العناية والاهتمام بالطفل

معاملة وتربية طفلك كل مايتعلق بتربية الاطفال بجميع الاعمار وطرق العناية بهم نصائح لطفلك مقتطفات تربوية مهارات يدوية رسومات للتلوين وكيفية العناية بالطفل والتعامل معه.

نسخ رابط الموضوع
https://vb.kntosa.com/showthread.php?t=9722
3197 0
09-14-2019 02:24 AM
#1  

129864القواعد اﻻربعين لحديثي الولادة ، طفلك لسه مولود نصائح للتعامل معاه


القواعد اﻻربعين لحديثي الولادة ، طفلك لسه مولود نصائح للتعامل معاه kntosa.com_10_18_153
القواعد اﻻربعين لحديثي الولادة
أهلا وسهلا بيكي في منتدى عدلات ، لسه والده أو على وش ولادة ، ام جديده ومش عارفه اتعامل ازاى مع البيبي ، تعالي هنا هقولك حبه نصائح في المفيد عشان تعرفي تتعاملى مع طفلك ومن غير ماتأذيه
القواعد اﻻربعين لحديثي الولادة ، طفلك لسه مولود نصائح للتعامل معاه kntosa.com_14_19_156
١_رضعي طبيعي
٢_بلاش أعشاب وﻻ ينسون وﻻ نيله
٣_بلاش بيبي درينك
٤_بلاش جلوكوز
٥_ڤيتامين "د" من أول يوم ٤ نقط ڤي دروب .
٦_تطعيم ڤيروس بي أول ٢٤ ساعة حتى في أيام الجمع و العطلات الرسمية .. في الوحدات الصحية و أقسام النساء في المستشفيات الحكومية
٧_ما تربطيش حاجة على السرة وﻻ تلفيها على بطنه مافيش حاجة اسمها عشان تسند ظهره !
٨_رضعى طبيعى بدرى على قد ما تقدرى.
٩_نظفي السره بالكحول كل 6 ساعات .
١٠_السرسوب افيد من اللبن .
١١_الرضاعة الصناعى اغلبها موضه ومش بنكتبها اﻻ للضروة مش عشان طفلك يكلبظ !
١٢_تحليل الكعب للغده يوم السبت و الثلاثاء في كل الوحدات الصحية اول اسبوع للوﻻده..
١٣_حديث الولادة إنسان و بيحتاج النظافة ..و بيستحمى عادي .
١٤_ممنوع بوس الطفل من الفم.
١٥_بلاش بوس أحسن ..بينقل أمراض.
١٦_تطعيم الدرن "حقنة الكتف" ..في أول شهر ما تتأخريش.
١٧_مفيش في السبوع غربلة ..الغربلة=نزيف في المخ .
١٨_تكحيل الطفل بالبصل ممنوع..عينه هتضيع.
١٩_نقط مطهرة للعين روتين في أول أسبوع.
٢٠_ورق مهم و هتحتاجيه شهور : كراسة التطعيمات..منحنيات النمو تشمل الوزن و الطول و محيط الرأس
٢١_ركزي مع وزن طفلك ساعة الولادة ..احفظيه، الطبيعي من 2.5 ل 4 كيلو في المتوسط بيزيد حوالى ٧٥٠ جم أول 4 شهور.
٢٢_٦٠٪ من المواليد بيصفروا ..صفرا طبيعية حميدة ما تقلقيش.
٢٣_الصفرا عايزة رضاعة و متابعة أو حضانة و علاج ضوئي مش عايزة نيون و لا ڤيتامين.
٢٤_المولود إنسان ..إحساسه بالجو زينا..بلاش بطاطين في أغسطس ..هيفطس
٢٥_الزغطة و الخنفرة و الحزقة ظواهر طبيعية هتقل مع الوقت.
٢٦_ظواهر تقلقك : الطفل رافض الرضاعة أو مش قادر يرضع ، لونه بيزرق، نفسه فيه نهجان ، مدروخ و مش بيصحى.

٢٧_اهتمي بنفسك و صحتك عشان تقدري تهتمي بمولودك..كلي أكل صحي و متوازن ، بلاش أدوية من غير داعي، اشربي لبن ..كتير، و بلاش اكل حراق أو بيعمل انتفاخات .
٢٨_حديث الولادة بينام كتير بس متقطع..نومك هيتلخبط ..بترضعي و تغيري و تدلعي و تنيمي.
٢٩_حديث. الولادة بيسمع من و هو جنين ف اخر شهور الحمل..لو مفيش فزع أو خضة من الصوت العالي تقلقي .
٣٠_لازم طفلك يعمل براز في أول ٢٤ ل 36 ساعة ..لو معملش استشيري الطبيب
٣١_أنماط الإخراج مختلفة عند حديثي الولادة..فيه طفل بعد كل رضعة يعمل براز و طفل يعمل مرة في اليوم وطفل كل اسبوع.
٣٢_النوم على البطن ممنوع ..إلا بعد الرضاعة للتجشؤ و انتي صاحية .
٣٣_غيري الحفاضه بانتظام وماتسيبيهاش كتير و نشفي كويس. و ادهني زيت زيتون والزنك ..هتحميه من التسلخات.
٣٤_لو بنت اتأكدي من وجود فتحة المهبل..لو ولد حسي الخصيتين و شوفي فتحة القضيب في مكانها و لا لأ..

٣٥_الأب: فينك ؟! ..واحشنا و الله ^^
٣٦_أول ما فترة النفاس تخلص شوفي وسيلة منع حمل مناسبة ما تنسيش ..طفلك محتاج رعايتك قبل ما تعمليها تاني و صحتك هتروح
٣٧_طفلك بيعيط كتير ..عليكي تخمني السبب و مع الوقت هتفهميه.
جعان _رضعيه ،، شبعان و منفوخ _كرعيه،، عنده مغص دلكيه وخدى دوا للتقلص،، عايز حد يشيله شيليه ..ما تسيبيش طفلك يعيط عشان ما يتعودش على الشيل..هو إنسان و عايز اهتمام و الاهتمام ما بيطلبش .
٣٨_السخونية و الكحة في حديثي الولادة مش طبيعية و مش حميدة ..لازم دكتور و تحاليل.
٣٩_مافيش حاجة اسمها جلسات موسعه للشعب الطفل ممكن يتعود عليها مش مخدرات هى !
٤٠_حبي طفلك ..ولد أو بنت..أسمر أو ابيض ..سليم أو مريض ..ده قطعة من روحك ما تخليش حد أبدا يصنفه.


القواعد اﻻربعين لحديثي الولادة ، طفلك لسه مولود نصائح للتعامل معاه kntosa.com_10_18_153








الكلمات الدلالية (Tags)
للتعامل, لحديثي, لسه, مولود, معاه, نصائح, ،, اﻻربعين, القواعد, الولادة, طفلك

أدوات الموضوع
انواع عرض الموضوع

الانتقال السريع


الساعة الآن 01:08 AM


Powered by vBulletin® Version 3.8.11 Beta 4
Copyright ©2000 - 2024, vBulletin Solutions Inc.
new notificatio by 9adq_ala7sas
User Alert System provided by Advanced User Tagging (Lite) - vBulletin Mods & Addons Copyright © 2024 DragonByte Technologies Ltd.

خيارات الاستايل

  • عام
  • اللون الأول
  • اللون الثاني
  • الخط الصغير
  • اخر مشاركة
  • لون الروابط
إرجاع خيارات الاستايل