رمضان شهر الخير

شهر رمضان من فتاوى وتوجيهات للصائم والصائمين فضائل العشر نوافل قيام تهجد وعلامات ليلة القدر امساكية صيام قيام تراويح افطار فضل شهر رمضان ...

نسخ رابط الموضوع
https://vb.kntosa.com/showthread.php?t=5976
4505 1
04-26-2019 10:35 PM
#1  

1 125 1٢٠ وصية لرمضان ، كيف نعرف ماهو رمضان


٢٠ وصية لرمضان ، كيف نعرف ماهو رمضان kntosa.com_23_19_155

٢٠ وصية لرمضان
٢٠ وصية لرمضان ، كيف نعرف ماهو رمضان kntosa.com_26_19_155
------------------------------------
١. لو تخنتي في رمضان يبقى انتي فاهمه الصيام غلط.
------------------------------------
٢. لو محتاجه حد يصحيكي عشان تلحقي صلاة الظهر يبقى إنتي فاهمه رمضان غلط!
------------------------------------
٣. لو بتحسي بتقل وإنتي بتصلي المغرب و العشا والتراويح ومش عارفه تتنفسي كويس في السجود يبقى إنت فهمت الفطار غلط.
------------------------------------
٤. الصيام أحسن فرصة للي بيدخن أو بياخد أي صنف إنه يبطل إن شاء الله. قدرت توقف من الفجر للمغرب... كمل جميلك ووقف للعشا و نام.
------------------------------------
٥. لو عارفه الممثل الفلاني عمل ايه في التمثلية الفلانية والمهرج فلان عمل مقلب ايه في الممثلة فلانة يبقى إنت فهمت رمضان غلط.
------------------------------------
٦. صدقيني، البطن مش مخزن... يعني حتى لو كلت كتير قوي في السحور بردو الأكل حيتهضم بعد ٦ ساعات بالكتير. مش حينوبك من السحور التقيل غير العطش و التخمة و التخن.
------------------------------------
٧. أحسن سحور أقله ملحاً و سكر عشان العطش. الاكلات العالية في البوتاسيوم بتقلل العطش ... زي التمر والموز.
------------------------------------
٨. العبرة مش بعدد الختمات ... العبرة في القراءة مع الفهم والتطبيق.
أما إني أقرأ سورة الأحزاب ٣ مرات و اقوم البس السكيني جينز و انزل يبقى فهمت القرآن غلط. أو أقرأ سورة النور ٤ مرات و بعدها أتفرج على تمثلية فيها رقاصة يبقى فهمت غلط قوي ...وقوي كمان. يعني أقرأ سورة الحجرات مرتين واقعد اغتاب في عزومة العيلة .... دونت مكس والله.
------------------------------------
٩.ليك كل يوم دعوة لا ترد... ادعوا لدنياكم بس ماتنسوش آخرتكم. ادعوا لنفسكم بس ماتنسوش كمان المسلمين في كل أنحاء الأرض. ❤

------------------------------------
١. لبس العيد هو أي لبس جميل عندك أو لسة ملبستهوش ... جهزوه من دلوقتي لو حابين عشان مايضعش العشرة الأواخر الله يرضى عليكم.
------------------------------------
١١. لو مخاصمه حد أو مزعله حد الحق صالحه...وتنضيف الشقة وغسل السجاد والحيطان وكل سم ف البيت ممككن يتعمل دلوقت وتعيدي عليه بسرعة قبل العيد ..الناس مش هتيجي تفتش ورانا ..
------------------------------------
١٢. خلي معاكي أجندة أو كراسة تكتب فيها ملاحظاتك من الآيات وعن نفسك واكتب فيها التغيرات اللي عايز تطبقها.
------------------------------------
١٣. الفيسبوك و ما يشبهه خصص ليه وقت لا تتعداه... ساعة مثلا في اليوم.
------------------------------------
١٤. للي بيطبخوا... بإختصار، أي أكلة ختاخد منك أكتر من ساعة و نص يبقى بلاها. باي باي محشي
------------------------------------
١٥. لو بتدفع في عزومة أو خروجة أو سحور مبلغ العائلات البسيطة بتدفعه عشان يجيبوا أكل الشهر ... يبقى فهمت رمضان غلط.
------------------------------------
١٦. أبواب الخير كتيرة... حاول يكون لك نصيب من كل باب. حفّظ طفل صغير سورة أو حديث، ابعتي أكلة حلوة لشخص محتاج، اسألي على طنط العيانة اللي مبتعرفش تحضر العزومات، ابعدي الازازة المتكسرة على الرصيف، روحي اشربي شاي مع قريبتك الكبيره في السن اللي حاسه بالوحدة.
------------------------------------
١٧. اشتري و حط عندك في المطبخ من دلوقتي علب وأطباق بلاستيك عشان تعرف توزع أكل بسهولة ... اغرف من الأكل وهو سخن و طازة مش لما يبات و يفيض و نفسك تبقى مش رايحة له.
------------------------------------
١٨. طبيعتنا اننا بننسى ... حط حاجات تفكرك في كل ركن من البيت و من شغلك.... نوتات بتتلزق، سبح، مصاحف على الترابيزات، جدول عمل جنب سريرك تبص عليه كل يوم
------------------------------------
١٩. العبادة رغبة منك و استعداد و عمل + توفيق من ربنا. فادعوا من دلوقتي إن الشهر ده يكون سبب في تغيير حياتك كلها! ❤
---------------------------------------
٢٠. أخيرًا و ليس آخرًا: ادعوا لبعض بظهر الغيب بالخير
اللهم بلغنا رمضان

٢٠ وصية لرمضان ، كيف نعرف ماهو رمضان kntosa.com_23_19_155






05-19-2019 03:09 AM
#2  

افتراضيرد: ٢٠ وصية لرمضان ، كيف نعرف ماهو رمضان

توبيك
رائع جداً
ت
سلم ايديكِ





الكلمات الدلالية (Tags)
كيف, لرمضان, ماهو, نعرف, وصية, ٢٠, ،, رمضان

أدوات الموضوع
انواع عرض الموضوع

الانتقال السريع


الساعة الآن 09:13 PM


Powered by vBulletin® Version 3.8.11 Beta 4
Copyright ©2000 - 2024, vBulletin Solutions Inc.
new notificatio by 9adq_ala7sas
User Alert System provided by Advanced User Tagging (Lite) - vBulletin Mods & Addons Copyright © 2024 DragonByte Technologies Ltd.

خيارات الاستايل

  • عام
  • اللون الأول
  • اللون الثاني
  • الخط الصغير
  • اخر مشاركة
  • لون الروابط
إرجاع خيارات الاستايل