قصص - حكايات - روايات

القصص والرويات، قصيرة , طويلة,قصص الانبياء , منتديات قصص ، اجمل القصص اروع القصص ، اجمل الروايات ، قصص قصيره ، قصص طويله ، رويات قصيره ، رويات طويله ، قصص عدلات ، قصص الوفاء ، قصص مخيفه ، قصص محزنه ، قصص عجيبه ، رويات، رويات عدلات ، قصص الانبياء ، القصص العربية ، قصص واقعيه ، قصص اطفال ، روايات للاطفال ، مكتبة القصص ،القصص والروايات ، قصص غريبه ، قصص دينية ، قصص حقيقيه ، قصص مضحكة ، قصص مؤثرة ، قصص خيالية ، اغرب القصص قصص الصحابة ، مواقع قصص ورويات2020.

نسخ رابط الموضوع
https://vb.kntosa.com/showthread.php?t=141
7103 3
10-09-2018 03:04 AM
#1  

184626991720144865رواية حياتي بين يديك .. بقلمي 2018


رواية حياتي بين يديك .. بقلمي 2018 3almc.net_2018_2_152
السلام عليكم
احب اقدملكم اول رواية كتبتها : رواية حياتي بين يديك ..
ياارب تعجبكو
بسم الله الرحمن الرحيم
ريم : ماما انتى فين
ام ريم : انا هنا فى المطبخ
أتئخرتى ليه انهاردة نص ساعه ابوكى لسه مكلمنى وسأل عليكى ؟
ريم : ماما انهاردة الخميس كنت قاعده مع زمايلى شويه والله انا سبتهم قاعدين علشان عارفه انك مستنيانى وبابا هيكلمك
وبعدين ما هو كلمنى على الموبيل وقولتلو هعد شويه
ام ريم : بنخاف عليكى انت طول مانتى بره بقعد اقول ربنا يستر
ريم : والله ما تخافى انا فى الجامعه يعنى لو حصل حاجه 1000 واحد هيتلم ويلحقنى متخفيش عليا يا حبيبة قلبى

ام مريم : طب يلا كلمى ابوكى طمنيه انك رجعتى
ريم : معييش رصيد
ام مريم : انتى مش لسه شحنه يوم الاتنين
ريم : انتى حتى الشحن فاكره انا شحنت امتى خلاص يا ماما خلاص مش قولتلكم اعملولى باقه
ام ريم : وابوكى قالك لو جبتى تقدير السنادى هيعملك الباقه
ريم : لا هو قالى السنه اللى فاتت لما نجحت فى تانيه وجبت تقدير ومعمليش
ام ريم : تقدير هو المقبول ده تقدير
ريم : اه مش نجحت ومشلتش مواد وطلعت تالته صافى وكمان جبت مقبول
ام ريم : دا ابن اخوكى جايب امتياز
ريم : مش بحب تقرنينى بحد وبعدين ده لسه فى تانيه اداب وانا تالته
وهو فى اداب وانا فى وانا تجاره انا كوليتى اصعب
ام ريم : وهوا انا هخلص فيكى يا غلباويه ابوكى جه اهو حمدالله على السلامه
ابو ريم : الله يسلمك ايه الاكل ده كلو
ام ريم : ده على شان بكره الجمعه طارق وزاهر وماجده جيين هما والعيال بس قول يا رب يكفى
ريم : هما كل يوم جمعه يجو وانا بقى اللى ادبس مفيش مره حد فيهم يقولنا تعالو عندى يوم
ام ريم : تدبسى فى ايه انتى ساعدتينى فى الاكل
ريم : لا انا مش تخصصى الاكل انا تخصصى قدامك يا بابا مش انا متفقه معاكى انا توضيب البيت وانتى الاكل
ابو ريم : وغسيل الاطباق والغسيل + توضيب البيت
ريم : اهو بابا قال يبقى مش تقولى مش بساعدك فى الاكل الاكل تخصصك
ام ريم : ده يوم بنتجمع كلنا
ريم : بس انا نفسى اخرج اتفسح يعنى يوم الجمعه قعد فى البيت اف بقى
ابو ريم : 100 مره قولتلك مش تقولى اف حرام
ريم : يا بابا طب كل جمعه كده وحضرتك كنت وعدنى تخرجنى
ابو ريم : هو فى احلى من انك تعدى مع اخواتك وولاد اخواتك خلاص متزعليش انتى السبت معندكيش محضارات هخرجك عاوزه
تروحى فين
ريم : هو انا ينفع طيب اخرج مع اصحابى
ابو ريم : لا
ريم : خلاص يا بابا ادينى قعده وخلاص
انا دخله اغير هاتى خياره
ام ريم : خدى بالهنا
ايه ياسعيد ماتسيب البت تخرج مع اصحبها
ابو ريم : ولما يحصلها حاجه ولا تتئخر لا عاوزه تخرج تبقى معايا او معاكى او مع حد من اخوتها انا ايه عرفنى باللى هتخرج معاهمم
دول يعملو فيها ايه انا بشوف الاخبار بقعد اقول ربنا يستر عليها لحد ما اجوزها ادعيلها ربنا يسترها معاها

ام ريم : يا سعيد دى اخر العنقود جت بعد 30 سنه جواز
دا ابن ابنك من دورها
ابو ريم : على شان كده انا مديقها عليها انا معرفش جيل اليومين دول بيفكر فى ايه وايه الاعيبو مش هكررها تانى عينيكى عليها لو
لقتيها بتكلم فى التليفون اسمعى بتقول ايه وكل شويه قلبى فى تليفونها شوفى بتعرف مين
ام ريم : احنا مربينها كويس بلاش تفكر فى الحاجات دى بنتنا متربيه
ابو ريم : بس اصحبها معرفش متربيين ولا لا
انا رايح اشوفها بتعمل ايه وانتى حضرى الغدا
ام ريم : حاضر

رواية حياتي بين يديك .. بقلمي 2018 14588412991895.gifرواية حياتي بين يديك .. بقلمي 2018 14588412991895.gifرواية حياتي بين يديك .. بقلمي 2018 14588412991895.gifرواية حياتي بين يديك .. بقلمي 2018 14588412991895.gif

ابو ريم : ها غيرتى
ريم : اه يا بابا عوزنى اعملك حاجه
ابو ريم : لا انتى بتتفرحى على ايه مين الممثل ده
ريم : ده مهند
ابو ريم : ايه مهند اول مره اشوفو
ريم : ممثل تركى ودى بقى نور
ابو ريم : اه طب هاتى القناه التانيه عليها تمثليه حلوه
ريم : تمثلية ايه دى ذئب الجبل حرام عليك يا بابا انا بتفرج على نور وانته عاوز ذئاب الجبل لالالا انا هجيب نور
ابو ريم : بلا مسخره وقلة ادب هاتى التانيه
ريم : حاضر بس يعنى انا افرجك على مهند القمر ده وانته عاوز البدرى بدار ازاى يعنى مهند احلى
ابو ريم : لا ده راجل محترم شايفه الاحترام

رواية حياتي بين يديك .. بقلمي 2018 14588412991895.gifرواية حياتي بين يديك .. بقلمي 2018 14588412991895.gifرواية حياتي بين يديك .. بقلمي 2018 14588412991895.gifرواية حياتي بين يديك .. بقلمي 2018 14588412991895.gif

ام ريم : مالك زعلانه ليه
ريم : عاوزه اتفرج على نور وبابا جاب ذئاب الجبل بتعتو دى
ام ريم : انتى مش بتشوفيها على الساعه 7
ريم : دى الاعاده
ام ريم : ابوكى بيتغدا وينام ابقى شوفيها 7 وهو نايم مش لازم قدامو اسمعى كلامو
خدى حطى الاكل معايا
ريم : حاضر
( وبعد ما اكلو )
ام ريم : اهو ابوكى دخل نام اتفرجى على اللى انتى عوزاه
ريم : هههههههه ماشى مش هتتفرجى معايا دى انهاردا حلقه حلوه اوى
ام ريم : لا هدخل اريح بس متعمليش دوشه على شان ابوكى ميسمعش
ريم : حاضر وانا والله هشوف الحلقه وادخل اشطب المطبخ متقلقيش
ام ريم : يخليلى بنتى يا رب
ريم : ويخليكى ليه يا رب يا مامتى العسل انتى هاتى بوسه امووووه

رواية حياتي بين يديك .. بقلمي 2018 14588412991895.gifرواية حياتي بين يديك .. بقلمي 2018 14588412991895.gifرواية حياتي بين يديك .. بقلمي 2018 14588412991895.gifرواية حياتي بين يديك .. بقلمي 2018 14588412991895.gif

وبعد شويه قامت ام ريم من النوم
ام ريم : هتفضلى ادام التلفزيون كده كتير
ريم : مش ورايا حاجه وخلصت كل المطبخ ادخلى حتى شوفى
ام ريم : مش هتذكرى ؟
ريم : اذاكر ايه يا ماما احنا لسه فى اول شهر مخدناش حاجه والحاجات اللى اخدنها هتتلغى بصى انا مسيطرة متقلقيش
ام ريم : لا قومى ذكرى فرى الورق كده خدى فكره
ريم : مش طالبه معايا يا ماما
ام ريم : طب تعالى احشى المحشى معايا بقى قومى يا بت
ريم : حاضر وبعدين هو كل يوم خميس على كده انا وانتى نعمل الاكل ما ماجده و مروى ومى يجو بكره ونعمل الاكل سوى
ام ريم : لا على شان اعرف اعد مع اخواتك
ريم : ماما انا مش كل خميس هقول الكلام ده هما بيجو ياكلو ويمشو وانا بقى اللى اعد انظف واغسل ولو اتكلمت ابقى وحشه وبدلع
ام ريم : يا حببتى دول اخواتك ملكيش غيرهم ماجده اختك دى بدالى وطارق وزاهر برضو بدل ابوكى انتى الصغيره
ريم : محدش بدالك انتى وبابا ومش تقولى كده تانى تخلينى اعيط ربنا يخليكم ليا استنى اشوف الموبيل
الو ايوه يا فرح ازيك
فرح : يا بنتى ايه مشاكى احنا رحنا السينما حتت فيلم بقى جنان
ريم : فيلم انتو مش قولتو هتروحو
فرح : لا انا كلمت بابا وقالى روحى انا و شريف وحنان و كريم
ريم : الواد كريم اللى عندو عربيه اسبور ده
فرح : اه وهو اللى عزمنا على السينما
ريم : طب كويس انى مشيت انا مش بحب الواد الرخم ده توتو اوى كده ومحفلط فى نفسو
فرح : حرام عليكى ده كيوت اوى
ريم : كيوت بلا نيله
فرح : هتيجى يوم الحد
ريم : اه طبعا هاجى مش عندنا 3 محضارات
فرح : احنا ريحين العين السخنه مع كريم ما تيجى معانا
ريم : حاضر هجيب الكتاب ماشى
فرح : هو فى حد جنبك
ريم :ماما بتسلم عليكى
فرح : طيب كلمينى بليل ونتفق
ريم : مش معايا رصيد كلمينى انتى
فرح : ماشى هكلمك سلام
ام ريم : هى بتقولك ايه
ريم : عاوزه كتاب المحسبه
ام ريم : اه طيب اعملى معايا بقى
ريم : ماما انا مليش دماغ اقعد امسك ورقه ورقه واعملها انا معنديش صبر اعمل اى حاجه تانيه
ام ريم : طب اغسلى الفراخ
ريم : لا انا مقدرش امسك بايدي فرخه كده لا مقدرش
ام ريم : طب قطفى الملوخيه
ريم : يووووووه يا ماما هاتى

رواية حياتي بين يديك .. بقلمي 2018 14588412991895.gifرواية حياتي بين يديك .. بقلمي 2018 14588412991895.gifرواية حياتي بين يديك .. بقلمي 2018 14588412991895.gifرواية حياتي بين يديك .. بقلمي 2018 14588412991895.gif

وبليل لما ام ريم وابو ريم نامو
فرح : ايوه يا بنتى احنا اتفقنا نروح يوم الحد العين السخنه نقضى يوم تعالى معنا
ريم : لا طبعا مش ينفع بابا وماما مش هيرضو
فرح : وهو انتى لازم تقوليلهم احنا هنروح 9 الصبح ونرجع 3 السكه هى ساعه رايح وساعه جى
ريم : مقدرش اروح مكان مش قايله لبابا وماما عليه هما عرفين انى فى الجامعه يبقى مينفعش اروح مكان تانى
فرح : مانتى لو قولتلهم مش هيرضو
ريم : طب اعمل ايه لا وبعدين كريم ده انا مش برتحلو عامل فيها غنى كده ومش برتحلو روحو انتو انا مش ينفع
فرح : طب بصى فكرى احنا يوم الحد هنتجمع فى الجامعه ونمشى سوى تصبحى على خير
ريم : وانتى من اهلو
اروح ولا لا طب ما اروح واتبسط شويه لالالا مينفعش بابا يزعل الله ما يغزيك يا شطان بس بقى قولت لا يعنى لا
بس دى العين السخنه
ولو مش هروح يعنى مش هروح انا مش ممكن اخون ثقة بابا فيا .

رواية حياتي بين يديك .. بقلمي 2018 14588412991895.gifرواية حياتي بين يديك .. بقلمي 2018 14588412991895.gifرواية حياتي بين يديك .. بقلمي 2018 14588412991895.gifرواية حياتي بين يديك .. بقلمي 2018 14588412991895.gif

وتانى يوم الجمعه
ريم : انتو بتيجو متئخر كده ليه جيين 3 مش تيجو بدرى شويه
ماجده : عقبال ما بنصحى ونفطر ونلبس وبعدين لما يجو من الصلاه وبننزل
مى : وحشتينى يا ماما
ام ريم : وانتى كمان هو زاهر مجاش معاكى ولا ايه
مى : لا جه بس بيركن هى مروى مجتش هى وطارق
ريم : لا اتئخرو مش عارفه ليه
اهو طارق جه
طارق : ازيك يا شقيه عامله ايه
ريم : الحمد لله كده برضو مش تسئل عليا من الاسبوع للاسبوع
طارق : والله انا ما فاضى خالص
ام ريم : ابو ريم هتاكل دلوقتى ولا شوي
طارق : ابو ريم وطارق ده ايه
ابو ريم : لا بقى يا بشمهندس انا ابو ريم على شان هى اخر العنقود وبعدين ابو طارق ده بتاع كشرى لاكن ابو ريم يا سلام
ماجده : طب ابو ريم ده بتاع ايه هههههههههههههههه
ريم : بتاع سكر وعسل هههههههههههههه انتو متغظين بابا حبيبى وعاوز يبقى ابو ريم ايه بقى بابا بتاعى انا بس
زاهر : انتى اد الكلام ده
ريم : اه ادو يا حضرة الظابط وده اخر اعتراف معاك البوكس ولا هناخد تاكسى هههههههههههههههه
زاهر : هههههههه ربنا ما يجيب بوكس وهو انتى تقدرى على ركوب البوكس
ام ريم : انا مش بحب السيره دى يلا قومو على شان تاكلو قومى انتى وهى اغرفو معايا قومى يا ريم معاهم
ريم : انا عاوزه اعد مع طارق شويه و بعدين هما يعملو حاجه بقى
ماجده : خلاص يا ماما مفيش فايده انتى دلعتيها وخلاص
طارق : بابا صحيح جبتلك التذاكر العمره ان شاء الله كده الاسبوع اللى جى هتسفرو انته وماما
ام ريم : بجد يا مانته كريم يا رب الحمد لله
ابو كريم : وحجزت وخلصت كل الورق
طارق : اه وكمان حجازة طيران على شان اريح
ريم : مبروك يا ماما حببتى مبروك يا بابا ايه ده طب انتو هتسبونى لوحدى
ام ريم : مانتى مع اخواتك وبعدين دول 10 ايام بس صح يا طارق
طارق : اه بس مش كتير
ريم : طب انا عاوزه اروح معاكم
طارق : تروحى فين هما ريحين الملاهى دى عمره
ريم : اف بقى
سيف : ايه يا عمتو زعلانه ليه بس داحنا هنهيص ال10 ايام دى هتيجى عندنا ونروح الجامعه سوى ونلفلف سوى وكل يوم نسهر قدام التلفزيون الايام هتعدى
طارق : اه طبعا ومروى كمان انا وهى اتفقنا تيجى عندنا
ماجده : ومتجيش تقعد عندى ليه انا طول النهار لوحدى وعبد الله مش بيجى غير بليل
طارق : انا جنب الجامعه هتروح بالمتور لاكن انتى بعيد وبعدين سيف هيروح معها
ريم : انا هقعد لوحدى هنا احسن
طارق : نعم لا طبعا ماينفعش انا اخوكى الكبير يبقى تيجى عندى
ماجده : ومتجيش عندى انا ليه بقى
طارق : انتى سكنه فى بيت عيله مع حماتك هى مش هتبقى على حريتها
مروى : خلاص بقى عندنا احسن قولتى ايه يا ريم
زاهر : طب ما برضو لو تحبى تيجى عندى
ريم : لا عندك لا عيالك لسه صغيرين وهيدوشونى
مى : الله مش انتى عمتهم لازم تستحملى دوشة ولاد اخوكى ؟
ريم : لا ماليش فى الجنان انا هروح عند طارق
طارق : ايوه كده خليكى عاقله
بس لازم بقى يا ماما تنزلى تشترى الحاجات اللى هتحتاجوها هناك هو فاضل اسبوع
ريم : انا هنزل انا وماما نشترى كل حاجه بكره
طارق : ماشى وخودو مروى معاكى هى بتعرف محلات حلوه
مروى : خلاص هتنزلو امتى وانا اكون جاهزه
ريم : طيب على 12 كده كويس
مروى : ماشى
مى : طب وانا مش مطلوب اعمل حاجه
ام ريم : الحاجات لسه كتير وانا لو عوزت منكم حاجه هطلبها هو انا هتكسف من بناتى انتى يا مى وانتى يا مروى بناتى زى ريم وماجده
ماجده : الله اشمعنى ريم الاول انا الكبيره
ريم : كلكم غيرانين منى انا اخر العنقود افهموها بقى ههههههههههه

رواية حياتي بين يديك .. بقلمي 2018 14588412991895.gifرواية حياتي بين يديك .. بقلمي 2018 14588412991895.gifرواية حياتي بين يديك .. بقلمي 2018 14588412991895.gifرواية حياتي بين يديك .. بقلمي 2018 14588412991895.gif

وبعد ما ام ريم وريم رجعو من باره بعد ما اشترو الحاجات
ريم : ماما الموبيل بيرن هرد
ايوه يا فرح فى حاجه
فرح : ها تيجى بكره معانا
تفتكرو ريم هتروح مع اصحبها ولا لا؟

رواية حياتي بين يديك .. بقلمي 2018 3almc.net_2018_2_152






10-10-2018 07:53 PM
#2  

افتراضيرد: رواية حياتي بين يديك .. بقلمي 2018




10-12-2018 04:19 AM
#3  

افتراضيرد: رواية حياتي بين يديك .. بقلمي 2018




10-16-2018 12:45 AM
#4  

افتراضيرد: رواية حياتي بين يديك .. بقلمي 2018






الكلمات الدلالية (Tags)
.., 2018, يديك, بقلمي, بين, حياتي, رواية

أدوات الموضوع
انواع عرض الموضوع

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
لعبة سونيك الجديدة 2018 مى العاب فلاش اون لاين - Games Online 8 05-10-2023 04:51 PM
اباجورات مكتب2018.اباجورات مودرن.اباجورات كلاسيك.اباجورة مكتب جوميا.اباجورة مكتب ليد ام رونزا ديكورات - أثاثات - مفروشات 4 12-27-2022 03:00 PM


الساعة الآن 06:18 PM


Powered by vBulletin® Version 3.8.11 Beta 4
Copyright ©2000 - 2024, vBulletin Solutions Inc.
new notificatio by 9adq_ala7sas
User Alert System provided by Advanced User Tagging (Lite) - vBulletin Mods & Addons Copyright © 2024 DragonByte Technologies Ltd.

خيارات الاستايل

  • عام
  • اللون الأول
  • اللون الثاني
  • الخط الصغير
  • اخر مشاركة
  • لون الروابط
إرجاع خيارات الاستايل