- مطبخ كنتوسة
- ازياء موضة واناقة
- الرشاقة والرجيم
- صور
- رعاية الام والطفل
- الأعمال والاشغال اليدوية
للنساء فقط
منتدى كنتوسه
[من مطبخى] طريقة عمل تورتة عيد الحب،طريقة عمل تورته عيد الحب الفلانتين Valentine Cake،طريقة تحضير تورتة الحب
الحلويات الشرقية والغربية
طرق عمل الحلويات الشرقية و الغربية التورت والجاتوة شاتو والدسباسيتو والكيك استشارات فى الحلويات والتارت الشرقية والغربية اسماء الحلويات الفرنسية والشاميه بالصور مخبوزات العيد بالخطوات المصوره
نسخ رابط الموضوع
https://vb.kntosa.com/showthread.php?t=12927
#1
اخضر فى فوشيا
طريقة عمل تورتة عيد الحب،طريقة عمل تورته عيد الحب الفلانتين Valentine Cake،طريقة تحضير تورتة الحب
اخباركم ايه يا حلوين
بالرغم من أن المياه المغليه وقعت على ايدى و اتحرقت
و الظاهر كده الفلانتين حب يحتفل بيا الحمدلله على كل حال بس قولت لازم انزلكم الوصفة دى
و يا رب تعجبكم و سبحان الله كنت يدوب مخلصاها قبل ما يحصل اللى حصل ربنا يبعد عننا جميعا كل حاجه وحشه يا رب
ما شاء الله اللهم بارك شايفين الجمال
من اكتر التورت المبهجه اللى عملتها و اوعوا تحسوا انها صعبه خالص بسيطه جدا
دايما بحاول اجددلكم فى أشكال التزيين و التورت لكن فى نفس الوقت تبقى بسيطه و مش معقده
شايفين و لا أفخم محل حلويات منتهى الشياكه و الرقه
لا و المفاجأة انها تورته على شكل قلب صحيح لكن من غير قالب أو صينيه مخصوص
و عملتها من كيكه مدوره عاديه جدا
طبعا تقدروا تعملوها بأى طريقة كيكه اسفنجيه تفضلوها و انا نزلت كذا طريقه قبل كده و اخر طريقه بالذات كتير
جربوها الحمدلله و نجحت معاهم من اول مره و عملوه منها تورت روعه
بجد كلها مع بعض حاجه ماتتوصفش نعومه الكيك مع الكريمه بجد وهم
مقادير سهله جدا و بسيطه و نتيجه مضمونه بإذن الله
ان شاء الله تجربوها و تعجبكم و ماتنسونيش فى دعوه حلوه
تورتة القلب الفاخرة المبهجه بوردات الكريمه بدون قالب مخصوص على طريقتى
المقادير :
كيك اسفنجى منزلى هنحضره قبلها بيوم و نشيله في الثلاجه علشان تتماسك
و نعرف نقسمها بسهوله من غير ما تتبهدل مننا أو كيك اسفنجى جاهز
لتسقيه الكيك :
شربات بارد خفيف :
هنجيب كسروله و نحط فيها كوب سكر و كوب مياه و اول ما يغلوا هنضيف عصره الليمون
و يدوب نسيبه يغلى من ٣ إلى ٤ دقايق و خلاص
لحشو و تغليف التورته :
٤ باكو كريم شانتية دريم بطعم الكريمه اللبانى
٢ م ك باسترى كريم بودره موجود عند العطار أو محلات مستلزمات الحلويات و داه اللى بيدى طعم حلو اوى
زى كريمه المحلات
٢ كوب لبن اللى هو الحليب ساقع مثلج أو مياه لكن اللبن بيدى طعم احلى
فراوله متقطعه قطع صغيره
للتزيين و عمل وردات الكريمه :
٤ باكو كريم شانتية دريم بطعم الكريمه اللبانى
٢ م ك باسترى كريم بودره
٢ كوب لبن اللى هو الحليب ساقع مثلج
٤ باكو كريم شانتية دريم بطعم الفراولة
٢ م ك باسترى كريم بودره
٢ كوب لبن اللى هو الحليب ساقع مثلج
الطريقة :
هنقسم الكيك لعدد الطبقات اللى نحبه و هنسقى كل طبقه بكميه بسيطه من الشربات البارد علشان ما تبوش مننا
و تطرى بزياده و هنحشي كل طبقة بالكريمه البيضاء و قطع الفراوله و هنخلص الطبقات كلها و علشان نعمل شكل القلب
هنقطع جزء من الجنب اليمين من تحت بميل كده و جزء من الجنب الشمال إللى تحت بميل برضو و هناخدهم
و نحطهم فوق واحده على اليمين و واحده عالشمال فهتدينا شكل القلب و هنلزقهم فى الكيكه بالكريمه
و طبعا الصوره مبينه ان الأجزاء إللى قطعتها لزقتها فوق علشان تبقى الجزء العلوى للقلب و هنغطيها كلها بالكريمه البيضاء
و ماتقلقوش كلها بتبقى قطعه واحده و متماسكه و بندخلها الثلاجه حوالى ساعه
المصدر : منتدى كنتوسه - من قسم الحلويات الشرقية والغربية
من مواضيع : رايما
| الكلمات الدلالية (Tags) |
| cake،طريقة, valentine, الفلانتين, الحب, الحب،طريقة, تورته, تورتة, تحضير, طريقة, عمل, عيد |
«
الموضوع السابق
|
الموضوع التالي
»
|
|
الساعة الآن 09:41 AM