المنتدى التعليمي

اخر اخبار التربية والتعليم ونتائج الامتحانات والنماذج والكادرات واخبار المدرسين ,النتيجة برقم الجلوس,نماذج,مراجع,سلاح التلميذ 2020.

نسخ رابط الموضوع
https://vb.kntosa.com/showthread.php?t=1386
4730 1
12-18-2018 11:16 PM
#1  

Qubanzhuالقواعد العشرون للأم أيام الامتحانات


القواعد العشرون للأم أيام الامتحانات kntosa.com_09_18_154

القواعد العشرون للأم أيام الامتحانات.


١/ اشربي ينسون و كراوية كتير علشان تهدي أعصابك.

٢/ قللي فترة الموبايل لابنك و بنتك للحد الأدنى لأنه فعلا بيخليهم ينسوا بشكل كبير .

٣/ الزعيق هيوترهم و يعصبك أكتر ف لا هم فهموا و لا انتِ هديتي.

٤/ متراجعيش آخر اليوم. لأنك أصلا مش هيكون عندك طاقة تفتكري اسمك.

٥/ اشربي ينسون.

٦/ امنعي حلويات بعد ستة مساء .

٧/ متراجعيش معاهم بعد خناقة بينك و بين جوزك، علشان اللي مقدرتيش تقوليه لجوزك هتطلعيه ع العيال.. ملهمش ذنب يا ست الكل.

٨/ لو ابنك مقدرش يجاوب على كم سؤال و انتِ بتراجعيله، فده مش معناه أبدا إنه هيطلع فاشل و عتيد الإجرام و مطلوب أمنيا.


٩/ تقبلي فكرة إن فجأة و بلا أي مبرر منطقي طفلك ممكن يفاجئك قبل الامتحان مباشرة ان ٢×٥= ٣٠.. إوعي يغمى عليكِ، إوعي. ابتسمي بهدوء، و تمالكي أعصابك، و ياريت لو تحطي إيدك ورا ضهرك تجنبا للكمة مفاجأة على وشه.. و قوليله إن دار الإفتاء أعلنت الصبح إن ٥×٢=١٠.

١٠/ اشربي ينسون كتير.

١١/ لو انتبهتي فجأة إن خط طفلك نقش فراخ. انقذي ما يمكن إنقاذه بإنك توصيه يعمل مسافة مناسبة بين الكلمات و يكتب على السطر قدرالمستطاع علشان نحاول نحول الخط من هيروغليفي لحاجة شبه اللغة العربية.

١٢/ اعملي بلوك لمصدر الكآبة و الضغط و الطاقة السلبية اللي في حياتك حتى لو كانت بنت خالتك أو جارتك طول فترة الامتحانات لأن الموضوع مش ناقص.

١٣/ جمعي كل أحذية البيت في مكان بعيد عن قعدتك مع طفلك و انتِ بتذاكريله.

١٤/ متفضليش باصة لابنك بتحفز و هو بيسمع لك لإن طبيعي في الحالة دي إنه ميفتكرش المنهج و أقصى حاجة ممكن يفتكرها ملامح أمنا الغولة.

١٥/ اشربي ينسون.

١٦/ مينفعش تصحيه تمنية الصبح و يفضل يذاكر و يروح دروس و يعمل واجبات بشكل متصل و بعدين يجيلك ذهول إنه ع الساعة عشرة بليل بيتعامل بتناحة !! هو طبيعي و انتِ أوفر.

١٧/ مفيش أي وجه علاقة أو ارتباط بين أيام الامتحانات و الكآبة.. اضحكي و ضحكيهم . هونيها تهون.

١٨/ و طفلك نازل الامتحان متفضليش تقوليله عايزة الدرجة النهائية، قوليله اعمل أقصى ما عندك .

١٩/ احضنيه و ادعيله قبل ما ينزل، مفيش داعي يبقى آخر ما يسمع تهديد ووعيد في حالة الفشل أو نقص الدرجات.

٢٠/ لو الينسون خلص، هاتي تاني و اشربي ينسون.








القواعد العشرون للأم أيام الامتحانات kntosa.com_09_18_154







12-19-2018 01:22 PM
#2  

افتراضيرد: القواعد العشرون للأم أيام الامتحانات

تسلمى يا قمراية





الكلمات الدلالية (Tags)
للأم, أيام, القواعد, الامتحانات, العشرون

أدوات الموضوع
انواع عرض الموضوع

الانتقال السريع


الساعة الآن 07:36 PM


Powered by vBulletin® Version 3.8.11 Beta 4
Copyright ©2000 - 2024, vBulletin Solutions Inc.
new notificatio by 9adq_ala7sas
User Alert System provided by Advanced User Tagging (Lite) - vBulletin Mods & Addons Copyright © 2024 DragonByte Technologies Ltd.

خيارات الاستايل

  • عام
  • اللون الأول
  • اللون الثاني
  • الخط الصغير
  • اخر مشاركة
  • لون الروابط
إرجاع خيارات الاستايل