افضل فرش مكياج للمبتدئات,فرش المكياج من ماك2020 جودى ميك اب ومكياج 1 12-27-2022 02:57 PM
مناكير احمر غامق،مناكير أحمر فاتح، مناكير أحمر وفضي، مناكير احمر مطفي2020 ام رونزا ميك اب ومكياج 0 06-22-2020 11:02 PM
ألوان المناكير الموضه,مناكير أكريليك باللون الأبيض,طلاء الأظافر,المناكير الأبيض,صور مناكير عروس2020 ام رونزا ميك اب ومكياج 2 10-19-2019 06:23 PM
إمساكية رمضان 2019 - 1440، إمساكية رمضان مواعيد السحور والإفطارإمساكية رمضان 2020 مى صور اسلامية 1 10-19-2019 06:20 PM
رسومات مناكير2019,رسومات مناكير سهلة,احدث رسومات الاظافر بالمناكير,الوان مناكير2020 جودى ميك اب ومكياج 0 03-12-2019 05:20 PM


الساعة الآن 11:29 AM


Powered by vBulletin® Version 3.8.11 Beta 4
Copyright ©2000 - 2024, vBulletin Solutions Inc.
new notificatio by 9adq_ala7sas
User Alert System provided by Advanced User Tagging (Lite) - vBulletin Mods & Addons Copyright © 2024 DragonByte Technologies Ltd.

خيارات الاستايل

  • عام
  • اللون الأول
  • اللون الثاني
  • الخط الصغير
  • اخر مشاركة
  • لون الروابط
إرجاع خيارات الاستايل