ازاي تحفظوا الخضره فى التلاجه لمده كبيره

تاخدوا المفيد لحد ما انزلكم وصفه الغداء

فشغلي طلبيه الخضار بتجيلنا كل ١٥ يوم واكتر حاجه معرضه انها تبوظ الخضره
ف هاقولك ازاي تحفظوا لمده كبيره فالتلاجه لو التبريد كويس تقعد اسبوعين
ده نعناع صورته اسبوع وكان بقاله ٨ ايام ملفوف زي ماهوضح فباقي الصور تحت
كيفية حفظ الخضروات الورقية في الثلاجة

اولا عشان تبقوا عارفين افضل طريقه لحفظ الخضار
فالعموم معدن الاستانلس ستيل وورق القصدير (الفويل )
لانها بتمتص الرطوبه ولو متغطي صح بيمنع التعرق اللي هوه بخار المياه
والدليل انا معظم تلاجات المطاعم الكبير والماركات والفنادق
استنالس والعبوات اللي بيتحط فيها الجبن عند قسم الجبن والسلاطات
كذلك ستنالس محدش سال ليه مش بلاستيك او اي معدن تاني مع ان الاستنالس اغلاهم سعرا
ثانيا فالبيت صعب توفير العلب الاستنالس فورق القصدير يفي بالغرض وهاقولك الطريقه بالتفصيل
حفظ الخضار لمدة أطول

بجيب الخضره وانقضها من الدبلان اللي ورقها مصفر واغسلها كويس جدا
تحت الحنفيه وفي تكه بعملها بتفرق معايا جدا اني بعد الغسيل
بنزلها فمياه متلاجه دقيقه ودي بتخلي الورق نضر وواقف مش دبلان بعدين اجففها تماما من المياه
احطها علي صنيه او فمصفه فالتلاجه تصفي كل المياه
وتاتي يوم الفها
ازاي احفظ الخضار لمده كبيره في الثلاجة

ملاحظة
بعد إذنك حضرتك بتحطها في ميه مثلجة ولا من الثلاجة؟
مياه وفيها مكعبات تلج
وافرد ورق فويل وفوقه منديل مطبخ واحط الخضره بالعرض والف المنديل

وبعدين الفريل زي الصوره كده واقفل عليهم كويس وفاي رف فالتلاجه
هايقعد بنفس جودته لمده ١٠ ايام وممكن اكتر وعادي نفتح وناخد منه ونقفله تاني كويس

ده شكلها بعد ما اتلفت ممكن بعد خمس ايام افتح الورق برالراحه
واغير المنديل اللي جوه عشان لو فيها اي مياه متعرقش وتعفن الخضره
طرق حفظ الخضروات والفواكه من التلف لفترة طويلة

كده البوست خلص مش هاطلب منكم تتفاعلوا مع البوست
بس كفايا انكم استفداتم واني بلاقي ناس لسه بتدعيلي من غير ماتعرفني
واستنوه وصفه انهارده كبسه زي ما واضح فالصوره اللي تحت