[من مطبخي] طريقه القرص بخميرة اللبن اللي هيا الفايش علي الطريقه الصعيدية الاصليه

طرق لكيفية عمل المعجنات (pastry) والمخبوزات بانواعها المختلفة وكل مايمكنك عمله بالطحين والسكر,عجينة العشر دقائق, تجدينه في هذا القسم من بيتزا معجنات, فطائر, مخبوزات, بسكويت, كحك, وصفات لعمل معجنات هشة.

نسخ رابط الموضوع

https://vb.kntosa.com/showthread.php?t=12782

02-01-2020 10:37 PM

بياناتي

رايما

اخضر فى فوشيا

بيانات العضوة

رقــم العضويـة: 191
تاريخ التسجيل: Dec 2019
العمر: ...
الـــــدولـــــــــة: ...
الـــــمدينـــــــة: مصر
الحالةالاجتماعية: بنوتة
الــــوظيفــــــة: سيدة اعمال
المشاركات: 2,829 [+]
الاصــــدقـــــاء: 1
نقاط التقييــــم: 10

طريقه القرص بخميرة اللبن اللي هيا الفايش علي الطريقه الصعيدية الاصليه

طريقة خميرة اللبن ف الصور افتحو هتلاقوها بس عشان البوست ميطولش عليكم
الطريقه
دي مافيهاش كركم ولا محلب لو حابه تضيفي براحتك حطي
طريقه القرص افتحوا الصور
انا نزلت طريقه خميرة اللبن اللي هيا بتاع الفايش
ف خطوة قبل العجن اللي هيا اي
نحط ال٢ بطرمان خميرة ف طبق عجن وانزل عليهم ب ٢ مج مايه دافيه
مش سخنه ولا بارده ايدك تستحملها تمام وانزل عليهم كمان بمعلقه خميرة فوريه
عشان تقوم الخميرة معايا وتساعدها ف رفع العجين وشويه من الدقيق
واقلبهم بأيدي عشان افك التكتلات واخلي سومكها زي الصورة كدا خفيف
اخف شويه من الزلابيه واغطيها والفها كويس واحطها ف مكان دافي عشان تختمر
ف الوقت ده اجهز الصيجان واغلى اللبن واسيح السمن
عشان يكونوا دافيين وتدهن الصاجان نقتطين من الزيت ووزعها بالفرشه
او منديل مطبخ ممكن تاخد ساعه ا. ساعتين
وبعد ما تختمر والاقيها عملت فقاقيع من فوق كدا يبقي اشتغلت
واشتغل بيها على طول
اجيب طبق العجن الكبير واحط فيه نص مج سكر ومعلقه كبيرة ملح
وانزل بالخميرة اللي اختمرت وانزل كمان باللبن انا عملت ٤ كيلو لبن
وقلبتهم عشان ادوب السكر والملح وانزل كمان بالسمن لكل كيلو دقيق مج
محترم من السمن السايح بارد مش سخن نزلت ب ٥ كوب سمن

لاني هعمل ٥ كيلو دقيق
وقلبتهم مع بعض انا هنا عملت بسمن مخلط بلدي على نباتي
اعملي اللي يريحك بلدي او نباتي براحتك وكمان حوشت على جنب طبق سمن بلدي
عشان احط فيه ايدي وانا بقطع القرص وانا كمان
بضغط عليها من فوق بضغط بعد ما بحط ايدي ف السمن البلدي
المهم بقي انا حطيط السوائل أنزل بالدقيق شويه شويه ممك تحتاج مني الدقيق
كله وممكن لا واعجن فيها كويس واخلي العجينه
مش اسيه بمعني تكون العجينه طالعه من ايدك وملمسها طري وناعم
كدا تبقي تمام بعد ما اخلص عجن واحط على وش العجين معلقتين زيت
واحط كيس على وش العجين واغطيها بفوطه واحطها ف مكان دافي
تختمر واغطيها ببطانيه او اي حاجه تقيله او احطها جنب الدفاية
واسيبها ساعه واشوفها لو اختمرت ابتدي اشتغل بيها لو ليسه ألفها
واسيبها براحتها بعد ما تختمر اقعد بقي على الأرض وابتدي أشكل
او على تربيزة وابتدي زي ماقولتلك احط ايدي ف السمن البلدي واقطع الحجم
اللي تحبيه للقرص او للفايش واحطهم ف الصاج واول صاج
ابتدي اغطي كل صاج اخلصه وابتدي أطيب من اول صاج بدءت فيه تمام
انا طيبت في فرن البوتجاز حبايبي عاادي جدا سواء فيه مروحه
او لا حطيت الصاج في الوسط وشغلت الفرن على حراره ٢٠٠
والشوايه هاديه جدا اول بقي مايطيب كل صاج وهوا على الشبكه
اديله بخه مايه من بخاخه المطبخ واطلعه على الأرض واقلب الفطيرة
وشها تحت وتحت فوق زي الصورة كدا واسيبها تبرد وهكذا كل ما اخلص صاج
اعمل كدا معاه لغايه ما اخلص كل الكميه واسيبهم يبردوا
ساعتين ٣ وابتدي اقطع فيهم فايش برضوا حجم الصوابع اللي تحبيها وابتدي
ارصهم ف الصاج واشغل برضوا الفرن والشوايه واحمصهم
واسيبهم زي ماهما ف الصاج لغايه تاني يوم لما يمشوا الهوا
وقلبه ينشف وبعدين احتفظ بيه جوا علبه او كرتونه براحتك
وممكن كمان تشيلي منه قرص ف الفريزر لمده شهر انا شلت ٤ بصراحه
لما بشتاق عليه بطلع واحده او ٢ والفهم بفوطه مطبخ نظيفه ساعتين كدا
لغايه ما تفك خالص وابتدي اتعامل معاها ههههه
اي سؤال أو أي حاجه نسيتها او حاجه مش واضحه قولولي ف التعليقات
وانا هرد عليها ان شاء الله بس ربنا يعدل حال النت