العرض العادي
- مطبخ كنتوسة
- ازياء موضة واناقة
- الرشاقة والرجيم
- صور
- رعاية الام والطفل
- الأعمال والاشغال اليدوية
للنساء فقط
أكلات وأطباق رئيسية
اطباق رئيسية ورمضانية اكلات رئيسية للغداء اطباق سهله ولذيذه للعشاء اكلات السفره الرئيسية مثل الارز والمعكرونة والدجاج واللحوم والاسماك اطباق رئيسية بالدجاج
نسخ رابط الموضوع
https://vb.kntosa.com/showthread.php?t=1107
#1
~{ مديرة منتدى كنتوسه }~
بالصور أجمل أكلات رأس السنة الميلادية,ملف شامل لجميع الاكلات الكريسماس 2019
ملف شامل لجميع الاكلات راس السنه 2019 (كل عام وانتم بخير) مطلوب مشاركات وتفاعل لكل جديد
احلي اكلات عيد الكريسماس 2019
اولا الكبدة
ا_الكبدة البانيه
المقادير
نص كيلو كبدة مقطعة شرائح
بصله وبهارات ملح فلفل وليمون
بيضه وشوية لبن
دقيق وبقسماط
الطريقة
تجيبى الكبدة تتبليها بشويه ملح وفلفل وكمون وليمون وتحطيها في مصفى علشان تصفى اى دم فيها
بعد كدة نفرم البصله مع البهارات والملح ناعم ونتبل الكبدة بالبصل ونسيبها ساعة
ثم نحطها في الدقيق وبعدين البيضة عليها شوية لبن صغيرين وملح وفلفل
وبعد كدة بقسماطونحمرها على نار متوسطة حتى تنضج
2_ كبده اسكندراني
اولا الكبده بتتقطع صوابع رفيعه هنقطع بصله وفلفلايه رومي ومعلقه توم ونشوحهم في حبه زيت
نزلنا بالكبده علي نار عليه نشوحها عشان متنزلش مايتها بعد ما تتشوح ننزل عليها بالطماطم
ونعصر عليها نقطتين ليمون ومعلقه خل و الملح والفلفل الاسودرشة قرفه رشة جنزبيل هنوطي عليها
ونسبها 5 دقايق مش بتاخد اكتر من كده
ثانيا_ المخ
1_المخ بانيه
غسلته براحه خالص بملح وخل وقطعته شرايح ثم تبلته بشويه ملح وفلفل وكمون وليمون لمدة نصف ساعه
ثم غمسته في البيض وبعدين الدقيق زي وضغطت عليه بس مش اوي لاحسن يتهري وبعدين حمرته في زيت عميق
2-المخ المقلى
جبت حله وحطيت فيها ميه وقطعت بصل وجزر وتوابل ملح وفلفل وكمون وورق لوري ونزلت فيه المخ وحسبت 10 دقايق وشلته من الميه ودخلته الفريزروحضرت التتبيله كانت توم مفروم وبصل مدعوك بالفلفل الاسمر ولمونه
وبعد ما تماسك المخ طلعته وبدات اقطعه وحطيت عليه التتبيله ودخلته تاني الفريزر وجبت دقيق وبيض وبقسماط حطيته في الدقيق وبعدين البيض وبعدين البقسماااااااااااط ودخلته التلاجه شويه وبعدين قليته في زيت .
ثالثا الممبار
المقادير
كيلو ممبار
اكيلو طماطم
خضرة (شبت بقدونس كزيرة)
بصل
1كيلو رز
توابل ملح فلفل كمون بهارات قرفه جنزبيل
الطريقة :
نفرم البصل ونفرم الخضرة ونعمل الطماطم فى الخلاط
ونغسل الارز زنصفيه كويس ونبتدى نجيب حله نحط فيها شوية سمنه
ونحط البصل المفروم ونشوحه لحد مايحمروبعدين نعصر الطماطم فى الخلاط ونضيفها على البصل ونسيب الطماطم تتسبك
مع البصل اول مانسبك الطماطم نضيف التوابل
ملح فلفل كمون بهارات رشة قرفة ورشه جنزبيل رشة نعناع اخضر
ونقلب كويس نضيف الارز ونقلب واخر حاجه الخضرة تكون مفرومه ومغسوله كويس وبعدين نجيب الممبار
ونفتحه من فوق ونبتدى نحشيه واحده ورا التانيه بس مش نملاه رزه لما نخلص الحشو كلهم نجيب حله
وفيها ميه مغليه ونحط
ورق لورى وحبهان بصلة صغيرة جزرة صغيرة علشان الزفر تغلى نسقط الممبار ونسلقه ونطلعه من السلق
فى مصفه ينزل اى سوايل به ونحمرة فى طاسه بها زيت غزير
رابعا لحمه الراس
طاجن لحمة الرأس
طبعا غسلت اللحمه وصفيتها وسلقتها نص سلقه
بعدين طلعتها من الحله وقلبت عليها عصير طماطم وبصل مقطع شرائح دعكته بالفلفل الاسمر اوى وفلفل
مقطع صغير وبهارات مشكله وقرفه وجنزبيل وجوزة الطيب ومعلقتين صلصه طماطم قلبتهم كلهم مع بعض وحطيتهم
فى حله وعلى النار يخدوا غلوتين وبعدين ضيفت الملح وقلبت كل الخليط ده فى الطاجن
وعلى الفرن لغايه ما يحمر الوش
خامس الفشه والطحال
الفشه والطحال
نغسل الفشه والطحال بالميه
نجيب حله فيها ميه وفيها
بصل - كرفس- جزر- قرفه- حبهان-لورا- مستكه- قرفه- كمون - فلفل اسود - قرنفل تترك تغلى
ثم نسقط فيها الفشه والطحال نص ساعه او ساعه الا ربع
بعدين ننشلها ونغسلها بميه م الحنفيه
نرش عليها شويه كمون حلوين وملح ونقطعهاتترك تغلى ثم نسقط فيها
الفشه والطحال نص ساعه او ساعه الا ربع
نرش عليها شويه كمون حلوين وملح وقرفه وجنزبيل ونقطعها نقليها فى الزيت
سادسا الكوارع
كارعين صغيرين عجالى
المقادير :
جزره /2طماطم صغيره او طماطميه كبيره /بصله /5فصوف توم /زبده اوسمنه/ 2فص حبهان
الطريقه
نحط الكوارع طبعا تجيبها متكسره من عند الجزار تحطيها تغلى اول مره ميه بس وتطلع الزفره بتاعتها تدلقى الميه
وتغسليها حلو
وتحطى ميه فى الحله وتحى الكوارع وتحطى فى الميه البصله والطماطم والحبهان والجزره ورق لورا وحبهان
ومستكه و تحطيها على
على البوتجاز لحد ما تستوى هى لو صغيره مش بتاخد وقت وتكونى على العين التانيه الرز رز الفته الكوارع
الارز اغسله وانقعه ربع ساعه وبعدين اضع ملعقة سمنه فى حله واصفى الارز واشوحه مع ملعقة ملح
وبعدين اضيفله شوربه
واسيبه يستوى وكمان الصلصه بفرم الثوم واحمره فى سمنه واطشه بملعقة خل واعصر طماطم واضيفها
على الثوم ونصف ملعقة ملح واسيبها تتقل شويه وخلاص كمان العيش بقطعه واحمصه فى ملعقة زيت
نضع العيش فى طبق التقديم وعليه ملعقتين صلصه وشوية شوربه ونغطى عليه ثوان بعدين نضيف الارز
بعدين بضيف الصلصه والكوارع على الوش
سابعا كرشه بالبطاطس والصلصه
كيلو كرشه
المقادير :
عصير طماطم
بطاطس مقطعه مكعبات
بصله مفرومه
راس توم متوسطه مهروسه
ملح فلفل اخضر
فلفل اسودحبهان ومستكه شطة(حسب الرغبه)
زيت
الطريقة :
اول شئ نغسل الكرشه بالدقيق والملح وبعدين انفعها فى خل وليمون عشان ريحتها
وبعدين اسلقها فى مياه سخنه واحط عليها عيدان من القرفه وعود كرفس وجزرواسيبها تغلى شويه اشطفها كويس
واحطها فى مصفاه اجيب حله واحط شويه زيت احط الكرشه واحط عليه الخلطه المكونه من
التوم المهروس على الكمون والكسبره الناشفه وعليهم الفلفل الاخضر وهرستهم مع بعض واحط المستكه
والحبهان واقلبهم يعنى اشوحها لما الثوم يتغير شويه احط البطاطس المكعبات عليها واقلبها شويه
وبعدين احط عصير الطماطم
وانا بحط عصير الطماطم بكون مجهزة البصل المفروم وعليه الفلفل الاسود واقلبهم كويس واضيفها
عليهم واسيبها تسبك وتستوى ما اخدتش وقت وظبط الملح بتاعها
ثامنا صينية لسانات خروف بالفرن
المقادير :
لسانات خروف ـ ملح وطحين وخل لفرك اللسانات ـ
بصلة كاملة وبهارات لحمه وفلفل وكمون وقرفه وجنزبيل وجوزة الطيب سبع بهارات حبهان
بطاطس ـ بصل ـ طماطم ـ فصوص تومة كبار ـ عصير ليمونة
الطريقة :
بنفرك اللسانات بالملح والطحين والخل جيدآ وبنغسلهم ونعيد مرتين تلاته وبعدين نسلقهم مع البصلة
والمطيبات حتى يستووا وبشيل الريم من فوق وبغطي عليهم، باخدو بحدود الساعة .
أثناء سلق اللسانات بنقشر البطاطس والبصل ونقطعهم ونقطع الطماطم ، بنقلي البطاطس 1/2 قلية .
ندق التوم ونحطه في صحن ونضيف عليها عصير الليمون والملح والتوابل ونخلطهم ,
بناخد اللسانات المستوية وهيّ سخنة علشان تعرفي تقشري جلدها بسهولة ،بقطع كل لسان لجزئين بالطول .
بصينية الفرن بحط البطاطس واللسانات وأضيفلهم خلطة التوم والليمون وأقلبهم ، وأرص فوقهم البصل والطماطم
وبضيف على الصينية حوالي كوبين من مرقة ورشة ملح وفلفل على الفرن الساخن
ويترك حتى يستوي وبالآخر بنحمر الوجه
المصدر : منتدى كنتوسه - من قسم أكلات وأطباق رئيسية
اظهار التوقيع
توقيع
ام رونزا
يُقَالْ أنْ مِنْ تَعود عَلىَ الصَمتْ ،
باستطَاعتَهُ وَقتٍ { العِتَابْ} أنْ يُدمَر قَلبكَ بكلمَه .. !
باستطَاعتَهُ وَقتٍ { العِتَابْ} أنْ يُدمَر قَلبكَ بكلمَه .. !
من مواضيع : ام رونزا
- صور مكرونة تجنن،اجمل انواع المكرونة,صور خلفيات اطباق مكرونه للتصميم,المكرونة حر png وقصاصات فنية
- طريقة تحضير وصفه سحرية وفعالة لإزالة شعر العانة بالفازلين بسهولة
- حماية أطفالنا من "تريندات" مواقع التواصل الاجتماعي
- أجمل و أطقم ملابس أطفال اولاد للعيد2019 أخر موضة.ملابس اولاد.أجمل طقومات ملابس أطفال (ولادي)
- اسرار زراعة النعناع .. ومدة النمو وأسباب موته
التعديل الأخير تم بواسطة ام رونزا ; 12-06-2018 الساعة 04:09 AM
#2
~{ مشرفة اقسام المطبخ }~
رد: بالصور أجمل أكلات رأس السنة الميلادية,ملف شامل لجميع الاكلات الكريسماس 2019
من مواضيع : الساجدة الله
| الكلمات الدلالية (Tags) |
| 2019, لجميع, ملف, أكلات, أجمل, الكريسماس, الميلادية, الاكلات, بالصور, رأس, شامل |
«
الموضوع السابق
|
الموضوع التالي
»
| أدوات الموضوع | |
| انواع عرض الموضوع | |
|
|
الساعة الآن 07:58 PM