الحمية والرجيم والرشاقة

تجارب و طرق و استفسارات عن الرشاقة وانظمة ووجبات صحية للنحافة والتخسيس,طرق زيادة الوزن,نصائح برامج غذائية للرجيم والنحافة رجيم السعرات الحرارية وطرق غذائية اخري للرجيم,صور تمارين رياضية, تمارين سريعة وفيديوهات تعليمية

نسخ رابط الموضوع
https://vb.kntosa.com/showthread.php?t=6609
4555 0
05-28-2019 02:48 AM
#1  

Vtازاي تنقصي وزنك بنفسك، تجربتي الشخصية في انقاص الوزن ٢٠ كيلو


ازاي تنقصي وزنك بنفسك، تجربتي الشخصية في انقاص الوزن ٢٠ كيلو kntosa.com_01_19_155

النهارده انا جيبلكم نظامي في التخسيس اللي ساعدني اني اخسر عشرين كيلو ايوه زي ما قراتي عشرين كيلو انا كنت وصلت اثناء فترة دراستي لتمانين كيلو وده كان اكبر وزن وصلتله في حياتي ولما اتجوزت كان لازم اخس عشان كنت بعاني من التكيسات ومن هنا بدات المعاناة لكن بفضل نظامي ده انا الحمدلله قدرت اني اخسر عشرين كيلو اكبر مشكلة واجهتني اني بحب اي حاجة بتخن واكتر تلت حاجات بيتخنو بدون فايدة لجسمك الشيبسي والبيبسي والحاجات المسكرة بما فيهم بعض الفواكهه زي العنب والمانجه والتين وللاسف دول فاكهتي المفضلة
ازاي تنقصي وزنك بنفسك، تجربتي الشخصية في انقاص الوزن ٢٠ كيلو kntosa.com_28_19_155
فقررت اولا اني
١ اكل كل حاجة نفسي فيها بس بكميات قليلة جدا مشيت علي نظام اسمه نظام اللقيمات بس بمزاجي انا اكلت محشي بس صباعين بس واكلت شيكولاته بس دارك ومربع او مربعين بالكتير وهكذا علي كل حاجة

٢ عملت رياضة طبعا اللي عندها ولاد هتقولك اعمل رياضة ازاي هو انا فاضية. امشي وانتي نازلة الشغل وانتي رايحة تشتري حاجات السوق بس اهم حاجة تبقي ماشية فاردة جسمك مش متقوسة وحاولي تسلكي الطريق الطويل





٣ النقطة دي مش هتعجبكم بس للاسف لازم بطلت شيبسي وبيبسي لان دول اكتر حاجات بتضر الجسم فلازم نبطلهم وممكن استبدال الشيبسي ببطاطس عليها نقطة زيت في الفرن بتبقي جميلة

٤ نبعد عن السكريات علي قد ما نقدر اصلا السكر الصناعي اللي انا اكتشفته انه مهوش مفيد يعني جسمك مش محتاجه الافضل اننا نستبدله بالفاكهه والحاجات اللي فيها سكر طبيعي

٥ ودي اهم نقطه بالنسبة ليا بعدت تماما عن اني اوزن نفسي عشان النفسية دي جزء مهم اوي مبقتش اشغل بالي انا تخنت ولا خسيت

٦ انا النقطة دي انا مش متاكده منها لان في ناس قالو ان الدوا ده مش بيخسس بس لان انا عندي السكر في اواخر الطبيعي فكنت باخده هو مشتقات السيدوفاج والماكس فاج والكلكوفاج ده الدكاتره كتبهولي عشان اخس وكنت باخد حباية في اليوم او بعد الاكلات التقيلة بس ياريت متاخدهوش من نفسك

٧ المية مهمة جدا في التخسيس اشربي مية علي قد ما تقدرتي لتر لترين في اليوم هتفيدك وهتفرق معاكي مش بس في التخسيس لا كمان هتلاقي صحة بشرتك احسن.

٨ ميمنعش لما تقلي في الاكل تاكلي قبل النوم زبادي معصورة عليه لمونة ياستي اعصري علي نفسك لمونة وكليه

٩ خلي السناكس بتاعتك خيار خس جذر ايوه شغل الارانب ده بيشبع وبيبقو مليانين الياف فبيفيدونا جدا اعملي نفسك لانش بوكس زي بتاع اولادك

والحمدلله بعد شهرين قدرت اني اخس العشرين كيلو دول هستني استفساركم بخصوص اي نقطة مش واضحة واحب انهي كلامي انك دكتور نفسك وانتي اللي تقدري تقييمي نفسك انتي بخير ولا لا

ازاي تنقصي وزنك بنفسك، تجربتي الشخصية في انقاص الوزن ٢٠ كيلو kntosa.com_01_19_155








الكلمات الدلالية (Tags)
في, كيلو, وزنك, ٢٠, الوزن, الشخصية, انقاص, ازاي, بنفسك،, تنقصي, تجربتي

أدوات الموضوع
انواع عرض الموضوع

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
كيفية تجاوز مشكلات الرحلات مع اطفالك، استمتعي برحلة سعيدة مع اطفالك yasmena العناية والاهتمام بالطفل 0 04-30-2019 07:10 PM
اداب النوم التي يجب ان تعلميها لطفلك، للنوم اداب احرصي علي تعلميها لطفلك الملكة نفرتيتى العناية والاهتمام بالطفل 0 04-23-2019 01:10 AM
كيف تكونين الزوجة التي يفتخر بها زوجك، ازاي تخلي جوزك فخور بيكي yasmena الحياة الزوجية والاسرية 0 04-09-2019 03:13 AM
١٣ سببا لبكاء طفلك الرضيع، كيف تعرفين لماذا يبكي طفلك، اسباب بكاء الرضيع الملكة نفرتيتى العناية والاهتمام بالطفل 0 04-06-2019 05:18 PM
كيفية الحد من تدخل الاهل في تربية لابنك، تدخل الاهل في تربية الابناء yasmena العناية والاهتمام بالطفل 0 03-22-2019 08:21 PM


الساعة الآن 12:53 PM


Powered by vBulletin® Version 3.8.11 Beta 4
Copyright ©2000 - 2024, vBulletin Solutions Inc.
new notificatio by 9adq_ala7sas
User Alert System provided by Advanced User Tagging (Lite) - vBulletin Mods & Addons Copyright © 2024 DragonByte Technologies Ltd.

خيارات الاستايل

  • عام
  • اللون الأول
  • اللون الثاني
  • الخط الصغير
  • اخر مشاركة
  • لون الروابط
إرجاع خيارات الاستايل