قصة دميتي لسهيله ونورا ، رواية دميتى لا تعبثى باعواد الحب

[رايما]

https://up.kntosa.com/uploads/kntosa.com_01_19_155416051256211.gif
قصة : { دميتي }

https://up.kntosa.com/uploads/kntosa.com_29_19_15776326416691.jpg (https://up.kntosa.com/)

الحلقة الأولى { ١ }
( شاب واقف قدام اوضة وسامع بنت بتتكلم ف الفون )
بنت : وانت والله واحشني
شاب : عاوز اشوفك طيب
بنت : هحاول بس موعدكش ان دة يحصل .. صعب
( برة الشاب واقف شياطين الدنيا بتتنطط قدام وشه ، يزق الباب ب رجله مرة واحدة من عصبيته ، تتخض البنت وتقفل الفون )
الشاب وهو بيقرب عليها : هاتي
( ياخد الفون من ايدها ، تقوم البنت تقف بعيد ، يلاقيه قفل )
الشاب ب زعيق : وحشك هاااا
( يحدف الفون ف الحيطة ينزل حتت ويقرب عليها ، تترعب البنت وتجري ع البلكونة )
البنت : لو قربتلي والله هرمي نفسي
الشاب : مهو دة اخرك تموتي كافرة .. عيشتي رخيصة وهتموتي رخيصة
( تتخض من كلامه ويوجعها جدا

تقعد ع سور البلكونة وتلف نفسها ع برة ، يتخض الشاب ، تغمض عينها وتسيب نفسها وفجأة ..................... )
( فلاش بااااااك )
( ف ڤيلا ، جوة اوضة ، نايمة بنت ، برة الاوضة )
سليم ب زعيق : طب وريني هتعملي الحفلة دي ازاي ي سميرة
( تصحى البنت ع صوت الزعيق ، تغمض عينها ب تنهيدة وتقوم من ع السرير وتقف ع باب الاوضة )
سميرة ب انفعال : انت حتى حفلة عيد ميلادي مش عاوزني اعملها
سليم : المشكلة مش ف الحفلة المشكلة ف الناس الزبالة الي بتعزميهم فيها ⁦
سميرة : متقولش ع صحابي كدة ي سليم
سليم : انا قلت الي عندي الناس دي مش هتدخل بيتي ⁦فاهمة⁩
( يمشي سليم ، سميرة تبص للبنت )
سميرة : ابوكي بقا يخنق شبهك
( تمشي سميرة ، تدخل البنت اوضتها تاني وتقفل الباب ، تلبس بنطلون جينز وسويت شيرت طويل وكوتشي وتمشي ، جوة كلية ، شلة شباب واقفين بيهزروا ويضحكوا ونفس البنت قاعدة ف الكفتريا مراقبة شاب فيهم ، تقرب عليها بنت تانية )
فاطمة : افضلي انتي راقبي ف صمت بس نفختيني صراحة
( تقعد معاها )
نورا ب هدوء ورقة : وايه الي المفروض اعمله غير كدة عشان منفخكيش ي فاطمة هانم
( نوقف لحظة .. نورا بنت جميلة ، شعرها اسود طويل ، بشرتها بيضة ، عيونها دهبي مايلة للصفار ، ملامحها صغيرة ورقيقة جدا ، جسمها مظبوط وطولها متوسط ، لابسة نضارة نظر ودايما رابطة شعرها عمر م حد شاف طوله ولبسها دايما بسيط ومبتحبش الميكب واهم حاجة عندها الدراسة لانها ذكية جدا ، نورا من عيلة غنية وأصلها م الصعيد ، ليها اخت تؤام اسمها مايا ، من بعيد هما شبه بعض لكن تقرب تطلع الفرق بين ملامحهم وبين شخصياتهم ، نورا شخصيتها مقفولة جدا وخجولة اما مايا بنت مرحة والناس بتحبها ولبسها ع الموضة وبتحب الخروج ، مامتهم مبيهمهاش حاجة اد الفلوس والموضة والخروج وصحابها ، الي مسؤلة عنهم اكتر هي خالتهم لانها مش متجوزة وقاعدة معاهم ، نورا عندها ١٩ سنة ، فاطمة تبقى صاحبتها .. نرجع تاني )
فاطمة : امممم .. تتكلمي معاه مثلا
نورا ب خوف : لأ طبعا انتي اتجننتي دة عيب
فاطمة ب استغراب : عييييب يبقا خليكي كدة لحد م اختك تاخدوا منك
نورا : اختي .. ومالها اختي بالموضوع ؟!!!!!!
فاطمة : انتي اول مرة تعرفي ؟! دي نص الكلية عارفة انه معجب بيها وانتي عايمة ف ماية البطيخ ي ست خضرا
نورا : بتهزري ي فاطمة
فاطمة : والله جد
نورا : مين قالك كدة !!! مين قالك انه معجب بيها ؟؟؟
فاطمة : محدش قالي انا بشوفوا بيقف يتكلم معاها ويقعدوا يهزروا سوا دايما
نورا ب انفعال : يعني حتى الشاب الوحيد الي اعجبت بيه مش رحماه .. دة انا قيلالها .. يعني هي عارفة اني بحبه ازاي تعمل كدة فيا
فاطمة : والله انتي السبب
نورا : انا ؟!!!!!
فاطمة : ايوه انتي طبعا .. هو باين هيموت عليها .. هي مستغلية جمالها وظهراه اما انتى خليكي مدارياه تحت النضارة والتوكة دول .. معرفش تفكيرك ازاي ف انك توقعي واحد زي دة من غير م تتقدمي ولا خطوة
( تدمع عين نورا )
نورا : انا مكنتش عاوزة اوقعوا انا بحبه ماشي ي مايا شكرا
مروة : بقولك طيب
نورا : ايه ؟
مروة : هو عامل حفلة عيد ميلاده ف الاجازة لازم تروحيها
نورا : ا ............
مروة : وقبل م تردي فكري لسة قدامك شهر ونص .. ⁦وع فكرة مايا اكيد هتحضر طبعا
نورا : طيب
( ف بيت نورا ، مامتها قاعدة مع صحابها ، تدخل نورا )
سميرة : هههههههه دة فظيع عادل .. حبيبتي ؟
نورا : نعم ؟
سميرة : تعالي سلمي
( تقرب عليهم )
ست ١ : دي اكيد نورا طبعاً مش مايا
سميرة : طبعاً ايش جاب ل جاب
الكل : ههههههه
( تبصلها نورا ب احراج وتقعد )
ست ٢ : انتي ي حبيبتي دايما لابسة النضارة دي .. دة انا عمري م شفت عنيكي !!!
نورا ب خنقة : نظري ضعيف
ست ١ : مسمعتيش عن العمليات ولا ايه .. اعمليلها ليزك ي سميرة
سميرة : مش راضية والله .. ياما اتحايلت عليها تعمل زي مايا مرضتش عجباها النضارة معرفش ع ايه
ست ٣ : لا انتي لسة صغيرة ع النضارة دي
ست ٢ : وحتى لو كبيرة المفروض تخلي بالها من مظهرها مش كدة ولا ايه ي سميرة م تهتمي بيها شوية
سميرة : والله هي الي دماغها ناشفة
ست ١ : انتي مرتبطة ي نورا ؟؟
( تتوتر نورا )
نورا ب احراج : لأ
ست ٣ : ٢٠ سنة ومش مرتبطة .. مش معقول !!!!!!
نورا : ١٩
( تقوم نورا )
نورا : انا طالعة اذاكر
( تمشي نورا )
سميرة : اهو ع كدة .. عاملة زي ابوها .. قنبلة كئابة
الكل : هههههههه
( تدخل نورا اوضتها ، ترمي شنطتها ع السرير وتعيط ، يخبط باب الاوضة )
خديجة : نورا
نورا ب عياط : نعم
خديجة : افتحي ي حبيبتي
نورا : مش فاضية ي خالتوا معلش
خديجة : انتي بتعيطي .. افتحي ي نورا .. افتحي ي حبيبتي عشان خاطري !!!!!
( تفتح نورا )
خديجة : أيه ي قلبي .. مين زعلك ؟؟
( تترمي ف حضنها تعيط )
خديجة : اهدي وقوليلي حصل ايه بس
( يذيد عياطها ، تحكيلها )
نورا ب عياط : هو انا وحشة ي خالتوا ؟!
خديجة : لا ي روحي انتي زي القمر
نورا : اومال ليه بيتعاملوا معايا كأني كائن فضائي مثلا
خديخة : هههههههه متاخديش ف بالك ع كلامهم دول بيعيبوا ع صوابعهم انتي عارفة ي قلبي
نورا : مش هما بس .. الكل شايفني مختلفة وغريبة .. وشايف ان مايا هي البنت المثالية !!
خديجة : لا ي قلبي .. كل الحكاية ان مايا متكلمة شوية وبتعرف تحبب الناس فيها و ............
نورا : وانا لأ .. انا خجولة مع الناس .. ولو اتكلمت غصب عني ببوظ الدنيا .. دي انا مش هاعرف اغيرها .. نفسي يبطلوا يقارنونا ب بعض عشان مكرهاش وانا بحبها ي خالتوا
خديجة : دة مش هيحصل مافيش مقارنة بينكم حطي ف بالك كدة انتي ليكي شخصيتك وحياتك وهي كمان كدة ومتحاوليش تتغيري عشان حد الا لو انتي عاوزة تتغيري عشان نفسك ⁦وللاحسن كمان مش زي م هما عاوزين يشوفوكي ⁩
( تشاورلها ب اه )
نورا : انا مش عارفة لو مكنتيش قاعدة معانا انا كنت هحكي لمين .. بجد وجودك مهون عليا كتير اوي .. انتي اقرب ليا منهم كلهم
خديجة : حبيبي وانا هفضل ع طول جنبك ⁦
( تاخدها ف حضنها )
خديجة : يلا قومي خدي دش عشان نتغدى سوا انا مستنياكي من بدري جعت يلا يلا
نورا : حاضر
( تمشي الخالة ، ييجي الليل ، قاعد تحت ابو نورا )
سميرة : انا ماشية ي سليم
سليم : رايحة فين الساعة ٩ !!!!
سميرة : هخرج مع وفاء
سليم ب انفعال : وفاء ايه السعادي انتي اتهبلتي ي سميرة
سميرة : انا موعداها من امبارح عشان تجيب فستان فرحها مقدرش مرحش معاها
سليم : فرحها ايه الي عدت ال ٥٠ سنة دي !!!!!
سميرة : واحنا مالنا بقا يلا سلام
( تمشي سميرة )
سليم ب غيظ : طلاقك ع ايدي قريب وربي
( تاني يوم الصبح ، يرن فون نورا )
نورا : الو
فاطمة : صحي النوم يختي فوقيلي
نورا : في ايه ؟!
فاطمة : سمعتي اخر الاخبار ؟
نورا : خيييير
فاطمة : باسل هيطلب ايد مايا ف الحفلة الي عاملها
( تتصدم نورا ، كأن حد كب ع دماغها ماية متلجة ، تنزل دموعها )
فاطمة : الو .. نورا ؟؟
( ترمي نورا الفون وتنهار م العياط ، تطلع من اوضتها وتجري ع اوضة خالتها ، لسة هتفتح .................. )
خديجة : ي سليم مش انهاردة بقا
( تتخض نورا )
نورا ب صوت واطي : بابا
استونى فى الحلقة التانيه :bsmile (35):

[رايما]

الحلقة الثانية { ٢ }
سليم : وليه بس قلتلك لسة بدري عليها متخافيش
خديجة : طب خليها بكرة ف الروقان احسن
سليم : وانا ايش ضمني اختك تخرج بكرة ولا لأ
خديخة : وهي سميرة بتقعد ف البيت أبداً
سايم : متبوظيش اليوم بقا خلاص .. يلا البسي انا همشي وهستناكي بالعربية ع اول الشارع تطلعيلي
خديجة : طيب
سليم : اوعي حد م البنات يشوفك ⁩
خديجة : متخافش
( نورا واقفة مصدومة مش قادرة تنطق ، تسيب ايد الباب وتجري ع اوضتها تدخلها ، بتلف حوالين نفسها خلاص هتنفجر ، تترمي ع السرير وتصرخ ب اقوى م عندها ف المخدة ، تفضل تصرخ ومحدش سامعها )
نورا ب عياط وصريخ : ليه .. ليه ي رب .. ليه .. دي مكانش ليا غيرها .. اروح اقول لمين دلوقتي اني هموت .. هموت م الوجع اقول ل مين .. ماليش غيرك ي رب .. كلهم كدابين .. كلهم ب مليون وش .. كلهم .. انا بكرهم كلهم .. بكرهم
( تعدي الايام ونورا تقريبا مبتخرجش من اوضتها ، حتى الاكل بتاكله جواها ، نورا واقفة قدام المراية ، باصة ل نفسها وساكتة ، ف بالها كل كلمة وموقف وحش اتعملوا معاها ، تحط ايدها ع وشها )
نورا ف بالها : وحشة ، لأ مهملة ، خليكي زيها ، هيحبوكي زيها لأ ، انتي مش تجربة لحد ، انتي مش لعبة ⁦⁩ هتغير ، بس هكره الكل فيا اكتر ، هندمهم ع اليوم الي فكروا يغيروني فيه ، هندمهم ع اليوم الي رفضوا يتقبلوني فيه زي م انا ليا حق عند كل واحد فيهم ، وهاخدوا
( تروح تلبس هدومها وتمسك الفون )
نورا : الو .. ايوة ي فاطمة .. الحمدلله .. قابليني ف المول بعد نص ساعة .. ايوة .. باي
( تقفل نورا وتطلع م البيت )
نورا : عم فاروق
السواق : ايوة ي بنتي
نورا : تعالى وصلني
السواق : من عنيا
نورا : وعوزاك تفضيلي نفسك تعلمني السواقة اوك ؟
السواق ب استغراب : حاضر
( تركب نورا وتمشي ، تروح المول مع فاطمة يشتروا حاجات ، تعدي الايام ، ف حفلة باسل ، عاملها ف فيلتهم ، شباب وبنات من عائلات كبيرة ، لبس وعربيات اخر موضة ، باسل واقف مع اتنين من صحابه )
باسل : ٥ دقايق واعملوا الي اتفقنا عليه
شاب ١ : ماشي ي معلم جود لاك
باسل : مش عاوز اي غلطة اشباب ⁦⁩
شاب ٢ : عيب عليك ي معلم
باسل : اشطاااا
( يقرب باسل ع مايا يقف يهزر معاها )
باسل : عاملك حتة مفجأة ي قلبي
مايا : بجد ايه
باسل : لا بقولك مفچأة
مايا : قولي بلييييييز
( برة الڤيلا ، تركن عربية وتنزل منها نورا ، تدخل الحفلة ، الكل يبصلها مصدوم من جمالها ب معني كلمة مصدوم لابسة فستان احمر كت مفتوح من قدام ونازلة الفاتحة لحد اول بطنها بالطول ونازل ضيق جدا وفتحة من اول رجليها ل اخرها ظاهرة رجليها كاملة وصندل اسود بسيط عالي جدا وشعرها الاسود ل اول مرة مفرود ع ضهرها وجيباه شوية ع قدام مداري نص وشها وميكب عيونها بالاسود وروح احمر فاقع ، تدخل ب كل ثقة والكل عارف ان دي نورا لان مايا وصلت من بدري وشافوها ودة الي صادمهم اكتر ، يلمحها باسل ، يفضل مبحلقلها ومايا مستغرباها لدرجة معرفتهاش ف الاول ، تقرب نورا عليهم )
نورا : كل سنة وانت بخير ي باسل
باسل ب صدمة : وانتي .. بخير
( تبص ل مايا )
نورا : ازيك ي بيبي
مايا ب ارتباك : كويسة
( صاحب باسل يشاورله من بعيد انه جاهز ، باسل يشاوله انه يستنى )
مايا : في حاجة ولا ايه ؟؟
باسل ب ارتباك : ااا لا لا مافيش
( يبص ل نورا )
باسل : بس ايه التغيير التحفة دة ي نورا !!!!!!
نورا : ايه رأيك
باسل ب اعجاب واضح : جامد جدا
نورا : ولا الاول احلى ؟
باسل : انتي زي القمر ف اي حاجة
نورا وهي بترفع شعرها من ع عنيها : ميرسي ي باسل
( مايا تبص ل باسل ب استغراب ، بيعاكس اختها قدامها وواضح عليه اوي تبصلها نورا ب ابتسامة انتصار ، يعدي اليوم وباسل لازق ل نورا وولا معبر مايا حتى المفجأة لغاها اول م شاف نورا ، تنطلق نورا ف الحفلة مع كلوا والكل يهتم بيها )
{ *غلط الي قال الدنيا مش بالمظاهر ، اطريت تتغير ع كيفهم ودة الظاهر* }
( تعدي الايام ونورا ليل نهار مع باسل ، او ب معنى اصح هو الي معاها ، جوة night clab ، مايا ونورا وباسل قاعدين ع البار ، يشتغل مهرجان ي شاغل بالي ، تقوم نورا ترقص ، مايا تشوف باسل عينه هتطلع ع نورا ، يقوم يرقص معاها ، تتخض مايا ، ترقص معاه نورا ب استفزاز ل مايا )
مايا ب عصبية : لا كدة ذودتيها اوي
( تقرب عليها فاطمة )
فاطمة : ايه مالك .. بتكلمي نفسك
مايا : انتي مش شايفة الي نورا بتعمله ؟؟؟؟
فاطمة : م انتي الي ابتديتي ي نونة
مايا : ابتديت ب ايه ؟!!!!!!
فاطمة : كنتي عارفة انها بتحبه ودوستي معاه مهمكيش تجرحيها .. مترجعيش تشتكي بقا دلوقتي
مايا : بتردهالي يعني !!!!!!
فاطمة : حاجة زي كدة
( بعد سنة وشهور )
( جوة بلد تانية ، ف روما بالتحديد ، ف شقة ، شاب واقف بيلم هدومه ف شنط ، يرن الفون بتاعه ، يرد )
منصور : السلام عليكم .. ايه ي ساجد .. تمام الحمدلله .. اه .. تمام .. قولها متخطلطش بيه نهائي ايوة متردش عليه لحد م انا اجي ⁦⁩ هوصل ع ٨ ونص كدة .. اه .. الله يسلمك .. اوك .. باي
( *نوقف لحظة .. منصور شاب وسيم جدا ، بشرته خمرية ، عيونه رمادي ف ضوء الشمس تشبه الازاز وحادة جدا بس تسحر شعره اسود تقيل جدا نازل ع عنيه شوية ، عنده لحية طويلة بس مظبوطة ب الملي مغطية نص وشه ، طويل وعريض جسمه رياضي ضخم ، الي يشوفه يقول موديل من طريقة لبسه المهتم بيها جدا وشكله ، عنده ٢٧ سنة ، كان عايش ف روما بقاله فترة وقرب يرجع مصر دلوقتي ، ليه ٤ اخوات ولدين وبنتين وهو الكبير ، غني جدا ، ملتزم ، شغلته مهندس .. نرجع تاني* )
( جوة فيلا كبيرة ، يرن جرس الباب ، تقرب الشغالة تفتح )
الشغالة : استاذ خالد
( يدخل )
خالد : فين مراتي ؟؟؟
( نوقف لحظة .. خالد شاب وسيم ، بشرته قمحية ، عيونه بني ، شعره اسود خفيف جدا ، طويل وعريض ، شغلته لاعب فنون قتال مختلطة مشهور ، عنده ٢٦ سنة .. نرجع تاني )
الشغالة : اااا مش موجودة محدش موجود ف البيت
خالد : عربيتها برة ع فكرة
( يطلع خالد فوق )
الشغالة : ي استاذ خالد استنى ميصحش كدة
( جوة اوضة ، بنت قاعدة ع السرير ، يدخل خالد ، تتخض وتقوم تقف )
انچي ب خضة : خالد
خالد : مبترديش ع تليفوناتي ليه ؟؟
انجي : انت عاوز ايه مش خلصنا
خالد : لا مخلصناش انتي لسة ع زمتي ولسة مراتي
انجي : كلها كام شهر واكسب القضية وابقا طلقيتك ⁩
خالد ب انفعال : انتي ليه غبية كدة .. ليه دخلتي اخوكي بينا .. من امتى بندخل حد ف حياتنا !!!!!
انجي : م الساعة الي انت خنتني فيها ي خالد .. استحمل بقا الي جاي .. وبعدين مش دة كان صاحبك ؟؟ زعلان ان رفعلي القضية ليه م انت خنته لما خنت اخته
خالد : دة اخر كلام عندك ي انچي
( تدخل واحدة ست كبيرة باين عليها اصول الصعايدة )
هالة : انت ازاي تدخل هنا خلاص مبقاش عندك خشى !!!!
خالد : انا جاي اشوف مراتي
هالة ب عصبية : ملكش مراتات عندنا انت تطلع برة حالا والا ورحمة الغاليين اتصل ب ابوها واخواتها والي يجرا يجرا
انجي : ماما اهدي خلاص هو ماشي
( تبصله )
انجي : امشي ي خالد
( يبصلها ب يأس ويمشي )
هالة : هي حصلت يدخل لغاية هنا !!!
انجي : ماما بالله عليكي متقوليش قدام حد
هالة : اقول ايه بس دة لو ابوكي ولا اخوكي عرف هيطين عيشته
انجي : ربنا يستر اما منصور يرجع
( يعدي الوقت ، الساعة اتنين ونص بالليل ، جوة بيت نورا ، سميرة قاعدة ع كنبة ماسكة فون ف اديها وخديجة رايحة جاية ف البيت باين عليها القلق ، تقرب ع سميرة )
خديجة : انتي بتعملي ايه ؟؟
سميرة : ولا حاجة
خديجة : انتي ازاي قادرة تقعدي ب الهدوء دة وبنتك لحد دلوقتي مرجعتش من برة !!!!!
سميرة : هعملها ايه يعني هي اول مرة تعملها
خديجة : م انتي لو ام عدلة مكانش دة حصل
سميرة : اقعدي بقا اديني درس ف الأمومة واني معرفتش اربي .. وفري النصايح دي ل نفسك لما تتجوزي كدة ان شاء الله
خديجة ب انفعال : نصايح ايه ونيلة ايه دي كانت احسن تربية عندك وانتي الي بوظتيها ب اهمالك وكلامك الزفت ⁦
سميرة : وانا مالي انا كل حاجة انا !!!!!
( تنزل مايا من فوق )
مايا : بتزعقوا ليه كدة ؟!!
سميرة : تعالي شوفي خالتك الي هتشلني
مايا : في ايه ي خالتوا مالك ؟؟
خديجة : نورا لسة مجاتش لحد دلوقتي
مايا : لا بجد !!!! دة انا فكرتها نايمة ف اوضتها !!!
( تبص مايا للساعة )
مايا : دي الساعة داخلة ع ٣ الفجر !!!!!!
( متنسوش اللايك ورأيكم ف اول حلقتين وتوقعاتكم ، هقرأ كل الكومنتات وهرد ع اد م اقدر ⁩ )

[رايما]

الحلقة الثالثة { ٣ }
خديجة ب عصبية : قولي للهانم امك الي قاعدة ولا ع بالها
سميرة : الصبر ي رب
مايا : طب اتصلتوا بيها ؟؟
خديجة : موبايلها مقفول من بدري
مايا : يبقا اكيد مع باسل .. انا معايا رقمه هكلمه
خديجة : بسرعة طيب
( تمسك مايا الفون ، ف عربية مركونة قدام الفيلا من برة ، جواها باسل ف مكان السواق ونورا جنبه بتشرب سجاير )
باسل : مايا بتتصل
نورا : متردش عليها
باسل : اوك
( يرن الفون تاني )
باسل : بترن تاني طيب
نورا : رد لما انزل
باسل : ماشي
( ترمي السيجارة م الشباك وتفتح الباب ، يقفله باسل )
باسل : ايه ايه
نورا : ايه ؟!!!!!
باسل : مش قلتي هتفضلي معايا حبة ؟!!
نورا : بقالي اكتر من ساعة قاعدة معاك ف العربية واليوم كله كنت معاك .. عاوز ايه تاني ؟!
( يقرب عليها )
باسل : مش ناوية تفكيها علينا بقا .. طولنا اوي يعني
نورا : ان شاء الله
( تفتح باب العربية وتنزل ، يهبد باسل ب أيده ع الدركسيون ، جوة الفيلا )
مايا : ايه ي باسل انت نايم ولا ايه .. لا كنت عاوزة أسألك عن نورا بس
( يخبط الباب ، تفتح خديجة بسرعة ، تدخل نورا )
خديجة : كنتي فين كل دة ؟؟؟
( متردش عليها )
مايا : لا خلاص اهي جت .. شكرا ي باسل .. باي
( تقفل مايا )
خديجة ب انفعال : ردي عليا
( تبصلها ب عدم اهتمام )
نورا : كنت مع صحابي
خديجة : للسعادي مع صحابك !!!! الناس تقول عليكي ايه هاا
نورا : يقولوا الي يقولوه .. عادي
خديجة : عادي !!! مش هامك سمعتك ؟؟
نورا ب تريقة : ههههه سمعتي مرة واحدة .. ايه الكلام دة ي خالتوا .. متجبيش سيرة السمعة والنبي انتي بالزات
خديجة : ي بنتي حرام عليكي دمرتي حياتك ومستقبلك .. مستنية ايه تاني كفياكي بقا موتي ابوكي ب حسرته عليكي
نورا : انتي بتعاتبيني ليه .. مش دة الي انتوا كنتوا عاوزينه واديني عملتهولكم .. بقيت فري وفريش خلصنا بقا
خديجة ب عصبية : لا مخلصناش لو متعدلتيش ي نورهان انا الي هقفلك طلاما دي ام زي قلتها
( تبصلها سميرة ب ملل وتضير وشها )
نورا ب تحدي : جربي .. جربي توقفيلي
( تسكت خديجة ب يأس ، تمشي نورا تطلع اوضتها ، ترمي فونها ع الترابيزة وترمي نفسها ع السرير ، تاني يوم ، الساعة ٩ الصبح ، ف مكان تاني ، بالتحديد ف المطار ، شابين واقفين مع بعض )
اسر : ي بني لسة الطيارة موصلتش منزلنا بدري ليه ي مفتري
ساجد : وانت مكسح ليه كدة انهاردة م انت بتنزل للشركة ساعات من ٦ الصبح !!!
اسر : اولا قلت ساعات مش دايما ⁦⁩ ثانيا انهاردة اجازتي ومخي مش مستحمل الصحيان بدري دة
ساجد : يرااااجل !!! يعني هو مخك عارف ان انهاردة إجازة ؟!
اسر : اه عارف ي مسخسخ
( جوة الطيارة ، يتكلم الطيار إن يربطوا الحزام عشان الهبوط ، تقرب المضيفة ع منصور قاعد )
المضيفة ب حب : اساعدك
منصور : ميرسي
( يحط منصور الحزام ل نفسه ، تمشي المضيفة وع وشها ملامح اليأس ، عند الشباب )
اسر ب انفعال : طب تعالي نروح اي مطعم عاوز اكل
ساجد : في ايه ي بني هو انا واخد ابن اختي معايا م تهدى شوية بقا خنقتني
اسر : يعني مش كفاية انك مصحيني بدري عن الميعاد وكمان مش عاجبك اني جعان
ساجد : اقولك حاجة روح روح البيت يلا
اسر : بعد ايه بقا م انت ...........
ساجد ب زعيق : روااااااااااااح روح ي اخي روح بقا
اسر : ايييه ي عم بس خرمت ودني اهدى خلاص
ساجد : ابو شكلك ع الصبح
( يشوفوا منصور من بعيد )
اسر : اهو وصل
( يقرب يسلم عليهم )
اسر وساجد : حمدالله ع السلامة
( **ملحوظه** اسر وساجد اخوات منصور .. اسر ٢٢ سنة وساجد ٢٣ سنة )
منصور : الله يسلمكوا وصلتوا بدري صح ؟
اسر : الاستاذ ساجد مذنبنا هنا م الساعة ٨ ونص
ساجد : مكنتش اعرف ان ميعاد الطيارة هيتغير
منصور : وطبعا انت ع اخرك ي معلم
اسر : ههههه عيب عليك
ساجد : شل امي اقسم بالله
منصور : هههههه يلا طيب
( تعدي المضيفة من جنب منصور وتفضل بصاله لحد م تمشي )
اسر : ايه دة انت علقتها ولا ايه
منصور وهو بيحط ايده ع كتف اسر : لا اخوك احبطها
اسر : ليه طب ي عم م انا موجود طيب
منصور وهو بيضربه ع دماغه : امشي ي جزمة
( يمشوا م المطار ، ف فيلا كبيرة جدا شبه القصر ، ديكوراتها قديمة لكن قيمة جدا
وباينة غالية وشيك ، جوة المطبخ ، واقفين ٣ ستات من ضمنهم هالة )
هالة : شدوا حيلكم شوية زمان الولاد ع وصول
ست ١ : خلاص ي حچة خلصنا اهو
هالة : تسلم ايديكم ي حبايبي
ست ٢ : ارتاحي انتي ي حچة واحنا هنحضر الوكل
هالة : ماشي
( تطلع م المطبخ ، ينزل راجل كبير من فوق )
حجاج : لسة موصلوش ي حجة ؟؟
هالة وهي بتقعد ع الكنبة : لسة حج
( ينزل يقعد جنبها )
حجاج : ربنا يجيبهم بالسلامة
هالة : اللهم امين
( **ملحوظة** هالة تبقا ام منصور وحجاج بباه )
حجاج : مفيش اخبار عن زفتة الطين دي ؟
هالة : لا معرفشي ايه الي بيدور بينهم اليومين دول
حجاج : احسن بردوا .. دي حتى اخبارهم بقت تسد النفس
هالة : اه والله عندك حق
( يخبط الباب ، تجري الشغالة تفتح ، يدخل منصور واخواته )
هالة وهي بتقوم : ي اهلا ي اهلا البيت نور ي حبيبي
( يجري عليها منصور )
منصور : حبيبة قلبي
( يحضنها ويبوس ف أيدها )
منصور : وحشتيني اوي
الام : وانت كمان ي حبيبي وحشتني
( تحضن وتبوس فيه )
الاب : اديلوا فرصة يسلم عليا طيب
منصور : هههههه
( يسلم ع بباه )
الاب : حمدالله ع السلامه ي بني
منصور : الله يسلمك ي حج
الام : اطلع ي حبيبي غير هدومك وارتاح عبال م الوكل يجهز
منصور : تسلميلي ي امي
( يبوس ايدها ، يطلع منصور اوضته ، يفضل يبص ل كل ركن فيها وحشته ،

يبدء يفضي شنطوا وبعدها يدخل ياخد دش ويغير هدومه ويصلي الظهر وينزل ياكل مع أهله )
منصور : اومال فين البنات ؟!!
هالة : نايمين لسة .. انت عارف نهارهم ليل وليلهم نهار ميعرفوش انك راجع سيبنهالهم مفجأة
منصور : لا بجد
اسر : لو عرفوا انك راجع انهاردة كانوا هيشبطوا ان ييجوا معانا المطار واحنا مصدقنا خلعنا منهم
منصور : هههههه
( يقوم منصور )
منصور : طيب انا هطلع انام شوية وقولي ل انجي مترحش ف حتة عشان عاوز اما اصحى اقعد معاها
هالة : طب ي حبيبي كمل اكلك الاول
منصور : شبعت والله ي امي تسلم ايدك
هالة : بالهنا ي حبيبي تحب اصحيك امتى ؟؟
منصور : لا محدش يصحيني خالص سيبوني لما اصحى لوحدي
هالة : ماشي ي بني ع راحتك
( يطلع منصور فوق ، يدخل أوضتة ويروح ف النوم ، ييجي الليل ، ف بيت نورا ، اغاني ودوشة وزحمة ناس كتير ،
مامتها عاملة حفلة ، نورا ومايا واقفين سوا )
مايا : ي بنتي تطلعي فين دة عيد ميلاد ماما !!!
نورا : بس مش عيد ميلادي وطلبت معايا بقا ان اطلع اغير هدومي وامشي م القرف دة
مايا : يعني هنسيبها واقفة مع الناس لوحدها
نورا : ولوحدها ليه م انتي موجودة ي قلبي
سميرة : نورا مايا تعالوا
( تشاورلهم مامتهم )
مايا : تعالي بقا
نورا : لأ
مايا : عشان خاطري دقتين عشان منحرجهاش مع الناس بس
نورا : ماشي
( يقربوا يقفوا جنب مامتهم )
سميرة : سلموا ع انكل فريد
فريد : لا انكل ايه فريد بس ⁦
( يسلموا عليه وع باقي الي معاه )
فريد : مشاء الله بناتك زي القمر زيك ي سميرة
( يحط أيده ف ضهر نورا ، تتخض )
سميرة : طبعا طالعين ل مامتهم
( يذيد الكلام والهزار والضحك وتذيد لمسات فريد ل نورا ومش عارفة تتكلم عشان الناس واقفة كتير معاهم ، تبعد نورا بسرعة تمشي متوترة ، تدخل جوة الفيلا ، يروح وراها فريد )
فريد : نورا
( تقف )

[رايما]

الحلقة الرابعة { ٤ }
فريد : انتي زعلتي مني ؟
نورا : ازعل ليه .. انت عملت حاجة تزعل ؟
( يقرب عليها )
نورا : اومال مشيتي ليه .. اكيد ضايقتك ؟؟
نورا : لا مافيش حاجة بس اصل ورايا مشوار ولازم امشي و ...........
( تلاقيه فجأة حضنها وعاوز يبوسها ، تتخض )
نورا : ايييه دة بتعمل ايه بس هصوووت والله و ...........
( يكتم بؤها )
فريد : لو صوتي محدش هيسمعك م الاغاني والدوشة الي برة ولو سمعوكي هقول أن انتى الي قلتيلي اجي وراكي
( تسكت نورا )
فريد : هشيل ايدي
( تشاوله ب اه )
نورا : الي قلته دة فعلا الي هيحصل لو انا صوت
( يحط ايده ع خدها )
فريد : بالظبط كدة
( يقرب وشه ع وشها وفجأة ، تديله بالدماغ ف مناخيره تنزف ف ساعتها )
فريد ب صدمة : اااه انتي اتجنيتي
نورا ب هدوء : لا انت الي اتجنيت لو كنت مفكر اني هخاف منك او انك تقدر تهددني
( تطلع نورا اوضتها ، فريد واقف مش عارف يعمل ايه ، يحط ايده ع مناخيره ويدخل التواليت يغسلها ويمشي ، تقف نورا قدام المرايا تحط ميكب ، تخلص وتفتح الدولاب ، تطلع بنطلون جينز رمادي كاتينج ضيق جدا و بادي اسود ب كم مفتوح من قدام بسيط قصير ع لاين البنطلون لو رفعت ايدها تبان بطنها ، تلبسهم وتلبس كوتشي ابيض وتاخد الفون ومفاتيح العربية وتنزل ، تشوفها اختها )
مايا : نورا استني .. نورا !!
نورا : امممم
مايا : ماشية ؟
نورا : اه
مايا : ي نورا اقعدي معايا هتسبيني لوحدي معاهم ؟!!
نورا : لا بلاش احسن انا بقيت فيروس ف البيت دة .. اخاف اعديكي ولا حاجة
مايا : ليه بتقولي كدة ي نورا انتي اختي
نورا : اختك اه .. بفرح اوي لما تكدبوا واكون عارف انكوا بتكدبوا .. احساس تحفة
مايا : انا ............
نورا : م تجيبي م الاخر ي مايا .. انتي رحتي قلتي ل امك انى ماشية وهي الي قالتلك تقنعيني مخرجش .. صح ؟
مايا : لا انا الي عوزاكي تقعدي معايا مش اكتر
نورا : كدابة
مايا : والله انا ...........
نورا : انا كدة أو كدة غايرة انا مبقتش طايقة حد فيكوا عشان اقعد معاه
مايا : ليه القسوة الي بقت فيكي فجأة كدة ي نورا !!!!!!
نورا : حبيبتي البركة فيكوا دة انتوا تقرفوا بلد وبعدين انتي عوزاني اقعد اعمل ايه ؟؟ استنى المساطيل صحاب امك أما يقعدوا يفصصوا فينا حتة حتة ع كيفهم .. ولا استنى الي يدخل ورايا عشان .............
( تسكت نورا )
نورا : خليكي انتي جنب امك ي مايا خليها تنفعك .. بس ابقي خلي بالك من نفسك
( تمشي نورا )
مايا : براحتك
( يعدي الوقت ، ف بيت منصور ، منصور ف اوضته نايم ، وفجأه يدخلوا بنتين بيصرخوا ويتنططوا ع سريره حواليه )
انجي و أية : منصوووووور
( يهجموا عليه يحضنوا ويبوسوا فيه )
منصور : وحشتوني ي كلاب
( **ملحوظه** انجي وآية اخوات منصور ، انجي ٢٥ سنة ، ع اد زعلها ووجعها من موضوع جوزها بس فرفوشة جدا ودمها خفيف وكل الناس بتحبها .. أية ١٩ سنة بتدرس ف كلية ألسن ، فيها من صفات انجي ع شوية تهور ف شخصيتها ، الاتنين محجبين ولبسهم واسع )
أية : وانت واحشنا اوي
انجي : مقالولناش ليه الجزم دول أنهم رايحين يجبوك م الصبح كنا صحينا ورحنا معاهم
منصور : محبوش يتعبوكم بس
أية : تعب ايه بس !!
منصور : المهم انتوا عاملين ايه ؟
انجي : احنا تمام قلنا انت الي عامل اي برة لوحدك كدة ؟!
منصور : وحش من غيركم طبعا
انجي : حبيبييي
( تبوسه من خده ، يخضنها ، يدخلوا الشباب )
ساجد : صحتوه بردوا
انجي : واحشنا ي اخي
اسر : يعني هو هيطير م خلاص بقا هنا ع طول
أية : وانت ايه الي مزعلك هو اخوك لوحدك مش كفاية جيبتوه من غيرنا
اسر : وهو يعني كان مستنيكي انتي ي معفنة الي تجبيه
أية : انا معفنة ي ارخم خلق الله انت
اسر : انتي ...........
منصور ب ابتسامة : الله
( ينتبهوا ل وجوده ، يسكتوا )
أية : اسفة
( يقوم منصور )
منصور : يلا اخلعوا خلوني افوق
الكل : اشطا ماشي
( لسة هيمشوا ............... )
منصور : انجي
انجي : نعم ؟؟
منصور : استنيني تحت دقتين ونازلك
انجي : اوك
( يعدي الوقت ، منصور قاعد مع انجي )
انجي : مكانش في اي مشكلة بينا وتمام انت عارف
منصور : اه
انجي : بس فجأة حسيت كأن كل حاجة اتغيرت ١٨٠ درجة .. مش خالد الي اعرفه دة
منصور : كل حاجة زي ايه ؟؟
انجي : معاملته ليا .. دايما بيتلككلي ع حاجات تافهه ويحصل عليها مشكلة كبيرة .. حاجات تافهه جدا والاقيه مد ايده عليا كمان !!
( تنزل دموعها )
انجي : بقا بينتقد اسلوبي وطريقتي .. جه ف بالي ان كل دة ميحصلش الا لو في حد تاني ف حياته وبدء يقارن بينا .. راقبته وقتها .. لحد م شوفته معاها .. فجأة كل حاجة اتهدت .. حبي ليه .. بيتي .. حياتي .. كله اتهد
( يقوم منصور ياخدها ف حضنه )
منصور : اهدي
انجي ب عياط : لما شافني انا كنت مصدومة متكلمتش ولا اتحركت من مكاني .. جسمي كله نمل .. حسيت كأني اتشليت .. هو خدني وروحنا والبيت .. اول م بدء يتكلم حسيت اني عاوزة اقوم اقتله .. مش طايقة صوته .. قالي اسف .. وكأني كنت مستنية الكلمة دي عشان انفجر واطلع كل الي جوايا .. صرخت .. صرخت كتير وبقيت اضرب فيه واكسر ف البيت .. كنت مدمرة وقتها .. كأني ملبوسة وجاتلي حالة هزيان .. معرفش يسيطر عليا نهائي .. لا ع لساني ف شتيمته ولا ع ضربي فيه .. مدتوش فرصة ل اي كلمة تانية من بعد كلمة اسف .. لاني حسيتها قليلة اوي قصاد احساسي وقتها .. لقيته فجأة ضربني .. قعد يضرب فيا عشان اسكت .. وانا كنت بذيد مش بسكت .. بعدها محستش ب نفسي غير وانا ف المستشفى
( يذيد عياطها )
منصور : وربي ل اجيبلك حقك
انجي : ازاي .. دة حتى مش عاوز يطلقني وقضية الطلاق شكلها هتاخد وقت طويل !!!
منصور : هقولك هنعمل ايه
( تاني يوم ، ف نادي ، جوة الجيم ، واقف خالد بيتمرن بوكس ب كل عصبية وغل ، يدخل منصور ، يشوفه صحابه ، يجروا عليه يرحبوا بيه ويسلموا عليه ، يشوفه خالد ، يوقف تمرين )
احمد : ايه ي عم مقلتش انك جيت ليه
منصور : سيبتهالكم مفجأة
( منصور يلمح خالد الي باصصله ب غل ، يبصله ، يقرب عليه )
احمد : ربنا يسترها
مروان : في ايه ؟؟
( يقف منصور قصاد خالد ، ينتبه الكل ويقفوا يتفرجوا )
خالد ب تريقة : صاحبك وحشك للدرجة نزلت م السفر تشوفني
منصور : م الطيارة عليك ع طول
خالد : عارف اني غالي عندك
منصور : كنت .. ومش اغلى منها ⁦⁩
( يسكت خالد ويفهم ان الموضوع جد ومش تريقة )
خالد : انا ...........
منصور : انت مصونتش .. لا صونت صاحبك ولا صونت اخته .. غرتك شهرتك ونسيت انت كنت ايه مش كدة .. ونسيت انا عملتك ايه .. بسيطة .. افكرك .. وقفت جنبك لحد م بقيت خالد عمران لاعب البوكس المشهور .. حتى اختى معزتهاش عليك ولما كلمتني وافقت .. وافقت عشان تصونها مش عشان تهينها
خالد : هي ...........
منصور ب زعيق : اسمعنييي
( يتخض الكل ويسكت خالد )
منصور : ورحمتك ي صاحبي لانك بالنسبالي دلوقتي ميت .. ل هدفعك تمن الي عملته فيها غالي .. ودراعها الي كسرتهولها واستقويت عليها هلبسك بداله بدلة جبس ⁦⁩ وهعرفك معني القوة الي بجد .. بكرة هيكون عندك محضر م المحكمة بيبلغك ان اترفع عليك قضية خلع
( يتخض خالد )
خالد : خلع
منصور : سلام ي صاحبي
( يمشي منصور ، ييجي الليل ، منصور واخواته الولاد قاعدين ف كافيه بس من برة ف الشارع ، يقربوا نورا وشلة من صحابها وباسل ، يقعدوا ع ترابيزة ، صوت ضحكهم وهزارهم يملى المكان كأنهم قاعدين ف night club مش كافيه ، يلفتوا نظر الشباب )
اسر : مش دي نورا ؟
( يبص ساجد )
ساجد : اه .. هي
اسر : يخربيتها كل مادا م بتحلو اكتر
منصور : هي مين دي ؟؟
ساجد : نورا بنت عمك سليم
منصور : بنت عمي سليم قاعدة مع شلة الاو**خ دول ؟!!!!
اسر : دي اقل حاجة عندها
منصور ب صدمة : نعم .. انت بتهزر صح ؟!!!!!!
اسر : لا والله جد
منصور : هي مين فيهم ؟؟؟
اسر : الي لابسة بادي ازرق دي
( متنسوش اللايك ورأيكم )

[رايما]

الحلقة الخامسة { ٥ }
منصور : ايه المنظر دة .. دي ولا الي طالعة من مجلة !!!!
ساجد : مكانتش كدة والله كانت ادب واخلاق بس متعرفش ايه الي قلبها مرة واحدة
منصور : ادب واخلاق ايه .. دي مش شكل واحدة عندها ادب واخلاق !!!!
اسر : ي بني هي بقت اعوز بالله من تصرفاتها خربانة ع الآخر .. هو عمك مات من شوية
منصور : عمي مات بسببها !!!!!!!!
اسر : بيقولوا كدة
منصور : وهو عشان عمي مات تصيع بالمنظر دة
ساجد : فكك ي عم الله يهديها
منصور : وفين امها من كل دة ؟؟
ساجد : أمها انيل منها مش فالحة غير أنها تهتم ب نفسها أما بناتها لأ
منصور : وانتوا متصرفتوش ليه ؟!!!!
اسر : نعمل ايه يعني
منصور : تكسروا رقابتها
اسر : انسى دي محدش بيقدر يحكم عليها
منصور : يعني ايه محدش بيقدر يحكم عليها ملهاش كبير يعني
ساجد : ي بني فكك بقا احنا مالنا
منصور ب زعيق : بطل ام الكلمة دي يعني ايه فكك شايفين لحمكم عريان قدامكم وتقولي فكك
( يقوم منصور ويشوط الكرسي وراه ، يتخضوا اخواته ، يقرب ع نورا )
منصور : قومي
( تبصله نورا ب استغراب وبرود )
نورا : نعم ؟!
منصور ب نفاذ صبر : قوووومي
( يقف باسل قصاده )
باسل : انت تعرفها عشان تتكلم معاها ؟!!!!
( منصور من غير م يبصله يزقه يقعده ع الكرسي تاني ويشد نورا من وسطيهم )
نورا : ايه دة انت اتجننت اوعا
( يقوم باسل يشدها منه ويضربه بالبوكس ف وشه )
اسر : ينهار اسود
( يمسك منصور دقنه وبعدها يضرب باسل شلوت يوقعه ع الترابيزة وع صحابه ، يقرب اخواته وييضربوا صحاب نورا الولاد وتقلب خناقة ، يقرب منصور ع نورا )
منصور : امشي احسنلك
نورا : امشي فين انت مين اصلا عشان تقولي كدة لو مبعدتش عني انا هصوت والم عليك الناس
ساجد : نورا دة منصور اخويا امشي ابوس ايدك
نورا : اخوك ولا ابوك ماله بيا اصلا !!!
منصور ب عصبية : هتمشي بالزوق ولا امشيكي بالعافية
اسر : منصور اهدى والنبي
نورا : مش ماشية ف حتة والي انت عملته دة مش هعديه بالساهل عشان تكون عارف ⁦☝⁩
منصور : ي بنتي امشي انا مش عاوز المسك
نورا : طب ابقى اعملها تاني عشان والله ............
( قبل م تكمل تلاقي نفسها متجرجرة من دراعها ع العربية )
نورا : ايه دة اوعا
منصور ب زعيق : اركبي
نورا : لأ
ساجد : نورا بالله عليكي تركبي وكفاية فضايح بقا
نورا : مش راكبة ي ساجد
منصور : قلت اركبي اخلصي
نورا : قلت لا ومتحكمش عليا انت فاهم⁦⁦
( يضربها بالقلم ، تتصدم نورا واخواته )
نورا : ااه !!!!!!!!!!
اسر : احيه
نورا ب صدمة : انت اتجننت
منصور : قلة أدب مش عاوز وتركبي العربية بدل ورحمة ابوكي القلم التاني مش هتحسي ب وجعه غير وانتي ف المستشفى ي نورا
( تخاف نورا وتركب غصب عنها ، يركب ساجد جنبها واسر يسوق ومنصور جنبه ع اخره ، ف الطريق ، يرن فون نورا )
نورا : الو .. ايوة ي باسل
( يبصلها منصور ف مراية العربية )
نورا : اه كويسة متقلقش .. ولاد عمي .. اه .. طيب لما اروح اكلمك .. باي
( تقفل نورا )
منصور : انا شفت كتير وقليل بس مشفتش ف بجاحتك صراحة
نورا : بجاحتي !!!!!
منصور : اه بجاحتك بتكلمي شاب قدامنا كدة عادي !!!!!
نورا : وانتوا مين اصلا .. حد فيكوا سأل فينا قبل كدة لما هتيجي حضرتك تعاتب دلوقتي .. بزمتك انت عرفتني اصلا .. اظن سألت حد من اخواتك قبل م تقوم وتعمل الشويتين دول ولا انا حتى اعرفك ولا افتكر شكلك
منصور : شويتين !!! تمام ماشي
( يوصلوا عند بيتها ، تنزل نورا وينزل منصور )
نورا : ع فكرة مد ايدك عليا دة انا مش هعديه عشان تكون فاهم بس
منصور : هو انتي لسة شوفتي حاجة الي جاي انقح
نورا : نعم !!! قصدك ايه بقا
منصور : قصدي تخرسي خالص وتخلي ليلتك دي تعدي ع خير احسنلك واتفضلي ادخلي بيتك
نورا : انت بتهددني ؟؟
منصور : اه بهددك
نورا : طب عشان تكون فاهم انت مش هقدر تمشي كلمتك عليا اوك ⁩
منصور : انتي قلتيها من شوية .. انتي متعرفنيش ولا تعرفي ايه الي انا اقدر عليه .. حتة عيلة زيك م انهاردة هعرف المها .. وهعرفها يعني ايه معنى كلمة حدود وأدب .. وان سمعت انك خرجتي تاني مع شلة الاو**خ دول هيكونلي معاكي تصرف مش هيعجبك ي نورا .. اذا كان عمي مات وملحقش يربيكي او مقدرش .. انا هقدر
( يمشي منصور ، تفضل نورا واقفة زي مهي مصدومة من كلامه ، تدخل البيت )
خديجة : تتحسدي .. راجعة بدري ليه !!!!
نورا : هو انتي كنتي تعرفي أن منصور ابن عمي رجع ؟؟
خديجة : انا معرفش أن ليكي ابن عم اسمه منصور اصلا
نورا : امممم
خديجة : اشمعنا ؟
نورا : بسأل
خديجة : تعالي اقعدي جنبي
( تبصلها نورا ثانيتين وبعدين تروح تقعد جنبها )
خديجة : ليه مبقتيش تتكلمي معايا زي الاول .. مبقتيش بتحكي ولا تطلعي الي جواكي .. ليه خليتي بينا مسافات وانا كنت أقرب واحدة ليكي ي نورا
( تسكت نورا بصالها ب حزن وخيبة امل فيها )
خديجة : نورا .. ي بنتي انتي !!!!
نورا ودموعها بتنزل : ايه ؟
خديجة : بتعيطي
( تنتبه نورا ل دموعها ، تمسحلها خديجة )
خديجة : انا عارفة انك من جواكي غير الي برة دة .. عارفة ايه جواكي
نورا : لأ .. محدش يعرف اي جوايا .. انتي بالذات متعرفيش
( تقوم نورا تطلع اوضتها بتعيط ، يعدي الوقت ، منصور واخواته قاعدين مع أهله )
الاب : عفارم عليك كنت كسرت رقبتها كمان
الام : بس احنا ملناش دعوة بيهم ي حجاج
الاب : يعني نفضل سايبينها دايرة ع حل شعرها كدة كتير ؟
الام : بردوا احنا مش ناقصين مشاكل مع سميرة وبناتها
منصور : لو كنتي شفتي منظرها هي وصحابها كنتي قمتي ادتيها بالجزمة مش بالقلم
الام : ي حبيبي انا مش عاوزة ادخلك ف حوارتهم سميرة مبتسكتش ع بناتها وليهم م القرف دة كتير
منصور : تولع سميرة انا الي يهمني بنات عمي مش مرانه .. أي حاجة تمسهم هتمسنا معاهم ومن بعد الي انا شفته دة هيبقى في حساب
( ف بيت نورا ، يخبط باب اوضتها )
نورا : ادخل
( تدخل فاطمة )
فاطمة : ايه ي بنتي مبترديش ع الفون ليه ؟!!!!
نورا : عملاه سايلنت
( تقعد قصادها ع السرير )
فاطمة : انتي كويسة ؟
نورا : اه انا تمام
فاطمة : ايه الي حصل .. مين الي ضربك دة ؟؟
نورا : ابن عمي
فاطمة : وليه يعمل كدة وكان مصمم تمشي معاه .. انتي عملاله حاجة ؟!!!!
( تدخل مايا )
نورا : حاجة ايه انا اول مرة اشوفه فيها من ٧ سنين كنت لسة عيلة ومفتكرش شكله حتى
مايا : هو مين دة ؟؟
نورا : منصور ابن عمك
مايا : ماله ؟؟
( تحكيلها )
مايا : وليه كان منفعل عليكي كدة ؟!!!!
نورا : مش عاجبه اني قاعدة مع شباب ولا عاجبه لبسي ووضعي
فاطمة : هههههه ينهاري دة شكله مش سهل ابدا
نورا : ع نفسه الشبح
فاطمة : خايف عليكي ي نونة .. شكله معجب
نورا : اه فعلا وانا شاكة ف كدة لدرجة أني لسة حاسة ب صوابعه المعلمة ع وشي .. بطلي غباء والنبي
فاطمة : ههههههههه بس مز اوي انا شفته اتخضيت دة ولا الي طالع م الكات ووك
مايا : طول عمره شيك منصور
( تبصلها نورا ب قرف )
نورا : المهم اني مش مستبشرة خير الايام الجاية
فاطمة : سيبك انتي شوفتي الشلوت الي اخده باسل طيره علينا
نورا : اهي دي الحاجة الوحيدة الي انا فرحانة بيها
فاطمة : احيه بتهزري !!! فرحانة أن حبيبك اضرب
( تبصلها مايا ، متردش )
فاطمة : كنتوا متخانقين ولا ايه ؟؟
نورا : لا

[رايما]

الحلقة السادسة { ٦ }
مايا : نفسي تقتنع اني خلاص شيلته من دماغي من زمان
فاطمة : هي مقتنعة بس بردوا مش بسهولة هتنسى الي فات
مايا : انا عارفة انها معاه كل الفترة دي عشان تثبتلي انها قدرت تاخده مني زي م انا عملت بس انا والله خلاص مبقتش اهتم بالحوار دة نهائي
فاطمة : بكرة تنسى متقلقيش .. يلا سلام
مايا : سلام
( ف بيت منصور ، منصور ف اوضته قاعد ع السرير ، بيفتكر كل حرف اتقال ف الخناقة ، بيفتكر عنيها الي كلها عيند وبراءة ف نفس الوقت وهو متقن جدا ل قراءة العيون يستغربها ، ف بيت نورا ، قاعدة نورا ع السرير وع رجليها اللاب توب وفاتحة اكونت منصور ع الانستا وبتتفرج ع الصور ، تقفل الاكونت ، تلاقي صورة خلفية اللاب صورة ليها ف وضعية باليه ، تحط ايدها ع الصورة ب حب وتقفل اللاب ، تاني يوم ، منصور و انجي قاعدين مع محامي عشان قضية الخلع )
حسين : انت عارف والله ي منصور اني مبقبلش قضايا م النوع دة بس انا مقدرش ارفضلك طلب
منصور : عارف والله ي سحس بس محدش هيقدر ينجزلي ف الموضوع دة غيرك .. انت عارف حبال المحاكم طويلة ازاي وممكن توصل ل سنة وقت
حسين : لا متقلقش ان شاء الله الموضوع مش هيطول معانا لان في تقرير طبي وشهود
( يبص ل انجي )
حسين : اطمني ي مدام انجي
( تشاوله ب اه ، تاني يوم ، نورا و فاطمة ف عربية ماشيين ومشغلين اغاني ، تقف فاطمة عشان الإشارة ، نورا ماسكة سيجارة ، تلمح ف العربية الي جنبها منصور ، تتخض وترمي السيجارة م الشباك وتدخل ايدها جوة وتطفي الاغاني )
فاطمة : ليه طفتيها ؟!
نورا : سيبيه دلوقتي
فاطمة : في ايه ؟!!!!
( تشاورلها ع منصور )
فاطمة : اوباااا دة القمر هنا يخربيت عربيته .. رانج روفر دي ؟؟؟
نورا : اسكتي بقا
فاطمة : ايه مالك في ايه مرعوبة كدة ليه
نورا : مش مرعوبة ولا نيلة اسكتي قبل م يلمحنا مش ناقصة قرف !!
فاطمة : عربيته تجنن بجد .. مظنش من مصر انا اول مرة اشوفها .. هاموت واركبها
نورا : هتموتي فعلا لو مسكتيش
فاطمة : تخيلي كدة انك ف العربية دي وجنب المز دة ينهارااااااي
نورا ب عصبية : كلمة كمان وهنزل اركب معاه واشلك ي بطا
فاطمة : لا خلاص خلاص
( تتفتح الإشارة )
نورا : طيري بقا
( تمشي فاطمة ، ف ارض كبيرة جدا مبني عليها شركة بس ف اخر تشطيباتها ، يوقف منصور عربيته وينزل ، يقرب ع اخواته واقفين مع ناس )
منصور : السلام عليكم
الكل : وعليكم السلام ورحمة الله وبركاته
ساجد : منصور اخونا الكبير وصاحب الشركة
شاب ١ : اخيرا اتعرفنا ع حضرتك
منصور : ليا الشرف اتعرف عليكوا
شاب ٢ : انا معجب جدا بيك وب شغلك الي ف روما كنت متابع حضرتك ومازلت
منصور : دة من زوقك وبلاش حضرتك دي احنا هيبقى بينا شغل كتير
شاب ٢ : اكيد طبعا
( يتكلموا شوية وبعدين يدخل منصور واخواته الشركة من جوة يتمشوا فيها )
اسر : ايه رأيك بقا كل حاجة زي م طلبتها بالظبط
منصور : واحسن كمان .. الله ينور اشباب
ساجد : بالكتير ع اخر الاسبوع هتبقا جهزت وعملنا اعلان عن الموظفين وهيبدؤا ييجوا من يوم الخميس ان شاء الله وهنعملهم الانترفيو ف شركة بابا عشان هيبقى لسة في شوية تجهيزات هنا ف متنساش بقا
منصور : لا تمام اوك
( تاني يوم ، ييجي الليل ، نورا قاعدة مع باسل ف عربيته )
باسل ب زعيق : يعني ايه ابن عمك يضربك ويضربني بلطجي دة ولا ايه انا مش هسكت
نورا : باسل خلصنا بقا
باسل : لا مخلصناش والي حصل دة انا مش هعديهوله بس اشوف خلقته دي ⁦تاني ☝⁩
نورا : م قلتلك خلصنا انت بتحب تعيد و تذيد ف المواضيع ليه كدة ؟!
باسل : انتي خايفة عليه ولا ايه ؟؟
نورا : انت مجنون اخاف ع مين هو انا أعرفه اصلا
باسل : اومال منفعلة ليه كدة وبتدافعي عنه !!!!!
نورا : مبدافعش عن حد انا مش عاوزة مشاكل كفاية الي حصلي ف الشارع قدام الناس
باسل : مهو عشان كدة انا مش هسكت
نورا : طيب براحتك بقا .. روحني عشان الوقت أتأخر
باسل : وقت ايه الي أتأخر الساعة ١٠ ونص .. ولا انتي خايفة منوا ؟؟
نورا : يادي النيلة انت ذودتها اوي وانا اصلا مش طايقة نفسي
( تنزل م العربية )
باسل : استني طيب
نورا : لأ
( تلف نورا تفرمل عليها عربية منصور ، تتخض ، يفضلوا باصين ل بعض ، ينزل باسل م العربية ويقرب عليها )
باسل : اركبي يلا
( يمسك ايدها وياخدها ناحية الباب ، يفتحه ، يلاقي الي حط أيده ع الباب قفله )
منصور : سيب ايدها
باسل : بقولك ايه انا مش طايقك ف اتجنبني احسنلك⁩
منصور ب غضب مكتوم : سييييب ايدها
باسل : وانت مال امك
منصور : امي !!!!!!!!
( يضرب باسل ب الدماغ يسيب ايد نورا وتتخض نورا ، يقرب عليه منصور وتبقى نورا وراه )
نورا : باسل
باسل : انت الي جبته ل نفسك
( باسل يضربه بوكس ميرضاش يتفاداه عشان ميجيش ف نورا الي واقفة قريبة وراه وييجي فيه ، يتزق منصور ع نورا تمسك فيه )
نورا : احيه باسل بس خلاص
( لسة هيضربه التاني يمسك أيده منصور ويضربه بالدماغ مرتين ورا بعض ويزقه ويديله شلوت يوقعه ف الارض )
نورا ب صريخ : خلاص بالله عليك بقاااااا
( باسل واقع ف الارض دايخ ، يلف منصور ل نورا )
منصور : اركبي
( تتجنب نظرة الجمر الي ف عيونه وتركب عربيته من سكات ، يركب منصور ويمشي ، ف الطريق ، الكل ساكت ، تفتكر نورا فاطمة أما كانت بتكلمها ع العربية ، تبتسم )
نورا ف سرها : الله يحرقك ي بطااا
( نورا عمالة تبصله كل شوية وهو مش شايف غير طريقه ، يلمحها بصاله )
منصور : بتشبهي عليا ولا ايه ؟!!!
( يحرجها ، تضير وشها ، يبتسم ابتسامة جانبية متشفهاش ، يفرمل مرة واحدة يخضها )
منصور : انا قلت ايه قبل كدة ي نورا ؟؟
نورا : ايه قلت ايه !!!
( يبصلها )
منصور : قلت اني لو شفتك مع الشلة دي هيكونلي تصرف مش هيعجبك ⁦
نورا : وانت شفتني مع الشلة ؟؟
منصور : دة شكله أو**هم
نورا ب تحدي : اه هو فعلا كدة
منصور ب غيظ مكتوم : دة اخر تحذير ليكي ع فكرة ⁦
نورا : احتفظ بيه ل نفسك او ل اخواتك البنات مركز معايا انا ليه ي اخي
منصور : اخواتي البنات الي زيك متطولش تبقا ربعهم بس
( تبصله ب غيط ، لسة هتفتح باب العربية يمشي )
نورا : اوووف
( يركن قدام بيتها )
منصور : لو شفتك مع الولا دة تاني المرة الجاية هموتهولك .. فاهمة ؟؟
نورا : الي فهماه انك ملكش حكم عليا ولا كلمة عليا ولا تشغل بالك ب حياتي اصلا .. تمام ؟
( تفتح باب العربية وتنزل ، تدخل الڤيلا )
منصور : تمام
( يمشي منصور ، تدخل نورا البيت )
سميرة : لا غريبة دي
نورا : هي ايه ؟
سميرة : أن بقالك يومين بترجعي بدري
نورا : يادي ام الجملة دي سيبني عشان انا ع أخري
( تقوم سميرة )
سميرة : في ايه ؟؟
نورا : لو مشفتلكيش حل ف منصور دة انا هتصرف معاه تصرف مش هيعجبكم ع فكرة
سميرة : منصور مين ؟!!!!
نورا : ابن عمي حجاج
سميرة : دة مسافر ي بنتي !!!
نورا : لا رجع وكل أما اروح ف حتة الاقيه فوق دماغي وضرب باسل مرتين
سميرة : هههههه لا والله
نورا : انتي فرحانة
سميرة : كملي كملي
نورا : اكمل ايه بقولك قارفني ومهددني مقعدش مع صحابي ومهددني لو شافني مع باسل تاني مش هيسكت
سميرة : هو عنده حق صراحة صحابك كلهم يعروا اصلا
نورا ب زعيق : متستفزنيش انتي لو مرحتيش ل عمي وكملتيه يبعدوا عني انا الي هروحله ب نفسي ماشي
سميرة : ماشي طيب اهدي وانا هتصرف خلاص
( ف بيت منصور ، يدخل منصور البيت ع اخره ، امه قاعدة )
منصور : فين بابا ؟؟
هالة : ي حبيبي ارمي السلام طيب
منصور : اسف ي ست الكل
( يقرب منصور يبوس أيدها ويقعد قصادها مقرفص )
منصور : عاملة اية ؟
هالة : نحمده ي حبيبي .. انت عامل ايه ؟
منصور : فل الحمدلله
هالة : بتسأل ع بابا ليه ؟
منصور : عاوزه ف موضوع كدة
( متنسوش اللايك ورأيكم )
( اظن وقت م وقف قصة

(دوا النسيان الكل عمل هجوم عليا وزعلتوا جدا بس من حقي انا كمان ازعل لما اتعب ف كتابة قصة وملاقيش منكم تفاعل ولا تشجيع ف ياريت نتفاعل اكتر من كدة ي جماعة )

[رايما]

الحلقة السابعة { ٧ }
هالة : هو ف الشركة
منصور : طيب هروحله
هالة : ماشي ي حبيبي
( يعدي الوقت ، ف شركة حجاج ، يوصل منصور )
السكرتيرة : حضرتك لازم تاخد ميعاد مينفعش ادخلك كدة
منصور : انا ابنه .. منصور حجاج
السكرتيرة ب ارتباك : اااا انا اسفة والله هبلغه حالا اتفضل استريح
منصور : اوك
( يقعد منصور ، بعد دقتين )
السكرتيرة : اتفضل ي فندم
( يقوم منصور يدخل ل بباه )
حجاج : يادي الهنا الشركة نورت تعالى
( يسلم ع بباه و يقعد )
منصور : بنورك ي حج
حجاج : ايه الطلة الحلوة دي
منصور : تسلملي ي رب ⁦
حجاج : بس شكل في سبب للزيارة دي صح ؟؟
منصور : بصراحة اه
حجاج : خير قولي ؟؟
منصور : بص .. انا عاوزك تاخد مني الموضوع للاخر عشان تفهم وجه نظري الاول
حجاج : تمام قول
منصور : انا عاوز اخطب
( ييجي الليل ، ف بيت حجاج ، سميرة قاعدة مع هالة )
سميرة : يعني ايه ي هالة
هالة : يعني الي انتي شيفاه صح دة أكبر غلط ي سميرة ⁦⁩
سميرة : والله اظن كل واحد حر ف تربية ولاده ولا ايه
هالة : لا منتيش حرة .. لما يوصل الوضع أن ميبقاش حد قادر يلمهم يبقى منتيش حرة ي سميرة
سميرة : بس انا ............
( يقطع صوتها دخول حجاج ومنصور واخواته )
حجاج : ايه دة سميرة بنفسها عندنا دة البيت نور والله
سميرة : الله يخليك ي حجاج
حجاج : البنات كويسين ؟؟
سميرة : اه كويسين
( تبص ل منصور )
حجاج : دة منصور ابني
سميرة : مشاء الله .. كبرت ي منصور
( ميردش عليها )
حجاج : طبعا غياب ٧ سنين بحالهم
سميرة : حمدالله ع سلامته
حجاج : الله يسلمك
سميرة : صراحة ي حجاج انا كنت جاية اشتكيلك منه
حجاج : ليه كفا الله الشر ؟!!!!
سميرة : يرضيك الي عمله منصور مع نورا دة .. يشوفها يقعد يهدد فيها ويضرب زميلها
منصور : قصدك صاحبها
سميرة : مهما كان ميصحش الي انت عملته دة
حجاج : والي بنتك عملاه دة الي يصح ؟
سميرة : هو ايه الي بنتى عملاه .. بنتي معملتش حاجة
حجاج ب صوت عالي : يبقى نفتح بقا قديم وجديد ونعاتب ونحاااسب ي سميرة
( تتوتر سميرة )
سميرة : ي حجاج كلنا عارفين أن نورا بتمر ب مرحلة صعبة من وقت موت بباها
حجاج : متستهبليش انتي مبتكلميش عيل صغير .. وكله بسببك بردوا وبسبب سيبانك واهتمامك ب نفسك وبنتاتك لأ
سميرة : الي حصل حصل وخلاص
حجاج : خلاص باللنسبالك أما بالنسبالنا دة ابتدا لسة
سميرة : يعني ايه .. اصلا مافيش حد ليه الحكم ع نورا ⁦☝⁩
حجاج : بس خطيبها ليه يحكم عليها
سميرة : خطيبها !!!!!!!!!
حجاج : بكرة بالليل هنجيلك عشان نقرا فاتحة نورا
سميرة : ع مين ؟؟
حجاج : ع منصور
( يتخض الكل )
هالة : منصور
( هالة تبص ل منصور يشاورلها أنه متقلقش )
سميرة : بس نورا لسة مقفلتش ال ٢١ سنة وصغيرة ع منصور !!!!!!
حجاج : منصور مش كبير للدرجة فرق بينهم ٦ سنين وشوية شهور عادي
سميرة : طب ............
حجاج : ولا طب ولا غيره الي قلته هيتنفز وهيتحدد ميعاد ل الخطوبة بس بشرط واحد
سميرة : شرط ايه دة كمان ؟؟!!!!!
حجاج : وقت م تتم الخطوبة نورا هتيجي تقعد هنا وسط اخواتها البنات
سميرة : تقعد معاكم
حجاج : أيوة
سميرة : بس ...........
حجاج : مبسش خلصنا ⁦واحمدي ربنا اني بفكر فيكي و ف بناتك وان ابني هيلمها م القرف الي حطتك فيه والي لسة هتحطك فيه .. وكمان اني مقلتش خطوبة وكتب كتاب مع بعض بس هسيبهم شوية لما ياخدوا ع بعض الاول .. ودة اخر كلام عندي ومش عاوز رأيك .. بلغي بنتك بالكلام دة ولو عارضت عشان تدور ع حل شعرها تاني انا هيبقالي تصرف معاها وب نفسي ي سميرة ⁦خدي بالك المرة دي ⁩
سميرة ب توتر : ماشي
( تقوم سميرة )
سميرة : همشي انا
حجاج : رايحة فين مش هتتعشي معانا ؟
سميرة : لا معلش مرة تانية .. سلام
( تمشي سميرة )
هالة ب انفعال : ايه الي قلته دة ي حجاج بقا انا ابني الكبير الي بنات الدنيا تتمنى التراب الي بيمشي تجوزه بنت سميرة !!!!!!
حجاج : ي هالة بنت سميرة دي تبقى بنت اخويا ولا انتي عوزاني افضل راميهم عند امهم لحد م يروحوا ف داهية
هالة : بس وليه منصور مقلتش اسر ولا ساجد ليه دة حتى منصور اكبر منها !!!!!
اسر : يعني انتي خايفة ع منصور واحنا الي ولاد الغسالة
حجاج : بس ي واد انت
اسر : حاضر
حجاج : اولا ومن غير إهانة ليكوا
( يشاور ع اسر وساجد )
حجاج : محدش هيقدر عليها غير منصور
اسر : لاحظ ان كلامك جارح
حجاج : ي بني اهمد
اسر : حاضر
حجاج : ثانيا هو اصلا الي جالي وطلب مني الكلام دة انا مش غاصبه أو بأمره واهو قدامك أسأليه
( يستغرب الكل )
هالة : ليه ي منصور .. ايه الي عجبك ف بنت سميرة
منصور : انتى عارفة اني مش خاطبها عشان اعجاب
هالة : وليه اصلا تدبس نفسك ف حوار زي دة ؟؟ ليه متحبش وتتحب زي اي شاب ي بني
( يقرب يقعد جنبها )
منصور : وانتي ليه بس واخدة الموضوع ع قلبك كدة متخافيش
هالة : ي حبيبي انا عاوزة راحتك بس
منصور : صدقيني وانا مرتاح كدة
هالة : الي تشوفه ي بني
( ف بيت نورا ، نورا واقفة قصاد مامتها )
نورا : نعم !!!! بتهزي صح ؟؟؟؟؟
سميرة : والله بجد .. انا اتصدمت زيك كدة
نورا : لا اكيد مش زيي .. ازاي عمي حجاج يعمل كدة وانتي جاية تشتكيله منه !!!!!!
سميرة : زي م يكونوا مخططين قبلها
نورا : وهو قال ايه ؟؟
سميرة : منطقش
نورا : أيوة مهو مش طايقني الباش مهندس
سميرة : ي بنتي بقولك شكلهم مخططين يعني باين عنده خبر بالموضوع لأنه متفاجأش الي اتفاجئ امه واخواته بس لكن هو وأبوه عارفين
نورا : وبعدين ؟؟
سميرة : ولا قبلين قال هييجوا بكرة عشان يقروا الفاتحة ويحددوا الخطوبة
نورا : بسرعة كدة
سميرة : وعاوزينك طول فترة الخطوبة تقعدي عندهم
نورا : اقعد عند مين ؟؟
سميرة : عند عمك حجاج
نورا ب عدم تصديق : انتي بتتكلمي جد ولا بتهزري ؟؟؟
سميرة : والله جد
نورا : بقا كدة .. يعني بيزنقني .. ماشي ي منصور
( تطلع نورا اوضتها ع آخرها تتخبط ف مايا نازلة )
مايا : هو في ايه ؟!!!
سميرة : هيتقري فاتحتها ع منصور بكرة
مايا : بتهزي
سميرة : يادي النيلة السودة
( تاني يوم ، منصور وبباه و مامته واخواته الولاد قاعدين مع سميرة ومايا )
حجاج : اومال فين نورا وحشاني والله ♂
سميرة : هطلع اندها
( تقوم سميرة )
هالة : عاملة ايه ي حبيبتي ؟
مايا : الحمدلله ي طنط
هالة : كبرتي وبقيتي زي القمر مشاء الله عليكي عروسة
مايا : ميرسي
هالة وهي بتهمس ل منصور ف ودنه : ومالها مايا مش كانت احسن
منصور : معلش مشيها نورا المرة دي
هالة : طيب
( ف أوضة نورا )
سميرة : ي بنتي غيري هدومك دي ميصحش تنزلي كدة احيه عليا وع سنيني السودة
نورا : ومالها هدومي هو من اولها غيري هدومك ولا ايه مش عاجبهم يمشوا
سميرة : خلاص براحتك اتنيلي انزلي عشان بيسألوا عليكي اخلصي
نورا : نازلة
( تنزل سميرة )
سميرة : جاية ورايا اهي
( تنزل نورا ب خطوات بطيئة ، يلمحها منصور وهي نازلة ، يفضل باصصلها من جمالها ، لابسة فستان احمر قصير جدا فوق الركبة حمالات ، تنزل تسلم )
حجاج : اهلا اهلا بالعروسة
( تلف نورا عشان تسلم ع عمها يشوف منصور ضهر الفستان مفتوح كله من أوله ل اخره وفي تاتو كلام انجلش بالعرض اخر ضهرها )
اسر : احيه
( يذغده ساجد )
اسر : مش قادر
ساجدا : يخربيتك اخرس
( يضغط منصور ع سنانه هينفجر من لمسه بباه ل ضهرها الي غصب عنه ميعرفش أنه بالمنظر دة )
هالة : سلمي ع عريسك ي نورا
( تقرب نورا ع منصور يكون الكل شاف ضهرها واتصدموا ، يقف منصور ، تستغرب نورا شكله ، حالق دقنه مجرد شعر خفيف مظبوط وظابط شعره ف مخلي وشه باين اكتر م الاول ، شايفة ملامحه كويس ، شفايفه الوردية الي كان مغطيها دقنه وشنبه ، عيونه الرمادي الحادة الي شبه متكحلة الي مكانتش واضحة بسبب طول شعره ونزوله عليها ، كل حاجة شيفاها ب وضوح تام تذيد ضربات قلبها كأنها شايفة حد تاني خالص ، تمدله ايدها ب صعوبة )
نورا : ازيك

[رايما]

الحلقة الثامنة { ٨ }
( يسلم عليها ، يضغط ع ايدها ب غيظ )
منصور : زي الفل
( تتوجع نورا بس متبينش )
حجاج : ايه ي عرسان عندنا وقت كتير للتسبيل دة اقعدوا
الكل : هههههه
( يسيب ايدها ويقعدوا ، تمسك نورا ايدها مكان م وجعتها )
حجاج : نقرا الفاتحة بقا
( يقروا الفاتحة )
هالة : خلينا نسيب الولاد يقعدوا مع بعض شوية
سميرة : نورا خدي منصور واقعدوا ف الجنينة
( تقوم نورا )
نورا : اتفضل
( تمشي ، يقوم وراها منصور ، يطلعوا الجنينة ، تقعد نورا وتحط رجل ع رجل ، يقعد منصور ع الكنبة الي قصادها ويحط رجله ع الترابيزة واحدة تانيها ع طرف الترابيزة والتانية مفرودة والاتنين يعتبروا ف وش نورا وأيده ف شعره ع دماغه ، تستغرب نورا قعدته )
نورا : أن ............
منصور : مش محروجة وانتي قاعدة قدامي كدة
نورا : ليه .. انت محروج
منصور : هههههههه
( يوترها ضحكته المفجأة وف نفس الوقت عاجبة ودانها )
نورا : كلامي يضحك ؟؟
منصور : جدا
نورا : كويس والله انك بتضحك زي البني ادمين اهو لو محروج اقوم البس حاجة قولي بس
( يبتسم منصور ، يوترها )
منصور : محروج !!!! لا اذا كان ع اللحمة ف انا شفت كتير .. وكلت اكتر مع انها كانت برة غالية صراحة وكنت مفكرها كدة هنا .. بس طلعت ارخص ب كتير
( تحس ب احراج ، تنزل رجليها وتضمها جنب بعض )
منصور : ف تمنها ف جيبي اي وقت
نورا : بس انا مش للبيع
منصور : متأكدة ؟؟
نورا : ا .............
منصور : أيوة صح صح انتي مش للبيع طبعا انا اسف .. الي زيك ببلاش
نورا ب هدوء و غل : انت قليل الادب وحيوان
( يشوط طبق الورد الي ع الترابيزة فجأة ب رجله وتلاقيه بقا قصادها ماسكها من دراعتها الاتنين رافعها قصاده ، تتخض )
منصور : لمي لسانك .. فهماني
نورا ب خوف وتحدي : سيبني واوعى ايدك دي من عليا
منصور : ميشرفنيش المسك اصلا
نورا : يبقى سيبني .. والا انت مستحليها يبقى انا مغلطش فيك انا وصفتك بس
( تستفزه ، يمسك وشها ب أيده ب عنف )
منصور : كلمة كمان وربي هقطعهولك
( يفضلوا باصين ل عيون بعض ، متعرفش نورا تتكلم بسبب مسكته ل بؤها ف تسكت عشان الموضوع ميكبرش كمان واهلهم جوة ، ينتبه منصور ل لمعة الدموع الي ف عنيها ، يسيب وشها ويطلع م البيت ، يركب عربيته ويمشي ، تقعد نورا تظبط شعرها ووشها وبعدين تقوم تدخل جوة )
سميرة : اومال فين منصور ؟؟
نورا : مشي
( تطلع اوضتها )
حجاج : طب مش يلا ي ولاد
هالة : اه يلا
( يقوموا )
سميرة : م بدري ي جماعة
هالة : بدري من عمرك ي حبيبتي
( يمشوا ، اسر يهمس ل ساجد )
اسر : شكلها ولعت برة
ساجد : باين كدة
( يعدي الوقت ، نورا ف اوضتها ، مشهدها مع منصور عمال يتعاد قصادها ، تحط ايدها ع المكان الي مسكه ف وشها وتغمض عينها ب تعب ، يخبط الباب ، تتخض غصب عنها )
نورا : الله يحرقك هتركبني الرعب ليه ادخل
( تدخل مايا )
مايا : نايمة ؟
نورا : لا لسة
مايا : ممكن اقعد معاكي شوية ؟
نورا : مهي ناقصة تعالي
مايا : فرحانة بالخطوبة ؟
نورا : لسة مش خطوبة
مايا : اري الفاتحة يعني
نورا : عادي
مايا : عادي ايه حرام عليكي دة لو انا مكانك كنت عملت الفرح من دلوقتي واخترت اسامي عيالنا كمان
نورا : هههههه ليه يعني
مايا : دة عريس يتقال عليه عادي ينهاري
نورا : خلاص خديه انتي
مايا : انا موافقة
نورا ب قرف : هه هه هه
مايا : حدتوا الخطوبة امتى ؟؟
نورا : يوم الخميس الجاي
مايا : اشطا بكرة ننزل نشوف الفساتين سوا
نورا : خليها بعد بكرة عشان بكرة ورايا مشوار مهم
مايا : خلاص ماشي
( منصور ف اوضته ، يدخلوا اخواته )
اية : مبروك ي عرييييس
انجي : مبروك ي حبيبي
اسر وساجد : مبروووووك
( يسلموا عليه )
منصور : الله يبارك فيكم
أية : امتى الخطوبة امتى ؟؟
منصور : الخميس الجاي ان شاء الله ؟
انجي : أن شاء الله
ساجد ب استغراب : صحيح انت ليه قلت الخميس انت مش عارف ان دة مواعيد الانترفيو بتاع الشركة
منصور : عارف
( يستغربوا )
انجي : مش هيعطلك دة ع الخطوبة كدة
منصور : لا متقلقيش
( تاني يوم ، نورا قاعدة مع باسل ف كافيه )
باسل : تتخطبي
نورا : اهااا
باسل : بتهزي صح ؟!!!!!!!
نورا : لا جد
باسل : وانا ؟؟؟
نورا : انت ايه .. هو انت جيت اتقدمتلي وانا رفضت لقدر الله
باسل : مكنتش عارف ان دة تفكيرك .. لو كنت فاهم أن دي دماغك كنت عملت كدة واتقدمت
نورا : اومال كنت فاكر ايه تفكيري ؟؟
( ميردش )
نورا : تمام وضحت سلام
( تقوم نورا تمشي ، تعدي الايام ، قبل الخطوبة ب يوم ، نورا ف اوضتها مع فاطمة ومايا )
فاطمة : احيه
مايا : مش قلتلك
نورا : مفيهوش حاجة ع فكرة
فاطمة : فاتحة قدام اوفر اوي اوي اوي
نورا : والله م في اوفر هنا غيركم
مايا : بلاش ي نورا شكله مبيحبش الحاجات دي وممكن تحصل مشكلة
نورا ب هدوء : عنه م حبها .. هو انا جيبهولوا دة فستاني انا وانا الي اختار البس ايه
مايا : خلاص براحتك
( يعدي الوقت ، ييجي سواق حجاج وياخد شنط هدوم نورا عشان بعد الخطوبة هتقعد عندهم ، يرن فون نورا )
نورا : الو
منصور : اسمها السلام عليكم
( تستغرب الصوت )
نورا : منصور ؟
( تقول اسمه ل اول مرة ، قلبه يوجعه ⁩ )
منصور : اه
نورا : عاوز ايه قبل م اقفل ف وشك يلا بسرعة
منصور : تقفلي ف وشي !!!!!
نورا : اه اقفل ف وشك .. مستغرب ليه ولو عارفة انه انت اصلا مكنتش رديت عليك
منصور : ليه ي حلوة ؟
نورا ب استغراب : حلوة
منصور : بلاش حلوة لو مش عجباكي .. ليه ي قمر .. مش بردوا بيقولولك كدة
نورا ب غيظ : انت متصل ليييه
منصور : بما اني عارف دماغك الو**ة والي بتفكري فيه .. ف حبيت اقولك ان لو شفتك لابسة حاجة مش مغطية جسمك زي يوم اري الفاتحة هزعلك
نورا : انت لسانك دة عاوز قطعوا !!
منصور : والله انا محترم مع المحترمين .. احترمي نفسك وانا احترمك
نورا : انا محترمة كويس واظن ان اختيار لبسي دي حاجة تخ ...........
منصور : تؤ تؤ تؤ .. مبقتش حاجة تخصك لوحدك خلاص
نورا : والمطلوووب ؟؟
منصور : تيجي ع نفسك بكرة وتلبسي حاجة محترمة
نورا : ربنا يسهل
منصور : هيسهل ان شاء الله والا مافيش فرح
نورا : انت بتهددني ؟
منصور : لا نهائي انا بعرفك الي هيحصل بس
نورا : والله .. وانت تقدر تعمل كدة وتلغي الفرح
منصور : قلتلك قبل كدة انتي متعرفنيش .. ولا تعرفي الي انا اقدر عليه .. تمام
نورا : تمام
( يقفل منصور )
نورا : هه دة واثق اوي .. طب وريني ازاي مافيش فرح
( ف اوضة انجي ، نايمة انجي ع السرير وعمالة تتقلب مش عارفة تنام ، تمسك الفون ، الساعة 3:¹5 الفجر ، تفتح الصور ع الفون ، تلاقي صورة ليها مع خالد ف وضعية لعب البوكس سوا ، تبتسم ب حزن )
( فلاش باااك )
( انجي وخالد ف الجيم مع صحابهم ، واقفة انجي قصاده )
انجي : استنوا بس عشان هو عامل نفسه جامد
خالد : بتتحديني يعني
انجي ب تحدي : اها يلا ي حلو
خالد : ي بنتي بلاش
انجي : يلاااا
( تضربه بوكس ف بطنه )
الكل : اوووووه
خالد : طيب .. انتي الي ابتديتي
انجي : لا لأ خلاااص
( تجري يجري وراها يشيلها من ضهرها ويلف بيها )
انجي : خلاااااص
( باااااك )
( انجي تطفي الفون وتنزل دموعها ، تاني يوم ، منصور ف الشركة هو واخواته بيستقبلوا الناس الي جاية ل الانترفيو )
ساجد : مش كفاية كده الساعة بقت ٧ ونص ولسة هنروح الكوافير نجيب العروسة
اسر : اه لسة ٦
منصور : دخلهم
( يبصوله ب استغراب )
ساجد : ي بني ...........
منصور : مستعجلين روحوا انتوا وانا هحصلكم
( متنسوش اللايك ورأيكم )

[رايما]

الحلقة التاسعة { ٩ }
ساجد : لا هنستناك طبعا بس كان ممكن نأجل دول ل بكرة يعني مش هيطيروا
منصور : وليه نأجلهم ولا الفرح كمان هيطير مهو مستني اهو
اسر : طب ..........
منصور : ارغوا كتير بقا وضيعوا الوقت
اسر : لا خلاص
( يضغط اسر ع زرار )
اسر : هبة دخلي الي بعده
السكرتيرة : حاضر ي فندم
( يعدي الوقت ، ف الكوافير )
مايا : هو منصور اتأخر ليه كدة ؟!!!!
نورا : مش عارفة
فاطمة : طب م تتصلي بيه
نورا ب انفعال : لأ طبعا يعني هو مش عارف ان في مواعيد وزفت ع دماغه
فاطمة : طب خلاص اهدي يمكن الطريق زحمة ولا حاجة خلاص
مايا : أيوة صح ممكن يكون الطريق السبب
( تدق الساعة ٩ ونص ومنصور لسة مجاش )
نورا : لا دة اكيد بيستهبل الساعة ٩ ونص ومجاش الاستاذ
مايا : م قلنالك اتصلي بيه م الصبح انتي الي مش راضية
( تمسك نورا الفون ب عصبية وتتصل )
نور ب عصبية : بيكنسل عليا لييييه الحيوان
( يسمعوا صوت تزمير عربيات )
فاطمة : اصبري شكلهم جم
( تهدى نورا وتقوم تدخل التواليت ، يدخل منصور واخواته مستنيين برة )
مايا : ايه اخركوا كدة ؟!!
منصور : الطريق زحمة
فاطمة ب اعجاب : مبروووك
منصور : ميرسي
فاطمة : شكلك احلى لما حلقت
( تبصلها مايا ب استغراب )
منصور : تسلمي ي فاطمة انتي احلى
مايا : اااا هنستناكم برة بقا
منصور : اوك
( يمشوا يستنوا برة ، تطلع نورا ، يشوفها منصور ، يتصدم ، نورا لابسة فستان تايبست لونه دهبي وديله شيفون مطرز طويل و ب كم طويل بس ............... مفتوح من قدام اوفر جدا ومبين تفاصيل جسمها جدا جدا )
نورا : يلا
( تعدي من جنبه ، يمسك دراعها يرجعها تقف قدامه )
نورا : ايه ؟!
منصور ب غضب مكتوم : انا قلت ايه امبارح ؟؟؟؟؟؟
نورا ب استهبال : انت قلت ايه امبارح
منصور ب زعيق : متستفزنييييش
( يضغط ع دراعها تصرخ م الوجع وبتضحك ف نفس الوقت تغيظه اكتر )
نورا : اااه براحة
منصور : ايه الي لبساه دة ؟؟؟؟
نورا : اقلعه ؟
( يبصلها ب غل وغيظ وكل غضب الدنيا جواه وبيذيد ع ايدها )
نورا : منصور ايدي
( ميردش باصصلها نفس النظرة الي بدئت ترعبها )
نورا ب وجع : منصووور
( يسيب ايدها وياخد طرحة من ع الكنبة يحطها عليها وياخدها من كتافها ع العربية ع طول ، يفتح الباب ويركبها ويسوق ويمشي ، ف الطريق )
منصور ب عصبية : كأني متكلمتش مش كدة .. الكلام دخل من هنا وطلع من هنا .. ماشي ي نورا .. انتي ...........
( تشغل نورا اغاني ع كاست العربية ، تشتغل اغنية *ي غصن بان* )
نورا : ايه دة انت بتسمع يحيي علاء !!!!!
منصور ب عصبية : ملكيش دعوة انتي مركزة مع امي اصلا ولا بكلم نفسي بردوا ؟!!!!!
( يطفيه ، تشغله تاني وتشيل الطرحة من عليها ، توتره وتلاحظ توتره ف تتمادى )
نورا : تيراااااارا .. انا شعري شاب جالي اكتئاب بس اما شافك خف وطااب .. مليون جواب يتكتبوا ليكي دة انتي الي زيك كيف يتساب
( يسكت منصور بس عمال يرمي نظرات وهي مندمجة ف الغنى )
نورا ب طريقة طفولية : ف خرجت هي م الاووووضة وقالت احب عبوووودة .. كفاية عليا انا خاتم وراحت الباااااااااال
( يعدي الوقت )
نورا : هو مش رايحين القاعة ؟!!!
منصور : لأ
( تستغرب نورا )
نورا : ليه
منصور : قلتلك لو نفذتي الي انتي عوزاه مافيش افراح
نورا : احسن بردوا مش عاوزة اروح اصلا
( يبصلها ويضير وشه )
نورا : ايه مالك ؟؟
منصور ب استغراب : مالي ؟!
نورا : حساك متضايق
منصور : ليه وهو انتي عملتي حاجة تضايق لسمح الله
نورا : لأ م عشان كدة مستغربة
( يبصلها ب غيظ ، يوصلوا بيت عمها ، يركن العربية )
منصور : انزلي
( ينزل وتنزل نورا ، يقرب منصور ع الباب ويفتحه ويدخل ، تدخل وراه )
نورا ب توتر : هوااا .. مافيش حد ف البيت ولا ايه
منصور : لأ .. كلهم ف الفرح
نورا : اه
منصور : تعالي ورايا اوريكي اوضتك
نورا : اوك
( يطلع فوق ، تطلع وراه ، يدخل أوضة ، تقف نورا ع الباب )
منصور : دي اوضتك
نورا : اوك
منصور : ايه مالك .. خايفة مني ؟
نورا : وهخاف منك ليه .. بتعض ؟
منصور ب ابتسامه جانبية : هه .. لا مبعضش
نورا : يبقا بتكهرب
منصور : جايز .. ف حاولي متمسكيش السلك عريان
( يوترها طريقته )
نورا : تمام ميرسي ع التوصيلة للاوضة
( تدخل نورا تقف قصاده )
منصور : لا العفو ع ايه .. بس في شوية حاجات كدة عاوزة اعرفهالك بالاضافة للاوضة يعني
نورا : امممم اتفضل
( وفجأة ..................... يقطعلها فستانها نصين ، تتصدم نورا وتبرق لدرجة عيونها هتخرج من مكانها مشلولة عن الكلام ، يمسكها من دماغها يقربها عليه اوي لدرجة نفسه بيخبط ف وشها ب عنف )
منصور ب هدوء يرعب : دي اخر مرة هكرر فيها كلامي مرتين .. المرة الجاية هولع فيه وانتي لبساه .. فهماني ⁦☝⁩
( متردش بصاله ومصدومة )
منصور ب زعيق : انطقي
( يرعبها اكتر ، تشاورله ب اه )
منصور : لا لأ مش عاوز مشاورة
( نورا مش عارفة تجمع كلام )
نورا ب صوت متقطع : ححاضر
( يسيب دماغها ، تلم فستانها عليها تداري جسمها ، يطلع من جيبه علبة قطيفة حمرا ، يطلع منها دبلة مليانة الماس ، يمسك ايدها يلبسهالها ويبوس ايدها )
منصور : مبروك ي عروسة
( مازالت نورا بصاله ب صدمة ، يمشي منصور ، يرن فون نورا ع السرير ، تقرب ب صعوبة تاخده )
نورا ب توتر : الو
سميرة : انتي فين ي بنتي ؟؟
نورا : ف بيت عمي
سميرة : عمك مين ؟!!!
نورا : هو عندي عمام غيره
سميرة : وايه الي موديكي عند عمك مجتيش القاعة ليه الناس عمالة تسأل الساعة بقت ع ...........
( تقفل نور وتقفل الفون خالص اعصابها مش رايقة اطلاقا ل مناقشة ف مكان تاني ، جوة مطعم ، قاعدين اهل منصور )
انجي : انا نفسي اعرف منصور مرضاش نعزم ناس ليه ع الفرح ولا رضى أننا نروح وراح عزمنا هنا نعمل ايه
اسر : كان حاسس ان نورا مش هتعدي اليوم دة بالساهل
ساجد : كان واخدها ع العربية والشياطين بتلعب قصاد عنيه
أية : بس ازاي يعني ميعملش فرح
هالة : يعني ميعملش فرح ولا يعمل وتفضحنا قدام الخلق
أية : للدرجة دي هي وحشة ؟!!!!
حجاج : ربنا يكفينا شرها .. يلا كلوا عشان نروح
( يعدي الوقت ، منصور قاعد ف الجنينة وقدامه اللاب توب ، يوصلوا أهله )
انجي : اومال فين العروسة ؟
منصور وهو باصص ل اللاب : ف اوضتها
اية : طفشتك ولا ايه
( يبصلها بصة توترها )
هالة : م تتلمي ي بت انتي
أية : اسفة
حجاج : يلا ع اوضكم الساعة بقت واحدة يلا
الكل : تصبحوا ع خير
( يدخلوا جوة )
هالة : اتعشيت ي حبيبي ؟
منصور : لأ
هالة : ليه ي منصور
منصور : مش جعان ي امي
هالة : لا مينفعش يلا قوم اتعشى .. هي نورا اتعشت ؟؟
منصور : لأ .. مظنش
هالة : طب هخلي سيدة تحضرلكم سوا وهطلع اندها
منصور : اوك
( نورا ف اوضتها نامت ، يخبط الباب )
هالة : نورا
( محدش يرد ، تدخل هالة تلاقيها نايمة ، تقرب عليها )
هالة : نورا
( تتنفض نورا مفزوعة )
هالة : متخافيش ي حبيبتي دة انا قومي عشان تتعشي
نورا : مش جعانة ي طنط
هالة : لا مينفعش تنامي من غير عشا يلا قومي عشان خاطري انا
نورا : حاضر
( تمشي هالة ، تقوم نورا تنزل تحت ، تقعد ع السفرة ، يقرب منصور وهو بيتكلم ف الفون )
منصور : هههههه ماشي
( تبصله نورا ، تخاف أما تشوفه بس ضحكته تغلب خوفها يقرب منصور ع الكرسي ويقف وهو ساند ايده عليه )
منصور : اما اجيلك بس .. ماشي .. وانت بخير .. باي
( يقفل منصور ويبص ل نورا ، تتحرج وتبص ع الاكل )
منصور : كلي
نورا : مش مستنياك
منصور ب ابتسامة جانبية : ماشي
( يقعد منصور ، يبدؤا ياكلوا ، يرجع منصور بالكرسي ل ورا عشان يقوم ، يشوفها لابسة هوت شورت بينك ، يتقلب وشه ، يقوم ويمسكها من دراعها يرفعها )
منصور : انتي مافيش فايدة فيكي
نورا : في ايه بقاااا

[رايما]

الحلقة العاشرة { ١٠ }
منصور ب عصبية : ايه الي لبساه دة !! مفكرة نفسك ف شقة مفروشة
نورا ب انفعال : استغفر الله العظيم ي رب دي شنطة هدومي الي جاية بيها ومعنديش هدوم غير دي .. وبعدين امك مصحياني من نومي وانا قاعدة ف البيت براحتي
منصور : لا مش براحتك في ام رجالة ف البيت دة بدل الواحد اربعة يعني تحترمي نفسك جواه وبراه ⁦☝⁩ واسمها مامتك مش امك ي محترمة
نورا : انت متعرفش تتكلم ب بؤك ابدا .. لازم تمد ايدك ؟؟
( يلاحظ مسكته ل دراعها الي وجعتها ، يسيبها )
منصور : اللبس دة ميطلعش بيه من اوضتك تاني فاهمة ؟؟
نورا : وبعدين ؟
منصور : بكرة هنزل معاكي تشتري لبس وتولعي ف الي عندك دة
نورا : أي أوامر تانية ؟؟
( يمسك كباية ماية )
منصور : ع اوضتك ومشفش خلقتك الحلوة دي براها لحد م نجيب الهدوم
( يشرب الماية )
نورا : مش عاوزة انام
منصور ب ابتسامة مستفزة : معلش .. حاولي
( تبصله نورا ب ابتسامة خبث )
نورا : ماشي ي منصور
( ينتبه ل نبرة صوتها لما تنده اسمه ، يبصلها ، تمشي نورا وهي بترفع شعرها وتسببه مرة واحدة يتفرد بالكامل ع ضهرها وتطلع السلم ب هدوء وع اقل من مهلها ، عين منصور مرقباها ب غيظ واعجاب بيحاول ينكره ، يفرتك الكباية الي ف أيده ، تسمعها نورا ، تحط ايدها ع بؤها قبل م تنفجر م الضحك وتدخل اوضتها ، تولع النور ، ميولعش )
نورا : هو الي هعمله فيه هيطلع عليا ولا اييييه
( تقرب ع السلم تبص من فوق ، تلاقي منصور طالع )
نورا ب صوت واطي : لولا الحوجة بس
( يطلع منصور ، يشوفها )
منصور : مش قلتلك تدخلي اوضتك ؟
نورا : النور مش عاوز يولع
منصور : نور ايه ؟!
نورا : نور الاوضة هيكون نورك مثلا
منصور : حد قالك عليا كهربائي .. روحي نامي
نورا : انام ازاي ف الضلمة دي مستحيل طبعا
منصور : بطلي غباء وولعي نور الاباجورة
( تفتكر نورا )
نورا : اه طيب م انا عارفة انا بتكلم ع اللمبة
منصور : نورا
نورا : نعم ؟؟
منصور : خشي اتخمدي
نورا : ان ...........
منصور ب زعيق : يلااا
( تتخض نورا وتدخل الاوضة وتقفل ف وشه )
نورا : ابو منظرك اللللللللل حلو
( يتنهد منصور ويدخل اوضته ، يدخل ياخد دش ويطلع ، يلبس هدومه ، يخبط باب الاوضة ، يروح يفتح )
نورا : بقالي ساعة بحاول اولعها مش راضية
منصور : م قلتلك انا مش كهربائي !!
نورا : والله دة بيت حضرتك يعني تتصرفلي والا بقا انزل انام تحت ف الانتريه .. والاربع رجالة الي ف البيت يتفرجوا
( يضغط ع شفايفه )
منصور ب غيظ : عشان كنت شوهتلك وشك ⁦⁩
نورا : يبقا تيجي ع نفسك وتعملي فيها كهربائي ي باش مهندس وتشوفلي نور الاوضة
منصور : ماشي
( يزقها ويعدي يروح الاوضة وهي وراه ، يفتح نور الاوضة ميولعش ، يقرب ع الاباجورة يفتحها متولعش )
نورا : قلتلك مش شغالة
منصور وهو بيحط الفيشة : مهو لو بطلتي ام غباء كانت اشتغلت
( يضغط ع الزرار متشتغلش )
نورا ب انتصار : هاهاهاها
( يبصلها ب غيظ )
منصور وهو بيقوم : نامي بقا ف الضلمة
نورا : نعم ؟!!!!!
منصور : مش شغالة اعملك ايه
( يمشي منصور )
نورا : خد هنا والله م هنام صلحها ماليش دعوة
( يقف منصور )
منصور : استغفر الله العظيم
( يجيب منصور كرسي ويحطه تحت اللمبة ، يشيل اللمبة )
منصور : دة الدويل !
نورا : باظ ولا ايه ؟؟
منصور : لا واقع .. انزلي المطبخ هتلاقي في درج ع ايدك الشمال اخر درج هتلاقي فيه بنز ولزق اسود ومفك هاتيهم وفي مفتاح كهربا جنب الاوضة اطفيه
نورا : اوك
منصور : تعالي هنا
نورا : ايه ؟
منصور : البسي روب ولا اي نيلة ع دماغك
نورا : البس روب ع دماغي
منصور : وربنا هنزلك ⁦⁩
نورا : لا خلاص
( تفتح الدولاب تطلع روب تحطه عليها ، تطلع م الاوضة تبص ل مفتاح الكهربا )
نورا : مش طفياه خليه يتكهرب وارتاح منه
( تنزل تحت ، تدخل المطبخ ، تلاقي الدرج تفتحه )
نورا : طب انهون البنز دة
( عند منصور ، واقف مستنيها ، تدخل نورا ترمي حاجات كتير ف الارض )
منصور : ايه دة كلوا ؟!!!
نورا : معرفش انهو البنز
( يتنهد منصور وينزل من ع الكرسي ، ياخد البنز ويطلع تاني ، يفك الدويل ، نورا واقفة بتتفرج )
منصور : هاتي المفك
( تدهوله ، يكمل )
منصور : استغفر الله العظيم
نورا : في ايه ؟!
منصور : السلك مش راضي يدخل ف الدايرة .. هاتى المفك الصغير دة
( تدهوله )
نورا : ليه مش راضي ؟
منصور : عاوز ايد رفيعة
نورا : طب اوعا انا اجرب
منصور : هتعرفي ؟؟
نورا : هجرب
منصور : طيب شايفة السلك دة ؟
نورا : اه
منصور : هتدخليه ف الدايرة الحديد دي
نورا : اشطا انزل
( ينزل منصور وتطلع نورا )
نورا : انهون قلت معلش
منصور : السلك الازرق
نورا : اوك
( تمسك نورا السلك الازق ، يبصلها منصور ، تشب نورا تقف ع طرف صوابعها عشان تطول ، يترفع البادي بتاعها ، يبص منصور للارض )
نورا : ياربي
منصور : ايه ؟؟
نورا : قربت بس عشان قصيرة اوي
منصور : طب بصي تعرفي تقفي ع كتفي ؟
نورا : نعم
منصور : بتكلم جد
نورا : ازاي مش هعرف
منصور : طيب
( يشيلها من رجليها ، تتخض )
نورا : منصور هقع
منصور : متخافيش ماسكك خلصي
( ترفع نورا ايدها وتعملها )
نورا : خلاص
( ينزلها ع الارض ، تحط ايدها ع كتفه وهو بينزلها ، ايده تيجي ف وسطها قريبة منه ، يفضلوا باصين ل بعض )
منصور : اي اوامر تانية حضرتك
( تفوق نورا من سرحانها وتبعد )
نورا وهي بتربع ايدها : لا ميرسي اطلع بقا عشان عاوزة انام
( يقرب عليها منصور ، يوترها ، ترجع ل ورا )
منصور وهو بيقرب عليها : افضلي استفزيني ي نورا
( وراها حيطة ، تقف وتحط ايدها ع صدره تصده )
منصور : بس رد الفعل بعد كدة مش هيعجبك ⁦⁩ ف اتلمي ها
نورا وهي بتحاول تزقه : منصور بس
( يقرب اوي ، وفجأة ، تفرقع اللمبة ، تصرخ نورا وتمسك ف منصور ، يبصلها ب غيظ )
منصور : انتي مفصلتيش الكهربا .. صح
نورا ب توتر : احم ااا مش فاكرة
( يسيبها ويمشي )
نورا : النوووور
( تاني يوم ، يقوم الكل يقعدوا يفطروا الا نورا )
هالة : ي أية
أية : نعم ؟
هالة : اطلعي نادي نورا تفطر
أية : واحنا هنخدمها من اولها يعني م تنزل هي
هالة : معلش دي ضيفة عندنا لحد م تتعود ع الصحيان بدري
أية : طيب
( تقوم أية )
منصور : اقعدي
( يبصوله )
أية : هندها
منصور : اقعدي
حجاج : اسمعي كلام اخوكي واقعدي
أية : حاضر
( تقعد أية )
هالة : ليه ي منصور مش هتفطر معانا ؟!!!
منصور : مش انهاردة ي امي معلش
هالة : الي تشوفوا ي حبيبي
( يعدي الوقت ، عند نورا ، واقفة قدام دولابها ومطلعة نص هدومها برة )
نورا : اجبلوا حاجة محترمة منين دة
( يخبط الباب )
نورا : ادخل
( تدخل انجي )
انجي : صباح الخير
نورا : صباح النور
انجي : عاملة ايه ي قمر ؟
نورا : فل الحمدلله .. انتى عاملة ايه ؟
انجي : الحمدلله .. دي هدوم من عندي منصور قالي ادهالك وبيقولك البسي وانزلي عشان ماشيين هو مستنيكي تحت
نورا : اه .. اوك
( تاخد منها الهدوم )
نورا : ميرسي
انجي : العفو
( تمشي انجي ، تفتح نورا الهدوم تلاقي فستان طويل وب كم طويل ، لونه احمر وفيه كور بيضا )
نورا : مافيش نقاب بالمرة
( تلبس الفستان وتقف قدام المرايا ، يعجبها جدا ، كأنه متفصل ليها ، ترفع شعرها تتنيه ب توكة يبقى باين نصه زي ديل حصان وتكتفي ب ميكب بسيط جدا وتنزل ، منصور واخواته وأمه قاعدين )
هالة : صباح الفل
نورا : صباح النور
انجي : ايه الحلاوة دي الفستان هياكل منك حتة
هالة : جميل عليكي مشاء الله ⁦⁩
نورا ب كسوف : ميرسي
( تبصلها أية ب قرف )
هالة : تعالي جنبي تعالي
( تقعد جنبها )
هالة : انتي عارفة انك هنا زي انچي وأية بالظبط
أية : مش بالظبط اوي يعني
هالة : بس ي بت .. ف عوزاكي تكوني ع راحتك ي حبيبتي دة زي بيتك وهيبقا بيتك قريب ان شاء الله لما تبقي مرات منصور
( تتخض من كلمة مرات منصور وهو كمان )
هالة : ماشي ي قلبي ؟
نورا ب ابتسامة : حاضر
هالة : حضرلك الخير ي حبيبتي
( تمسك وشها تبوسها من خدها وتاخدها ف حضنها ، يبصلها منصور هاين عليه يقوم ياخدها من حضنها ، يقوم )
منصور : يلا بينا
( تقوم نورا )
نورا : اوك
هالة : ع مهلكم .. خلي بالك منها ي منصور
منصور : ف عنيا ي ست الكل
( يوطي يبوس ايد مامته ، تستغربه نورا ، يمشي منصور ونورا وراه ، يطلعوا م البيت ، يقف منصور جنب العربية ويبص ل نورا )
منصور : لفي
نورا : نعم ؟!!!!
منصور : لفي
نورا : الف فين ؟؟؟
( متنسوش اللايك ورأيكم)

[رايما]

الحلقة الحادية عشر { ١١ }
منصور وهو بيشاورلها ب أيده : لفي اضيري يعني
نورا : ليه
منصور : لفي
( تلف نورا ب خوف ، يقرب منصور يشيل التوكة الي ف شعرها ، يقع شعرها ع ضهرها يداري فتحة كانت ف ضهر الفستان ، يفرد شعرها ب أيده ، يترعش جسمها من لمسه أيده ل رقبتها غصب عنه )
منصور : كدة احسن
( يفتحلها باب العربية ، تستغربه اكتر ، تركب ويركب ويمشوا ، طول الطريق نورا عمالة ترمي نظرات ل منصور ، مش دة منصور بتاع امبارح ابدا ، في هدوء رهيب عنده حتى ف التصرفات الي المفروض بيتعصب فيها بيتعامل معاها حالياً ب عقلانية ، تتخنق نورا م الهدوء دة وحتى مبيبصلهاش ، تمسك الفون بتاعها تحط فيه وصلة الاغاني وتشغل اغاني ف العربية من عندها ، يشتغل مهرجان **سوري** مرة واحدة يخض منصور ، ترفع نورا فستانها تخضه اكتر يلاقيها لابسة بنطلون تحتيه ، ترفع رجليها ع التابلوه قدامها ، يبصلها مزهول من كل الي حصل ف اقل من دقيقة⁩ )
منصور ب استغراب : ايه الي مشغلاه دة !!!!!!
نورا : مش عاجبك المهرجان ؟
منصور : الانيل أنه عاجبك انتي
نورا : اه فعلا بحبه .. شكلك ملكش ف المهرجانات
منصور : لأ
نورا : سوري
( تبصله ب نص ابتسامة )
نورا : اجمد اعم الطري
( يحس الكلام عليه ، يبصلها ب غيظ )
منصور ب ابتسامة وغيظ : حطي الحزام
نورا : حزام اي ............
( متلحقش تكمل كلامها يذود السرعة ع اخره مرة واحدة يخضها ويدخل بين العربيات ، نورا عمالة تتخبط فيه وف العربية ، لعب بيها طاولة م الاخر )
نورا ب خضة : منصوووور .. منصور براحاااااااااا
( تتخبط فيه تمسك ف دراعه ، عربية قدامهم )
نورا ب صريخ : هنعمل حدثااااااااه
( يفرمل مرة واحدة يركن قدام المول )
منصور : وصلنااا
( تفضل ماسكة فيه مصدومة م الي حصل )
منصور : عاجبك دراعي ؟!
( تنتبه ل مسكته )
نورا وهي بتسيبه : دراع ايه كنت هتموتناا
منصور : قلتلك حطي الحزام
( يلبس نضارة الشمس بتاعته وينزل ، تنزل نورا ب هدوء اعصابها سايبة )
نورا ب صوت واطي : ماشي ي بن الجزمة ي جزمة .. ماشي
( يقرب عليها يحط ايده ف وسطها يحاوطها ب دراعه ، تتخض نورا من لمسته والموقف ، يدخلوا المول ، منصور باصص ل طريقه و نورا مش باصة غير ليه ، مستغرباه ، يقلع النضارة ويحطها ف القميص ، يبدء يوجهها ب ايده للطريق ويبعدها عن الناس ، كل م يعدي شاب من جنبها يضمها ليه اكتر ، باقي شوية ويحطها جوة هدومه يخبيها م العيون ، يدخلوا محل ، يبدء ينقيلها هدوم عبارة عن فساتين طويلة وب كم ، تبدء نورا تقيس وتوريه ، تاخد وهي داخلة البروفا سلوبيت متعلق وتبتسم ب خبث ، تلبسه وتطلعله )
نورا : ايه رأيك
( يتخض منصور ، لابسة سلوبيت لونه اسود عبارة عن هوت شورت وتوب البادي شبه المايوه ، لسة هيقوملها تقفل الباب ف وشه وتقعد تضحك جوة ، يضغط منصور ع شفايفه وأيده ع اخره منها ، يخلصوا ويشتريلها الهدوم ويمشوا ، ف الطريق ، نورا ساندة ايدها الاتنين ع الشباك وحاطة دماغها عليهم ، مستمتعة جدا بالهوا الي بيطير شعرها مغمضة عينيها ومبتسمة ، يبصلها منصور )
منصور : هو انتي ليه مصممة تكملي بالقناع دة ؟!!!!
( تبصله ب استغراب )
نورا : قناع !!!!!
منصور : اه قناع .. قناع البنت المتمردة مع انك مش كدة !!!
نورا : وانت تعرف منين اني مش كدة .. انت متعرفنيش ي منصور
( يسكت باصصلها ، ترجع تضير وشها ، يوصلوا قدام البيت ، تتفتح بوابة الفيلا ، يقف منصور وينزل م العربية ويفتحها من ورا ، تنزل نورا ، ياخد البواب الشنط )
منصور : قول ل سيدة تطلعهم أوضة نورا
البواب : هطلعهم ي بيه
منصور ب عصبية مكتومة : سيدة الي تطلعهم ي عم سامي
البواب : حاضر ي بيه الي تؤمر بيه
( تلاحظ نورا عصبيته ، يشاورلها انها تدخل )
نورا ب توتر : ممكن مدخلش ؟
منصور ب استغراب : يعني ايه متدخليش !!!!!
نورا : مخنوقة شوية .. هقعد ف الجنينة
منصور : اه .. زي م تحبي .. انا هطلع اغير هدومي ورايح الشركة
نورا : اوك
منصور : محتاجة حاجة اجبهالك وانا جاي ؟
نورا ب استغراب : لأ ميرسي
( يدخل منصور الڤيلا ، يرن الفون بتاعه )
منصور : السلام عليكم
بنت : عليكم السلام
منصور : ايوة ؟
بنت : منصور معايا ؟
ممصور : اه
بنت : انا مش عارفة اقولك ايه بس ..........
منصور ب استغراب : مين معايا ؟؟
بنت : لا مقدرش اقولك انا مين
منصور : طب متصلة ليه ؟!!!
بنت : انا معجبة بيك جدا صراحة و ..............
( يقفل منصور ف وشها ويطلع اوضته يغير هدومه ، نورا قاعدة ف الجنينة ، يشوفها اسر ، يقرب عليها )
اسر : جنينتنا نورت والله
نورا : ميرسي ي اسر
( يقعد جنبها بس بعيد )
اسر : قاعدة لوحدك ليه كدة ؟!!!!
نورا : مخنوقة شوية
اسر : من منصور طبعا
( تبتسم نورا ب احراج )
نورا : لاااااء
اسر : قولي بس سرك ف بير
نورا : لا مش منه لأ
اسر : متخافيش مش هقوله .. بس انتي كمان اوعي تقوليلوا
نورا : هههههههه
اسر : أيوة كدة فكي مش مستاهلة
نورا : ع رأيك
اسر : مش عاوزة تقولي ايه الي خانقك بردوا ؟؟
نورا : مش منصور والله
اسر : اومال ؟
نورا : حاجات كدة فكك
اسر : طيب براحتك بس لو حبيتي تحكي انا موجود انا زي اخوكي بالظبط ⁦
نورا : اكيد ي اسر تسلم
اسر : قوليلي بقا ايه الي خانقك ؟؟
نورا : هههههههه يخربيتك خلاص بقا
( تضربه ف كتفه )
اسر : هههههههه
( يشوفهم منصور م الشباك ، يضغط ع أيديه ب غل ، يدخل جوة ياخد الفون والمفاتيح وينزل ، يقرب عليهم ب كل غضب ، يشاور ل نورا )
منصور : ع جوة ????????????
( يقفوا )
نورا : في ايه
منصور ب زعيق : ع جوااااا
( تمشي نورا تدخل جوة )
اسر : في ايه ي بني
( يهدي منصور )
منصور : مافيش
اسر : اومال دخلتها ليه ؟!!!!!
منصور : هو انت معندكش شغل ؟؟
اسر : لا لسة كنت رايح
منصور : طب تعالى معايا بقا
اسر : رايح الشركة ؟
منصور : اه
اسر : اشطا يلا بينا
منصور وهو بيحدفله مفاتيح : استناني ف العربية
اسر : اوك
( جوة ، نورا قاعدة مع انجي )
نورا : ي انجي انا معملتلهوش حاجة والله
انجي : معلش ي نورا هو منصور عصبي استحمليه بس
نورا : مش ع طول هقدر اعمل كدة ي انجي انا صبري له حدود ⁦وليا اخر ⁩
منصور وهو داخل : وانا عاوزك تجيبي اخرك
( تتخض ، يقرب عليهم ، تقوم نورا تقف قصاده )
نورا : لو دة حصل انت الي هتضر ي منصور
منصور ب ابتسامة : لا متقلقيش .. بس وريني اخرك دة وسيبي الباقي عليا
نورا : انت ..........
انجي وهي بتمسك ايد نورا ك نوع من التحذير : نوراااا خلاص ي جماعة متكبروش الموضوع بقا
( تسكت نورا ومنصور ، باصين ل بعض ب كل غيظ )
منصور وهو باصص ل نورا : عشانك بس ي نوجا سلام
( يمشي منصور ، تطلع نورا اوضتها ع آخرها ، يركب منصور العربية ويمشي هو واسر يروحوا الشركة ، يدخل منصور مكتبه ويقف اسر قدام مكتب السكرتيرة )
هايدي ب توتر : ااا حضرتك محتاج حاجة
اسر : سلامتك .. اظن ان م الاحترام ان لما اكلمك ف الفون تردي عليا .. مش كدة ولا ايه ؟
هايدي : حضرتك انا كنت مشغولة و ...........
اسر : مشغولة ولا مطنشة
هايدي : لا وانا هطنش حضرتك ليه بس
اسر : انتي عارفة ليه
هايدي : قلت ل حضرتك كذة مرة انا هنا سكرتيرة بس⁩
اسر : لا انا هنا الي اقرر انتي ايه مش حد تانى .. تمام
( يدخل اسر مكتبه )
هايدي : استغفر الله العظيم ي رب
( جوة نادي كبير ، خالد عند مباراه ، واقف خالد ف اوضة اللبس بيجهز )
خالد ب عصبية : بقا انا يتعمل فيا كدة
( يفضل رايح جاي ف الاوضة )
خالد : انا يترفع عليا قضية خلع ي مجدي
مجدي : اهدى بس حضرتك وكل حاجة هتبقا تمام
( **ملحوظة** مجدي مدير اعمال خالد )
مجدي : المهم دلوقتي تركز ف الماتش دة بس
( يدخل شاب )
الشاب : يلا كابتن خالد
( خالد ع اخره ، يمشي ، يطلع الحلبة ، تبدء المباراه ، لسة المنافس هيقرب .............. يهجم خالد عليه يوقعه ف الارض وينزل فيه ضرب لحد م وشه ينزف ويوقفوا المباراه بسرعة ، يمشي خالد )
خالد : هات تليفونك

[رايما]

الحلقة الثانية عشر { ١٢ }
( مجدي يديله الفون ، ف بيت منصور ، انجي قاعدة مع مامتها وأية ، يرن فونها )
انچي : الو
خالد ب عصبية : وحيات امي وامك ي انچي ل هجيبلك مناخيره الارض ⁦⁩
( تتخض انجي ومتردش عشان اهلها قاعدين )
خالد : مش انتوا عاوزينها عداوة ماشي نقلبها عداوة
( يقفل خالد ، تقفل انچي من غير م تنطق )
اية : مين ؟
انجي : محدش رد
( يعدي اليوم من غير م منصور ونورا يشوفوا بعض تاني ، تاني يوم الصبح ، نورا ف اوضتها بتتكلم ف الفون )
نورا : وحشتيني رغم اني مكنتش بطيقك ف البيت
مايا : هههههههه ايه الصراحة دى
نورا : اكدب يعني
مايا : لا متكدبيش .. انتي كمان وحشاني اوي عاوزة اجي اشوفك
نورا : خلاص تعالي هستناكي
مايا : طب استنى اشوف محضراتي الاول
نورا : ماليش دعوة قلت هستناكي ⁦☝⁩
مايا : طيب حاضر هاجي ان شاء الله
نورا : ان شاء الله
( يخبط باب الاوضة )
نورا : اقفلي وهكلمك تاني .. باي
( تقفل نورا وتقوم تفتح )
نورا : تعالي ي أية
أية : لأ انزلي انتي عشان تفطري
نورا : قوللهم مش جعانة معلش
أية ب غيظ : انا مش خدامتك ع فكرة لاحظي أن انتي الي ف بيتنا اوك
نورا ب استغراب : انتي مالك بتكلميني كدة ليه ؟!!!!!
( تقرب انجي بس ميشفوهاش )
أية وهي بتربع ايدها : وعوزاني اكلمك ازاي أن شاء الله ي ست الحسن
نورا : مش هرد عليكي عشان انا محترمة ان دة بيتك بس
أية : محترمة هههههه انتي تعرفي الاحترام .. احنا يعتبر جايبينك م الشارع ي ماما وممكن نرجعك ليه تاني ف متتفشخريش اوي كدة احنا عارفين الي فيها ي بنت عمي
نورا : انتي قليلة الادب ⁦
أية : انا قليلة الادب
( يقرب منصور )
نورا : ومش متربية كمان ولو مغورتيش من وشي انا همرمط ب كرامتك الارض دي ⁩
أية : انااااا
نورا : والي يتشددلك عشان انتي بنت ستين .........
منصور ب زعيق : نوراااا !!!
( يتخضوا )
منصور : ايه الي بتقوليهولها دة !!!!!!!!
نورا ب توتر : هي الي ...........
منصور ب زعيق : هي الي اييييه بتشتميها
نورا : انا ..........
منصور : هي الي مش متربية ولا انتي
( نورا واقفة مرعوبة من عصبية منصور عليها ومش عارفة تقول ايه )
منصور و هو بيضر ب خفة ع دقنها مرتين ورا بعض : فوقي ها .. اعرفي انتي بتتكلمي مع مين .. بدل م انا اعرفك ⁦⁩
( تزق أيده )
نورا : اوعا
منصور وهو بيزق ايدها : متزقيش ايدي
( تقرب انجي بسرعة و أية واقفة بتتفرج )
نورا ب انفعال : متمدش ايدك عليااا
( تزقه تاني ، لسة بيكور أيده تقف انجي مابينهم )
انجى : منصور خلاص بالله عليك
( يبص ل نورا ب كل غيظ وهي كمان بس الفرق أن هي دموعها ثانية وهتنزل ، تدخل اوضتها وتقفل الباب )
أية : حيوانة بجد
( تمشي اية )
انجي : منصور
( ميردش )
انجي : منصور خلاص عشان خاطري موقف وعدى
منصور : المرة الجاية هموتها ي انچي .. والله هموتها
( يمشي منصور ، تسمع انجي صوت عياط نورا ، تتغاظ من اختها ، تروحلها اوضتها )
انجي : انتي ايه الي خلاكي تقوللها الكلام الزفت دة
اية : تستاهلوا
انجى : لا متستاهلوش حرام عليكي اخوكي بهدلها برة
أية : وحرام عليا انا ليه انا مالي هو انا الي قلتله يبهدلها
انجى : ي بنتي احنا م بنصدق يبقوا كويسين سوا انتي غبية
أية : انتي محسساني اني الساحرة الشريرة مهي الي حيوانة ولسانها طويل الله
انجي : م انتي الي استفزتيهاا
أية : مبحبهاش ي ستي انا حرة
انجي : انا هقول ل منصور ع فكرة
أية : قوليلوا هيعملي ايه يعني .. انا أخته هااا
انجي : ماشي ي أية
( تمشي انجي ، منصور ف اوضته بيغير هدومه ، يخبط الباب ، يلبس قميصه )
منصور : ادخل
( تدخل انجي )
انجي : انت ماشي ولا ايه ؟
منصور : اه رايح الشركة .. عاوزة حاجة ؟
( تتردد انجي ، يقرب يقف قصادها )
منصور وهو بيزرر القميص : في ايه ي انچي ؟؟
انجي : نورا كان عندها حق ف الي قالته ل أية
منصور ب استغراب : انتي هبلة .. عندها حق انها تشتم اختك !!!!!!!
انجي : اه
منصور : ازاي ؟؟؟
( تحكيله الي حصل )
منصور : أية قالتلها كدة !!!!!!
انجي : أيوة .. انا لو مكان نورا كنت هرد ي منصور
منصور : اممممم
انجي : انا مش بفتن بس الساكت عن الحق شيطان اخرس وانت الي علمتنا كدة حتى لو كانت اختي ⁦⁩ ع الأقل متعاملش نورا وحش لان انت هينتها اوي دلوقتي
منصور : ماشي ي انچي .. اندهيلي أية لو سمحتي
انجي : اوك بس براحة ع أية بردوا هي ممكن تكون ............
منصور : اندهيها
انجي : حاضر
( تمشي انجي ، بعد دقيقة ، تدخل أية ل منصور )
أية وهي بتربع ايدها : كنت عاوزني ف حاجة ؟
منصور : تعالي ي أية
( تقرب عليه تقف قصاده )
أية : نعم ؟
منصور ب هدوء : من امتى بنقف نردح لحد زي البنات الو**ة الي جاية م الشارع ؟؟
( تتخض أية من نبرة صوته الهادية الي ترعب ، باين الموضوع مش هيعدي بسهولة ⁦⁩ )
أية ب ارتباك : انا ...........
منصور ب زعيق : من امتاااااا
( يرعبها ، تسمع صوت الزعيق نورا ، تطلع البلكونة عشان تمسع ب وضوح لان أوضة منصور جنب اوضتها )
أية : مهي الي استفزتني طيب
منصور : مهما كان .. من امتى بتعملي كدة .. ردي عليا من امتى
أية : ي منصور انا معملتلهاش حاجة هي الي شتمتني
منصور : اااه .. طب ع فكرة انجي قالتلي الي انتي قلتهولها لأنها سمعتكم قبل م انا اطلع .. يعني انا عارف الي حصل دلوقتي وحضرتك بتكدبي عليا
( تترعب اكتر ومتردش )
منصور : كلمة ي أية وانتي عارفة اني مبعيدش كلامي مرتين ⁦⁩ طولة لسان ع نورا أو استفزاز من تحت ل تحت عشان هي ترد عليكي وتركيبها غلط وتبقي انتي دلوعة البيت والاهتمام بيكي لوحدك لو حصل هيكونلي معاكي تصرف وحش .. انتي اختي ومهما حد جه أو راح غلاوتك ف قلبي زي مهي وبتذيد مش بتقل⁩ ونورا خطيبتي مهما كانت مين ومنين تحترميها ف وجودي وغيابي لأنها هتبقا مراتي .. نورا تشيليها من دماغك خالص .. فاهمة ؟؟
( تشاورله ب اه )
منصور وهو بيخبط ع خدها : متشاورليش
أية : حاضر حاضر
منصور : تروحي تعتذريلها دلوقتي
أية : بس ..........
منصور : سمعتييي
أية : حاضر
منصور : دي اخر مشكلة اسمع انها حصلت بينكم ي أية
أية : اوك
منصور : روحي
( تمشي أية ، نورا ف البلكونة هتنفجر م الفرحة ، عرفت انها مش لوحدها وان ليها سند وحد يدافع عنها ل اول مرة ، يخبط باب اوضتها ، تدخل نورا م البلكونة )
نورا : ادخل
( تدخل أية )
أية : انا اسفة
( يطلع منصور من اوضته يسمعهم )
نورا : انا الي اسفة .. عشان مش قادرة اعدل اسلوبي معاكم .. بس والله انا حبيتكم كلكم وبحاول ع اد م اقدر اتغير .. انا مش وحشة والله ي أية .. مش زي م انتي فاكرة .. انا بتعامل معاكي ب نية صافية .. انا والله مقصدتش اهينك او اضايقك انا مكنتش جعانة مش اكتر
أية : عارفة
نورا : محتجاكي تستحمليني بس .. وانا هبقا كويسة والله .. انا الي اسفة
أية : مافيش حاجة انتي زي اختى
نورا : تسلميلي ي قلبي
( يمشي منصور وع وشه ابتسامة ، يعدي الوقت ، منصور ف شغله ، يرن الفون )
منصور : السلام عليكم
البنت : عليكم السلام
منصور : انتي تاني
البنت : حفظت صوتي من تاني مكالمة !!!!
منصور : عاوزة ايه وياريت بلاش معجبة والجو دة عشان قديم اوي والي متعرفهوش اني ..........
البنت : خاطب
( يستغرب منصور )
البنت : نورا مش كدة ؟
( يقف منصور )
منصور : عرفتي منين
البنت : هي دي في حد ميعرفهاش .. دي حبيبة الكل
منصور : قصدك ايه ب حبيبة الكل ؟!!!!!
البنت : بص هي بنت وانا بنت ومينفعش اتكلم ع بنات
منصور ب زعيق : اخلصيييي
( تقفل ف وشه ، يضغط منصور ع الفون هيفرتكه ف ايده ، نورا قاعدة ف الجنينة ، يرن الفون بتاعها )
نورا : الو
منصور : انتي فين ؟؟؟
نورا : ف البيت هكون فين
منصور : صوتك كأنك ف الشارع !!!
نورا : قاعدة ف الجنينة
أية : نورا كلمي انجي
نورا : حاضر جاية
( يتأكد انها ف البيت )
نورا : في حاجة ولا ايه ؟؟
منصور : لأ
( متنسوش اللايك ورأيكم )

[رايما]

الحلقة الثالثة عشر { ١٣ }
( يقفل منصور ، تستغربه نورا ، ييجي الليل ، نورا ومايا وفاطمة قاعدين معاها ومع بنات عمها )
أية : يخربيتكم انا احترت انتوا مكنتوش شبه بعض اوي كدة وانتوا صغيرين
الكل : هههههههه
انجي : لا كان دايما عمي سليم الله يرحمه بيتلغبط بينهم
الكل : الله يرحمه
( يدخل منصور واسر )
منصور : السلام عليكم
الكل : وعليكم السلام
منصور : وانا بقول البيت منور
فاطمة :
مايا : هههههه تسلم
( يقعد منصور )
منصور : عاملين ايه ؟
فاطمة : الحمدلله
مايا : فل الحمدلله
اسر وهو بيبص ل فاطمة : لا منور البيت بجد
فاطمة : ميرسي
( يضربه منصور ع بطنه )
اسر وهو بيمسك بطنه وبيضحك : ااااه ايه ي برنس
منصور : ايه ي عم دة انت الي برنس
اسر : برحب بالضيوف الله
الكل : هههههههه
منصور : رحب رحب
فاطمة ب دلع : هههههههههه
اسر : العب
منصور وهو بيضربه ع دماغه من ورا : بس بقا
فاطمة : هههههه اخوك دة مصيبة
منصور : مش لوحده
فاطمة : هههههههه
( الكل مندمج ف الهزار ومحدش ملاحظ وش نورا الي بقا لون الطماطم م الغيظ من فاطمة وأسلوبها المايع مع منصور ، يلاحظ منصور نورا وهي بتبص ل فاطمة ب غيظ )
منصور وهو باصص ل نورا : بتدرسي ي فاطمة ؟
( تبصله نورا تلاقيه باصصلها ، تضير وشها )
فاطمة : اه كلية آداب قسم مساحة
اسر وهو بيهمس ل منصور : قصدها قسم الدقي
منصور : هههههههه بس يلا اسكت
اسر : مش قادر
منصور : مرتبطة ؟
( تبصله نورا ب صدمه )
فاطمة : لأ كنت مرتبطة وفركشت
منصور : ليه كدة .. حد يفوت القمر دة من أيده
فاطمة : هههههه شفت بقا
منصور وهو بيغمز ل فاطمة : تتعوض أن شاء الله
نورا ب انفعال : انت ...........
( يبصولها كلهم ، تسكت )
منصور ب برود : عاوزة حاجة ؟
نورا ب غيظ مكتوم : لأ
فاطمة : شوفلي عريس بقا
منصور : بس كدة انتي تؤمري .. لو مكنتش خاطب كنت ...........
اسر : كنت ايه ي عمهم
منصور : كنت خطبت عادي
الكل : هههههههه
منصور : ايه ي جدعان متفهمونيش صح .. دة حتى خطيبتي قاعدة
( يبصلها )
نورا ب غيظ : كويس والله انك فاكرني اصلا
منصور ب ابتسامة وصوت رجولي يسحروا : بزمتك انتي انا اقدر انساكي
( يربكها ويكسفها ويحرجها )
نورا : احم
اسر : أيوة بقا لقد وقع اخي ف الفخ
الكل : هههههههه
( يوصل ساجد )
ساجد : سلاموا عليكم
الكل : وعليكم السلام
اسر : حماتك بتحبك تعالى
ساجد : ايه فين الاكل ؟؟؟
اسر : اكل ايه ؟!!!
ساجد : مش حماتي بتحبني فين الاكل
الكل : هههههه
منصور : وانت لازم الي يحبك يأكلك ي طفس
ساجد : جعان ي عم
( تقوم انجي )
انجي : سيدة إجازة انهاردة تعالوا ي بنات نشوف حاجة نعملها
اسر : شت يعني الكلام ع اقرب مستشفى
انجي : متبقاش تاكل ي رخم
اسر : لا بدي ادوق ⁩
انجي : طفس
( يقوموا البنات )
منصور : نورا
( تبصله )
نورا : نعم ؟
( يطلع من جيبه علبة )
منصور : امسكي
( ينتبه الكل )
نورا : ايه دة ؟؟
منصور : عجبتني ف جبتهالك
( تفتحها ، تلاقيها سلسلة فيها شكل سداسية التلج مزغرفة بالماس )
اسر : اوباااا لا بقشعر م المواقف دي لأ
منصور : بس ي خرة
نورا ب حب : حلوة جدا ⁩
( يمسكها منصور يطلعها م العلبة ، تتخض نورا ، معقول هيلبسهالها !!!!!!! )
منصور : لفي
( تلف نورا وهي مصدومة و متوترة وف نفس الوقت فرحانة انه اهتم بيها قدام فاطمة بالذات ، ترفع شعرها ، يلبسهالها )
اسر : هعيط
منصور : اسكت الله يحرقك مش عاوزة تقفل
اسر : لا متقولش اني عيني وحشة لااااا لأ
الكل : ههههههههه
( يقفلها اخيرا )
اسر : قفلت الحمدلله سقفة للنبي
الكل : هههههه عليه الصلاة والسلام
انجي : يلا ع المطبخ
اسر : استني استني
نورا : ايه ؟
اسر : انت هتعديها كدة
منصور : يعني ايه ؟!!!
اسر : مافيش بحبك بموت فيكي اي كلمة عميقة حضن بوسة دماغ طريها ي عم
( تتخض نورا )
منصور : قدامك انت بالذات لأ كفاية السلسلة الي مرضتش تقفل اقولها كدة الاقي المطبخ ولع بيهم
الكل : هههههههه
اسر : ايه ي عم هو انا عيني وحشة
منصور : لا لسمح الله
( يعدي الوقت ، البنات ف المطبخ بيعملوا الاكل ، اغلب الأوقات فاطمة باصة للسلسلة ف رقبة نورا ، تلاحظ عليها أية ، تقرب تهمس ف ودن انچي )
أية : من الواضح ان مش عين اسر الي وحشة
انجي : هههههههه يخربيتك
( عند الشباب ، قاعدين بيلعبوا بلايستيشن ، يطلعوا البنات بالاكل يحطوه ع السفرة )
مايا : الله لاعبوني معاكم
ساجد : تعالي
( يديها الدراع تلعب قصاد منصور ، يقعد الباقي يتفرج ، يكسبها )
منصور : هههههاي
مايا : دة انت جاحد ي اخي
ساجد : خلي بالك دة حريف
مايا : يبقا عاوز الي زيوا
( تبص ل نورا )
مايا : تعالي
اسر : ايه دة نورا بتعرف
( يبصلها منصور ب استغراب )
مايا : محترفة ي بني
( تبدل نورا مكان مايا جنب منصور )
منصور : هحاول مضغطش عليكي
نورا وهي بتغمزله : لأ براحتك .. وريني اخرك
( يفتكر منصور كلمته ليها **وريني اخرك** يبتسم )
منصور : هه ماشي
( يبدؤا لعب ، تجيب جون )
الكل : جوووووون
منصور : انتوا معاها ولا معايا
اسر : مع الي يكسب ي برنس
( يكملوا لعب ويندمجوا كلهم )
منصور : م خلاص بقا ارحمي امي
نورا : انسى
اسر : عاااش اديلوا كمان انورا
( يكملوا ، نورا قربت تجيب جون )
منصور : حد يشد الفيشة
نورا : هههههههه لاااا
منصور : حد يشد الفيشااااااا
( تجيب جون )
الكل : جوووووون
منصور : ١٨ / ١ ليييييه ي جدعااااان
نورا : نقفلهم ٢٠
اسر : عليا ب ٢٥
أية : ٣٠ ٣٠
منصور : اييييه ي ورلاد الجزمة في ايه
( يقوم يجري وراهم والكل بيضحك )
انجي : احيه الاكل
( يجري الكل ع السفرة ياكلوا الا نورا ومنصور ، لسة نورا هتقوم .......... )
منصور وهو بيغمزلها : عقبال م اجيب اخرك
( يروح ع السفرة ، تبتسم نورا وتروح هي كمان )
فاطمة وهي بتبص ل منصور : الوقت حلو معاكوا والله
اسر : تعالي كل يوم
فاطمة : ههههه انا بايتة هنا اصلا
منصور : دة بيتك تنوري
( تبصله نورا )
فاطمة : ميرسي ي منصور دة من زوقك
( يخلصوا اكل وتقوم مايا وفاطمة عشان يمشوا ، الكل عند الباب )
انجي : ابقي تعالي ي مايا مش مرة وعدت كدة
مايا : لا هاجي والله
انجى : أن شاء الله
( يسلموا )
فاطمة وهي بتمد ايدها ل منصور : باي
منصور : باي
( تمسك أيده ماسكة مش لطيفة ، يلاحظها ويلاحظ نظرتها )
أية : ابقي تعالي ي فاطمة
فاطمة : أن شاء الله
( يمشوا )
نورا : هطلع انام تصبحوا ع خير
الكل : وانتي من أهله
( تطلع نورا اوضتها ، اسر ف الجنينة واقف ماسك الفون ، ف بيت بسيط جدا ، هايدي قاعدة ف اوضتها بتراجع اوراق الشغل ، يرن الفون بتاعها )
هايدي : ياربييي عاوز ايه مني بس الو
اسر : رديتي يعني !
هايدي : وانا اقدر مردش
اسر : قدرتي بس ماشي هعديها .. عاملة ايه ؟
هايدي ب استغراب : الحمدلله .. حضرتك عامل ايه ؟
اسر : تمام .. م بلاش حضرتك دي ملهاش لزمة برة الشغل يعني
هايدي : يبقا اظن كمان ملهاش لزمة نتكلم برة الشغل
اسر : عشان مش فاضيلك جواه بس
هايدي : وتفضالي ليه اصلا !!!!
اسر : عشان عجباني
( تتخض هايدي )
هايدي : عجباك !!!!

[رايما]

الحلقة الرابعة عشر { ١٤ }
اسر : اه عجباني
هايدي : وهو لما حضرتك بتعجب ب حد بتعمل معاه كدة ؟
اسر : اومال عوزاني اعمل ايه ؟؟
هايدي : طلاما عجباك يبقا تتقدملي
اسر : هههههههههه لا انتى فاهمة الموضوع غلط ي ماما في فرق بين عجباني ومعجب بيكي .. معجب بيكي اجي اتقدملك اما عجباني ............
( تقفل ف وشه قبل م يكمل )
اسر : ايه دة هي البنات جرالها ايه ي جدعان
( ف اوضة نورا ، يرن الفون بتاعها )
نورا : الو
باسل : نورا عاملة ايه ؟
( يطلع منصور يعدي ع أوضة نورا )
نورا : الحمدلله ي باسل انت عامل ايه ؟
( يقف منصور ع الباب لما يسمع اسم باسل )
باسل : انا تمام .. وحشاني
نورا : وانت والله واحشني
باسل : عاوز اشوفك طيب
نورا : هحاول بس موعدكش ان دة يحصل .. صعب
( منصور برة شياطين الدنيا بتتنطط قدام وشه ، يزق الباب ب رجله مرة واحدة من عصبيته ، تتخض نورا وتقفل الفون )
منصور وهو بيقرب عليها : هاتي
( ياخد الفون من ايدها ، تقوم نورا تقف بعيد ، يلاقيه قفل )
منصور ب زعيق : وحشك هاااا
( يحدف الفون ف الحيطة ينزل حتت ويقرب عليها ، تترعب نورا وتجري ع البلكونة )
نورا : لو قربتلي والله هرمي نفسي ي منصور
منصور : مهو دة اخرك تموتي كافرة .. عيشتي رخيصة وهتموتي رخيصة
( تتخض من كلامه ويوجعها جدا تقعد ع سور البلكونة وتلف نفسها ع برة ، يتخض منصور ، تغمض نورا عينها وتسيب نفسها وفجأة ................ يشدها منصور من دهرها مرة واحدة يقعوا ف الارض ، تلاقي نفسها ف حضنه ماسكها بيتعرش م الخضة ، يزقها مرة واحدة ويقوموا م الارض ، يمسكها من دراعها )
منصور ب زعيق : عاوزة تموتي عاوزة تموتي
( يدخلوا اخواته ع الصوت ، تجري انچي تشدها منه )
ساجد : في ايه ؟!!!!!!
اسر : مالك ي بني ؟؟؟
أية : حصل ايه ؟!!!!!!
نورا ب انفعال : الي حصل اني اتخنااااااااقت
( يخضهم انفعالها )
نورا ب زعيق : انا مش لعبة ف ايدك البسي اقلعي اتكلمي كلي اشربي انا مش لعباااااه .. انا بني ادمة حرام عليك
انجي : اهدي بس
منصور : لا سبيها سبيها
نورا : انت مش قاسي انت الي زيك غبي .. انت اغبى بني ادم ع وش الارض ⁦☝⁩
( يضربها بالقلم تتزق ع انچي من قوته تاخدها ف حضنها ، تعيط نورا )
نورا ب عياط : والله غبي وبكرهك
( لسة هيقرب عليها يمسكه ساجد ، يدخل الاب والام )
حجاج : في ايه ؟؟
هالة ب خضة : حصل ايه ي ولاد
( يطلع منصور م البيت ، يركب عربيته ويمشي )
أية : اتخانقوا سوا
حجاج : لا اله الا الله
( تطبطب ع نورا ، عند منصور ، سايق ع اخره )
منصور ب انفعال : غبي !!! انا غبي فعلا .. غبي عشان مش شايف غيرك .. انتي الي طول عمرك غبية مش انا ي نورا .. مش انا
( *انا قلبي كان بوابة مقفولة وحيطان ، بس اما قابلك ، اتفتحت كل الببان* )
( ف البيت ، نورا قاعدة معاهم )
نورا : معلش ي عمي انا عاوزة ارجع البيت
هالة : ي حبيبتي احنا مش جيبينك هنا بسبب منصور احنا عاوزينك معانا
حجاج : مش عاوزة منصور خلاص مش مهم ومش هنغصبك عليه بس خليكي هنا وسطينا
نورا : هعمل ايه هنا هجبلكم مشكلة معاه تاني
حجاج : لا متقلقيش انا هنبه عليه ملهوش دعوة بيكي نهائي
انجي : أيوة ي نورا ومتمشيش
( تسكت نورا )
ساجد : احنا اتعودنا عليكي ي نورا مينفعش تمشي
حجاج : انا اول مرة اطلب منك طلب هترفضيه ؟!!!
( تشاورله ب لأ )
حجاج : يبقى خلاص اطلعي اوضتك ارتاحي واعتبري محصلش حاجة وانا ليا كلام مع منصور
نورا : حاضر
( تطلع نورا اوضتها ، تنام ع السرير ، تفتكر لما كانت هترمي نفسها م البلكونة ولحقها منصور ، تنزل دموعها وتغطي نفسها وتنام ، عند البنات )
إية : والله ي بنتي دة عين الحيوانة فاطمة دي
انجي : شكلها كدة .. صعبان عليا منصور
أية : نعم يختي .. منصور الي صعبان عليكي !!!!!!!!
انجي : أيوة
أية : والي اضربت دي ي كبدي .. دي خدتلها قلم من اخوكي يجيب غيبوبة
انجي : اسكتي انتي مش فاهمة حاجة
أية : طب انا رايحة انام ي ست فهيمة
انجي : روحي
( تمشي أية ، انجي تمسك الفون ، عند منصور ، يرن فونه )
منصور : ايه ي انچي
انجي : ايه ي بني فينك ؟
انجي : مش راجع ؟؟
منصور : راجع بس شوية كدة
انجي : طيب ع فكرة نورا ممشيتش بابا اقنعها تقعد عشان كانت مصممة تمشي
منصور : اممممم
انجي : بس موضوعكم تقريبا انتهى
( يتخض منصور من جواه )
منصور : ماشي ي انچي اقفلي دلوقتي
انجي : طيب خلي بالك من نفسك
منصور : اوك
( يقفل منصور ويمسك الفون هيفرتكه ف أيده ، يرميه ع التابلوه ، يعدي الوقت ، نورا ف اوضتها نايمة ، يدخل منصور مرة واحدة الاوضة ، يقرب عليها )
منصور: نورا
( متردش نايمة )
منصور وهو بيحركها : نورا اصحي فوقي
( تصحى نورا مخضوضة )
نورا وهي بتقعد : انت بتعمل ايه هنا انت اتجننت
منصور : انتي مفكره بالهبل الي انتي عملتيه دة انك كدة هتقدري تبعدي عني ؟!
نورا : انت شايف الساعه كام دلوقتي .. اطلع برا
منصور ب عصبية : مش متزفت طالع
( تخاف نورا ليضربها تاني )
نورا : عاوز مني ايه ي منصور
منصور : عاوزة تسبيني عشان ترجعي ل الولا دا .. انتي للدرجاتي بتحني ل الرخص
نورا ب انفعال : بطل تقولي الكلمة دي انا مش رخيصة
منصور : اومال تسمي كلامك معاه ب ايه ؟؟
نورا : باسل دة مجرد صاحب ليا وكان بيطمن عليا عادي مش لازم يكون في بينا حاجة م الي ف دماغك دي
منصور : ايه صاحب دي مش مكسوفة وانتي بتقوليها !!! وبعدين كدابة اصلا .. صوتك وانتي بتكلميه يقول ان في بينكم حاجة ⁦☝⁩
نورا : مش عاوز تصدقني براحتك
منصور : كنت مفكر اني هقدر اعمل منك بني ادمه .. بس انا غلطان .. غلطان اني كنت خايف عليكي
نورا : انت الي مش بني ادم .. طول عمرك عصبي وغبي ومعندكش تفاهم مع حد !!
( يمسكها من وشها )
نورا ب وجع : اااه
منصور : عصبي وغبي ف اللي يخصني وانتي تخصيني ومش هتبقي لغيري وهتتغيري ي نورا .. فاهمة
نورا : سيبني ي منصور
( يسيبها )
منصور : الصبح تنزلي ل عمك وتقوليلوا انك هتكملي ام الخطوبه دي بدل والله العظيم هتشوفي مني اللي عمرك م شوفتيه ي نورا ⁦☝⁩
نورا : انت بتهدنني ليه
منصور : هتبعدي عن الولا دة والي قلته هيتنفز ب رضاكي او حتى غصب عنك
( يمشي منصور )
نورا : منصور
( يبصلها )
نورا : انت ليه مصمم تكمل معايا مع انك تقدر ترتبط ب اي بنت تانية .. متكنش رخيصة زيي ؟!!!
( يضير وشه )
منصور وهو ماشي : اتخمدي ي نورا
( يقفل الباب وراه ، تبتسم نورا وتنام ، تاني يوم ، اسر ف مكتبه ، يخبط الباب )
اسر : ادخل
( تدخل هايدي )
هايدي : احم ااا .............
اسر : ايه ؟
هايدي : في اوراق لازم حضرتك تمضيها الباش مهندس منصور مضاها
اسر : هاتيها ولا محتاجة عزومة
هايدي : اه اسفة
( تقرب هايدي تديله الورق ، يمضيه )
اسر : خلاص
هايدي وهي بتمد ايدها ع الورق : انااا احم اسفة ع امبارح
( يحط ايده ع ايدها )
اسر : ولا يهمك
( تتحرج هايدي وتشيل ايدها )
هايدي : عن اذنك
( تمشي )
اسر : استني
( تقف هايدي ، يقف اسر قصادها )
اسر : وراكي حاجة يوم السبت بعد الشغل ؟؟
هايدي : لأ
اسر : طب اشطا انا عازمك ع العشا
هايدي : انا اسفة بس انا لازم اروح بدري عشان ..........
اسر : مش هقبل اعتذار مينفعش ترفضي ⁦⁩
هايدي : حضرتك فاهمني غلط انا مينفعش اسهر برة البيت
اسر : خلاص خليها جوة البيت
( تتخض هايدي )
هايدي ب انفعال : انت ...........
( يقرب عليها اوي ، يخضها )
اسر : فكري قبل م تردي .. لسة عندك كذة يوم
( يفضلوا باصين ل بعض ، تمشي هايدي ، يعدي يومين ونورا تقريبا مبتشوفش منصور ف البيت ، الكل قاعدين بيفطروا )
نورا ب تردد : هوااا فينوا منصور ؟؟؟
أية : ف الشغل
نورا : اه
هالة : ربنا يعينوا شركته الجديدة شغلاه بييجي البيت ع النوم هو واسر
نورا : ربنا معاهم
هالة : يارب
انجي : انا رايحة بعد الفطار لو حابة تيجي معايا تعالي
نورا ب تسرع : لأ .. مش مهم
انجي : اوك
( يخلصوا فطار ، تلبس انجي وتنزل عشان تمشي ، تقرب ع عربيتها )
نورا : انجي
( تقف انجي )
انجي : ايه ي نورا ؟
نورا : هاجي .. هاجي معاكي
انجي ب ابتسامة : طب يلا اركبي
( متنسوش اللايك ورأيكم )

[رايما]

الحلقة الخامسة عشر { ١٥ }
( تركب نورا مع انجي ويمشوا ، ف الطريق )
نورا : انتي رايحة تعملي ايه هناك ؟
انجي : انا شغالة مع منصور هناك
نورا : اهااا
انجي : وانتي ؟
نورا : انا ايه ؟!!!!
انجي ب خباثة : رايحة ليه هناك
نورا ب ارتباك : عادي قلت اجي معاكي .. زهقانة
انجي : اهاااا .. زهقانة .. ولا وحشك ؟؟
( تتخض نورا وتتوتر )
نورا : لااا والله زهقانة
انجي : هههههه ومالك مخضوضة ليه وماله لو كان وحشك هو مش خطيبك ؟!
نورا : اه
انجي : باين وحشك
نورا : بطلي بقاااا والا هرجع
انجي : هههههههه لا خلاص هسكت
( يوصلوا الشركة ، يطلعوا مكتب انجي )
انجي : تشربي ايه ؟
نورا : انتي هتضايفيني ي حجة
انجي : انا غلطانة عنك
( تدخل السكرتيرة تدي ورق ل انجي تمضيه وبعد شوية تديها اوراق تانية تراجعها ، كل دة ونورا قاعدة )
نورا : انا مليييت هقوم اخد جولة
انجي ب خباثة : قومي
( تقوم نورا تقعد تلف ف الشركة وكل العيون عليها )
نورا : لو سمحتي
بنت : أيوة ؟
نورا : هو فين مكتب منصور
بنت : لو قصدك الباش مهندس منصور هو فوق ف الدور التالت
نورا : اه هو شكرا
البنت : العفو
( تطلع نورا ، تقرب ع السكرتيرة )
نورا : دة مكتب منصور ؟
السكرتيرة : الباش .............
نورا : مهندس أيوة هو دة ؟؟
السكرتيرة : اه هو
نورا : طيب
( تمشي نورا )
السكرتيرة : استني ي آنسة رايحة فين ؟!!!!!
نورا : دخلاله
السكرتيرة : حضرتك واخدة ميعاد ؟
نورا : لا انا مش جاية ل شغل
السكرتيرة : مهما كان السبب لازم تاخدي ميعاد وبعدين هو مش فاضي دلوقتي خالص اتفضلي حضرتك اديكي ميعاد وتعالي يوم تاني
نورا : لأ .. هدخل دلوقتي
السكرتيرة : مينفعش قلتلك ولو مخرجتيش هنده الأمن ف اتفضلي بقا
نورا : هتندهي الأمن ل خطيبته ؟
( تتخض السكرتيرة )
السكرتيرة : حضرتك خطيبته ؟؟؟
نورا : أيوة
السكرتيرة : طب اتفضلي استريحي واقوله بس الاول
نورا : بقولك ايه انتي فصلتيني اقعد ي حبيبتي مكانك وانا دخلاله
السكرتيرة : بس ............
( تفتح نورا باب المكتب وتقفله وراها ، منصور قاعد ع مكتبه مشغول ف ورق قدامه وباين عليه الاهتمام )
نورا : صباح الخير
( يتخض أما يسمع صوتها ، يقوم يقف )
منصور : نورا !!!!
( تدخل السكرتيرة )
السكرتيرة : ي فندم انا اسفة بس هي ...........
منصور : تمام روحي انتي
السكرتيرة : اوك
( تمشي السكرتيرة ، تقعد نورا ويقعد قصادها منصور )
نورا : عامل ايه ؟
منصور : فل .. ايه الي جابك هنا ؟؟
نورا : دة سؤال ؟!!!!!!
منصور : مش قصدي بس اول مرة تعمليها
نورا : ف مكتبها
منصور : وانتي عرفتي مكتبي لوحدك ؟!!!!
نورا : اهاا
منصور ب ابتسامة : شطورة ⁦
نورا : هههههه
منصور ب هدوء : بعد كدة تقوليلي انك خارجة .. اوك ؟
نورا : اوك
( يسكتوا باصصلها ، يوترها )
نورا : انااا كنت عاوزة اطلب منك طلب
( يسند أيده ع المكتب )
منصور : اطلبي
نورا ب توتر : بس لو مش موافق متتعصبش عليا قولي مش موافق وخلاص
( يلاحظ خوفها منه ونظرة الطفولة الي ف عيونها ، يبتسم )
منصور ب ابتسامة : مش هتعصب
نورا : اوك .. انا ببقا زهقانة اوي ف البيت .. وانت عارف اني مكملتش دراستي ف مفيش حاجة تسليني وكدة .. ف كنت عاوزة اشتغل لو انت موافق يعني .. حتى ممكن تشغلني هنا معاك أي حاجة
منصور : اممممم
نورا : ف ايه رأيك
منصور : اوك .. هشغلك معايا
نورا : بجد
منصور : اهاا
( تفرح نورا ، ف مكتب انچي ، واقفة بتزعق مع خالد )
انجي : انت اتجننت انت عرفت المكان دة منين اصلا ؟؟!!!!
خالد : الي يسأل ميتوهش ي مدام
انجي : طب اطلع برة
خالد : مش طالع ي انچي ورفعك عليا قضية الخلع دي مش هعديهالك بالساهل
انجي ب زعيق : بقولك اطلع برة بقا
خالد وهو بيزقها : متزعقليش
انجي : اااه !!!
( ف مكتب منصور ، تدخل السكرتيرة مرة واحدة )
السكرتيرة : الحق ي باش مهندس
( يقف منصور )
منصور : في ايه ؟؟؟
السكرتيرة : في واحد ف مكتب اخت حضرتك عمالين يزعقوا سوا
( يتخضوا ، يجري منصور ونورا والسكرتيرة وراه )
منصور : اسموا ايه ؟؟
السكرتيرة : خالد
منصور : ي بن الكاااالب
( يقرب ع مكتب انچي ، يدخل ، يتخض خالد أما يشوفه )
منصور : انت ايه الي جابك هنا
( يمسك ف خناقه )
خالد : جاي اخد حقي
منصور ب زعيق : حق اييييه
خالد وهو بيزق منصور عشان يسيبوا : حق قضية الخلع الي رفعتها الهانم عليا بسببك
منصور : واحد خاين زيك يستاهل اكتر من كدة كمان ⁦⁩
خالد : وانت الشريف الي عمرك م خنت
انجي : وانت مالك ي اخي مش خلاص خلعتك عاوز ايه تاني مني
خالد : لسة ي هانم ومش هتكسبيها انسي
منصور : اطلع براا
خالد : طالع ي منصور
( يقرب ع منصور ، يقف قصاده )
خالد : بس ابقا خاف ع الي معاك
( يبص ل نورا ويرجع يبص ل منصور )
خالد : عشان يوم م تقوم كدة ومتلاقيهاش متزعلش
( يبص منصور ل نورا الي بصاله ب خوف ، يرجع يبص ل خالد )
منصور : انت بتهددني ؟
خالد : تخيل
منصور : طيب .. م المواضح انك مش عاوز تروح انهاردة
( يضربه بالدماغ يردهاله خالد يرجع منصور يضربه بوكس ورا التاني ورا التالت و يمسكه من قفاه يطوحه ع الحيطة يقع بالرفوف الي متعلقة ، لسة هيقرب عليه تجري نورا تمسكه من دراعه هي وانچي )
نورا : منصور خلاص
انجي : خلاص والنبي
منصور : روحوا البيت
انجي : من ...........
منصور ب نفاذ صبر : انچيييييي
انجي : حاضر
( تاخد شنطتها وتطلع برة المكتب ، نورا مازالت ماسكة دراعه )
نورا ب خوف : منصور !!
منصور : مع انچي ي نورا
نورا : حاضر بس كفاية كدة .. عشان خاطري تعالى معايا
( يبصلها ، يلاحظ خوفها )
منصور : ناديبين
( تقرب السكرتيرة )
السكرتيرة : أيوة ي فندم
منصور : نادي الأمن يطلعوه برة ونبهي عليهم دة ميدخلش
هنا تانى ⁦⁩
السكرتيرة : حاضر تحت امرك
( يمسك ايد نورا ويطلعوا م المكتب ، ينزلوا تحت ، يقرب ع عربيته )
منصور : اركبي
نورا : هنروح فين ؟
منصور : هروحك البيت
نورا : طب خليك انت ف شغلك وانا هاخد أي تاكسي
منصور : لأ اركبي انا الي هروحك
نورا : حاضر
( تركب نورا ويركب منصور ويمشوا ، ف الطريق ، نورا باصة ل منصور )
نورا : انت ليه ضربتوا .. عشان هددك يعني م ف المواقف دي بيقولوا كتير مش مهم
منصور : ميهمنيش تهديده .. وكنت هعديها
نورا : طب وليه معدتهاش ؟!!
( يبصلها )
منصور : عشان هددني بيكي
( تبصله نورا ، يفضل باصصلها ، يفوق ع صوت كلاكس عربية ، يحود بسرعة تخبط فيه ، يرجع يبص للطريق وترجع هي مكانها ، ترجع تبصله ، تلاقيه باصص ل طريقه ، تفضل بصاله ، يبصلها ، تتوتر )
نورا ب توتر : ااا هو انت بقا هتشغلني ايه معاك ؟؟
منصور : انتي عاوزة تشتغلي ايه ؟
نورا : مش عارفة
منصور : انتي كنتي بتدرسي ايه ؟
نورا : كلية آداب
منصور : وليه مكملتيش ؟!!!
( تسكت نورا )
نورا ب حزن : نصيب
منصور : طب مش عاوزة تكملي ؟
نورا : اكيد عاوزة طبعا
منصور : خلاص فكك من حوار الشغل دلوقتي وهخليكي تكملي دراستك بس منزلي
نورا ب فرحة : بجد ياريت
منصور : اعتبريه حصل
نورا : ميرسي ي منصور
( يبصلها )
منصور : العفو
( ييجي الليل ، هايدي نازلة م الشركة ، تفرمل عربية قدامها تخضها ، تلاقي فيها اسر ، يفتحلها الباب )
اسر : يلا
هايدي : ي باش مهندس انا مش ..........
اسر : اركبي طيب ونتكلم ف السكة عشان احنا ف الشارع كدة منظرنا مش لطيف قدام الشركة
( هايدي تبص حواليها وتركب ، يمشي اسر )
اسر : هقعد اتحايل عليكي كتير عشان توافقي
هايدي : والله انا م ينفع اروح معاك انا اسفة بجد
اسر : خلصنا بقا متحبكيهاش
هايدي ب توتر : معلش نزلني بس
اسر : لا مش هنزلك
( تتخض هايدي )
هايدي : يعني ايه مش هتنزلني ؟!!!!
اسر : يعني اهدي بقا وجو انك تتقلي عشان ادلق واتقدملك دة انا عاجنه وخابزه كويس مع غيرك كتير ف فكك يعني دي عشوة ف مطعم مش واخدك شقة مفروشة في ايه
هايدي : انا مش بمثل ع فكرة ولو سمحت نزلي مش عاوزة انا حرة ي اخي
( يفرمل اسر مرة واحدة يخضها )
اسر : مصممة تعيشي الدور دة يعني ؟
( تفتح هايدي باب العربية ، ميفتحش ، تتوتر )
هايدي : افتحلي الباب طيب
اسر : تؤ
هايدي ب انفعال : بطل رخامة وافتحوا
اسر : رخامة !!!!!!
هايدي ب ندم : انا اسفة معلش افتحلي لو سمحت
اسر : رخامة ب رخامة بقا
( يمسك دماغها ويبوسها غصب عنها ، الساعة ١٢ ونص بالليل ، نورا ف أوضتها وأية وانچي مشغلين اغاني وعمالين يرقصوا ويتنططوا ، تكح انچي )
انجي : ااه .. احيه يخربيتكم .. مش قادرة روحي هتطلع
( يقعدوا ع السرير )
نورا : هههههه انتي خرعة كدة ليه
انجي : لا انتي الي متعودة ع الهبل دة شكلك
نورا : اهاا كنت بتجنن كدة انا ومايا .. بس من زمان الكلام دة .. بقالي كتير معملتش كدة

[رايما]

الحلقة السادسة عشر { ١٦ }
انجي : امممم
أية : كويس أن مافيش حد ف البيت يسمع اغاني الكفار دي
نورا : هههههه ايوة صحيح هو عمي وطنط هالة كانوا رايحين فين ؟؟
انجي : البلد بيزورا جدي والباقي سهرانين ف الشغل شكلهم بايتين برة انهاردة
نورا : اهاااا .. اوكي دوكي .. يلا قوموا
انجي : لا قبل م نقوم روحي هاتيلي كباية ماية قبل م اتوفى دلوقتي ⁦
نورا : هههههه حاضر
( تنزل نورا جري ع تحت حافية ، تدخل المطبخ ، تملى كباية ماية ع آخرها وتطلع بيها م المطبخ ، تدلق الماية وتتزحلق فيها وفجأة تلاقي الي مسكها من وسطها قبل م تقع )
منصور : حاسبي
( تفضل بصالة مخضوضة دة جه منين )
نورا ب توتر : اااا .. انت جيت امتى
منصور : حالا
( يعدلها ويسيبها )
نورا : اه
( عند اسر )
هايدي ب صريخ : اوعاااا
( تضرب فيه وتصرخ )
اسر : بس بس اسكتي خلاص اهدي
هايدي ب صريخ : افتح الباااااااب
( يفتحلها الباب ، تنزل م العربية تجري وتعيط ، تمسك الفون وتتصل ب منصور ، عند منصور ، يرن فونه ، يكنسل )
منصور : كنتي بتجري ليه ؟!!!
نورا : كنت بجيب ماية ل انچي بس
منصور : طب انا مش قلت قبل كدة متخرجيش من اوضتك باللبس دة ؟
( تنتبه نورا ل لبسها ، لابسة بيجامة نوم هوت شورت وبادي لونهم احمر ، تتوتر )
نورا : مهي .. انچي قالت انكم ممكن تباتوا برة عشان مشغولين
منصور : قالت ممكن .. مقالتش اكيد
نورا : اسفة طيب
( يدخل ساجد )
اسر : سلامو عليكم
( تتوتر نورا اكتر من لبسها ، يشدها منصور من دراعها بسرعة يوقفها قصاده م الناحية التانية عشان ساجد ميشفهاش )
منصور : ساجدا اطلع برة
ساجد ب استغراب : برة فين ؟؟
منصور : برة البيت دلوقتي
ساجد : في حاجة ولا ايه ؟!!!!!
( ساجد مش شايف نورا لان منصور واقف قصادها )
منصور : أنجز
ساجد : طااايب
( يطلع ساجد برة الفيلا ، يسبب دراعها )
منصور : جري ع فوق
نورا : حاضر
( تجري نورا ع فوق ، تدخل للبنات )
انجي : كل دة بتجيبي كباية ماية ؟!!!!
نورا : منصور وساجد جم
أية : احيه وشافوكي كدة
نورا : لا منصور دراني
انجي : واتهزقتي طبعا
نورا : كنت متوقعة كدة بس الحمدلله عدت ع خير
أية : ايدااااا متهزقتيش
نورا : لأ طرد ساجد وقالي اجري ع فوق
البنات : هههههههه
أية : هادي منصور اليومين دول معاكي
نورا : أوري ي ارارة اوري
الكل : هههههههه
أية : هاروح انام عشان ورايا تمارين كتير بكرة
انجي : وانا كمان ورايا شغل تصبحي ع خير
نورا : وانتي بخير
( يروحوا البنات يناموا ، تنام نورا ع سريرها بتفتكر موقفها مع منصور لما سندها قبل م تقع وانه متعصبش عليها ، تنام وهي مبتسمة ، منصور طالع اوضته ، يرن الفون )
منصور : ايوة ي هايدي في ايه ؟؟
هايدي ب عياط : عاوزة اتكلم مع حضرتك ضروري
منصور ب استغراب : انتي بتعيطي ؟!!!!
هايدي : انا مش جاية الشغل تاني .. بكرة استقالتي هتبقا عندك
منصور : اهدي وقوليلي في ايه طيب حد ضايقك ف الشركة ؟؟؟
( تحكيله )
منصور ب صدمة : اسر عمل كدة !!!!!!
هايدي : والله م بكدب عليك صدقني
منصور : طب اهدي طيب مصدقك بس شغلك تجيه زي م انتي وانا هنقلك مكان تاني
هايدي : بس ............
منصور : متخافيش وعد مني اسر مش هيتعرضلك تاني وانا هتصرف معاه
هايدي : اوك
منصور : انا اسف ي هايدي حقك عليا انا
هايدي : حضرتك ملكش زنب مافيش حاجة
منصور : والله م هسيبوا هجيبلك حقك حتى لو اخويا عشان انا عندي زيك ومش هسمح لحد يمسهم ب حاجة وحشة ولا انتي كمان
هايدي ب عياط : عارفة والله .. عشان كدة حضرتك اول واحد كلمته
منصور : عاوزك تهدي بس وتبطلي عياط عشان تعرفي تروحي انتى روحتى ولا لسة ؟
هايدي : ف الشارع مروحة اهو
منصور : طيب اخلي السواق يجيلك يروحك ولا اجيلك انا ؟؟
هايدي : لا انا هديت والله وبقيت كويسة هعرف اروح متشكرة ل حضرتك اوي
منصور : ماشي ي هايدي .. سلام
( يقفل منصور ويتصل ب اسر )
اسر : الو
منصور ب عصبية : انت فين يلا ؟؟؟
( يتخض اسر )
اسر : ااا انا قدام البيت اهو !!!
منصور : طب ادخلي ي باشا
( يقفل منصور ف وشه )
اسر : ي بنت الجزمة قولتيله
( يركن اسر وينزل م العربية ، يدخل البيت ، منصور ف اوضته واقف ف البلكونة ع اخره ، يخبط الباب ويدخل اسر )
اسر : كنت عاوز حاجة ؟؟
( يقرب عليه منصور )
منصور : ايه الي انت عملته مع هايدي دة ؟؟
اسر ب استهبال : هايدي مين ؟
منصور ب زعيق : اسررررررر .. مش عليا الكلام دة
اسر : مجتش جنبها
منصور : لا جيت .. عملت كدة ليه البت دي ملهاش ف الكلام دة وبعدين من امتى اصلا بتعمل كدة مع حد انت اتهبلت ف مخك !!!!!
اسر : بقولك ايه ي منصور انت بالذات متتكلمش ف الحوار دة
( يستغرب منصور طريقه كلامه )
منصور : قصدك ايه ؟؟
اسر : قصدي ان كلهم او*خ من بعض وانت عارف كدة كويس واولهم الي جوة دي ع الاقل انا محطتش دبلتي ف ايدها وعارف هي ايه
( وفجأه اسر ميحسش غير ب قلم نازل ع وشه من منصور )
منصور : الي جوة دي انا وانت عارفين اصلها ايه كويس .. الي جوة دي لحمي ولحمك ي سيد الرجالة .. عاوز بقا حضرتك تصيع وتنشر وس**تك عليها ف انا مش هسمحلك ب كدة .. وقسما ب ربي وربك ي اسر لو جبت سيرة نورا ع لسانك بالوحش تاني هقطعهولك ولو قربت ل هايدي تاني هقعدك ف البيت جنب ابوك وملكش لا شغل معايا ولا حتى معاه .. اظن كلامي واضح .. برة
( يبصله اسر ب حزن ويمشي ، يقعد منصور يحط ايده ع دماغه ع اخره من كلام اسر الي متوقعهوش يطلع منه ابدا ، تاني يوم الصبح ، منصور ف شركته ، يخبط الباب ويدخل اسر )
اسر : صباح الخير
( ميردش عليه باصص ل اللاب توب قدامه ، يقرب اسر )
اسر : انا اسف طيب
منصور : متتأسفليش انا .. روح اتأسف للي هينتها امبارح
اسر : هتأسفلها والله بس مش عاوزك انت تزعل مني م الي انا قلته امبارح ع نورا .. انا مكنتش قاصده والله .. بس انا مش متعود اقف قدامك غلطان ف مكنتش عارف اقول ايه من احراجي بس
منصور : يعني انت عارف ان الي انت عملته غلط ويحرج !!
اسر : عارف طبعا انا مش عيل صغير ي منصور
منصور : بس تصرفاتك تصرفات عيال صغيرة وهايدي دي عندنا ف البيت اتنين زيها .. ترضاها لحد من اخواتك يتعمل فيهم كدة ولا حتى نورا الي انت اتحججت بيها ؟؟؟
اسر : لا طبعا ولا نورا ولا حد من اخواتي ... عارف مكانش المفروض اعمل كدة بس انا كنت عازمها ع العشا والله هي الي مردتش تروح معايا
منصور : هي حرة ي اخي هتغصبها
اسر : الي حصل بقا
منصزر : ماشي
اسر وهو بيبوس دماغ منصور : انا اسف حقك عليا والله انا بحب نورا و ...........
منصور : بتحب مين ؟؟
اسر : زي اختي ي عم
منصور : تعرف ايه عيبك ؟
اسر : ايه ؟؟؟
منصور : انك عاملي فيها الروش ابو دم خفيف وبتعرف توقع البنات وانت اصلك غبي
اسر : هههههههه حبيبي الله يخليك
( ييجي الليل ، أية ف أوضة مليانة مرايات ، واقفة بتتمرن ع رقص الباليه ، تدخل نورا )
نورا ب صدمة : لاااااااا
أية : هههههه تعالي
نورا : انتي بترقصي باليه ؟!!!!
أية : بقالي قرض من الزمن
نورا : ههههه اول مرة اعرف .. واوضة مخصوص كمان !!!!
أية : اهااا .. منصور الي كان مصممهالي
نورا : حلوة بجد
أية : تعالي اتمرني معايا
نورا : اتمرن ايه ي ماما انا راقصة محترفة
أية : بجد
نورا : كان زمان يعني بلاش احراج
أية : هههههه طب جربي كدة اكيد حافظة خطوات
نورا : اوكي
( يشغلوا الأغنية ويبدؤا يرقصوا )
نورا : احيه عليا انا حتى الحركات نسيتها
أية : جربي بس
نورا : بس انتي رقصك حلو انتي بيدربك مدرب ؟؟
أية : لا منصور علمني الاساسيات وانا مشيت ع كدة
نورا : بجد منصور !!!!!!
أية : اه والله
نورا : ازاي
أية : هفهمك اصلوا كان معارض أن مدرب الي يدربني ومكانش متواجد ست وقتها ف اتعلم شوية حاجات وعلمهالي وانا كملت بقا
نورا : اهاااا
أية : يلا حاولي تاني متيأسيش هتفتكري
نورا : ماشي
( تحاول نورا وتقعد شوية تتمرن مع أية ، ف الشركة ، هايدي اتنقلت دور تاني مع كذة مهندس ومهندسة مكاتب جنب بعض ، يدخل اسر ، يقوموا الموظفين يقفوا ، يشاورلهم يقعدوا ، تتخض هايدي اما تشوفه بيقرب عليها )
اسر : عاوزك
( تخاف هايدي انها تقوم )
اسر : طيب بما انك مش هتقومي طبعا ف قدام الكل كدة ي جماعة
( ينتبه الكل )
اسر : انا بعتذر ل الباش مهندسة هايدي ع حاجة هي عرفاها
( تتفاجئ هايدي )
اسر : انا اسف بجد
( تفضل بصاله ب صدمة ، يمشي اسر ، يعدي الوقت )
أية : الساعة بقت ٢ .. انا هطلع انام ورايا كلية .. مش هتنامي ؟؟
نورا : لا اطلعي انتي شوية وهطلع
أية : اوك تصبحي ع خير
نورا : وانتي بخير
( تطلع أية ، تشوف منصور داخل البيت )
أية : حمدالله ع السلامه
( يقرب يبوس دماغها )
منصور : الله يسلمك .. ايه مسهرك ل دلوقتي معندكيش كلية الصبح ؟!
أية : لا عندي بس كنت بتمرن شوية مع نورا وطالعة انام اهو
منصور : مع نورا !!!!
*طولتها اهو زي م طلبتوا وبردوا مافيش تفاعل وكان ف توقعي حاجة وانتوا يأستوني صراحة ومافيش اي حماس نهائي ان انزلكم قصص تانية والقصة دي هكمل نزولها عشان الناس الي اتفاغلت معايا بس وقصة انحناء الياسمين ٢ انتوا خلتوني مستحيل انزلها ف الوقت دة*
( متنسوش اللايك ورأيكم )

[رايما]

الحلقة السابعة عشر { ١٧ }
أية : اه طلعت كانت بترقص باليه
منصور : اهااا
أية وهي بتبوس خده : تصبح ع خير
منصور : وانتي بخير
( عند نورا ، مشغلة اغنية وبترقص عليها ، يفتح منصور الباب ب هدوء ويدخل ويقفله )
( **ملحوظة** الاوضة عازلة للصوت برة )
( يقلع منصور الجاكيت و يقلع الجرافت ويفك اول ٣ ازرار ف القميص ويفك ازرار كمام قميصه ويرفعها ويقعد ف الارض يتفرج ، نورا كل شوية تنسى وتعيد وتقع وتقوم ومصممة تكمل ، تخلص الأغنية )
منصور : رقص دة ولا عندك تسلخات
( تتخض نورا ، تلاقي منصور قاعد ف الارض قاعدة باين عليها الاندماج من بدري )
نورا : خضتني
منصور : اومال انا اعمل ايه بتفرج عليكي من بدري ومتخضتش اهو
نورا : ههههه رقصي بشع للدرجة
منصور : لا مش اوي .. بس بترقصي ب عشوائية والمفروض في شوية اساسيات تمشي عليها
نورا : زي ايه طيب ؟؟؟
منصور : أن طلاما مافيش مدرب يبقا اول حاجة بتعمليها انك ترقصي الفري دانس **الرقص الحر** بتطلعي كل الي جواكي قبل م تبدئي ف الباليه الي بجد .. لكن انك ترقصي الباليه ب عشوائية دة هيلغبط افكارك
نورا : شكلك فاهم ف الباليه فعلا !!!
منصور : فهمته عشان أية
نورا : اتعلمته عشانها ؟!!!!
منصور : اهااا
نورا : طب ليه مسيبتش مدرب يدربها اسهل
منصور : محدش غريب يحط أيده عليها .. وف نفس الوقت محبش يكون نفسها ف حاجة ومعملهاش
نورا : انت اخ مثالي ع كدة
منصور وهو قايم : مش دايماً
( يقرب ع السماعات ويشغل اغنية " اويلي " ل بان حرقة كرت ، ياخد ايدها ويوقفها قدام المرايا ويقف وراها ويمسك ايدها يلففها ويوقفها مرة واحدة يبقى مازال وراها بردوا ، يرفع ايدها الاتنين وينزل ب ايده ب هدوء لحد وسطها ويهمسلها ف ودنها )
منصور : شدي جسمك
( تفوق نورا من هيامها وتقف كويس )
منصور : بصي لنفسك ف المرايا .. متبصليش انا
( تتحرج وتبص ل المرايا ، يبصلها ف المرايا ، يمسك ايدها ويبدء يرقص معاها ع نغمة الأغنية ، تبقا زي العروسة اللعبة ف أيده بيحركها ، كل رد فعلها انها بصاله وبس ، يلففها مرة واحدة وتبقا ف حضنه باصين ل بعض )
*( والله ما طلعت شمسا ولا غربت إلا وحبكي مقمورا ب انفاسي ، ولا جلست إلى قوما أحدثه إلا وانتي حديثي بين جلاسي )*
( تخلص الأغنية ، كل مادا م بيقرب ليها اكتر ، وفجأة .............. )
منصور : تصبحي ع خير
( يسيبها ويمشي )
نورا : ي جزمة
( تقعد ف الارض ، تبص ل نفسها ف المراية )
نورا : حقير صح .. بس بقا عسل
( تاني يوم ، نورا ف اوضتها نايمة ، يخبط الباب ، تصحى ، تدخل مرات عمها )
هالة : ي صباح الفل ع الورد
نورا : صباح النور ي طنطي
( تفتحلها الستاير )
هالة : يلا ي حبيبتي قومي
نورا : حاضر
هالة : اول مرة اصحيكي بدري انهاردة معلش بس عشان انهاردة الجمعة ونادر أما بنكون كلنا متواجدين ف البيت عشان نصلي سوا ف قومي يلا اتوضي وانزلي عشان تصلي معانا
نورا : حاضر
( تمشي هالة ، تقوم نورا تتوضى وتلبس اسدال وتنزل ، تدخل أوضة مخصوص للصلاة ، الكل متجمع فيها )
حجاج : هتقرأ انت ي منصور
منصور : اوك
( يرتبوا وقوفهم الرجالة قدام والستات ورا ويبدؤا الصلاة ، ببدء منصور يقرأ القرآن ب صوت تحفة كأنه شيخ محترف

تتخض نورا أما تسمعه وتنتبهله جدا ⁩ ييجي السجود ، تنزل دموع نورا وهي بتسجد ل سبب متعرفهوش بس حست عاوزة تعيط ، ف عيطت ، تطول ف السجود عن الكل وبعدها تقوم ويكملوا صلاة ، يعدي الوقت ، تخلص الصلاة ، يروحوا عشان يفطروا ، لسة نورا هتروح وراهم ............. )
منصور : لايق فيكي الحجاب
( تبصله )
نورا : تسلم
( يبتسملها ولسة هيمشي ............. )
نورا : منصور
( يبصلها )
منصور : نعم ؟
نورا : كان صوتك حلو اوي ف القرءان
منصور : تسلمي
نورا : هو ينفع لما تيجي تصلي تقولي لو كنت موجود ف البيت يعني
منصور ب ابتسامة : ينفع
نورا : اصل انا نفسي اصلي .. بس مكنتش بلاقي الي يشجعني وكدة .. ف مكنتش مواصبة
منصور : ليكي عليا لو كنت ف البيت هقولك وقت الصلاة تصلي معايا ولو كنت برة هتصل بيكي اقولك بردوا
نورا : ميرسي ي منصور
منصور : العفو
( يروح ع السفرة ، تروح نورا وراه عشان يفطروا ، يقعد الكل ، يخبط الباب ، تفتح الشغالة )
عمر : سلاموا عليكوا
( **ملحوظة** عمر شاب وسيم ، بشرته قمحية ، شعره بني ، عيونه بني ، طوله متوسط ورفيع ، عنده ٢٥ سنة ، شغلته محامي ، عمر يبقا ابن عمة منصور )
الشغالة : عليكم السلام لحظة واحدة
( تدخل الشغالة )
حجاج : مين ي سيدة ؟
الشغالة : عمر ابن اخت حضرتك
( البنات يحطوا الطرحة ع دماغهم الا نورا عشان مش محجبة )
حجاج : خليه يدخل
( يدخل عمر )
عمر : السلام عليكم
الكل : عليكم السلام
( يدخل يسلم ع الكل ب أيده الا انچي وأية ، يشوف نورا )
عمر : نورا ولا مايا ؟؟
نورا ب ابتسامة : نورا
( يمدلها أيده تسلم عليه )
عمر : عاملة ايه ي نورا
نورا : الحمدلله
عمر : كبرتي واحلويتي بقالي كتير مشفتكيش
( تتحرج نورا ، منصور ع اخره ، عمر مازال ماسك ايدها ، يمسك أيده منصور منها ب عنف )
منصور : ازيك ي عمر
عمر : الحمدلله ي منصور .. انت عاملة ايه ؟
منصور ب غل : فل
( يسبب أيده )
حجاج : يلا اقعد افطر معانا حماتك بتحبك
عمر : هي لسة هتحبني
( يقعد عمر )
هالة : عامل ايه ي عمر ؟
عمر : الحمدلله ي طنط
هالة : دايما ي حبيبي
( يعدي الوقت ، البنات قاعدين برة ف الجنينة مع اخواتهم ، عمر قاعد مع خاله جوة )
حجاج : مش باين يعني ي عمور
عمر : الشغل والله ي خالي انت فاهم
حجاج : ربنا يعينك ي بني
عمر: يارب
هالة : انت تقعد بقا معانا انهاردة
عمر : لا اقعد ايه مش هينفع والله انا يادوب امشي
حجاج : تمشي فين ي بني انت لحقت !!!!
عمر : معلش مرة تانية ي خالوا
حجاج : لا مافيش مشيان هتقضي معانا اليوم انهاردة
( يعدي الوقت ، اسر ف الجنينة بيتكلم ف الفون ع جنب )
اسر : والله مش متصل بيكي عشان استهبل انا فعلا اسف وندمان ع الي عملته ومش عارف ازاي عملته اصلا
هايدي : حصل خير
( تقرب أية تحط ودنها عند فون اسر ، يزقها )
اسر : يعني مش زعلانة مني ب حق ربنا ؟؟
هايدي : لا مافيش حاجة والله
اسر : بالله عليكي متكنيش دعيتي عليا لان شكل ربنا بيقبل دعاكي وانا ختلي قلم فوقني وقتها
( أية تمسك الفون من ع ودنه ، يزقها تاني ويشده منها )
هايدي : لا والله م دعيت ولا كان قصدي اشتكيك ل الباش مهندس .. بس الي حصل مقدرتش اتحمله لوحدي بس
اسر : عارف والله وبستحقر نفسي كل يوم من وقتها ف حقك عليا انا
هايدي : والله مافيش حاجة يكفي انك اتصلت بيا تراضيني وانا مش قلبي اسود متخافش
اسر : عارف ان مافيش ابيض من قلبك
هايدي : تسلم
( أية تلف ايدها ع رقبة اسر عاوزة تسمع )
اسر ب نفاذ صبر : يخربيت اهلك بقا
هايدي : نعم

[رايما]

الحلقة الثامنة عشر { ١٨ }
( تجري أية وهي بتضحك )
أسر : ااا مش انتي مش انتي
( يعدي الوقت ، يطلع عمر يقعد مع الشباب برة ، الكل قاعد ، يلمح الدبلة ف أيد منصور )
عمر : ايه دة انت خطبت
اسر : انت لسة فاكر ي عم دة قرب يفركش
الكل : هههههههه
عمر : لا انا سمعت بس قلت مستحيل يعني
منصور : اشمعنا ؟!!!!
عمر : ملكش ف الستات انت
اسر : اوبااااااا
منصور : قصدك ايه بقا ان شاء الله ؟؟؟
عمر : لا مش الي ف دماغك اقصد انت مبتعرفش تتعامل مع الستات يعني خلقك ضيق اوي
اسر : لا كان زمان الكلام دة حتى أسأل نورا
عمر : نورا ادرى واحدة دة كان قارفها وهي صغيرة متلعبيش مع الولاد متقعديش مع الولاد وكان دايما يشتكيها ل خالي سليم واظن مازال فيه داء التحكم والعصبية دول بردوا
انجي : لا منصور اتغير ي عمر
عمر : لا متغيرش ي انچي .. مظنش دي حاجة سهل تتغير
( يبص ل منصور )
عمر : اترحمت منك طبعا أما سافرت مع أن مكانش يخصك تصرفاتها بس طول عمرك كنت حشري
منصور ب هدوء : لا كان يخصني ومازالت تخصني .. لأنها هتبقى مراتي قريب
( تفرح نورا ب كسوف ل دفاع منصور عنها ، حتى لو كان دفاع ضدها ، يتفاجئ عمر )
عمر : مراتك !!!!!
انجي : انت متعرفش أن نورا خطيبة منصور ولا ايه ؟
عمر : لا معرفش
منصور : لا خطيبتي
( عمر يبص ل نورا )
عمر : وافقتي عليه ازاي دة اكيد شربوكي حاجة ولا ايه
( متردش عليه ، منصور ع اخره والكل مش عاجبه كلامه )
عمر : انا لو منك افركش حالا قبل م الفاس تقع ف الراس
( متردش نورا )
عمر : ايه دة انت لحقت وقعتها
منصور ب غضب مكتوم : ميخصكش
عمر : اهو بدء يتعصب شوفتي
( يبص ل انچي )
عمر : مش قلتلك متغيرش
انجي : المهم أنه عاجب خطيبته
( يبص ل نورا )
عمر : اشك صراحة .. اظن خوف
منصور : ليه ان شاء الله .. شايفني قاعد وماسكلها الكرباج ولا بطفي السجاير ف وشها ؟!!!!!
عمر : لا أصل بيقولوا م جمع الا أما وفق ونورا طول عمرها هادية ورقيقة وانت بركان ي عم
أية : مهو دة الوفاق ي عمر لو هما الاتنين هاديين هيبقى في برود بينهم ولو كانوا الاتنين ثايرين يبقا عمرهم م هيكملوا طبعا
عمر : يمكن
( يبص ل نورا )
عمر : اومال فين مايا صحيح ؟!
نورا : ف البيت
عمر : وانتي جاية زيارة ؟
اسر : لا نورا بقت مقيمة عندنا
عمر : لا والله !! دة ليه ؟!!!
ساجد وهو بيقاطع عمر : بابا قالكم ع رحلة الغردقة ؟؟
انجي : اه قالنا بس احنا هنطلع برة مش تبع الشركة
( يرن فون منصور ، يقوم منصور )
منصور : نورا
نورا : نعم ؟
منصور : تعالي
( يمشي منصور وتروح وراه نورا ، يقفوا ف الجنينة من ورا عند البسين ، يرد منصور ع الفون )
منصور : السلام عليكم .. باش مهندس عامل ايه .. تمام الحمدلله .. اه اتفضل .. اه .. اهاا
( نورا واقفة مراقبة منصور )
منصور : لا ع ٦٠٠ متر بالظبط .. اه هتبقى ع كدة .. هيبدؤا م الاسبوع الجاي ان شاء الله .. تمام ابعتهالي ع الواتس
( يكمل منصور المكالمة ، يخلص ويقفل ماسك الفون بيشوف حاجات فيه )
نورا : هو انت كنت عاوزني ف حاجة ؟؟
منصور وهو باصص للفون : لأ
نورا : اوك
( لسة هتمشي ........... )
منصور : رايحة فين ؟
نورا : هاروح اقعد طلاما انت مش عاوزني
منصور : لا انا عاوزك
نورا : عاوز ايه ؟؟
منصور : خليكي واقفة معايا
( تبتسم نورا )
نورا : اوكااااي
( يرجع يبص ل الفون ، تقف نورا تشبك ايدها الاتنين ف بعض وتفضل تلعب ف الزرع ب رجليها وتبص ل منصور من تحت ل تحت ، تلمح قطة بعيد )
نورا : الله قطة
( ينتبه منصور ، تقرب نورا ع القطة )
منصور : نورا خلي بالك عشان دي قطة شوارع
نورا : حاضر
( تقرب نورا ع القطة وتوطي عليا )
نورا ب صوت طفولي : هاااااي ازيك ي حلوة
( يبصلها منصور ويبتسم ع طريقتها ، لسة هتحط ايدها عليها تخربشها ف ايدها )
نورا ب خضة : اااه
( يتخض منصور ويجري عليها )
نورا وهي بتبص ل منصور وع وشها ضحكة خضة : خربشتني
منصور : قلتلك انا وريني
( توريه ايدها ، يمسكها )
منصور : شوفتي عورتك
نورا : كانت باينة كيوت طيب
منصور : والله انتي الي كيوت ⁦
( تبتسم نورا ب كسوف ، يمسك ايدها ويعدوا ع الباقي )
أية : رايحين فين ؟؟
نورا : القطة خربشتني
أية : لا بجاااد !!!!!
نورا : والله
انجي : وانتى مالك فرحانة كدة ليه
نورا : م الخضة بس
الكل : ههههههه
( ياخدها ع جوة ، يدخلوا التواليت ، يحطلها ايدها تحت الماية )
نورا : ااااه لأ
منصور : اه ولا لأ ؟
نورا : متضحكنيش بتوجعني
منصور : معلش
( ينشفهلها ب مناديل براحة )
نورا : بتحرقني اوي ع فكرة
منصور : طب استحملي الجاي بقا
نورا : جاي ايه ؟؟
( يحط ع ايدها مطهر )
نورا : اه اه اه ليه كدة اااااه
منصور : بدل م يجيلك مكروب وتروحي مستشفى تاخدي حقن دي قطة شوارع ومتلوثة
نورا : ااااه مش قادرة
منصور : معلش استحملي
( تسند دماغها ع الحيطة ب وجع وتنزل دموعها )
منصور : بتعيطي ليه دلوقتي
نورا ب عياط : بتوجعني اوي
منصور وهو بيطبطب ع دهرها : خلاص طيب
( تتخض نورا من جواها من لمسته ل ضهرها وتترعش وكأن قلبها اتوقف عن النبض ل ثانية وتنسى الوجع ، تفضل ايده ع ضهرها )
منصور : بطلي عياط بقا بسيطة بلاش دلع
نورا ب احراج وفرحة : حاضر
( ترجع تقف كويس ، يشيل ايده من ضهرها ويمسك ايدها يطلعوا م التواليت ، يقعدوا ع الكنبة ويفضل ماسك أيدها )
نورا : اااااه كرهت القطط خلااااص
منصور : عشان تبقي تسمعي كلامي بعد كدة ⁦
نورا : اه
( يحطلها عليها لازقة ويبدء يلفلها عليها قماشة ، بصاله نورا ، شغال ع التي في كرتون الجميلة والوحش )
( *اه مش امير حواديتي ، لكن جوه قلبو شيء كان نفسي الاقيه ، مخطرش ف بال ولا دار ف خيال ، مين كان يصدق قلبهم الأتنين يميل ، نستنى يومين ونشوف بالعين ، الحلم ده هو عمره قصير ولا طويل ، ع فكرة الحلم ده ممكن يبقى عمره طويل ، الحلم ده ممكن يبقى علم و علم جميل* )
( وفجأة ............. )
اسر : مش عيب ناس ف سنكوا يتفرجوا ع كرتون والله عيب
( يتخضوا ، يطفي اسر التي في )
نورا : كان شغال م الاول
اسر : بتعملوا ايه ؟
نورا : داااا ............
منصور : وانت مالك ؟
اسر : بحب اتحشر
منصور وهو قايم : عيل غتت
اسر : ميرسي
( يطلعوا يقعدوا برة )
اية : طب قولنا النظام بقا
ساجد : هي شركة بابا مطلعة رحلة ل الغردقة تمام ؟
أية : تمام
ساجد : ف احنا هنطلع بس مع حالنا يعني
انجي : دي امتى هتبدء صحيح ؟
ساجد : لا دي لسالها شهر او اكتر تقريبا ف لسة بدري
أية : اشطا
عمر : بس فيكي حاجة غريبة ي نورا
( يبصله الكل )
نورا ب استغراب : ايه ؟؟
عمر : مش عارف .. يمكن لبسك متغير .. انا شفتك من قريب ف كافيه مع شلة كدة كانوا بيشيشوا .. كنتي غير كدة خالص !!!!!
( تتخض نورا وتبص ل منصور الي باصص ل عمر وعيونه جمر م الغضب وضاغط ع شفايفه لدرجة قربت تتعور )
عمر : ايه الي غيرك كدة
ساجد : يهدي من يشاء ي عمر
عمر : اكيد طبعا بس برافوا ع التغيير الكامل دة .. مع انك كنتي الاول احلى
منصور ب غضب مكتوم وصوت واضح : وبعدين ف ام الليلة دي الي مش هتعدي ع خير
عمر : ايه ي عم مالك دي بنت خالي قبل م تكون خطيبتك ع فكرة
منصور : بس هي خطيبتي دلوقتي ي عمر
عمر : ي سيدي ماشي مقلناش حاجة احنا اسفين
( يبص ل نورا )
عمر : متزعليش ي نورا مش قصدي حاجة وحشة
نورا : ولا يهمك
( توصل مايا وفاطمة )
انجي : ايه المفجأة الحلوة دي
مايا : ايه رأيكم
( يدخلوا يسلموا )
مايا : عمر
عمر : مايا عاملة ايه ؟
مايا : الحمدلله فينك ي بني
عمر : اهو موجود انتي الي فينك ليكي وحشة
مايا : وانت والله
( تقرب فاطمة تسلم ع منصور ، تبصلها نورا ب قرف ، تقرب تحضنها وتسلم عليها ونورا مش طيقاها ، يعدي الوقت ، كل واحد ف حتة ف البيت ، منصور ف اوضته بيشوف حاجات ع اللاب توب ، يخبط باب الاوضة )
منصور : ادخل
( تدخل فاطمة ، يستغرب منصور أما يشوفها )
فاطمة : هي دي اوضتك انا فكرتها أوضة نورا معلش
منصور : لأ .. أوضة نورا الي جنبها
فاطمة : اهااا
( تدخل وتقفل الباب )
فاطمة : هو انت بتعمل ايه ؟
منصور : شغل
فاطمة : شكلك م النوع الي بتحب الشغل اوي
منصور : اممممم
( تقرب تقف قصاده )
فاطمة : منصور
( يبصلها )
فاطمة : هوااا .. انت بتحب نورا ؟؟؟
( يفهمها )
منصور : واشمعنا ؟
فاطمة : بسأل
( ميردش عليها )
فاطمة : مردتش يعني !!!
منصور : عاوزة ايه ي فاطمة .. وم الاخر ياريت
فاطمة وهي بتحط ايدها ع خده : تمام .. م الاخر انا بحبك .. من اول مرة شفتك فيها وانا حبيتك .. انا البنت الي بتكلمك ف الفون
منصور : عارف
فاطمة ب استغراب : عارف !!!!!
( التفاعل ي شباب كنتوا تمام امبارح حمستوني جدا اكمل ، ياريت نستمر ع كدة لايك او كومنت يحسسني بوجودك هيفرق ف نفسيتنا )
( متنسوش اللايك ورأيكم )

[رايما]

الحلقة التاسعة عشر { ١٩ }
منصور : من اول مرة جيتي فيها هنا وانا عارف انها انتي
فاطمة : انا عملت كدة عشان عارفة انك مبتحبش نورا ولا بتطيقها .. هي قالتلي كدة
منصور : والمطلوب ؟
فاطمة : بقولك بحبك افهم انت
( تقرب عليه اكتر ، يشيل ايدها من ع خده يمسكها )
منصور : الي انتي بتعمليه دة غلط واشكالك متنفعش معايا ولا هتعرف توقعني تمام
( يزق ايدها )
فاطمة : اشكالي م انت خطبت اشكالي .. لا واوس**م كمان
( يمسكها من رقبتها )
منصور ب عصبية : كلمة كمان وهنزلك م الشباك
فاطمة وهي بتزق ايده : متتحمقش عليها اوي كدة .. اشبع بيها .. زي الي قبلك
( لسة هتمشي يمسك دراعها )
منصور : قصدك ايه
فاطمة : قصدي أن متصدقش براءتها الي بقت فيها .. الي زي دي ماية من تحت تبن وبتعرف كويس اوي توقع الي زيك .. ميغركش الاحتشام دة ممكن يكون خوف منك مش اكتر .. لكن من جواها اكيد بتحن ل حريتها والي ع كيفها .. دة إذا مكانتش بتعمل دة وانت مش واخد بالك اصلا .. وهنروح بعيد ليه .. ابن عمتك دة الي قاعدة تحت تتمايع معاه وانت هنا ملهي ف الشغل .. خليه ينفعك
( تمشي فاطمة ، يقرب منصور يبص م الشباك ، يلاقي نورا ف الجنينة قاعدة مع عمر واسر بيضحكوا ويهزروا تحت ، يضغط منصور ع أيده ويلف يشوط اللاب توب من ع الترابيزة وينزل تحت ع اخره )
عمر : ي عم انت تسكت خالص انت تروح اي حتة تخربها
نورا : ههههه دة كارثة دة
اسر : ليه ي جدعان انا والله لطيف .. احكيلوا ع السلسة احكيلوا
نورا : هههههيهههيهه لااا
( غصب عنها نورا تطلع منها الضحكة ب مياعة وعالية ، يقرب منصور )
منصور ب انفعال : ايه ي هانم قاعدة ف كباريه
( تتخض نورا )
نورا ب توتر : انا مقصدش والله .. طلعت مني غصب عني
عمر : عادي م براحتها دي ضحكة يعني
منصور ب عصبية : وانت مال اهلك
( يتخض الكل ، منصور خلاص جاب اخره )
عمر وهو بيقف : اهلي !!!!!!!!!!!
اسر ب خضة : ايه ي منصور اهدى ي بني في ايه
( يضغط منصور ع أيده اكتر )
عمر : انا ماشي ي اسر .. سلام
( يمشي عمر )
اسر : ي بني استنى انت كمان
ساجد : عمر !!!!
( يروحوا وراه اخوات منصور )
منصور : مبسوطة طبعا
نورا ب استغراب : في ايه ي منصور
منصورب عصبية : في أن رجعنا للوس**ة والقرف تاني
نورا : انا عملتلك ايه طيب
منصور : لا ملاك برئ انتي مبتعمليش حاجة
( يزعق ف وشها )
منصور ب زعيق : انا الي ابن كلب شيطان
( تنزل دموعها مش عارفة تتكلم من عصبيته ، لسة هتمشي ، يمسك دراعها )
منصور : تعالي رايحة فين ؟
نورا : ملكش دعوة
منصور : عاوزة تعيطي يعني .. طب تمام انا هعيطك بجد ي نورا
( يشدها من دراعها مرة واحدة يجرها ع جوة )
نورا ب خوف : منصور سيبني
( يطلعها اوضتها وب اقوى ما عنده يزقها تقع ع السرير )
نورا : اااااه
( يقرب يمسكها من دماغها يقربها عليه )
منصور ب زعيق : لو شفت رجلك برة الاوضة دي هكسرهالك
نورا ب عياط : ليه طيب
منصور ب زعيق : سامعااااا
نورا ب خوف : حاضر
( يمشي منصور ، تنزل دموع نورا اكتر وتعيط ، ينزل منصور تحت )
انجي : في ايه ي منصور ؟؟
منصور : مافيش
اسر : اومال ايه الي عملته ف نورا وعمر دة ؟!!!!
منصور ب عصبية وزعيق : قلت مافييش
ساجد : طب اهدى طيب دلوقتي
( يطلع منصور يركب عربيته ويمشي ، تسمعها نورا ، تبص م الشباك تلاقيه مشي ، تنزل تحت )
نورا ب عياط : هو ليه بيعمل معايا كدة .. انا عملتله ايه طيب عملت ايه
أية : اهدي بس والله احنا منعرفش ماله !!!!!!
اسر : ممكن ضحتك استفزته
نورا : والله م كنت قصداها ي اسر
اسر : عارف بس هو تفكيره خربان انتي فهماه
نورا ب عياط : لأ .. انا مبقتش فهماه لأ .. مش فاهمة هو عاوز مني ايه .. عاوز يدفني ب الحيا ولا عاوز يحييني ميتة .. مبقتش فاهمة هو عاوز ايه مني مش فاهمة وتعبت منه بجد
( تاخدها انچي ف حضنها )
انجي : معلش استحمليه عشان خاطري
نورا : خلاص بقا
انجي وهي بتطبطب عليها : معلش
( تعدي الايام ، يرجعوا من جديد اغراب منصور طول الوقت ف الشغل ونورا ملهية ف الدراسة و تمارين الباليه مبيشفوش بعض ، اسر وهايدي بقت علاقتهم افضل وبقوا صحاب ، هايدي قاعدة ع مكتبها ، يدخل اسر وفي اكياس ف ايديه ، يقفوا الموظفين )
اسر : اقعدوا اقعدا
( يقعدوا ، يقرب ع مكتب هايدي ويحط عليه الاكياس ويفتحها )
هايدي : ايه دة ؟؟؟
اسر : اكل جعت قلت اجيبلك معايا
هايدي : طب استنى دة مش وقت البريك
اسر : بريك ايه احنا ف مدرسة كلي كلي
هايدي : ههههههه ماشي
( ياكلوا ، تاني يوم ، يطلع الصبح ، تلبس نورا وتنزل ، تلاقي منصور بيقرب ع عربيته ، يشوفها )
منصور : رايحة فين ع الصبح
نورا : عندي امتحان
منصور : ومقلتليش ليه ؟
نورا : مش بشوفك عشان اقولك
منصور : ومش قادرة تتصلي بيا
نورا : لا قادرة .. بس مش عاوزة
منصور : طب تمام ادخلي مافيش امتحان
نورا : نعم !!! بتهزر
منصور : انتي شيفاني بهزر ؟؟ ادخلي جوة
نورا : مينفعش بقولك عندي امتحان
منصور ب زعيق يخض : يولع
نورا ب خوف : لييييه
منصور : مش عاوزك تروحي
( نورا خلاص قربت تعيط )
نورا : منصور عشان خاطري .. سيبني اروح متضيعليش السنة
منصور : م تضيع ولا تولع وايه يعني
نورا : منصور والنبي
منصور ب هدوء : هتدخلي ولا ادخلك انا ي نورا ؟
( تنزل دموعها )
نورا ب كل خوف : هروح ي منصور
منصور : نعم ؟!
نورا ب توتر : هروح الامتحان
( يضربها بالقلم يوقع من ايدها الورق والكتب )
منصور ب زعيق : ع جوااا
( تجري نورا ع جوة ، تدخل اوضتها تتفتح ف العياط ، تلبس انچي عشان تروح الشغل ، تعدي ع أوضة نورا ، تسمعها بتعيط ، تدخل )
انجي : في ايه ؟!!!!!
نورا ب عياط : مرضاش يوديني الامتحان
انجي : منصور ؟؟
نورا : ااااه
انجي : ليه كدة ؟!!!!!
نورا : معرفش .. انا كدة هعيد السنة من تاني ي انچي
انجي : لا استني هكلمه
( تهدى نورا ، عند منصور ، سايق عربيته ، يرن الفون ، يمسكه ، يلاقي انچي )
منصور : لحقت تشتكي
( يرد )
منصور : السلام عليكم
انجي : عليكم السلام انت مشيت ؟؟
منصور : اه
انجي : طب انت ..........
منصور : مش هتروح ي انچي خلصنا
انجي : ليه ي بني بس ؟!!!!
منصور : كدة
انجي : مستقبلها هيضيع
منصور : لا متقلقيش اخرتها هتطفش وتشتغل رقاصة ليها مستقبل بردوا
انجي : ايه الكلام دة بس ي منصور دي منهارة م العياط
منصور : اااه هي عملت عليكي الشويتين بتوعها
انجي : طب سيبها تروح امتحانها ولو في مشكلة نحلها بعدين
منصور : لأ
انجي : ي منصور عشان خاطري متضيعش عليها السنة
( يتنهد منصور )
منصور : توديها وانا هجيبها ي انچي
انجي : طيب اوك مش مهم هوديها
( تفرح نورا )
منصور : سلام
( يقفل منصور )
انجي : يلا قومي بسرعة هوديكي وهو هيبقى يجيبك
نورا : حاضر
( تاخدها انجي توصلها الكلية ، تحضر نورا الامتحان ، تخلص وتطلع ، منصور مستنيها قدام الكلية ، يشوفها وهي ماشية ووشها ف الارض ، يبتسم ابتسامة سخرية ، تقرب نورا عليه ، تركب ويمشي ، ف الطريق )
نورا : هو انت ليه بتعمل معايا كدة ؟؟
( يفاجئ انها اتكلمت ، ميردش باصص ل طريقه ، تدمع عينها )
نورا : ليه بتبقا كويس وبشوفك احن انسان ف الدنيا .. وفجأة بتقلب عليا وتعاملني كأني م الشارع وعدوتك .. ليه مصمم تكرهني فيك ي منصور .. ليه مصمم تخوفني منك .. ليه كل اما اقربلك بتبعدني .. ليه خطبتني اصلا
منصور وهو بيخبط ب أيده ع الدركسيون : شششششش بقا
( يحرجها ، تسكت وتنزل دموعها ، يوصلوا البيت ، يوقف العربية وفجأة ............ يمسكها من دماغها يقربها عليه )
منصور : لو طلعتي تاني م البيت دة من غير م تقوليلي هيكون يومك اسود .. ماشييي ⁦☝⁩
( تنزل دموعها )
منصور ب زعيق : بطلي عيااااط
( يذيد عياطها ، يزقها ف كتفها )
منصور : عندك دم اوي وبتعيطي .. انزلي ي ...........
( يمسك لسانه )
منصور : انزلي
( تفتح باب العربية ب هدوء وتنزل ، تدخل البيت ، يمشي منصور ، تطلع نورا اوضتها وتتفتح ف العياط ، منصور سايق ع اخره ، يوصل الشركة ويدخل مكتبه ، تشوفه انجي ، تدخل وراه )
منصور ب زعيق : ليه .. عاوزة تعرف لييييييه
انجي : في ايه

[رايما]

الحلقة العشرون { ٢٠ }
( يذيد عصبيته )
منصور : عاوزة تعرف انا ليه بتغير معاها .. عشان كل اما اقول اتعدلت بتعمل حاجة بترجع بيها انيل م الاول .. مش عارف .. مش عارف اغيرها مش عارف
( يقعد ويحط أيده ع دماغه )
منصور : مش عارف بجد
انجي : متقولها ي منصور
منصور : اقولها ايه ؟!
انجي : انك بتحبها
( يبصلها )
انجي : طلع الي جواك وارتاح
منصور : مش هرتاح
انجي : ازاي ؟!!!!
منصور : انها تبقى عارفة دة هيتعبني معاها اكتر مش هيريحني
انجي : وانت هتفضل ف العذاب دة كتير .. من امتى وانت كدة .. من سنين فاتت وقلنا فعلا فاتت وخلاص معادتش نورا بتاعة زمان ولا عادت تنفعلك .. ايه الي خلاك ترجع كل حاجة مكانها تاني .. ليه !!!!!
منصور : انچي .. انتي حبيتي خالد وغلط ب خيانتك ف سيبتيه ومش مسمحاه .. بس لو جاتلك الفرصة انك تغيريه .. من غير م أسألك هترجعي ي انچي .. هترجعي تغيريه .. مش هتسيبيه .. وانا مش هسيب نورا
( يعدي اليوم ، تاني يوم الصبح ، انچي ومنصور ف المحكمة ، المحامي واقف معاهم بيباركلهم ع كسبانهم ل قضية الخلع ، يعدي خالد من جنب انچي ، يبصلها ب غيظ وهي تبصله ب حسرة يمشي ، يعدي الوقت ، نورا ف أوضة الباليه مشغلة اغنية وبترقص عليها ، تقع وتيأس ، تفتكر كلام منصور عن **الفري دانس** ، تقوم تشغل اغنية تانية وترقص ع انغامها مش ملتزمة ب الباليه )
( *دة انا من خووووفي بداري كسووووفي لتاخد بالك م الي انا فيه ، وبقيت مش عارفة انا هعمل ايه ، ي حبيبي خلاص هتجيني خلاص وهقولك ع الي تاعبني انا ايه ، اني احب مش هو دة الي تاعبني ، دة انا شايلة سر معذبني ، دة انا روحي فيك ومسيري ف يوم هاجي واقولك ، وهاعيش حياتي وانا جنبك ، دة انا عمري ليك * )
( تقعد نورا ف الارض وتنهار م العياط ، تدخل أية ، تجري عليها تاخدها ف حضنها )
نورا : ااااه
أية : اهدي عشان خاطري
نورا : مش قادرة
( تعيط ف حضنها ب حرقة تعدي الايام ، منصور ف اوضته ، تقرب نورا تخبط ع باب اوضته ، محدش يرد ، تخبط تاني ، مافيش رد ، تدخل تدور عليه ، متلاقيهوش )
نورا : منصووور ؟؟
منصور : نعم ؟
( تتخض ، تلف تلاقيه طالع م التواليت لافف فوطة ع وسطه ، تتوتر )
نورا ب توتر : انااا .. خبطت .. وانت مردتش
منصور وهو بينشف شعره : كنت باخد دش
نورا : اه
منصور : عاوزة ايه ؟
نورا : ااا كنت عاوزة اروح عند ماما
منصور : ليه ؟!
نورا : مايا وحشتني
منصور : طيب بكرة اوديكي
نورا : بس انا عاوزة اروح دلوقتي .. لو ينفع يعني
منصور : اشمعنا يعني دلوقتي ؟!!!
نورا ب انفعال وتوتر : قلتلك عاوزة اشوف مايا وحشتني
منصور ب هدوء : طب ومالك متعصبة كدة ليه
نورا وهي بتبص ف الارض : لما تخلص ابقا اجي اكلمك
( تمشي ، يمسك دراعها يقربها عليه ب قوة مرة واحدة تخبط فيه )
منصور : بتتحرجي اوي !!!
( يحط ايده ف وسطها ويقربها اكتر ، يوترها )
منصور : مظنش دي اول مرة تشوفي فيها راجل عريان
( يقرب اكتر )
نورا ب هدوء وتوتر : ابعد . عني
منصور ب هدوء : ليه
( يقرب اكتر ، باصين ل بعض ، حاسة ب انفاسه بتخبط ف وشها ، ع اد توترها ع اد م حابة قربه منها وفجأة شفايفه لمست شفايفها ، تتخض نورا وتزقه وتجري ع اوضتها ، تقعد ع السرير متوترة ووشها عبارة عن جمرة نار بعد شوية ، يخبط باب اوضتها ، تقوم تفتح )
منصور : البسي .. هستناكي تحت عشان اوديكي
( تفرح نورا )
نورا : اوك
( ينزل منصور ، تدخل نورا تلبس وتنزلوا ، يركبوا العربية ويمشوا ، طول الطريق ساكتين مجرد نظرات واضحة اكتر من اي كلمة ممكن تتقال سكوت خارجي وحرب جوة قلب كل واحد شايف التاني قصاده وبيتكلم معاه وبيعاتبوا ، بس مين يسمع الي اتقال )
( *يَرتَسِمُ أمامي مُحَيّاكْ ، و أسمَعُ صَوتَ صَداكْ ، أرتمي طَوعاً تحت خُطاكْ ، مِنكَ الروح ومِنكَ هلاكْ ، كيف لي ألاّ أنادي ، مَن ألبسَ عُمري سوادِ ، أهواك أهواكْ ، لا تهواني يكفي جفاكْ ، انشِلني مِن لهيبِ النّارِ ، هيّا ادنُ إنّي أراكْ ، انشِلني حُبُّكَ أعياني ، قُل لي لماذا أهواكْ ، انشِلني مِن لهيبِ النّارِ ، وارأف بِمَن تَرجّاكْ ، حينَ يصيرُ اللَّيلُ نَهارْ ، و يسودُ في الأفُقِ قِفارْ ، تَترامى أمامي الأفكارْ ، أنتَ أَمِ البَهجةَ أختار ؟* )
( يوصلوا بيت نورا )
منصور : هعدي اخدك ع الساعة ١٠
( تبصله وتنزل من غير م تتكلم ، تدخل البيت ، يمشي منصور )
خديجة ب فرحة : نورا
نورا : خالتوا
( تترمي ف حضنها وحشتها بجد )
خديجة : وحشتيني اوي
نورا : وانتي كمان
( يقعدوا )
خديجة : كدة تقعدي الفترة دي كلها من غير م تسألي عليا ولا حتى بتردي ع الموبايل
نورا : غصب عني والله .. كنت ملهية ف النظام الجديد دة
خديجة : المهم مبسوطة معاهم طلعوا طيبين جدا صراحة .. بس انتي شكلك مش مبسوطة !!!!
( تسكت نورا )
خديجة : مش مبسوطة ؟؟؟
نورا : مش عارفة
خديجة : حد فيهم مضايقك .. منصور مضايقك ؟؟
نورا : مش عارفة بردوا !!
خديجة : مش فهماكي !!!!!
نورا : انا مش فاهمة نفسي .. ولا فهماه .. مش فهماه بجد .. صعب اوي يتفهم ي خالتوا
خديجة : بيضايقك ؟؟؟
نورا : اه .. ولأ
خديجة : لغبطيني
نورا : مش عارفة بس حاسة احساس غريب .. حباه ومش حباه
خديجة : هو مين ؟؟
نورا : الاحساس
خديجة : الاحساس بردوا
نورا : منصور .. دة حكاية لوحده .. تركيبة غريبة .. مهما عملتي متقدريش تفهميه .. كل الي شيفاه أنه اجمل انسان ف الدنيا وابشعهم
خديجة : حيرتيني ي نورا .. انتي حبتيه ؟؟
( تسكت نورا )
نورا : حبيتوا
( تنزل دمعة من عيونها )
نورا : حبيتوا اوي .. بس هو بيكرهني اوي هو انا ممكن اطلب منك طلب ؟
خديخة : اكيد ي قلبي
نورا : ممكن ارجع اعيط ف حضنك .. حضنك وحشني اوي
( تقوم خديجة تاخدها ف حضنها )
خديجة : عيطي .. طلعي الي جواكي
( تنزل دموع نورا وتغمض عيونها ب وجع وتتغير ملامح وشها للحزن ويحمر من قوة الكسر الي جواها )
نورا : حاسة .. حاسة روحي بتروح
خديجة : لا ي قلبي .. دي راحة مش اكتر
( تنفجر ف العياط ب ذيادة )
نورا : اااه
( يعدي الوقت ، منصور قاعد مع ناس ف كافيه من برة ف الشارع )
شاب ١ : يبقى باقي تصريح البناء كدة
منصور : اه كدة تمام
شاب ٢ : هنمضي العقود انهاردة ان شاء الله
منصور : ان شاء الله
( منصور يلمح نورا وعمر من بعيد طالعين من محل هدوم وبيضحكوا ويهزروا ، يتخض ، يركبوا عربية عمر ، يقوم منصور يقف )
شاب ١ : رايح فين ي باش مهندس
( ميردش ، يمشي عمر ونورا )
منصور : تمام
شاب ١ : ي باش مهندس !!!!
( ينتبه للناس )
منصور : لحظة ي جماعة معلش نأجل الموضوع خدوا ميعاد مع السكرتيرة
شاب ٢ : بس ............
منصور : معلش انا اسف
( يركب منصور عربيته ويمشي بس ميلحقهمش ، يعدي الوقت ، نورا قاعدة مع خالتها ف جنينة الفيلا )
خديجة : طب وايه المشكلة ؟!!!
نورا : ان هو ............
( تلمح منصور بيقرب عليها ، تستغرب وجوده بدري نص ساعة لسة )
منصور : يلااا
( تقف نورا )
خديجة : طب قول السلاموا عليكوا الاول
منصور ب عصبية : يلاااا
نورا ب خوف : حاضر
( تمشي معاه )
خديجة : ماله دة عندها حق
( يركبوا العربية ويمشوا ، منصور سايق العربية ع اخره )
نورا : منصور هو مالك .. انت مش كنت قايلي هتاخدني ع الساعة ١٠ جيت بدري ليه ؟!!!
منصور : شششششش
نورا ب انفعال : هو كل حاجة هش هو ايه دة
( يفرمل منصور مرة واحدة يخبطها )
نورا : اااه براحة في ايه
( يبصلها ب كل غيظ وغل ، تبصله ب خوف )
نورا : في ايه
( يبص قدامه )
نورا : متطنشنيش رد عليا انت ............
( وفجأة وب اقوى ما عنده يضربها بالقلم تتخبط دماغها ف باب العربية )
نورا ب صريخ ووجع : اااه
( تمسك دماغها ب ايدها الاتنين م الوجع وشعرها ع وشها ، يمسك رقبتها من ورا يقربها عليها )
منصور ب غل : ليه .. ليه استغفلتيني .. ليه .. لييييييييييه
( يضربها بالقلمة ع وشها بس اخف م الي فات ويرجع يمسك دماغها ، تبصله ودموعها بتنزل وبتاخد نفسها بالعافية وشهقتها توجع القلب )
منصور ب انفعال ووجع : انتي ازاي كدة .. ازاي بني ادمة .. دة انا لو جايب كلبة م الشارع كانت هتبقي أوفى منك .. الي زيك عمروا م هينضف ابدا .. الي زيك لازم يحن ل رخصه مش حابب يبقى غالي .. غلطة عمري اني جازفت معاكي .. انتي او*خ واحدة عرفتها ف حياتي .. بقيت قرفان منك وربي قرفاااان
( متنسوش اللايك ورأيكم )

[رايما]

الحلقة الواحد والعشرون { ٢١ }
( باصين ل بعض ، تدمع عنيه ، يسيبها ويشغل العربية ويكمل طريقه ، نورا قاعدة ماسكة دماغها ودموعها عمالة تنزل ، يوصلوا البيت ، ينزل منصور ، نورا تفضل ف العربية مش عارفة تتلم ع اعصابها ، تفتح الباب ب هدوء وتنزل دايخة من خبطة دماغها ، تزقه بالعافية عشان تنزل ، وكأن وزنه فجأة بقا أطنان )
منصور ب زعيق : خفاااااي
( تبصله وعينها كلها دموع )
منصور : ناوية تباتي هنا
نورا ب صوت مبحوح : ملكش .. دعوة
( يقرب عليها ب عصبية ، يمسكها من دراعها )
منصور : لا ليا ي روح امك طلاما خطيبتي ف ليا فيكي ولا نسيتي ان ليكي حاكم
( نورا تجيب آخرها ، تزقه وب اقوى ما عندها تضربه بالقلم ، يتصدم منصور )
نورا ب كل غل : انا . مش . لعبتك
( تبتدي تصرخ )
نورا ب صريخ : انا مش لعبتاااااااااااااك
( يتصدم منصور من طريقتها وييجي أهله من جوة ع صوت الصريخ )
نورا ب صريخ وعياط : مش لعبتااااااااااااك
هالة وهي بتجري عليها : اهدي بس في ايه
حجاج : في ايه ؟؟؟؟
انجي : في ايه ي نورا ؟!!!!!!
( تقرب ع انچي )
نورا ب عياط ورجاء : فهميه فهميه هو بيسمع كلامك قوليلوا اني بني ادمة مش حيوانة قوليلوا اني مش رخيصة ⁦⁩ قوليلوا انا ايه قوليلوا اني كويسة قوليلوا انه غيرني ⁦⁩ قوليلوا لو هحن هحن ل اصلي وانا عمري م كنت وس*ة ي انچي
( يذيد عياطها )
نورا : قوليلوا كفاية .. كفاية بقا
( تقلع دبلتها وتحطها ف أيد انچي )
نورا : كفاية كدة
( وفجأة ، يغمى عليها )
انجي : نوراااااااا
( يتخض الكل ويجروا عليها )
انجي : نورا فوقي !!!!
حجاج : خلينا نوديها مستشفى بسرعة
( يشيلها اسر ويحطها ف العربية ومنصور واقف مكانه ، يقرب عليه ساجد يركبه العربية ويمشي الكل ، يوصلوا مستشفى ، يدخلوها ع الطوارئ ، يعدي الوقت ، يطلع الدكتور من عندها )
حجاج : طمنا والنبي ي دكتور
الدكتور : نفسيتها وحشة اوي وعندها انهيار عصبي شديد حتى مش عاوزة ترد ع اي حد يكلمها
هالة : لا اله الا الله
الدكتور : بس هي الحمدلله حالتها مستقرة حاليا
أية : ينفع نشوفها ؟؟
الدكتور : ينفع بس ياريت من غير م تقولولها حاجة تزعلها
أية : اوك اكيد
( يمشي الدكتور ، يدخل الكل ل نورا إلا منصور والشباب )
حجاج وهو بيبوس دماغها : الف سلامة عليكي ي بنتي
( متردش نورا باصة قدامها )
حجاج : انا عارف ان اكيد منصور مزعلك بس مافيش حاجة تستاهل دة كلوا انتي عندنا اهم من اي حاجة
( تنزل دموعها ، تمسحهالها هالة )
هالة : اتكلمي ي حبيبتي متفضليش كاتمة ف نفسك كدة
( تنزل دموعها ، برة ، توصل مايا وعمر )
مايا : حصل ايه فين نورا ؟؟؟
( يبصلها منصور ب استغراب )
ساجد : جوة
( تدخلها مايا )
عمر : الف سلامة عليها .. ان شاء الله تطلع بالسلامة
الكل : أن شاء الله
عمر : والله كنا لسة رايحينلكم
اسر : اشمعنا ؟!!!
عمر : نقولكم اني قريت فاتحة مايا امبارح
اسر : لا بجد ؟!!
عمر : اه والله
اسر : مبروك ي معلم
ساجد : مبرووك
عمر : الله يبارك فيكم
( يفتكر منصور ، الي كانت مع عمر مايا مش نورا وياخد باله من لبس مايا ، يفهم )
منصور وهو بيقوم : احيه
اسر : في ايه ؟!
منصور : عكيت الدنيا .. عكيتها
ساجد : عملت ايه ؟؟
اسر : عكيت ايه ؟؟
منصور : ولا حاجة .. ولا حاجة
( يقرب ع الاوضة ويخبط ويدخل ، تشوفه نورا تنام وتضير وشها الناحية التانية وتحط الغطا عليه ، يفهم أن مش هتكلمه ، يطلع يقعد برة تاني ، يعدي الوقت ، حجاج قاعد مع منصور ف كافتريا المستشفى )
حجاج : وحتى لو كانت هي وايه يعني
منصور : يعني انها تطلع برة البيت من غير م تقولي وايه يعني وأنها تخرج مع عمر وايه يعني وأنها يبقى لبسها متغير وايه يعني ؟!!!
حجاج : يعني ي غبي ي اغبى الخلق كل دة مخلكش تتردد لحظة وتفكر قبل م تتصرف انها ممكن تكون اختها مش هي
( يسكت منصور )
حجاج : م تنطق !!
منصور : دة الي جه ف بالي وقتها
حجاج : لا إله إلا الله .. غيرتك الذيادة دي هتدمر حياتك .. ربنا يطلعها م المستشفى ع خير الاول وبعدين نبقا نشوف هنعمل ايه
منصور : اوك
( تقرب اية )
حجاج : في حاجة ولا ايه ؟؟
اية : لا لأ مافيش
( تقعد معاهم )
حجاج : لسة نايمة نورا ؟!
اية : صحيت بس بتتكلم بالعافية .. انا خايفة تكون مش هتتكلم تاني ي بابا
حجاج : لا ان شاء الله هتتكلم بس واحدة واحدة الدكتور قال انها تعبانة لسة
اية : ربنا يستر
حجاج : يارب
( منصور قاعد حاسس بالزنب يقوم يمشي ، يعدي الوقت ، ييجي الليل ، نورا ف الاوضة ف المستشفى ، مايا بتسندها تقعدها ع طرف السرير ، يخبط الباب ويدخل منصور )
منصور : السلام عليكم
مايا : وعليكم السلام .. احم هروح اكلم ماما اطمنها
( تمشي مايا تقعد برة ، يقف منصور قصاد نورا )
منصور : عاملة اية ؟؟
نورا : ............
منصور : انا عارف انك زعلانة مني .. بس كان غصب عني والله .. انا ............
نورا : انت ليه خطبتني ؟
منصور : ..............
نورا : سألتك السؤال دة قبل كدة ومردتش عليا .. ليه خطبتني ي منصور .. ليه ؟!
منصور : ..............
( تقوم تقف وتدمع عنيها )
نورا : اقولك انا خطبتني عشان تبين للكل ان الي انتوا مش قادرين عليها انا هقدر عليها .. وقدرت عشان تبين للكل انك قوي وراجل .. وعليا قويت واسترجلت عشان تبين للكل انك هتعرف تلمني .. ف كسرتني
( منصور مش عارف يرد يقول ايه ، كل الي عاوزه دلوقتي انها تتكلم وهو يسمعها وبس مهما كان كلامها هيوجعه ، تنزل دموعها )
نورا ب عياط : مكنتش بعارضك ف حاجة .. مكنتش بتكلم مبتكلمش والله .. كنت تهيني وتمرمت ب كرامتي الارض واسكت حتى لو مغلطش ⁦⁩ كنت تبقا كويس وف ثانية تقلب عليا وكنت بسكت واقول يمكن حاجة تانية مضيقاه استحمليه .. مسيروا يرجع تاني حنين
( يذيد عياطها ب انهيار )
نورا ب عياط : بس ليه قسوتك كانت ب ذيادة المرة دي .. ليه .. انا غلطت ف ايه .. اذيتك ف ايه انا رد عليا ؟؟
منصور : ..............
نورا : استهلكت معاك كل طاقة احتمالي واستحملت ع حساب حاجات كتير اوي .. بس ايه المقابل .. يوم ولا يومين حلو وترجع بعدها انيل م الاول
( تمسح دموعها )
نورا ب عياط وابتسامة وجع : بس تعرف والله شكرا ع كل حاجة عملتها معايا .. شكرا ع حنيتك لما حسستني بالامان الي عمري م حسيت بيه غير لما عرفتك .. انا بقولها مش هتكسف .. حسيت انك سندي ف اوقات كتير اوي .. حسيتك عوض عن قرف شوفته .. وشكرا ع قسوتك الي حسستني اني فعلا رخيصة واوي كمان .. عشان لو كنت غالية مكنتش هتعمل فيا كدة .. انت فعلا غيرتني .. بس بعد م عملت كدة كسرت فيا اخر حتة كانت باقية .. دمرتها .. انت دمرتني .. دمرت كل حاجة حلوة .. موتني وانا كنت فكراني حية .. انت هدة .. هدة تتعب اوي .. وانا تعبت .. امشي
( تزق فيه )
نورا ب زعيق وعياط : مش عاوزة اشوفك تاني امشي
( تزقه اكتر متستحملش المجهود وتدوخ يسندها قبل م تقع تبقا ف حضنه )
نورا : اااه .. سيبني
منصور ب خوف : اهدي عشان خاطري طيب
نورا ب صريخ : امشيييييي امشي
( تزقه تقع ع السرير ، يدخلوا الدكاترة ومايا ع الصوت )
الدكتور : اطلع برة لو سمحت
( يبصلها ب حزن ووجع ويمشي يظبطوها الدكاترة ويخرجوا ، تقرب مايا تاخدها ف حضنها )
مايا : انتي كويسة ؟؟
نورا : كان نفسي ميمشيش .. كان نفسي يبقا .. بس مش عوزاه يبقا .. هو انا كنت وحشة اوي للدرجة
مايا : لا ي حبيبتي لأ
نورا : اومال ليه بيعمل كدة .. ليه كرهني ف نفسي وحببني فيه .. ليه
مايا : اهدي بس عشان خاطري
( تعدي الايام ومنصور بيروح ل نورا المستشفى كل يوم بس بيدخلها لما تكون نايمة ويسأل الممرضة عن حالتها ويمشي ، يعدي الوقت ، حجاج وانچي ف الطريق مع نورا جايبينها م المستشفى )
انجي : ام مين دة انا اقتلك
حجاج : احنا مش قلنا قبل كدة ي نورا ان متربطيش قعادك عندنا ب اي مشكلة تحصل ؟؟
نورا : ايوة بس الوضع مختلف دلوقتي ي عمي دي مش مشكلة وهتتحل الموضوع انتهى خلاص
حجاج : وحتى لو كدة
انجي : ومين قالك انوا انتهى م يمكن ل ............
نورا : انچيييي لو سمحتي مش عاوزة اتكلم ف الموضوع دة
حجاج : قلنا ايه ي انچي
انجي : حاضر بس خليكي عشان خاطرنا

[رايما]

الحلقة الثانية والعشرون { ٢٢ }
( تسكت نور ، يوصلوا البيت )
أية : نورا
( تجري عليها تحضنها )
هالة : حمدلله ع السلامة ي حبيبتي
نورا : الله يسلمك ي طنط هالة ⁦⁩
( يسلموا عليها وتقعد ، تطلع انچي اوضتها ، تمسك الفون )
منصور : السلام عليكم
انجي : عليكم السلام
منصور : ايه ي انچي
انجي : ايه ي منصور فينك ؟؟
منصور : ف الشغل
انجي : طب نورا لسة واصلة البيت
منصور : اه
انجي : مش هتيجي ولا ايه ؟؟
منصور : لا مش جاي .. هبات ف الشركة انهاردة
انجي : ليه كدة انت مش عاوز تشوفها .. انا فكرت هتفرح
منصور : عاوز طبعا وفرحان .. بس نورا مش هتصفى مني بسهولة ي انچي وانا مش عاوز اتعب نفسيتها اكتر من كدة
انجي : طب خلاص الي انت شايفه انا قلت اقولك انها موجودة بس
منصور : تمام .. خليكي جنبها ومتخليهاش تمشي .. هي بتحبك وهتسمع كلامى
انجي : انا معاها متقلقش انت
( يعدي الوقت ، منصور ف مكتبه ، واقف عند الشباك وماسك ماج نيسكافيه ف ايده ، يخبط باب مكتبه ، يدخل اسر )
اسر : يلا
منصور : لا روح انت
اسر : مش ماشي ؟!!
منصور : لا هبات هنا انهاردة
اسر : ليه وراك حاجة ؟!
منصور : لا ي اسر روح انت بقولك انا بايت
اسر : عشان نورا رجعت ؟؟
منصور : لأ .. ورايا شغل
اسر : طب بص هوصل هايدي وارجع اقعد معاك
منصور : تعالى هنا بقا
اسر : ايه
منصور : انت ايه حكايتك مع هايدي دي ؟؟!!!
اسر ب توتر : مافيش حكاية ولا حاجة
منصور : عليا بردوا
اسر : اوك حبيتها .. اوي يعني
منصور : حبيتها ولا بتتسلى ؟
اسر : لا والله انا بحبها .. بس هي متعرفش حاجة انا مقلتلهاش لسة
منصور : اومال كل شوية موصلها وكل شوية رايح مكتبها وكل شوية متغديين سوا .. كل دة ومتعرفش انك بتحبها !!!!!
اسر : ايه ي عم انت مراقبنا ولا ايه
منصور : عيب عليك
اسر : بص هي معتبراني صديق ليها .. حتى الان يعني
منصور : طب متخبيش عليها اكتر من كدة .. هايدي بنت طيبة ومحترمة .. هتقدر حبك ليها .. متضيعهاش ي اسر
اسر : مش هضيعها بس تفتكر ابوك هيوافق ؟؟
منصور : ويرفض ليه ؟!
اسر : انت عارف ان ظروف اهل هايدي مش تمام ف ممكن ميحبهاش ويجوزني ف الاخر ل بنت الحمصاني باشا
منصور : ههههه .. ومن امتى ابوك بيبص للمظاهر والفلوس ؟
اسر : مش عارف .. بس قلقان بجد
منصور : سيب الموضوع دة عليا لو حصل فيه اي توتر هخلصهولك
اسر : يعني اتوكل واقولها ؟؟
منصور : قولها
اسر : اشطا اشبح هروحها واجيلك بردوا نسهر سوا
منصور : ماشي بس ابقا اتصل بيا قبل م تيجي عشان احتمال اروح الارض
اسر : طب اشطا هتابعك وانا جاي
منصور : اوك
( يطلع اسر يعدي ع هايدي ويخدها ويمشوا ، ف الطريق ، اسر سايق وهايدي جنبه ، وفجأة تظهر عربية تخبط فيهم ، تصرخ هايدي ويتخضوا )
هايدي : ايه دة في ايه
اسر : مش عارف !!!!!
هايدي : اسر سوق براحة هنتقلب كدة !!!!
( تقف العربية الى خبطتهم قدامهم ، يقف اسر ، يلاقي خالد نزل م العربية )
اسر : خالد !!!!!!
هايدي : انت تعرفه ؟؟؟ اسر رد عليا انا خايفة
اسر : متخافيش استني
( يسند خالد ع عربيته ، اسر يفتح باب العربية )
هايدي : رايح فين .. متنزلش ي اسر
اسر : مهما حصل اوعى تنزلى م العربية اوك
( ينزل اسر م العربية ويقف جنبها خايف ع هايدي عارف ان خالد مؤذي ، يقرب عليه خالد )
خالد : بص ي اسور انا مش ناوي ع اذية الي معاك ف متخافش عليها
اسر : تعلالى م الاخر
خالد : ماشي .. اجيلك م الاخر .. عيلة بتحب الاستعجال انتوا معندكوش صبر .. واستعجالكم دة هيوديكوا ف داهية قريب
اسر : لخص عاوز ايه ؟؟
خالد : مش بقولك معندكوش صبر
( وب اقوى ما عنده يديله بوكس ف وشه يخبطه ف العربية ، تتصدم هايدي )
خالد : دي رسالة ل اخوك بس ⁦⁩ وصلهاله
( لسة هيديله التاني يصد ايده اسر ويضربه هو بوكس والتانى والتالت بسرعة رهيبة يقع خالد ف الارض وينزل عليه اسر بالشلاليط ، تنزل هايدي م العربية )
هايدي ب خوف : اسر خلاص والنبي
( يوقف اسر ضرب ، يقرب يهمس ل خالد )
اسر : اعتبر رسالتك وصلت
( يرجع اسر للعربية ، يسوق ويمشوا )
هايدي : انت كويس وشك بينزف !!!!
اسر : انا تمام متقلقيش
هايدي : خلينا نروح مستشفى
اسر : انا كويس قلتلك مافيش داعي
هايدي ب انفعال وعياط : لا هنروح وشك اتفتح وبينزف هنروح
اسر : حاضر طيب اهدي هنروح
( يذيد عياطها )
اسر : اهدي عشان خاطري
هايدي : بس انت ضربته بسرعة رهيبة انا فكرت بعد البوكس الي اختدته هتاخد علقة
اسر : هههههه عيب عليكي حبيبك جامد
هايدي : حبيبي !!!!
( يفرمل العربية ويبصلها )
اسر : بحبك
هايدي : ب وشك دة
اسر : اه ي بنت الجزماااااا
هايدي : هههههه .. وانا بحبك ع فكرة
اسر : يراجل
هايدي : من اول يوم شفتك فيه
اسر : وليه مقلتليش ؟؟
هايدي : انا الي اقول بردوا
اسر : لا مش قصدي يعني ملمحتيش حتى كنتي دايما صداني كدة !!!
هايدي : عشان انت الي كان باين ف عنيك مش حب كان حاجة تانية
اسر : لا هو كان حب بس انا الي كنت مفكروا حاجة تانية
هالة : عشان تفكيرك قذر
اسر : ههههههه
( يعدي الوقت ، عند منصور ، قاعد ف مكتبه ، يستغرب اسر غاب ، يمسك الفون ، اسر ف الطريق ، يرن فونه )
اسر : الو
منصور : ايه ي بني اتأخرت كدة ليه ؟!!!!!
اسر : ااا طلع عليا عيل بلطجي كدة واتخانقنا
( يتخض منصور ويقوم يقف )
منصور : انت فين انت كويس ؟؟؟
اسر : انا كويس والله وشي بس تعويرة بسيطة بس هايدي مصممة نروح مستشفى ف رايح اهو
منصور : ايوة روح وانا جايلك حالا قولي اسم المستشفى
( يعدي الوقت ، اسر ف الطوارئ بيخيطوا التعويرة ومنصور وهايدي معاه )
منصور : يعني ملمحتش نمرة العربية ولا شكله ولا اي حاجة ؟؟
اسر : لا الدنيا كانت ضلمة
منصور : وكان عاوز منك ايه نزل ضربك كدة من غير سبب ؟!!!!!
اسر : معايا بنت بقا وكدة انت فاهم
منصور : اممممم
( منصور مش داخل عليه الكلام ، يعدي الوقت ، يخلص اسر ويمشي مع منصور ، يوصلوا هايدي بيتها ويروحوا ، ف البيت ، نورا قاعدة مع انچي )
انجي : ليه بس انتى مش خلصتي وامتحنتي
نورا : مش هشتغل ف شركة منصور ي انچي انسي
انجي : انا عوزاكي تكوني معايا مش عشان شركة منصور ي نورا
نورا : وانا كمان عاوزة ابقا معاكي بس معلش مش هينفع
انجي : ع فكرة منصور مش هيمانع
نورا : وحتى لو موافق انا مش موافقة
انجي : طيب خلاص زي م تحبي .. هتعملي ايه طيب ؟؟
نورا : هكلم عمي حجاج انه يشغلني ف شركته هو
أنجي : طيب ماشي الي انتي شيفاه بقا
( يدخل منصور واسر وقبل م منصور يلمح نورا تكون نورا قامت دخلت مكان تاني ، يبصلها منصور وهي ماشية )
انجي : ايه دة مالك في ايه ؟!!!!
اسر : خناقة
انجي : مع مين ؟؟
اسر : واحد متشغليش بالك
منصور : لو كنت فاكر ان موضوع البلطجي دة دخل عليا تبقا غلطان
( يتخض اسر )
اسر : انا ............
منصور : من غير مبررات وتحوير محلولة
( يمشي منصور )
انجي : هو فيه ايه ؟!!!!
اسر : جوزك مش هيجيبها ل بر
انجي : جوزي !!!!!
اسر : طلقيك
انجي : هو الي عمل فيك كدة ؟؟
( يحكيلها )
انجي : ايه الي بيعمله دة هو اتجنن
( تقرب نورا تقعد معاهم )
اسر : انا مرضتش اقول قدام منصور عشان الموضوع ميكبرش بس اظن هو شاكك
انجي : اكيد طبعا
نورا : في ايه ؟!!!
انجي : مافيش ي قلبي متشغليش بالك
اسر : عاملة ايه ؟
نورا : انا تمام .. مال وشك انت ؟!!!!
اسر : خناقة كدة مع عيل فكك .. مش ناوية تحني ولا ايه
نورا ب فهم : احن ع مين
اسر : هو في غيروا
انجى : اسر متتكلمش ف الموضوع دة عشان نورا بتضايق
اسر : لا عليكي انتي تضايق مش عليا
نورا : اسر والنبي
اسر : والنبي انتى بقا خلاص احنا عارفين انه زعلك كتير و وانه كائن مبيحسش وهانك ويفيد ب أيه البوح والبعيد لوح والجو دة
نورا : اخوك كسرني ي اسر
اسر : طب بلاش الكلام الجامد دة بس والنبي ولو كان كدة ف الي انكسر يتصلح ونلم الليلة بقا
نورا : هههههه نلم الليلة ايه هو احنا متخانقين ع مين يقعد جنب الشباك
اسر : انتى عاوزة تزليه شوية صح
نورا : لا انا ...........
اسر : عاوزة تزليه ي نورا من غير لف ودوران ومن حقك انا مش بلومك .. دة الي انتى عوزاه صح ؟؟
نورا : صح
اسر : اشطا سيبي بقا الموضوع دة عليا
نورا : ازاي ؟؟؟
اسر : هظبطهولك
( تاني يوم ، يطلع الصبح ، تدق الساعة ٥ المغرب ، يوصل منصور البيت ، يشوفه اسر م الشباك )
اسر : نورت ي برنس
( يطلع منصور اوضته ، ينزل اسر المطبخ ، يعمل فنجانين نيسكافيه ، يحط ف واحد برشام ويطلع بيهم ، يخبط ع اوضة منصور )
منصور : ادخل
( يدخل اسر )
اسر : صباح الفل يبو عمووووو
( التفاعوووووووووول ي شباب ، عشان خاطر منصور ونورا طيب )
( متنسوش اللايك ورأيكم )

[رايما]

الحلقة الثالثة والعشرون { ٢٣ }
منصور : صباح النور تعالى
اسر : امسك
( يديله النيسكافيه )
منصور : جه ف وقته انا فاصل
اسر : منمتش من امبارح ولا ايه ؟
منصور : اه مطبق .. مجاليش نوم ف المكتب
اسر : اهااا
( يرن فون منصور )
منصور : السلام عليكم .. ايوة ي حج .. لا بجد !!!!
اسر ب قلق : في ايه ؟؟
منصور : إن لله وإن اليه راجعون .. ماشي .. تمام اشوفك هناك .. هقولهم حاضر .. سلام
( يقفل منصور )
اسر : في ايه ي بني قلقتني
منصور : اخوا جوز عمتك اتوفى الصبح
أسر : إن لله وإن اليه راجعون
منصور : لازم نروح
( يكمل منصور النيسكافيه )
اسر ب خضة : نروح فين
منصور : العزا ي بني
اسر : لا لا مينفعش خالص انسى
منصور ب استغراب : ليه انت وراك حاجة ولا ايه ؟!!
اسر : لا انا هروح عادي انت الي مينفعش تروح
منصور باستغراب : ليه مينفعش ؟!!!!!
اسر ب ارتباك : انت لسة جاي م الشغل وتعبان وفاصل مينفعش تروح بالمنظر دة خالص
منصور : اه انا فعلا تعبان والله
اسر : ايوة يلا بقا خش نام خش نام
منصور : لا نوم ايه عيب مينفعش مروحش دة واجب
اسر : ينفع اقسم بالله ينفع هبقا اكتبك غياب
منصور : غياب !!!!!
اسر : مش هيلاحظوا غيابك يعني روح نام بقا
منصور : جرا ايه يلا في ايه عاوز تخمدني ليه ؟؟!!!!!!!
اسر : وانا هعوز اخمدك ليه يعني عامل مصيبة وهخرب الدنيا لو رحت مثلا
منصور : م تقول ل نفسك .. روح البس يلا عبال م اغير هدومي وقول ل ساجد يحصلنا ع هناك
اسر وهو ماشي : هههههه حاضر ينهار اسود ومنيل
( يكمل منصور النيسكافيه ، يرجع اسر تاني )
اسر وهو بياخد النيسكافيه : هات دة بقا كفاية ابوس ايدك
( ياخده منوا ويمشي )
منصور : ايه ابن المجنونة دة
( يغير منصور هدومه ويمشي هو واسر ويحصلهم ساجد ، يوصلوا قدام ڤيلا
عمته الي فيها العزا ، ينزل منصور م العربية يقع ، يجري اسر يسنده )
اسر : امسك نفسك ابوس ايدك والنبي
منصور : حاسس ب دوخة .. وعاوز ارجع
اسر : تؤام ان شاء الله متخافش
منصور : تؤام ايه ي اهبل انت !!!!
( يدخلوا بنتين ، يبصلهم منصور )
منصور ب اعجاب : اوباااا ايه دة استني
( يقفوا البنات ، لسة هيروحلهم يمسكه اسر )
اسر : اسف اسف اتفضلوا
( يمشوا )
منصور : ليييه ليييييه مشتهم لييييه
اسر : ي عم هجيبلك غيرهم بس ف البيت تعالى نروح بقا
منصور : لا انا هدخل انا
( يزقه ويدخل )
اسر : استناني طيب
( يقفل اسر العربية ويدخل وراه ، ف الجنينة كراسي محطوطة وناس كتير قاعدة )
منصور ب صوت عالي : سلاموا عليكوووووووووووو
( يتخض الكل )
اسر : براحة وطي صوتك هما سامعينك والله
منصور : حاضر ماشي .. عقبال عندكم جميعا
اسر : يعم دة عزا مش فرح ركز والنبي
منصور : اه معلش .. كلوا رااايح .. كلوا رايح
( ياخده يقعدوا ، يقوم منصور يقف )
منصور : كله رايح
اسر وهو بيقعده : يعم اقعد بقااا
ساجد ب صوت واطي : هو في ايه منصور ماله ؟؟
اسر : شربته مخدرات
ساجد ب صوت عالي : ايييييه
اسر : باااس بس الله يحرقك هتفضحنا
ساجد : ايه الي عملته دة انت اتجنيت !!!!!!!
( منصور قاعد بيلعب كتفه بيرقص ع اغنية محدش سامعها غيره ومندمج اوي )
اسر : فكرته ف البيت كنت بهزر عادي معرفش انه هيخرج
ساجد : هي دي حاجة فيها هزار يخربيت ام مخك التافه
اسر : الي حصل بقا
ساجد : هو راح فين ؟؟
( يبص اسر جنبه ميلاقيهوش )
اسر : ي نهار اسود
( جوة الفيلا ، عند عزا الستات ، منصور قاعد جنب واحدة )
منصور : بس انا بحبها والله بس استاهل الي حصل عشان كنت غبي عليها هي قالتلي قبل كدة انها بتكرهني

هو انا اتكره فعلا زي مهي قالتلي ؟؟
( تشاوله ب لأ )
منصور : اومال ليه هي كرهتني طيب عشان كنت بتحكم فيها ايوة صح اه بس عشان بحبها والله بحبها اوي ومش عاوز حد يشوفها ولا يحس بيها غيري انا وبس عاوز احطها جوة قلبي واقفل عليها ⁦⁩ ليه عيون تشوفها غيري طيب انا لما بشوفها ببقا هاين عليا اروح احضنها واقولها انتي بتاعتي انا وبس ⁦⁩ ببقا عاوز اخبيها جوايا كل حاجة فيها ملكي انا لوحدى ?????? اومال لو حد تاني شافها هيفكر ف ايه نحيتها حاجات وحشة صح عشان كدة مينفعش حد يشوفها غيري انا اناني مش كدة ؟؟
( تشاوله ب اه )
منصور : بس عشان بحبها والله بس استاهل الي حصل عشان كنت غبي عليها هي قالتلي قبل كدة انها بتكرهني هو انا اتكره فعلا زي مهي قالتلي ؟؟
( تشاورله ب لأ )
منصور : هو انا قلتلك الكلام دة قبل كدة ؟؟
( تشاورله ب اه )
منصور : هو انتي مرتبطة ؟
( يدخلوا اخواته )
ساجد : منصور !!
اسر : قوم تعالى عاوزينك
منصور : انتوا مين ؟؟
اسر : احيه
ساجد : عاجبك كدة ي خرة انت
منصور : انتوا ميييين ؟؟
اسر : يعم قوم احنا لسة هنتعرف
( يبص ل الست )
منصور : ممكن نتعرف
اسر : تتعرف ع مين دي عمتك الله يحرقك تعالى نقعد برة
منصور : لا انا مينفعش اقعد برة القاعدة ناشفة اوي .. اني زهجت
اسر : وانت جاي تطريها هنا !!!
منصور ب ضحكة مساطيل : اه اههعهعععهههعههعههعههع دمي عسل يخربيتي
ساجد : احيه
( تدخل نورا وانچي ، يشوفهم منصور ، يقوم يقف )
منصور وهو بيغني : اه ي ماجستير ف الهشتكة انا قلبي جالك اهو اشتكي وانت ولا كأنك حاسس ب ناااااري
( ينتبه الكل ، يجري اسر يكتم بؤه )
اسر : منصور بس ابوس ايدك اسكت فضحتنا
ساجد : منصور عيب كدة مينفعش بتغني ف عزا !!!!
( منصور عاوز يقرب ع نورا بس اسر ماسكه )
منصور : ده ف قلبي حتة مبقعة ي فانيليا بطعم مسقعة ي ضحكة وقلبت كركعة وحاولت أداري ، ليه ف العناد مسترسلة ي انشف من حصو الكلي ي ابو شعرة كيرلي مفلفلة غلب حمااااري
( نورا واقفة مصدومة )
ساجد : يلا نروحوا قبل م يفضحنا اكتر من كدة لازم نروح بيه حالا
اسر : طيب
( يخدوه ويطلعوا برة )
ساجد : اقف هنا هقول ل ابوك اننا ماشيين
اسر : ماشي بس انجز بس
( يروح ساجد يكلم بباه ، يعزوا البنات جوة ويطلعوا ، تقرب انجي ع اسر )
انجي : هو في ايه ماله منصور ؟!!!!!
( منصور نايم ف الارض )
ساجد : بصوا هو مجهد شوية ف محدش ياخد ع تصرفاته اشطااا
انجي : ماله يعني
اسر : حطتله مخدرات ف النيسكافيه اوك
انجي : ي نهار اسود
اسر : خلصنا بقا
انجي : ي متخلف ليه عملت كدة ؟؟
اسر : كنت بهزر معاه
انجي : وهتعملوا ايه دلوقتي ؟
اسر : هنروحوا البيت
( يقرب ساجد )
ساجد : يلا
اسر : يلا
ساجد : وانتوا كمان ابوكي قال نروحكم عشان الوقت اتأخر وهو مش ماشي دلوقتي
انجي : طيب هنده نورا
( تقرب انجي ع نورا )
انجي : نورا يلا هنروح معاهم
نورا : هو في ايه منصور بيعمل كدة ليه ؟؟!!!!!
انجي : الغبي اسر شربه مخدرات
نورا ب صدمة : احيه
انجي : متخلف
نورا : هو منصور بيشرب ؟؟؟
انجي : لا طبعا ولا منصور ولا اسر دة الحمارة دة كان بيهزر معاه وحطله ف النيسكافيه
نورا : دة هيبهدله لما يفوق
انجي : ربنا يستر .. يلا بينا
( يمشي الكل م الفيلا ، يقربوا ع العربية ، يركب ساجد يسوق وجنبه اسر ، تركب نورا ورا ولسة انجي هتركب .............. )
منصور : لا انا عاوز اقعد ف النص ⁦
انجي : نص ايه ؟!!!
منصور : النص دة
انجي : اتفضل
نورا : اتفضل ايه انتي ............
( يقعد جنبها منصور وجنبه انچي ، يسوق ساجد ويمشوا ، ف الطريق ، منصور قاعد باصص قدامه وحاطط ايده ع رجله ومبتسم يبص ل نورا ب هدوء وخباثة ، يبص ل هدومها ، نورا لابسة جاكيت نازل منه كور واكسيسريز ، يلعب منصور ف الكورة )
نورا : بس !!!
( تزق ايده ، يلعب تاني )
نورا وهي بتضرب ايده : بس قلت
منصور ب صوت عالي : ااااااااااه حرام عليكي ااااااه
( يتخض الكل )
اسر : في ايه ؟!!!!!
نورا : ضربته ع ايده بيلعب ف هدومي
منصور : اااااااه
نورا ب استغراب : مش للدرجة بتأهأه ليه ؟؟؟!!!
اسر : لا وجعته اوي ع فكرة هو حاسس ب كدة
نورا : والله م ضربته جامد
اسر : معلش استحميله لحد م نوصل بس
نورا : حاضر

[رايما]

الحلقة الرابعة والعشرون { ٢٤ }
( بعد دقتين ، يرفع منصور ايده يحطها ع كرسي نورا فوقيه ، تتوتر نورا ، ينزل ب ايده ع كتفها ، تزق ايده ب هدوء عشان ميتوجعش تاني ، يرجع ايده تاني ع كتفها )
نورا : وبعدين يعني عاوز ايه
منصور : بحبك ⁦⁩
( تتخض نورا )
منصور : انتي حبيبتي صح ؟
( متردش ، بصاله )
منصور : انتي ليه سيبتيني .. هترجعي ؟؟
نورا : .............
منصور : تتجوزيني ؟؟
اسر : دة الفولت علي اوي
انجي : كله بسببك ي متخلف دة لما يفوق هينفخك
اسر : لما يفوق مش هيفتكر حاجة
انجي : لا والله !!!!!!
اسر : طبعا هو انا مضحي ب نفسي فكرك لو دة هيفتكر الي انا عملته فيه هشربهوله اصلا
ساجد : ي خسارة كان نفسي تضرب
اسر : تعشق الشماتة انت
( منصور يمسك كتف نورا ويضمها ليه ، تتخض نورا وتتوتر )
نورا : انچيييييي
انجي : نعم ؟؟
نورا : ابعديه عني بدل والله هضربه
( تشدوا انچي عليها يزقها ويقرب ع نورا اكتر )
انجي : ي بني تعالى !!!!!!
منصور : بس ابت
( وفجأة ، يهجم ع نورا تصرخ )
اسر : احيه
( يشده اسر ويفرمل ساجد ، بعد شوية ، اسر قاعد مكان نورا ومنصور حاطط ايده ع كتفه وباصصله ب اعجاب ، اسر باصص قدامه خايف يبصله ، يعدي الوقت ، يوصلوا البيت ، منصور ف التواليت عمال يرجع ، نورا واقفة ع الباب رايحة جاية )
نورا : حرام عليك انت قلت هتزله مش هتدمره
اسر : خيرا تعمل شرا تلقى بقااا
( يطلع منصور م التواليت بيتسند ع الحيطة )
ساجد : سنده معايا نطلعه اوضته
اسر : ماشي
( يسندوه يطلعوه اوضته ينام ، تدخله نورا ، تقرب تقعد قصاده ، يبصلها ، بيفتح عينه بالعافية )
نورا : انت .. كويس
( يفضلوا باصين ل بعض ، يمسك ايدها ، تتخض )
منصور ب تعب : بحبك ⁦⁩
( تقوم نورا تسيبه وتمشي ، تدخل اوضتها ، تحط ايدها ع قلبها وتغمض عنيها وتاخد نفس طويل ، تفتح عينها ب هدوء )
نورا : لأ .. مش هحن ي منصور .. قلتها ف توهانك .. مش هتقولها وانت فايق
( تعدي الايام ، نورا تكلم عمها ويوافق انها تشتغل ف شركته وتبدء شغل ، منصور اكتر الاوقات بايت ف شركته مطبق مبينامش ولا نورا بتشوفه ، منصور ف شركته واقف مع اسر )
اسر : بالله عليك كلمه دلوقتي ي منصور
منصور : لما اروح البيت طيب ي اسر
اسر : لا مش لسة هستنى اما تيجي انت بتيجي الصبح رحلوا الشركة انت كدة كدة مواركش حاجة اهو فاضي
منصور ب تنهيدة : طيب
( يعدي الوقت ، منصور قاعد مع بباه )
حجاج : م انت عارف الي فيها وعارف تفكير اخوك الي زي الزفت
منصور : لا المرة دي بيقول بيحبها
( يرن فون منصور ، يكنسل )
حجاج : مهو قال كدة بردوا ع كل الي خطبتهمله قبل كدة
منصور : لا ع ضمانتي المرة دي
حجاج : ومين هي بقا ؟؟
منصور : بنت شغالة ف الشركة عندي
حجاج : يعني انت تعرفها ؟
منصور : ايوة
( يرن الفون تاني ، يكنسل )
حجاج : ودي ايه اخلاقها ونظامها ؟؟
منصور : طيبة ومحترمة جدا ومن عيلة بسيطة اوي ع اد حالهم يعني ملهاش ف اللف والدوران
حجاج : يعني الموضوع دة ع ضمانتك⁩⁦
( يشاورله ب أه )
حجاج : طيب ابقا قوله ياخدلنا ميعاد نروح فيه
منصور : اوك
( يرن الفون )
منصور : بعد اذنك
حجاج : اتفضل
( يطلع منصور برة المكتب ، يرد ع الفون )
منصور : ي بني اهدى مش عارف اتكلم
اسر : قولي عملت ايه والنبي
منصور : خدلنا ميعاد عشان نروح
اسر : بالله عليك
منصور : والله
( يتقدم اسر ل هايدي ويتحدد ميعاد للخطوبة بعد اسبوع ، تعدي الايام ، يوصل منصور البيت ، طالع ع السلم ونورا نازلة ، يشوفوا بعض ، يقفوا ، يبص ل رقبتها ، ميلاقيش السلسلة )
منصور : قلعتيها
( تطلع نورا السلسلة من تحت البادي )
نورا : نسيت اقلعها
( تمشي ، يمسك ايدها ، تتخض وتقف )
منصور : وحشتيني
( قلبها يوجعها باصة قدامها وهو باصصلها )
منصور : اوي
( تبعد ايدها وتمشي ، منصور مازال واقف مكانه ، قبل خطوبة اسر ب يوم ، نورا ف اوضتها ، يخبط الباب )
نورا : ادخل
أية : انتي لسة ملبستيش هننزل امتى
نورا : احيه نسيت والله
أية : لا يلا انجزي عشان هنلف كتير عبال م نجيب الفساتين
نورا : حاضر هلبس اهو
أية : هنستناكي تحت
نورا : اوك
( تنزل أية ، تقوم نورا تفتح دولابها ، تلمح فستان خطوبتها الي قطعهولها منصور متعلق ، تسرح وتفتكر الموقف ، يتقلب وشها وتبتسم ب حزن )
نورا : ماشي ي منصور .. وريني المرة دي هتقدر تتكلم ازاي
( تلبس نورا وتنزل مع البنات ، يعدي الوقت ، منصور ف اوضته ، واقف عند الشباك باصص منه ، ف ايده ماسك دبلة نورا ومقلعش دبلته اصلا تدخل انچي )
انجي : منصور !!!
منصور : اممم ؟
انجي : بقالي كتير بخبط ع الباب !!
منصور وهو باصص للشباك : معلش مسمعتكيش
( تلاقي ف ايده الدبلة )
انجي : والله هي بتحبك
( يبصلها )
انجي : الي انت عملته فيها بس الي حايشها انها تقولك مش اكتر
منصور : و انا مش عاوزها تقولي .. مش عاوز منها كلمة بحبك .. انا عاوزها جنبي بس .. انچي انا مبقتش اقدر ع بعدها .. انا بقالي اسبوع ببات برة البيت بسبب اني جواه وهي قريبة مني ومقدرش توحشني ف اروح اكلمها عادي ولو حتى نكش ولا عصبية ولا اي حاجة زي الاول افتح بيها مواضيع انچي انا معترف اني وجعتها .. بس انها بعيدة وقريبة ف نفس الوقت دة عقاب يكسر بردوا .. وانا اتكسرت
( تدمع عينه )
منصور : والله اتكسرت وحرمت .. حرمت الفرحة تدخل قلبي قبل م انا ادخل قلبها .. وعارف ان دة مش هيحصل .. مين هيحب واحد زيي .. غبي .. انا غبي فعلا .. والله غبي عشان ضيعتها من ايدي .. غبي
( يوم خطوبة اسر ، الكل ف القاعة ، توصل العروسة والعريس ويبدء الفرح ونورا لسة مجاتش ، منصور واقف مع انچي )
منصور : هي مش جاية ولا ايه ؟؟؟
انجي : لا اكيد جاية طبعا
( وفجأة ............ كل الانظار تقريبا تتوجه عند باب القاعة )
انجي : اهي جت
( يبص منصور عند الباب ، يتصدم ، نورا لابسة الفستان الي منصور قطعهولها بس سليم ، صلحته ، يفضل باصصلها ، عينه هتطلع من مكانها ، واقف مش عارف يعمل ايه ، يروح يكلمها يضربها يزعق فيها ، طب ب اي حق ، مش من حقه كل دة ، مش من حقه ينطق ⁦ )
انجي : واو الفستان تحفة عليها
( يبص ل انچي ويفكر ، لما انجي عاجبها وهي بنت اومال الشباب الي شايفينها بيفكروا ف ايه نحيتها دلوقتي ؟؟؟؟؟؟؟؟؟؟؟؟ تروح نورا تقف مع أية وقرايبهم البنات من ضمنهم عمر ومايا )
عمر : ايه الحلاوة دي ي نورا
نورا : ميرسي ي عمر
( تقرب انچي تسلم عليها وتقف معاهم ، تلمح نورا منصور وهو باصصلها مشالش عينه من عليها ، يفضلوا باصين ل بعض ، وكأنها ب نظرتها ليه بتندمه وتتحداه انه ضعيف دلوقتي ، يمشوا الباقي عشان يسلموا ع العرسان ، عمر ماسك مايا ف ايده ويحط ايده التانية ع ضهر نورا بيوجها عادي جدا ، منصور واقف هينفجر يقدم خطوة ويأخر خطوة ، باقيله حبة وخلاص هيعيط من انه مش عارف يتصرف ، او مبقالوش كلمة عليها خلاص ، يحط ايده ع دماغه )
( *خوفتي تخليني ابقا كارهك وعارف ي قلبي انه صعب عمرك بيعدي امبارح وشايفك ضفايرك وضحكك ولعب ، كبرتي وقويتي وأول م خونتي اختارتيني اكون الضحية مكنتش مصدق بقول ازااااي مبقتش هي ، خلاص مبقتش هي اختارتي الطريق مشيتي ل بعيد ، الوقت بيفوت بالبطئ ، العمر بيضق ، مليت اكون وحيد ، فراقك بيوجع والوجع بيذيد* )
( *بس مافيش عاشق وقت عشقه فراقه كان حاجز ل غيرته* )
( يتقلب وش منصور ويروح ناحيه نورا ب كل غيظ ، تلمحه نورا مقرب عليها ، تتخض من ملامح وشه بس متبينش وتضير وشها ، يقرب منصور عليها )
منصور : تعالي معايا
نورا : معاك فين ؟!
( يشدها من دراعها ع مكان برة القاعة فاضي )
نورا : منصور سيبني !!!!!
( يوقفها قدامه )
نورا : انت ............
منصور ب غضب مكتوم : اسكتي واسمعيني
( تسكت )
منصور : عملتي كدة عشان تعرفيني اني خلاص مبقاش ليا حكم عليكي .. تمام .. بس حكمي عليكي ملهوش اي علاقة ب انا ايه بالنسبالك .. المهم انتي ايه بالنسبالي .. يعني مش لازم احط ف ايدك دبلة عشان اقولك دة صح ودة غلط .. انتي بتاعتي انا ⁦
( تفرح جدا بالكلمة الي طالعة منه ب كل حب وغيرة **انتي بتاعتي انا** بس متبينش )
نورا ب تحدي : انا مش بتاعة حد
منصور ب انفعال : لا بتاعتي ي نورا .. انتي ملكي .. ومحدش هيلمسك ولا يقرب منك ⁦⁩
نورا : بس انت فعلا مبقاش ليك حكم عليا ي منصور .. ولو حتى مشيت عريانة
منصور : ااااه .. دة ع موتي ي هانم
نورا : لأ .. ع حياتك ي قلبي
( يسكت وينتبه ل كلمة قلبي ⁦ )
منصور : طب لو كرهاني اوي كدة .. ليه لسة لابسة السلسلة .. ليه مقلعتيهاش .. ومتقوليش نسيت ⁩
( تتخض نورا وتحط ايدها ع السلسلة ومتردش ، تمشي ، يشدها من وسطها مرة واحدة وب الايد التانية يمسك دماغها يبوسها ، تتخض نورا ، تحاول تزقه متقدرش عليه ، يوقف منصور )
منصور وهو ماسك دماغها : ورحمة قلبي الي مات ف بعدك ي نورا ⁦ لو حد لمسك تاني ل اكون مموته .. وقدامك
( رجنا تانى ننام ف التفاعل ليه ي شباب ؟؟؟ متقولوش ان القصة مش عجباكم ف الحلقة ال ٢٤ )
( متنسوش اللايك ورأيكم )

[رايما]

الحلقة الخامسة والعشرون { ٢٥ }
( تبصله ب زهول ، يسيبها ويدخل القاعة ، نورا واقفة مصدومة عمالة تبص حواليها لو حد شافهم ، متلاقيش حد ، تروح التواليت تظبط مكياجها وتاخد نفس طويل ، تبص ل نفسها ف المراية ، تفتكر الموقف ، تبتسم ب احراج وتفرح انه مازال عاوزها وبيغير عليها ، يدخلوا شلة بنات
بنت ١ : احيه لا قمر بجد
بنت ٢ : اه مز اوي ومش مرتبط
بنت ٣ : بيقولوا كان خاطب ولسة سايب
بنت ١ : حلو دة انا هعوضه
البنات : هههههههه
( تتغاظ نورا تعرف ان الكلام ع منصور ، تطلع م التواليت تلاقيه ف وشها تتخض
منصور : مش هتطلعي بالفستان دة
( تتنهد نورا
نورا : متتكلمش معايا
منصور : ليه ان شاء الله
نورا : انت بتتكلم كأنك معملتش حاجة !!!!!!
( يربع منصور ايده ويسند ع الباب
منصور ب ابتسامة جانبية : ايه .. محروجة
نورا : تاني كلامك الزفت دة
منصور : اسف
( تستغرب اسفه ، يرجع يقف قصادها
منصور ب تردد : مش عاوزك تضايقي من سؤالي بس ............
نورا : كنت اول واحد .. والاخير ⁦
( يبتسم منصور
منصور : بحبك ⁦
( تتخض نورا ب فرحة
منصور : بعشق التراب الي بتمشي عليه .. بعشق فرحتك .. واتكسرت ل وجعك وبردوا غبي مش عارف اتصرف للاخر صح بس انا والله بحبك نورا ارجعيلي وحياتي عندك كفاية بعد ينفع تستحملي غبائي بس وانا وربي هعوضك عن كل حاجة وحشة عملتها فيكي بس بالله عليكي متعمليش فيا كدة .. بلاش التصرفات الي تقهر دي متخلنيش اغير ي نورا انا لما بغير مبشفش قدامي .. وانا مش عاوزك تكرهيني تاني
( تدمع عنيها
نورا : مكرهتكش اولاني ع فكرة
منصور : طب وحيات اغلى حاجة عندك بلاش كدة
نورا : انت اغلى حاجة عندي
( وفجأة يحضنها ويعيط ، تتخض نورا )
منصور : بحبك .. بحبك اوي
( تنزل دموعها )
نورا : وانا بحبك ⁦
( يتخض منصور )
منصور ب صدمة : بتحبيني !!!!!!!!!
نورا : اوي ⁦
( يحضنها اكتر ويلف بيها ، تضحك نورا )
نورا : بس ي مجنوووون
منصور : بحباااااااااااااااك ⁦
( ينزلها ع الارض ويفضل حاضنها ، يطلعوا البنات م التواليت يشوفوهم ، تشوفهم نورا وهما ماشيين باصينلهم ب استغراب وحقد ، تحضنه نورا اكتر وتضم دماغه ل كتفها اكتر ، دة ملكها هي ، مش لحد تاني ⁦ يعدي الوقت ، الكل ف القاعة والفرح شغال ، وفجأة يشتغل مهرجان **عيال خلاخيل** بس بصوت اسر وساجد ، الكل يتلم ع البست مرة واحدة شباب وبنات ، تقرب أية
أية : تعالوا بسرعة
انجي : هو في ايه اسر جايب رقاصة ؟؟؟؟
أية : لا اسر وساجد بيغنوا
انجي : ي شيخااااا دة صوتهم !!!!
أية : ايوة تعالوا
نورا : لا انا قاعدة روحوا انتوا
( تخاف نورا تقوم ل منصور يضايق عشان الشباب والزحمة )
انجي : طيب
( تقوم انجي مع أية يقربوا ع البست يتفرجوا ، الكل منفعل معاهم )
اسر : انا عاشقك مش هسيبك وان قالتلي سيبناااااي
ساجد : ي سنين ف الحزن فوتي وشوف اول مكالمة
( وفجأة يقرب منصور )
منصور : ع طول مشتاقلهااا
( يتخض الكل وينفعلوا تسقيف وتصفير ، منصور اول مرة يغني وكمان مهرجان !!!!!!! )
منصور وهو بيقرب ع ترابيزة نورا : روحي بتروحلهااا ، ودي عيني عيني عيني عيني م القلب تحبها ⁦
( يقعد نص قاعدة قصادها ف الارض ويمسك ايدها )
منصور : ولا عمري مرة اسيبها ولا ابعد عنها
( ياخد ايدها يقومها للاستيدج )
منصور : مهما تدور السنين ، انا هسأل انتى فين ، ولا عمري عمري عمري عمري ، اكون م الكدابين ⁦
( يبوس ايدها ويكمل غني ع الاستيدج مع اخواته ومعاها بس محرص انه محدش يلمسها عشان الزحمة والشباب ، بس فرحها ب طريقتها ⁩ يخلص الفرح ، نورا مع منصور ف عربيته مكلبش ايده ف ايدها وباقي العربيات وراهم العريس وصحابه واخواته بيتفسحوا بعد الفرح ، يخلص اليوم جميل وقبل م نورا تنام تكون دبلة منصور ف ايدها تعدي الايام ، نورا ومنصور واخواته قاعدين ف جنينة الفيلا ، تقرب عليهم مايا وخالتها )
خديجة : السلام عليكم
الكل : عليكم السلام
انجي : ايه المفچأة الحلوة دي
( يسلموا عليهم )
اسر : البيت نور والله
خديجة : تسلمولي ي حبايبي انا قلت بقا الوقت حان ف جبت مايا وجيتلك ي نورا
نورا ب استغراب : وقت ايه ؟!!!!
خديجة : سليم الله يرحموا كان موصيني وصية صغيرة كدة والحمدلله قدرت اكون قدها
نورا : وصية ايه ؟؟
خديجة : من حوالي سنة ونص سليم اخدني وعملي توكيل اني ابقا وصية عليكم عشان لو هو جراله حاجة امكوا متضيعش الفلوس ع صحابها انتوا عارفينها ف اخدني ف يوم الصبح الشهر العقاري وكتب كل املاكه ب اسمك انتى واختك وعملي التوكيل ومن يومها وانا وصية عليكم لحد م تتموا السن القانوني ال ٢١ سنة وانتوا دلوقتي تمتوه والمفروض فلوسكم ترجعلكم
( تتخض نورا ، تفتكر )
( فلاش بااااك
خديجة : ي سليم مش انهاردة بقا
سليم : وليه بس قلتلك اختك لسة بدري عليها متخافيش
( بااااك )
( نورا قاعدة مصدومة ، تقوم تقف )
نورا ب صدمة : يعني .. يعني انتي ..........
( نورا مش عارفة تتكلم )
انجي : مالك ي نورا ؟؟
نورا : انا .. لا لأ .. لأ
( تنزل دموعها )
نورا : انا موته .. موته
( الكل قاعد مش فاهم حاجة ، تجري نورا ع جوة )
منصور : نورا
( يروح وراها منصور ، تدخل اوضتها وتتفتح ف العياط ، يقرب عليها منصور )
منصور : في ايه بس مالك
نورا ب عياط : انا موته ي منصور .. موته
منصور : موتي مين ؟؟؟
( فلاش بااااااك )
( نورا لابسة ومتشيكة وطالعة من اوضتها ، تلاقي بباها ف وشها )
سليم : ع فين ي هانم
نورا : خارجة
سليم : خارجة الساعة ٩ بالليل !!!!!
نورا : بيفرق معاك اوي المواعيد ؟
سليم ب انفعال : اه بيفرق مش كفاية الي هتجيب اجلي تحت دي يبقا انتى وهي
نورا : والله انت الي مش قادر عليها
( يضربها بالقلم ، تتخض ، اول مرة بباها يضربها )
سليم : لا قادر عليها ولا قادر عليكي ولا قادر ع عيشتكوا السودة غوري جوة مافيش خروج
نورا ب زعيق : لا هخرج هخرج وافضحكوا ف كل حتة .. اذا كنت انت بتعرف تعمل القرف ع المداري انا هعمله ع عيون كل الناس وهجيب مناخيركم الارض
سليم : ايه الي بتقوليه دة انتي اتجننتي
( يضربها بالقلمة والبوكسات ف وشها نورا مش لاحقة تاخد نفسها )
نورا وهي بتزقه : بااااااس
( تزقه ب اقوى ما عندها عشان يبعد عنها يقع من فوق السلم ينزل تحت ميت )
نورا ب صريخ : باباااااااا
( بااااااك )
نورا ب عياط : مكنتش قادرة اخد نفسي .. زقيته .. انا موته موته
( ياخدها ف حضنه )
منصور : دة كان غصب عنك .. انتي كنتي فهماه غلط
نورا : فكرته بيخون امي .. بيخونها مع اقرب حد ليا .. رحت عشان اترمي ف حضنها هي اقرب حد ليا .. سمعت كلامهم دة .. حلفت اني عمري م هكون زي الاول ابدا .. فضل ظني فيهم وحش كل الفترة دي وهو كان عاوز يحافظ علينا مش اكتر .. مات غضبان عليا .. انا وحشة اوي ي منصور وحشة
منصور : لا انتي مش وحشة انتي اطيب انسانة بالدنيا .. بس الي حصل غصب عنك متشيليش نفسك زنب مش زنبك دي غلطة مش اكتر
نورا : غلطة كبيرة اوي .. وجعني اوي .. وجعني البعد بعد سنة ونص فراق .. حاسة انه لسة ميت دلوقتي .. ليه دايما بنفهم بعد م كل حاجة بتضيع .. ليه
( يذيد عياطها ف حضنه ، يطبطب عليها ، يعدي الوقت ، نورا قاعدة قدام تربة بباها بتقراله قرءان وبتعيط ومنصور واقف وراها ، تعدي الايام ، نورا طالعة م الشركة وبتتكلم ف الفون )
نورا : عليكم السلام .. ايه ي قلبي ⁦
منصور : حبيبي عامل ايه ؟؟
نورا : فاصل خالص
منصور : ليه كدة ؟!
نورا : عاوزة انام مطبقة من امبارح ومش قادرة
منصور : طب انا لسة قدامي شوية هتقدري تستني ؟
نورا : لا ي قلبي مش هقدر انا خارجة م الشركة اهو هروح انا
منصور : طيب خلي بالك من نفسك وسوقي براحة
نورا حاضر .. باي
منصور : باي
( تقفل نورا وتروح البيت ، الكل نايم ، تطلع اوضتها تغير هدومها وتنام ، يعدي الوقت ، منصور واخواته وبباهم لسة ف الشغل ، الام ف اوضتها نايمة ، يتفتح الباب مرة واحدة )
الشغالة : الحقينا ي ست
هالة : في ايه ؟؟
الشغالة : البيت بيولع
هالة : ايه
الشغالة : قايد ناااار كله
هالة : ي ساتر ي رب بناتى

[رايما]

الحلقة السادسة والعشرون { ٢٦ }
( تقوم هالة تطلع من اوضتها تلاقي الدور الي تحت كله والع وطالع ع فوق تجري ع اوضة انچي )
هالة : روحي صحي أية بسرعة
الشغالة : حاضر
( يجروا يصحوا البنات ويحاولوا يطلعوا م البيت وكل مادا م النار بتذيد يطلعوا برة الفيلا )
هالة : ي ساتر .. ي ساتر ي رب اتصليلي ب ابوكي ومنصور
انجي : اتصلي ب منصور ي أية وانا هتصل ب بابا
أية : حاضر
( منصور ف عربيته ، ف الطريق ، يرن الفون بتاعه )
منصور : السلام عليكم
أية : منصور الحقنا
( يتخض منصور )
منصور : في ايه ي أية ؟!!!!!!!
أية : البيت ولع
منصور ب خضة : ولع ازاي ؟؟؟؟
أية : ولع ي منصور .. سيدة صحت ماما كان البيت ولع كله
منصور : طب انتوا كويسين طلعتوا ؟؟؟
أية : احنا طلعنا منه بالعافية انا وانچي وماما
منصور : ونورا ؟؟؟؟
أية : نورا ف شغلها لسة مجاتش
( يفرمل منصور مرة واحدة )
منصور : شغل ايه .. نورا روحت من بدري
أية : روحت !!! يعني هي ...........
منصور ب انفعال : نورا جوة ي أية نورا جوة
أية : احيه ازاي دة البيت كله ولع
( يسكت منصور ، كأن الكون كله بيلف حواليه )
منصور : نايمة هي .. اندهوا عليها .. صرخوا .. صرخوا ي أية صحوها .. صحوها ابوس ايدك
نورا : حاضر حاضر
( يقفل منصور ويشغل العربية يكمل سواقة بسرعة رهيبة )
منصور : يارب .. يارب والنبي
( جوة اوضة نورا ، نورا نايمة ، تكح جامد من الدخان الحريق ، تصحى تلاقي دخان جامد ف الاوضة )
أية : نورااااااااا .. نورهاااااااان
انجي نورااااااااااااا
( يفضلوا البنات يندهوا عليها ، تتخض نورا وتطلع البلكونة )
نورا : في ايه ؟؟؟
انجي : البيت ولع
نورا : ولع
أية : مكناش نعرف انك جوة شوفي لو تعرفي تطلعي عشان مش عارفين ندخلك
نورا : حاضر
هالة : خلي بالك ي بنتي
( تدخل نورا الاوضة ، تقرب ع الباب تفتحه ، تهب النار عليها م الضغط من قوتها تتحدف نورا ع الارض وتبدء النار تدخل الاوضة ، تقوم نورا م الارض بتعيط ، تدخل البلكونة )
أية : ايه ؟؟؟
نورا : مش هعرف
( يتخضوا )
انجي : يعني ايه مش هتعرفي حاولي ي نورا
هالة : حاولي ي بنتي بالله عليكي حاولي
نورا ب عياط : النار دخلت الاوضة ي طنط .. مش هعرف اطلع
( تقعد نورا ف الارض تعيط ، يرن فون أنجي )
انجي : ايوة ي منصور
منصور : مطلعتش ي انچي ؟؟؟
انجي : لا النار ف كل حتة انا بلغت المطافي وزمانهم جايين
منصور ب انفعال : مطافي ايه هتكون ماتت جوااااا
انجي : هنعمل ايه طيب
( يقفل منصور )
منصور ب زعيق : يارب بقااااا
( يوصل منصور البيت ، يدخل )
منصور ب زعيق : نورااااااااا
( تتخض نورا اما تسمع صوته ، تقوم تقف )
نورا : منصور
منصور : انتي كويسة ؟؟؟
نورا : ايوة .. انا مش عارفة اطلع
( وفجأة ............. ينفجر المطبخ عشان الغاز ، يتفزع الكل وتقعد نورا ف الارض تصرخ )
أية : ايه داااا !!!!!
انجي : الغاز
منصور : اطلعوا برة الفيلا حالا برة خالص اطلعووووا
هالة : ونورا ؟؟
منصور : انا هتصرف اطلعوا دلوقتي
( يطلعوا برة الفيلا ، يجري منصور ع جوة )
البنات ب صريخ : منصور لأ متدخلشيييييي
هالة ب خضة : ي بنييييييي !!!!!!
( يدخل منصور ويقف عشان النار حاجز بينه وبين السلم ، يقف مش عارف يعمل ايه ، يقلع الجاكيت ويقلع القميص عشان النار متمسكش فيهم ويرجع ل ورا مسافة كافية وب اقوى ما عنده يجري مرة واحدة يعدي النار ، ياخد السلم جري ع فوق ، يقرب ع اوضة نورا ، يعمل نفس الي عمله عشان يعدي ، يدخل الاوضة )
منصور : نورااااا
نورا وهي بتقوم : منصور
( يجري ياخدها ف حضنه )
منصور : انتي كويسة ؟؟؟
نورا : ايه الي طلعك
منصور : مينفعش اسيبك
نورا : هموت
منصور : لا هنخرج ان شاء الله .. ولو فيها موت يبقا سوا مش لوحدك
( تحضنه وتعيط )
منصور : هطلعك .. والله ل اطلعك ⁦
( يبوس دماغها ، تذيد النار ف الاوض بتاكل كل حاجة يبص منصور للباب ، يلاقي مستحيل الخروج منه ، ع الاقل عشان مش لوحده وهيقدر يجري ويتصرف ، ياخد ايد نورا ويطلعوا البلكونة ، يبص تحت يلاقي البسين بعيد شوية مش تحت البلكونة مباشر )
نورا : هنعمل ايه ؟؟
منصور : هننط
نورا : ننط فين ؟!!!!!
منصور : ف البسين
نورا : مقدرش دة بعيد
منصور : عارف
( وفجأة ، يشيلها )
نورا : منصور لا بالله عليك
منصور : متقلقش .. ثقي فيا اوك
( تشاوله ب أه )
نورا : استنى وانت ؟؟؟؟
منصور : هتصرف انا
نورا : انا خايفة
منصور : وانا بحبك
( يحدفها ب اقوى ما عنده ، وب ابطئ صورة ممكن تتخيلها ، تنزل جوة البسين ، تعوم وتطلع منه ، وفجأة ينفجر البيت قبل م منصور ينط يتحدف ب قوى جامدة من ضغط النار ف الانفجار وينزل جوة البسين بس بعيد شوية دماغه تتخبط ف طرفه تحت الماية ، تجري عليه نورا تنزل جوة الماية تشده ، يتملي البسين دم من دماغه )
نورا ب خضة : منصور رد .. رد علياااا
منصور : انا كويس كويس متخافيش
( يطلعوا م البسين ، يجروا عليه اخواته وامه ، توصل المطافي والاسعاف تاخدهم المستشفى ، يعدي الوقت ، منصور ف المستشفى ، لافين دماغه نورا واهله جنبه )
هالة : حمدلله ع السلامة ي حبيبي
منصور : الله يسلمك ي امي ⁦
انجي : لازم تعملي فيها كازانوفا ادي اخرتها
أية : لا بس نط حتة نطة ولا سوبر مان
الكل : ههههههههه
منصور : ماشي كلها كام يوم وافوقلكم
أسر : بس فوق انت ي برنس واحنا نكسرهملك
أية : تكسر مين ياض
حجاج : وبعدين يعني هنبدء خناق حتى هنا
اسر : لامؤخذة ي حج
انجي : مش هتحدده الفرح بقا ؟؟
اسر : بزمتك دة منظر واحد ينفع نحددله حاجة غير ميعاد حقنة العضل الجاية ؟؟؟
الكل : ههههههه
حجاج : مش يلا بينا بقا ونسيبه يرتاح
هالة : اه يلا
نورا : هو ينفع ابات معاه ؟؟
( يبصوا ل بعض )
انجي : ينفع مرافق
نورا : طب انا هبات معاه
حجاج : طيب واحنا هنجيلك الصبح
منصور : اوك
( يمشوا )
منصور : م كنتي روحتي معاهم ي نورا
نورا : مش عاوزني معاك ؟؟
منصور : لأ عاوزك طبعا بس الي حصل تعبنا كلنا وانتى تعبانة روحي ارتاحي انا يومين بالكتير وهخرج دة اذا مكانش بكرة
نورا : انا مرتاحة وانا جنبك
( يبوس ايدها )
نورا : منصور
منصور : نعم ؟
نورا : هو مين الي حرق البيت ؟؟
( يسكت منصور )
منصور : الي مش ناوي يجيبها ل بر معايا
نورا : مين ؟!
( يحكيلها عن خالد ، يخبط الباب )
نورا : ادخل
( يدخل الظابط )
الظابط : حمدلله ع سلامتك
منصور : الله يسلمك
الظابط : عاوز اخد منك كام سؤال كدة
منصور : اتفضل
( تقوم نورا ويقعد الظابط )
الظابط : تتهم حد معين ف الي حصل دة ؟؟
منصور : لا دي كانت حادثة مش اكتر
( تستغرب نورا )
الظابط : يعني الحريقة دي مكانش سببها حد .. يعني مش ب فعل فاعل ؟
منصور : لأ .. مظنش .. دة كان الغاز مفتوح اكيد الشغالة نسيته
( الظابط يبص ل نورا )
الظابط : ولا حضرتك تتهمي حد ؟؟
( نورا تبص ل منصور )
نورا : لا
الظابط : ماشي .. ع العموم احنا هنعمل اجرائتنا
منصور : اوك .. شكرا ل حضرتك
الظابط : العفو دة شغلى .. حمدلله ع سلامتك مرة تانية
منصور : الله يسلمك
( يمشي الظابط )
نورا ب انفعال: انت .............
منصور : اهدى بس واسمعينى الاول
نورا ب استغراب : اوك
منصور : الظابط لف او دار مش هيعرف مين الي حرق البيت لان خالد مش هيعمل كدة الا لو مظبطها كويس ⁦
نورا : بس انت عارف مين الى وراها كان ممكن ع الاقل تتهموا
منصور : مافيش اى حاجة تثبت ان الى عمل كدة خالد .. ممكن بقا متشغليش بالك انتي وتسبيلى الموضوع دة انا هتصرف فيه ب طريقتى ؟
نورا : ي منصور انا خايفة عليك دة شكله شراني .. الي حصل مش قليل كنت هتموت
منصور : متخافيش عليا مش هموت ناقض عمر مال رقبتك ؟!!!
( تحط ايدها ع رقبتها تلاقي نقط دم )
نورا : دة تلاقيه وقت م فتحت الباب وقعت اصلي .. بسيطة
منصور : لا مش بسيطة .. قومى خلى اي دكتور يشوفهالك
نورا : مافيش داعى ي منصور هبقا اشوفها
منصور : هتقومى ولا اقوم انا اشوفلك دكتور
نورا : لا لا خلاص هقوم
( تروح نورا تشوف دكتور ، تغير ع الجرح وتطلع ل منصور )
منصور : وريني
نورا وهي بتقرب عليه : مافيش حاجة والله دي كانت حتة ازاز م الفاسة الي انكسرت لما وقعت
منصور طلعهالك ؟؟
نورا : اه وطهرهالي اهي زي الفل
منصور : اوك
نورا : هروح انام بقا وانت ارتاح
منصور : ماشي ي قلبي
( تروح نورا تنام ع الكنبة ، تاني يوم يطلع منصور م المستشفى ، تعدي الايام ، بعد شهر ، جوة مكتب ، يدخل منصور المكتب من غير حتى م يعدي ع السكرتارية )
السكرتير : ي استاذ استنى رايح فين
( يدخل منصور المكتب ، يقوم شاب قاعد )
كريم : منصور
السكرتير : حضرتك هو ...........
كريم : روح انت دلوقتي
السكرتير : تحت امرك
( يمشي السكرتير ، يقعد منصور ويقعد كريم )
كريم : ايه المفجأة الحلوة دي
منصور : بيبان عليك اما بتكدب .. بس ماشي .. مقبولة منك ي كيمو
كريم : انا .............
منصور : الجاية تبعي ي كريم .. ومظنش في داعي تبلغه .. خليها مفجأة
كريم : بس ...........
منصور : بس ايه ؟؟؟
( يسكت )
كريم : ولا حاجة
منصور : سلام
( متنسوش اللايك ورأيكم ، بكرة اخر حلقة عاوزة تفاعل حلو بقا )

[رايما]

الحلقة السابعة والعشرون والاخيرة { ٢٧ }
( يقوم منصور يمشي من عند كريم ، ييجي الليل ، منصور داخل البيت ونورا نازلة ع السلم بتجري )
منصور : براحة براحة
نورا : وحشتني ي بيبي
منصور : لا بيبي ايه والنبي بلاش الكلام دة عشان فيه مأذون قريب من هنا واحتمال ملحقهوش
نورا : هههههه لا خلاص
منصور : سهرانة ليه لحد دلوقتي ؟!
نورا : انت عارف اني مش بعرف انام الا اما انت تيجي
منصور : طب تعالي اتعشي معايا بقا
نورا : انا متعشية مرتين بس ماشي
منصور : لا خلاص كفاية عليكي كدة روحي نامي لتفرقعي مني
نورا : لا هاكل معاك ي رخم
منصور : بزمتك مين فينا الرخم دلوقتى
نورا : هههههه انا
( يحط ايده ع كتفها ويدخلوا المطبخ يعملوا اكل ويقعدوا ياكلوا )
منصور : نورا
نورا : نعم ؟
منصور : هو .. انتى لسة شايلة مني ؟؟
نورا : شايلة منك !!! لا طبعا
منصور : متأكدة ؟؟
نورا : اممممم استنى افكر
منصور : فكري
نورا : بص ي سيدي .. انا اه اخدت منك حبة قلمة تحفة كانت ايدك تقيلة اوي بس فوقوني ل حاجات كتير .. خدت منك غيرة اوفر وكانت بتخنقني اوقات عشان كنت مفكراها تحكم بس بردوا كنت بحس اني مهمة عند حد وبيفكر فيا وخايف عليا .. اهتمامك بيا ولو ب غيرة هحبه بردوا حتى لو كانت تخنق .. بس انا حبيتك اوي ي منصور ⁦⁩ حبي ليك عماني عن اي حاجة وحشة انت عملتها فيا وقتها .. بس من اخر حاجة حصلت اكتشفت ان قبل الحب دة في حاجة اسمها كرامة .. والكرامة دي ليها طاقة وحدود هيخلصوا غصب عنك .. وقتها كانت طاقتي خصلت واتعديت حدودي ب مراحل .. كان لازم وقت افوق فيه مش اكتر .. واخدت الوقت دة .. الباقي كان يخصك انت بقا .. هتحاول عشاني وتبقالي وتحافظ ع كرامتى قبل اي حاجة .. ولا هتنسحب وقتها عشان كان وجودك ف الاصل عشان تستقوى عليا مش اكتر
منصور : وبقيتلك
نورا : بس انا هطر انسحب دلوقتي
منصور : نعم ؟!!!!
نورا : بهزر ههههههه
منثور وهو بيضربها بالقفا : اتلمي بقا
نورا : اااه ههههههه حرام عليك ايدك تقيلة بقا
منصور : انا اسف تعالي
نورا : اجي فين
منصور : هبوس قفاكي
نورا : هههههههه لا خلاص انا مسامحة
منصور : تعالي بس
( يقربها عليه ، يبوس رقبتها ، وفجأة ............... )
اسر ب زعيق : ايه داااااااا
( يفزعهم )
اسر : ايه الي شفته ف مطبخنا داااااا !!!!
منصور : يخربيت اهلك اسكت هتفضحنا
اسر : انت ازاي تعمل كدة ازااااي
منصور : غلطة ي حبيبي غلطة ومش هتتكرر
اسر : ازاي تبوس قفاها .. انا اخويا يبوس قفيان !! اخويا يبوس شفايف ع طول
منصور : ي ابن ال .............
نورا : بيبييييي .. سيبلي انا الطلعة دي
منصور : اديلوا
اسر : اديلوا ايه ؟؟
( تمسك نورا ازازة الماية وتجري بيها ورا اسر ترشها عليه ، يطلع منصور م المطبخ يتفرج عليهم )
اسر : خلاص يخربيتك انا اسف اساااااف
نورا : هههههههه لأ
( يقف منصور يراقب نورا ، بس مش عشان يطلعلها غلطة زي زمان ، عشان كل تفكيره دلوقتي ان ازاي كان كل م يشوفها بتضحك ينكد هو عليها ، يدفن ضحكتها ، ضحكتها دلوقتي من قلبها ، نفس الي ضحكتها مع عمر ، بس الفرق انه دلوقتي شايف صح ، شايف انها طالعة م القلب مش ب مياعة وسوء فهم ، عرف ان الغيرة والحب ملهمش اي علاقة بالانانية ، ليه كان اناني ، ليه حتى نفسه مكانتش عارفة تحتويها ، ليه كانت معاملته ليها كلها قسوة ، غلط غلطة كبيرة اوي وبالحظ متقلبتش عليه يجري اسر ع فوق ، ترجع نورا ل منصور )
نورا : بهدلته
( يفضل باصصلها ساكت ومبتسم ابتسامة هي مش فهماها مضايق ولا فرحان )
نورا ب خوف : انت اتضايقت
( يشاورلها ب لأ )
نورا : اومال مالك ؟؟؟
منصور : بحبك
( تبتسم نورا وتحضنه من وسطه عشان هي قصيرة ، يحضن دماغها ⁦⁩ )
منصور : مش عاوزة تعرفي ليه خطبتك ؟
( تبصله نورا )
نورا : ليه ؟
منصور : عشان شفتك ب قلب زمان .. مش ب عقل دلوقتي
( تبتسم نورا ، يرفعها من ع الارض تبقا قصاده ، يبوسها ، تعدي الايام ، جوة نادي كبير جدا ، واقف خالد ف الحلبة بيحيوه الجمهور ل مباراة مهمة ، واقف خالد بيتباهى ب قدراته عبال م يدخل الخصم بتاعه ، وفجأة صريخ وترحيب جامد ، ينتبه خالد ، يلاقي منصور داخله الحلبة وجاهز ، يستغرب خالد )
خالد ب استغراب : انت ايه الي جابك هنا ؟؟؟؟؟
( يقرب منصور يهمس ف ودن خالد )
منصور : جاي اطفي الحريقة الي انت ولعتها .. او اولعها اكتر
( يتخض خالد )
منصور : كنت فاكرها هتعدي .. بستغربك والله دة انت كنت اقرب حد ليا .. ازاي مفهمتنيش .. مبعديش ي صاحبي
( يرن جرس بدء المباراة ، يتقلب وش خالد ل غيظ ، لسة هيقرب ع منصور يلاقي شلوت ف وشه والتانى والتالت والرابع يمسك خالد رجله ، يلف منصور ب رجله التانية ويضربه ع دماغه ، يقع خالد ف الارض ، يبعده الحكم عنه ، خالد ف الارض مدوخ )
منصور ب زعيق وغضب : قوووووووووم قووووم
( يبدء خالد يفوق ويقوم تاني ، يقرب عليه منصور و ب اقوى ما عنده يديله كذة بوكس ف بطنه وخالد مش لاحق يعمل حاجة من سرعته وقوة ضرباته لان منصور كان بيلعب معاه زمان ومعروف ف المجال دة بس وقف اما سافر ، بس موقفش تدريب

يديله بوكس ف وشه ، يقع خالد ف الارض ، ينزله منصور ويفضل يضرب ف وشه ويعمله حركة استسلام يمسك فيها رجله ويفضل يضغط عليها ، يصرخ خالد بس قبل م يستسلم يكون فجأة ................. كسرهاله وقام )
خالد ب صريخ : ااااااااااااااه
( يقرب عليه الحكم يشوفه ، يلاقيه خلاص ينهي المبارة ، يطلع منصور م الحلبة ب كل هدوء والناس منفعلة معاه وبتحييه ، بس كل الي همه حق اهله الي كانه هيموته بسبب تهور خالد ، يمشي منصور )
( بعد سنة )
( منصور ف عربيته سايق ونورا معاه ، دبلتها بقت ف الشمال مشغلين مهرجانات وبيغنوا )
نورا : مش بنخاف لا هنا حرب استنزاف الصياعة مش هز كتاف ف الضلمة ازاي تتشاف اصاحبيييي
منصور : خربان بنثور ع اي مكان ⁩ من يومنا ازميلي فرسان انا بوفي لكن بتخان ي رباااااي
( يوصلوا قدام بيت اهل منصور )
نورا : مخنوق تعبان انا نفسي افوق انا روحي بتطلع فوق ⁩ ماشي مع اصحاب السوء متحول
منصور : ازعااك من غير ولا اي مزاااج للناس انا مش محتاج تعبان انا ليا علاج ومفول
نورا : مافيش بت ...........
منصور : وصلناااااااا
نورا : سوري اندمجت
منصور : هخدك بالليل اشطاا
نورا : اشطاا اشبح هستناك نروح سوا
منصور : اوكاااي
( تنزل نورا تدخل الفيلا )
منصور : اسف محطوط ف حزامي الناسف .. ايه دة ي منصور فين وقارك الله يخربيتك فسدتيني كل اما تيجي الحلوة تبوسوا يكتبلها جميع املاكه
( يمشي منصور ، ييجي الليل ، جوة الڤيلا ، دربكة جامدة وكلوا رايح جاي وبيعلقوا ف بالونات وزينة عيد ميلاد )
ساجد : انجزوا شوية قرب ع البيت
انجي : خلصنا خلاص اخر بلونة
اسر : انتى ي رخمة قاعدة كدة ليه من ساعة م جيتي م تعمليلك حاجة
نورا: لأ
اسر : يخربيت برودك روحي بيتك
نورا : هههههههه
( بعد شوية ، الڤيلا ضلمة ، يخبط الباب ، محدش يفتح ، يطلع منصور المفتاح يفتح ويدخل )
منصور : دول مشيوا ولا ايه ؟!!!!
( يقرب اول اول كبس نور يولعوا )
الكل ب صريخ : مفجأة
( يتخض منصور ويضحك ، يجروا يسلموا عليه صحابه وصحاب اخواته والكل متجمع اول مرة يحتفلوا ب عيد ميلاده من ساعة م رجع م السفر ، يدولوا الهدايا ويروحوا يقطعوا التورتة وبعدها ينتشر كل وحد ف مكان ، تقرب نورا ع منصور )
نورا وهي بتبوسه من خده : كل سنة وانت بخير ي قلبي
منصور : وانتي معايا ي نوري ⁦⁩
نورا : جبتلك هدية صغننة كدة يارب تعجبك
منصور : انتي هديتي
نورا وهي بتحط ايد منصور ع بطنها : وهو كمان
( يتصدم منصور ب فرحة )
منصور ب فرحة : بجد
نورا : والله
( يشيلها ويلف بيها ، ينتبه الكل )
منصور ب صوت عالي : هبقا ااااااااب
( يصرخ الكل ويفرحوا ويباركولهم )
( تتعدي الايام والسنين ، جوة فيلا صغيرة ع شط بحر ، ديكورتها شيك وبسيطة ، منصور واقف ع الشط برة وشايل بيبي جميل عنده سنة وناس كتير حواليهم بيظبوا الشط ل عيد ميلاد ، جوة قاعدة نورا واخوات منصور وخالتها واختها وكل الي يعرفوهم ونورا محجبة تطلع نورا م الفيلا ، تقرب ع منصور ، تلاقي البيبي بيعيط وهو بيحاول يهديه عمال يلاعبوا ويشيله ويحدفه ل فوق لحد م يضحك ياخدوا ف حضنه ويضحك ، تبصله نورا ب عشق وتبتسم ، يلمحها منصور ، يبتسملها ويشاورلها ، تقرب عليه ، ياخدها ف حضنه هي وابنهم ، تغمض عيونها وتبتسم ب راحة )
( *كل يوم ، القى روحي بتنده ليه ⁦⁩ ع العموم مش هخبي واداري عليه انه غيرني وسرقني وان انا اتعلقت بيه الي فات من حياتي جرا قبليه في حاجات حلوة حصلتلي ع ايديه كل لحظة تذيد غلاوته ناوي يعمل تاني ايه لما اغمض قلبي شايفه اسمي غنوة مابين شفايفه صوته اجمل صوت نداني ابتسامته مطمناني يوماتي بالي عليه مشغول ب امانة وب صراحة ، كنت عمري م هلقى راحة لولا بالصدفة لاقيته ⁦⁩ دة الي بالغالي اشتريته وناوية اعيش وياه ع طول )
( النهاية )
( *بيقولوا لو كان خيرا لبقى ، انا مش مقتنعة نهائي ب الجملة دي ، ساعات بيكون شر وبيبقالك ، بس عشان تحوليه للخير مش عشان تتعايشي مع شره ، محدش فينا ملاك ، حبي ، اتحملي ، ضحي ، اصبري ، بس متتحمليش فوق طاقتك ، ولا تضحي ب كرامتك ، ولا تصبري ع حسابها ⁦⁩ انني ماسة ، الي بيحبك هيبع دنيته ويشتريكي ، لو اتحبيتي مش هتتهاني ، لو اتحبيتي هتتصاني ، انتي مش لعبة حبها ، غير عليها ، كونلها سند ، مش سبب للميل* )
( متنسوش اللايك ورأيكم ف القصة )
https://up.kntosa.com/uploads/kntosa.com_01_19_155416051257692.gif (https://vb.kntosa.com/showthread.php?t=5343)