التوفير في الميزانية

مصروفك على قد الايد , كيفية تنظيم مصروف بيتك , طلبات البيت الاساسيه , قائمة احتياجات المنزل الشهرية , نصائح هامه تساعدنا على التوفير , نصائح مفيدة للنساء ارشادات منزلية لربات البيوت,نصائح منزلية مفيدة لربة البيت.

نسخ رابط الموضوع
https://vb.kntosa.com/showthread.php?t=7151
6383 0
07-05-2019 07:59 PM
#1  

Icon21560أفكار للتوفير في مصروف و ميزانية البيت,طرق وافكار للتوفير فى ميزانية البيت, توفير مصاريف الأسرة


أفكار للتوفير في مصروف و ميزانية البيت,طرق وافكار للتوفير فى ميزانية البيت, توفير مصاريف الأسرة kntosa.com_31_19_154
أفكار للتوفير في مصروف و ميزانية البيت,طرق وافكار للتوفير فى ميزانية البيت, توفير مصاريف الأسرة kntosa.com_05_19_156
نصائح من أم مصرية أصيلة لتوفير ميزانية بيتك
الأفكار دي تخليك تقدر توفر شوية في مصروفك وسط الغلاء اللي عامل أزمة لينا كلنا..

وواضح إننا لازم نحل مشكلته بإيدينا..
1 - لما تعمل حملة لمقاطعة سلعة.. اختار السلعة الأسرع فسادا.. زي السمك..

و عرف التاجر "مش حاشتريه الا لما سعره ينزل".. و سيب الشحنة تبوظ.. المرة الجاية غصب عنه حينزل السعر..
2 - قبل التسوق خد صورة واضحة للتلاجة بمحتوياتها.. و اعرفي عندك ايه..

و ماتشتريش أي شيء موجود عندك بالفعل..
و أوعي تنزل تتسوق و انت جعان..
3 - رتب الفريزر.. و اعرف فيه ايه...
4 - إملا إزازة بيبسي فاضية 2 لتر.. و اقفلها كويس.. و حطها في جهاز الطرد - السيفون - بتاع الحمام زي صورة 1..
أفكار للتوفير في مصروف و ميزانية البيت,طرق وافكار للتوفير فى ميزانية البيت, توفير مصاريف الأسرة kntosa.com_05_19_156

الشخص الواحد بيفرغ جهاز الطرد بمعدل حوالي 5 مرات يوميا.. يعني لو أسرة 4 أفراد حاتوفر 40 لتر يوميا من سحبك للمياه..

يعني 1200 لتر شهرياً..
دا حيفرق كتير في فاتورتك..
5 - لما تحلق دقنك احلقها في شوية ميه في كوباية بلاستيك..

ماتسيبش الحنفية مفتوحة طول الوقت.. نفس الموضوع و انت بتغسل اسنانك...
6 - و انت بتظبط الدوش.. متسيبش الميه اللي بتنزل خلال ضبط المية دي تروح هدر.. جمعها في حاجة.. و استعملها بعدين.. إنشالله تسقى بيها الزرع ..
7 - لو في هدوم جت عليها بقع دهون.. رشها بالنشا و سيبها 20 دقيقة.. و بعدين نفضها..
و لو جت عليها بقع صعبة مبتطلعش.. رش البقعة كويس بالبيروسول و سيبها 20 دقيقة و أغسلها عادي..

ماتوديش الدراي كلين و لا تشتري جديد..
وبعد ما تغسل هدومك أنشرها.. ماتستعملش "التجفيف الآلي"...
8 - لو في عربية.. نسيبها يوم واحد في الأسبوع و نروح الشغل بمواصلات عادية زي المترو و الأوتوبيس.. 4 مرات في الشهر..

حيفرقوا في الوقود...
9 - لو بردان إلبس ملابس تقيلة بدل الدفاية.. و لو حران.. المروحة اللي قدامها إزازة ميه مثلجة أو طبق تلج توفر كتير عن التكييف..
لو الجو حر.. قفل أماكن دخول الشمس قدر الإمكان..
10 - قطّع العيش بتاعك لأربع قطع.. و استهلكه ربع ربع.. بدل ما ترمي الأجزاء اللي بتفضل و بيبقس شكلها غير واضح المعالم..

11 - استعمل البوتجاز بدل الميكروويف..
12 - لو شغلت جهاز و حبيت تطفيه.. شيل الفيشة.. و شيل الشواحن من الفيش..

او اشتري مشترك بزرار تطفيه بعد ما تطفي الجهاز.. دا بيوفر طاقة و استهلاك كهربا.. عشان الأجهزة بتسحب طاقة..

حتى لو الجهاز مطفي..
13 - غير لمبات بيتك باللمبات الموفرة و اطفي النور في المكان اللي مش قاعد فيه.. و لما تشتري بطاريات للريموت أو غيره..
اشتريها بتاريخ انتاج جديد.. البطاريات بتسرب طاقة بمعدل 1% كل شهر.. فلما تجيبها بتاريخ انتاج الشهر اللي فات..
تعيش معاك أطول.. غير ما تشتريها و هي بقالها سنة في السوبر ماركت..
14 - وقف أي كريديت كارد أنت شايله.. أصرف على قد دخلك بس و ماتسحبش على المكشوف..
و قلل مكالماتك الدولية قدر الإمكان.. لو ليك حد مسافر..
15 - الطرق اللي في الصوره دا تخلي لك الواي فاي أسرع من غير ماتشترك في باقة أغلى..
لو قصيت أي كانزاية مشروب فاضية و حطيتها على الرواتر بالشكل اللي في صورة 2.. الإنترنت سرعتها تبقى أفضل...
أفكار للتوفير في مصروف و ميزانية البيت,طرق وافكار للتوفير فى ميزانية البيت, توفير مصاريف الأسرة kntosa.com_05_19_156

16 - لو عندك بلكونة إزرعها بأي فاكهة أو خضار.. دا حيلطف لك الجو.. و يخليك متحتاجش الأجهزة..

و يقلل مصروفك لما تيجي تشتري الفاكهة أو الخضار اللي زارعهم...
17 - لما تقطع أوراق الخس أو البصل الأخضر أو الكرنب وتاكلها.. ماترميش الرؤوس..

حطها في كوباية مياه في مكان فيه ضوء و هوا.. حتطلعلك أوراق جديدة..
أفكار للتوفير في مصروف و ميزانية البيت,طرق وافكار للتوفير فى ميزانية البيت, توفير مصاريف الأسرة kntosa.com_05_19_156
18 - ازرع ثوم.. و اقطف واستعمل في الطهي الأوراق الخضرا.. بدل الثمار نفسها...
19 - شيل معاك فكة.. و متاخدش بالباقي حاجة انت مش محتاجها..
20 - قلل التدخين قدر الإمكان..
21- إلغي فاتورة الموبايل و استعمل كارت شحن.. حتوفر الإشتراك الشهري و تتكلم على قدك..

و استعمل المحمول صح.. المحمول مش للرغي.. للطواريء..
22 - اشتري الفاكهة و الخضار على قدك بالضبط.. و لو بالقطعة..
23 - ماتلبسش الأطفال بامبرز في البيت.. لبسهم كافولة قماش قطن ناعمة..
24 - ركب خلايا شمسية في البلكونات و الشبابيك لو تقدر.. رخيصة و تديلك كهربا معقولة للبيت..
25 - ماتشتريش منظفات للحمام و المطبخ زي الديتول.. استعمل الخل المخلوط بالماء..
شوف فواتيرك قبل و بعد.. حتلاقي النقط دي فرقت معاك كتير..

أفكار للتوفير في مصروف و ميزانية البيت,طرق وافكار للتوفير فى ميزانية البيت, توفير مصاريف الأسرة kntosa.com_31_19_154



اظهار التوقيع
توقيع
ام رونزا
يُقَالْ أنْ مِنْ تَعود عَلىَ الصَمتْ ،
باستطَاعتَهُ وَقتٍ { العِتَابْ} أنْ يُدمَر قَلبكَ بكلمَه .. !








الكلمات الدلالية (Tags)
فى, في, للتوفير, ميزانية, مصاريف, مصروف, و, وافكار, أفكار, الأسرة, البيت, توفير, طرق

أدوات الموضوع
انواع عرض الموضوع

الانتقال السريع


الساعة الآن 05:20 PM


Powered by vBulletin® Version 3.8.11 Beta 4
Copyright ©2000 - 2024, vBulletin Solutions Inc.
new notificatio by 9adq_ala7sas
User Alert System provided by Advanced User Tagging (Lite) - vBulletin Mods & Addons Copyright © 2024 DragonByte Technologies Ltd.

خيارات الاستايل

  • عام
  • اللون الأول
  • اللون الثاني
  • الخط الصغير
  • اخر مشاركة
  • لون الروابط
إرجاع خيارات الاستايل