لازم كلكو تسمعو قصة الجوز هندايه اللى جبتها
أولادى فلذة كبدى قالولى يا ماما نفسنا ندوق
جوز الهند اللى بيجى فالكرتون ده .
روح الأم اللى جوايا طبعا جريت جبت واحدة و قعدت ساعة و نص أنقى فيها
عشان تبقي مليانه مايه كده و نشرررب بقي و ناكل و ننبَسَط.
المهم جبتها الحمد لله و رجعنا
من المدرسة لحد البيت بنتنتطط مالفرحة و الحماس
واخد حقه اوى معاهم عشان يدوقو بقي .
المهم انا مش هحكى عن تقشيرها لان ده محتاج بوست لوحدة كل اللى هقوله حسبي الله .
المهههم قشرنا ييجى خشروميت طبقه
من القشر بكل انواعة قشرة شعريه
و قشرة خشبيه و قشرة مهلبيه المهم.
ها قد جاءت اللحظة الحاسمة و فتحناها و نزلنا منها المايه
اللهم صل على النبي ييجى لتر مايه احساسى بالانتصار بقي انى عرفت انقيها .
المهم بندووق بقي استغفر الله العظيم ياا رب ايه الطعم ده اومال اللى بيرشقو فيها شاليموة
و قاعدين يشفطو دول بيشربو اييه .
قلت مش مهم و لا يهمنى هندوق بقي الابيض الجميل ده يا ولاد ..
ايه ده معجبكوش انى اسف انيل
من المايه .
المهم قدر الله و ماشاء فعل
و العيال عرفو غلطهم و مش هيطلبو حاجه عجيبه تانى
هو الموز و لا التفاح قصر معانا فحاجه .
بس طبعا انا ست أصيلة لا يمكن ارمى فلوس الراجل الشقيان ده كده
( يا رب ما يشوف البوست )
عملت
من جوزة
الهند ده العجب
روانى او كيكه
جوز الهند
جوز هند مبشور لزوم البسبوسة و كدزة
المايه بتاعته عملنا منها عصير جاامد شبهه السوبيا
و اخيرا
عملت زيت
جوز هند بيور هو أينعم حبه يدهنو صباع رجلى الصغير بس
بس ترطيب و فوايد للبشرة و الشعر مفيش بعد كده .
يلا أسيبكو مع الصور و كل حاجه وصفتها تحت الصورة ..
اسهل طريقة عمل كيكة البسبوسة الهشة اللذيذة
تجربتي مع شرب حليب جوز الهند،طريقة شرب جوز الهند
ازاى نعمل جوز هند فى البيت،طريقة عمل حليب جوز الهند من جوز الهند المجفف
استخدامات زيت جوز الهند في الطعام،فوائد زيت جوز الهند للشعر والبشرة
يعتبر زيت
جوز الهند من الزيوت المهمة للشعر؛
حيث تعمل على تقويته وتحميه
من التقصف والتساقط، ويساعدك في الحصول على شعر قوي ورائع. ويحتوي
جوز الهند على الكثير
من الفيتامينات المهمة
والتي تسهم في نمو الشعر، كما يساعد على حماية الشعر
من التساقط والتلف
ويساعد على ترطيب الشعر بشكل جيد، ويعطيه لمعانًا ونعومة.