أكلات وأطباق من كنتوسه

تعليم الطبخ اطباق متنوعه عربيه وأجنبيه مترجمة , وصفات الاكلات وطرق عملها , تعليم فنون الطبخ , نصائح وخبرات لستات البيوت , استشارات مطبخيه عاجله , أكلات مصوره حصرية على كنتوسه

نسخ رابط الموضوع
https://vb.kntosa.com/showthread.php?t=9064
4854 0
08-27-2019 12:31 AM
#1  

06بالصور طريقة عمل صينية بطاطس وفراخ بالفرن ورز بالشعرية وسلطه خضرة تحفة


بالصور طريقة عمل صينية بطاطس وفراخ بالفرن ورز بالشعرية وسلطه خضرة تحفة kntosa.com_25_18_154

طريقة عمل صينه بطاطس وفراخ بالفرن ورز بالشعرية وسلطه خضرة تحفة

بالصور طريقة عمل صينية بطاطس وفراخ بالفرن ورز بالشعرية وسلطه خضرة تحفة kntosa.com_26_19_156
من الاخر كدة اللى ما داقش اكل الافراح في الارياف يبقى ما أكلش أكل مصرى أصيل

كنت معزومه جية الاكل عمرى ما انساه ابدا رز محمر رزاية ورزاية وبالشعرية يعنى اتنين فى واحد ولحمة بالبصل غرقانة بالصوص وبطاطس مطبوخة وسلطة خضرا بلدى وعيش طرى مربرب مخبوز مخصوص بصراحة الاكل ريحته حلوة اوى وشكله كمان مجرررماستغربت جدا واول ما بدأت أكل مكنتش مصدقة حلاوة وجمال الاكل طعمه حلو اوى سالت عن الاكل طلع اللى عاملو طابخين والست قال

لو تحبى تدخلى تتفرجى على الطباخين اتفضلى مكدبتش خبر جريت على اوضة الفرن بتاعة الخبيز اللى الطباخين فيها لقيت طباخ ومعاه ٣ مساعدين شكلهم بسيط جدا وجايين ومعاهم العدة بتاعتهم عبارة عن حلل ضخمة جدا وعيون نار مربعة كدة ومتوصلة بانبوبة كبيرة ومغارف كبيرة والواح تقطيع خشب كل دى حاجات بتاعتهم بيجيبوها في عربية نص نقل لمكان الفرح
المفاجأة انى اندهشت وفضلت ادور بعنيه عن المكون السحرى اللى مخلى الاكل طعمه حلو فضلت ابص يمين وشمال مالقتش غير كام زر زبدة بلدى طازة فى حلة الومنيوم وبرطمان ازاز كبير مليان سمنة بلدى وقرطاس ملح وقرطاس فلفل اسود ورق كبار معقووووولة

اة والله زى ما باقولكم كدة والطباخ حاطط حلة ضخمة مليانة لحمة بتتسلق وتغلى على النار بياخد من الشوربة ويسقى صوانى البطاطس ويسقى حلل الرز والحاجة الاحلى من كل دة انى حسيت بطيبة الناس دى وشوفت ابتسامة جميلة على وشهم طول ما هما شغالين مش بتروح ابدا مش عارفة اوصفلكم كمية السعادة والطاقة الايجابية اللى فضلت ملازمانى بعد ما اكلت واتفرجت على الاكل دة وهوه بيتعمل
الخلاصة إللى اتعلمتها من اليوم دة لحد النهاردة انى علشان أطبخ اكل حلو ومميز جدا لازم يكون بسيط ومكوناته مش معقدة ومليانة توابل غريبة ورجل خرتيت وعين عفريت وكمان لازم اكون مبتسمة و هادية لانى باطبخ للناس اللى بحبهم من قلبى يعنى ممنوع العصبية نهائى اثناء الطبخ وانى اخلى الشوربة مركزة ما اكترش مية يعنى اسلق اللحمة او الفراخ فى مية يا دوب تغطى الحاجة علشان تبقى تقيلة ومسكرة وان حاجتى تكون صابحة ونظيفة يعنى الطماطم اللى هاعصرها تكون جميلة والسمنة ممتازة مع رشة الملح والفلفل بكدة تضمنى ان شاء الله إن اكلك يبقى زى العسل ويتاكل بالف هنا وشفا وكمان يكون مصدر سعادة وطاقة ايجابية لكل اللى ياكل منه
طوووولت عليكم معلش
بسم الله صنية بطاطس مزبدة ورز محمر رزاية ورزاية وبالشعرية وكمان فراخ محمرة وسلطة خضرا بلدى بالجرجير وشوربة لسان عصفور
صنية البطاطس
بصلة كبيرة نصها مخرطة ونصها مبشور قطع تخينة وقرنين فلفل أخضر حار ورشة ملح وفلفل اسود

ندعكهم كويس وننزل عليهم بمعلقتين كبار زيت ذرة ومعلقة سمن بلدي
كل دة على البارد ونضيف شرايح البطاطس العريضة وعصير طماطميتين ونص معلقة كبيرة صلصة

مركزة وكبشتين كبار شوربة واللحمة المسلوقة او الفراخ المسلوقة ونحطها تغلى على نار عالية
شوية وبعدين ندخلها الفرن تكمل سواها لحد ما تنشف معظم السوائل اللى فيها وتستوى وتزبد وتاخد لون دهبى جميل

ونقدمها بالف هنا
الرز المتحمر حباية وحباية بالشعرية
بنحمر ثلاث معالق كبار من الرز المغسول ومتصفى فى رشة زيت واول ما يدخل لونهم للون الدهبى الخفيف ننزل عليهم بنص كوب شعرية ونقلب لحد ما يبقى لونهم دهبى جميل ننزل بباقى الرز المغسول ومتصفى ونشوح ونطشهم بالسائل بنفس مقدار الرز نص كميته شوربة ونصه مية مغليين ونظبط الملح ونقلب ونسيبه يغلى غلوتين ثلاثة ونهدى النار ونسيبه يستوى على نار هادية جدا

الفراخ المحمرة
نقطع او نبشر بصلاية متوسطة ونحطها فى حلة ونملى الحلة لنصها مية ونضيف ملح وفلفل وطمطماية مقطعة ونحطها تغلى على النار وتنزلى عليها بالفراخ المغسولة وتسبيها تغلى لمدة ساعة لو الفراخ كبيرة وزنها 2كيلو ولو الفرخة كيلو وربع او كيلو ونص تغلى ساعة الا ربع وتشليها من الشوربة وتنشفيها كويس اوى من الشوربة وتحمريها فى زيت غزير سخن على الجنبين .

الصور بقى يالاه

بالصور طريقة عمل صينية بطاطس وفراخ بالفرن ورز بالشعرية وسلطه خضرة تحفة kntosa.com_26_19_156

بالصور طريقة عمل صينية بطاطس وفراخ بالفرن ورز بالشعرية وسلطه خضرة تحفة kntosa.com_26_19_156

بالصور طريقة عمل صينية بطاطس وفراخ بالفرن ورز بالشعرية وسلطه خضرة تحفة kntosa.com_26_19_156

بالصور طريقة عمل صينية بطاطس وفراخ بالفرن ورز بالشعرية وسلطه خضرة تحفة kntosa.com_26_19_156

بالصور طريقة عمل صينية بطاطس وفراخ بالفرن ورز بالشعرية وسلطه خضرة تحفة kntosa.com_26_19_156

بالصور طريقة عمل صينية بطاطس وفراخ بالفرن ورز بالشعرية وسلطه خضرة تحفة kntosa.com_26_19_156

بالصور طريقة عمل صينية بطاطس وفراخ بالفرن ورز بالشعرية وسلطه خضرة تحفة kntosa.com_26_19_156
شوربة لسان العصفور
بنحمر شوية لسان عصفور فى رشة زيت خفيفة او معلقة صغيرة سمن لحد ما يبقى لونها دهبى جميل وننزل عليها بالشوربة مع رشة ملح و فلفل ويا دوب يغلى غلوتين ثلاثة ونقفل عليها النار ونغطى الحلة خمس دقايق وبعدين نغرف فى الاطباق مع عصرة لمونة وبالف هنا

بالصور طريقة عمل صينية بطاطس وفراخ بالفرن ورز بالشعرية وسلطه خضرة تحفة kntosa.com_26_19_156

بالصور طريقة عمل صينية بطاطس وفراخ بالفرن ورز بالشعرية وسلطه خضرة تحفة kntosa.com_26_19_156

بالصور طريقة عمل صينية بطاطس وفراخ بالفرن ورز بالشعرية وسلطه خضرة تحفة kntosa.com_26_19_156

بالصور طريقة عمل صينية بطاطس وفراخ بالفرن ورز بالشعرية وسلطه خضرة تحفة kntosa.com_26_19_156

بالصور طريقة عمل صينية بطاطس وفراخ بالفرن ورز بالشعرية وسلطه خضرة تحفة kntosa.com_25_18_154



اظهار التوقيع
توقيع
ام رونزا
يُقَالْ أنْ مِنْ تَعود عَلىَ الصَمتْ ،
باستطَاعتَهُ وَقتٍ { العِتَابْ} أنْ يُدمَر قَلبكَ بكلمَه .. !








الكلمات الدلالية (Tags)
وفراخ, ورز, وسلطه, بالفرن, بالشعرية, بالصور, بطاطس, تحفة, خضرة, صينية, طريقة, عمل

أدوات الموضوع
انواع عرض الموضوع

الانتقال السريع


الساعة الآن 10:16 AM


Powered by vBulletin® Version 3.8.11 Beta 4
Copyright ©2000 - 2024, vBulletin Solutions Inc.
new notificatio by 9adq_ala7sas
User Alert System provided by Advanced User Tagging (Lite) - vBulletin Mods & Addons Copyright © 2024 DragonByte Technologies Ltd.

خيارات الاستايل

  • عام
  • اللون الأول
  • اللون الثاني
  • الخط الصغير
  • اخر مشاركة
  • لون الروابط
إرجاع خيارات الاستايل