المنتدى التعليمي

اخر اخبار التربية والتعليم ونتائج الامتحانات والنماذج والكادرات واخبار المدرسين ,النتيجة برقم الجلوس,نماذج,مراجع,سلاح التلميذ 2020.

نسخ رابط الموضوع
https://vb.kntosa.com/showthread.php?t=3324
3776 0
02-16-2019 01:11 AM
#1  

2067656972885688147لو ليك حد فى 3 ثانوى هيكون محتاج الكلام ده لعـل ينفعه ويكون حافز ليـه


لو ليك حد فى 3 ثانوى هيكون محتاج الكلام ده لعـل ينفعه ويكون حافز ليـه kntosa.com_12_19_154
لو ليك حد فى 3 ثانوى هيكون محتاج الكلام ده لعـل ينفعه ويكون حافز ليـه
- ال 120 يوم اللى فاضلين دول بيبقا اسمهم " أيام حصد الدرجات " لأنهم اهم 4 شهور فى الثانوى كلها , اللى ناقصه حاجه هيقدر يلمها ويراجع مرا واتنين وثلاثه , واللى لسا مافتحش المنهج خالص يقدر يذاكر المنهج كله ويلمه مرا واتنين ويراجع ويجيب مجموع .. سيبك من اللى فات وحط فى دماغك ان ال 120 يوم دول هما الأساس وبس يعنى لسا الامل ماضاعش أعرف ناس كانت بتذاكر كانت مقضياها لعب ومذاكره خفيفه ومجهود بسيط وجم عند شهر 2 او 3 وأنعزلوا لوحدهم وبدأوا يدحوا ويذاكروا بكل مجهودهم ودلوقتى هما فى ألسن عين شمس

- مش مهم تعمل جدول او تذاكر عشوائى المهم تدح ال 120 يوم دول وكل يوم بليل تبص لنفسك وتشوف انت قدرت تنجز قد ايه فى اليوم ده , حفظت كام كلمه انجلش , خلصت كام chapter فى القصه , حليت على باب ايه وايه فى التاريخ او الفلسفه او الجغرافيا.. هما 4 شهور لو استغليتهم صح هتفلح لان والله الفتره دى ماعايزة طالب ذكى عايزة واحد بيعرف يقعد على المكتب اكتر من 8 ساعات فى اليوم حتى لو مش متواصلين المهم انه يدح ويحفظ

- فوق لنفسك كدا , فاضل على حلمك 4 شهور و بأيدك تحققه ماتخليش الظروف تكسرك مهما كانت ايه انت تقدر والله ماحدش أحسن منك , امشى على الخطوات دى مع مجهودك الشخصى وتوفيق ربنا ليك وان شاء الله هتوصل .

1 - قلل من النت و السوشيال ميديا , ماتمنعهوش لانك مش هتعرف تمنعه ساعه فى اليوم تفتح فيها النت مش هتضر المهم افتكر ان فى الوقت اللى انت فاتح فيه الفيس وقاعد بترغى مع ناس مش هتفيدك بحاجه الفتره دى , غيرك قافل على نفسه وقاعد بيدح وبيلم المنهج من اوله لاخره

2 - سـد ودانك للناس , عشان نفسيتك ترتاح لأنك هتسمع كميه اشاعات رهيبه الفتره دى عن ان الامتحانات هتيجى صعبه وكل واحد محبط هيحاول يحبطك معاه

3 - قرب من ربنا كتير , مش عيب انك تبدأ تصليله دلوقتى صدقنى انت اللى محتاجه مش هو , ومستقبلك وطموحك بين ايديه ويابخت اللى ربنا موفقه

4 - قلل الخروجات وماتذاكرش مع صحابك , مش هتعرفوا تذاكروا مع بعض وهتتلهوا , أقفل على نفسك وذاكر لوحدك ماحدش هينفعك .

5 - قلل الكافين وظبط نومك , فنجان قهوة الصبح يكفى مش كل شويه تفضل تشرب عشان اعصابك ماتضربش ونام 8 ساعات بالظبط لا اكتر ولا اقل ويستحسن يكونوا من 9 بليل ل 5 الفجر لأن دى أحسن فتره للنوم , العقل بيرتاح فيها وبتصحى نشيط وهتنفعك جدا فتره الامتحانات , تروح الامتحان وانت مركز ومصحصح لكل الاسأله اللى هيلزم فيها تشغيل مخ ولا تروح مطبق ومش نايم كويس وتقع منك اسأله عليها 5 و 10 درجات ؟

6 - المذاكره الفتره دى ماتقلش عن 8 ساعات فى اليوم , بحيث تذاكر ساعه وتريح 5 دقايق تقوم تحرك جسمك تشرب مايه بحيث ماتفصلش وترجع تانى تكمل بس يكونوا 5 دقايق فقط مش تروح ماترجعش ,, وبتختلف من شخص لشخص لأن فى شخص يقدر ينتج كميه معلومات كبيره فى 4 ساعات بس وشخص تانى ينتجهم فى 8 ساعات .

7 - ماتحفظش شفوى , الحفظ بيبقا بالورقه والقلم , طول مانت بتذاكر قدامك اجنده او كشكول بتكتب فيهم عشان الكلام يثبت فى راسك , وان جيت للحق الثلاث فروع بتوع الثانوى العلمى والعلمى رياضه والادبى حفــظ بنسبه 90% والفهم 10% لأنك فى الامتحان هتقابل اسأله كتير انت شوفتها قبل كدا وحلتها وحتى لو جت اسأله عايزة فهم انت من كتر الحفظ هتعرف تتعامل معاها ,, أحفـــظ يلا

8 - اوعى تعتمد نهائى على الغش او التسريبات , لان حتى لو الغش حاجه صح هل هتعرف تغش الامتحانات كلها , وهل اللى غشيته هيكون صح , وهل كدا ربنا هيوفقك ؟

9 - أهتم جدا باللغه ماتركنهاش " عربى - انجليزى - لغه تانيه " لأنهم عباره عن 170 درجه مضمونه حرام عليك تضيعهم من ايدك , وماتركنش الكيمياء العضويه لانها بتسيح من المخ لو اهملتها , والفيزياء 85% حفظ مصطلحات ومفاهيم و 15% عملى ومسائل فا ماتقعدش ساعه تحل فى مسئله صعبه احتمال ماتجيش وتسبلى ال 85% المهمين , والانجليزى واللغه التانيه حفظ كلمات احفظ كلمات كتيررر لان الجرامر كله على بعض مايعديش ال 10% من نسبه الامتحان وباقى الامتحان هيلعب على حفظك للكلمات والقصه .


وأخيرا اى كان المجموع اللى هتجيبه فى الثانوى انت عملت اللى عليك والتوفيق من عند الله ودى قدراتك العقليه ياسيدى انت مخلوق بقدرات تأهلك تكون محامى غيرك قدراته تأهله دكتور والدكتور مايقدرش يشتغل مكان المحامى ولا المهندس يقدر يشتغل مكان التجارى كل واحد ليه مجاله وكل المجالات مهمه مافيش حاجه اسمها كليات قمه وكل ماتتقل عليك هموم الثانوى افتكر ان لا يكلف الله نفسا الا وسعها يعنى من الاخر انت قدها .


لو ليك حد فى 3 ثانوى هيكون محتاج الكلام ده لعـل ينفعه ويكون حافز ليـه kntosa.com_12_19_154








الكلمات الدلالية (Tags)
3, فى, لو, ليـه, ليك, لعـل, محتاج, هيكون, ويكون, ينفعه, الكلام, ثانوى, حافز, حد, ده

أدوات الموضوع
انواع عرض الموضوع

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
ديكورات صالونات 2019,ديكورات صالونات مودرن وكلاسيك,ديكور صالونات فخمة ومودرن 2019,احدث ديكورات صالون الملكة نفرتيتى صالونات وانتريهات 2021 3 04-07-2019 12:43 PM
ديكورات2019أحدث ديكورات المنازل الداخلية,ديكورات منزلية حديثة,ديكور مودرن,الديكورات المنزلية الحديثة جودى ديكورات - أثاثات - مفروشات 0 02-13-2019 08:47 PM
ديكورات شقق 2019،بالصور ديكور منازل جديدة،احلى انتريهات وستائر رقيقة وشيك انستقرام مى صالونات وانتريهات 2021 1 02-05-2019 10:58 AM
افكار ديكورات لكريسماس 2019,ديكور من صنع يديك فى الكريسماس,ديكورات كريسماس 2019,أجواء الكريسماس 2019 مى ديكورات - أثاثات - مفروشات 1 02-04-2019 09:37 PM
تفادي السلبيات الخمس ليكون لديك نظرة سليمة للأشياء yasmena العيادة النفسية والتنمية البشرية 0 10-21-2018 01:46 AM


الساعة الآن 03:16 PM


Powered by vBulletin® Version 3.8.11 Beta 4
Copyright ©2000 - 2024, vBulletin Solutions Inc.
new notificatio by 9adq_ala7sas
User Alert System provided by Advanced User Tagging (Lite) - vBulletin Mods & Addons Copyright © 2024 DragonByte Technologies Ltd.

خيارات الاستايل

  • عام
  • اللون الأول
  • اللون الثاني
  • الخط الصغير
  • اخر مشاركة
  • لون الروابط
إرجاع خيارات الاستايل