المنتدى الأدبي

ابيات شعر قصيرة,شعر وشعراء,ابحارات ادبية وشعريةة,نقد ادبي,ابيات شعرية,نثر,شعر الحب,شعر فصيح,مقالات,خواطر, مدح,وروايات منتهيه,قصص ادبيه,المنتدى الادبي 2020.

نسخ رابط الموضوع
https://vb.kntosa.com/showthread.php?t=142
2526 15
10-09-2018 03:12 AM
#13  

افتراضيرد: أهواك بلا أمل

الفصل الحادى عشر
تسنيم الراوية : بعد السنة ونص اللى قضيتهم فى اكتئابى بعد حادث ماما وبابا دكتورتى النفسية كان ليها دور كبير فى تغييرى قالتلى ادي لنفسك وليه فرصة تانية حاولى تتاقلمى على الوضع دا هو مش عايز يطلقك ولا هيطلق مروة اللى بقى عندها منه ولدين
فكرت فى كلامها كتير وبعدها قررت اعمل هدنة معاه قلتله ناخد اجازة ونسافر وافق ورحنا الساحل وهناك بقى شفت
تسنيم :مش معقولة على
على بترحاب كبير : نسومتى ازيك
تسنيم : ايه يا عم بقالك فترة مش شايفاك فينك
على : بصراحة توضيب العيادة وكدا كانوا واخدين اغلب وقتى المهم انت هنا مع احمد مش كدا
تسنيم : ام معاه بس هو دخل السوبر ماركت اللى هناك دا هيشترى حاجة
على : ربنا يهديكم على بعض ويبعد عنكم العقربتين بس متقليش انهم جو معاكم
تسنيم : لا الحمد لله هو مرديش يجبها
على : ربنا يكرمك بالذرية الصالحة يا رب
تسنيم : ياااه دا انا فقدت الامل من زمان
على : وتفقدى الامل ليه الامل فى الله كبير طب لو مش هيدايقى ايه حالتك بالظبط يمكن اعرف اساعدك اعرضها على اساتذتى فى المانيا الطب دلوقتى اتقدم جدا
تسنيم : انا عندى ..........
يقطع كلامهم حضور احمد الذى قال بتافف : اهلا يا دكتور خير
على : اهلا بيك لا انا كنت بتمشى شفت تسنيم واقفة قلقت واستنيت معاها لحد ما تيجى
احمد : خير يا دكتور جاى شغل ولا فسحة
على : من دا على دا طب اسيبكم انا دلوقتى
احمد : ايه اللى وقفك معاه
تسنيم : ابن خالتى وشافنى وجه يسلم فيها حاجة دى


فى بيت منى
مروة : شايفة يا طنط ابنك واخد الهانم يفسحها وسايبنى انا هنا اغلى
منى : مش عارفة البت دى عملاله ايه نعمل ما نعمل فيها ونكرهه فيها يخاصمها يومين ويرجع لها تانى دى اخر مرة لما قلنا انها ضربت الولد مصدقش
ولما قلتيلة انها زقتك وانتى حامل فى الواد التانى قعد تسهوكله وتبكيله وتحلف وهو صدقها البيه وقال مراتى متعملش كدا
مروة : يمكن تكون عملتله عمل ؟
منى : مش عارفة يا بنتى
مروة : طنط بس المرة دى هخليها ذهاب بلا عودة
منى : قصدك ايه هتعملى ايه
مروة : بصى ....................
منى : يا بنت اللذينا ومش خايفة لو عرف الحقيقة ليبهدلك دا هيرميكى فى الشارع لو عرف
مروة : متخافيش المرة دى انا ناوية عليها لا انا وولادى لا هى ولا انتى ايه رايك
منى : طبعا احفادى انا هحتاجها فى ايه دى ولا بتخلف ولا نيلة وانا عايزة احفادى
مروة : تمام يعنى موافقة على خطتى
منى : ربنا يستر انا خايفة منك ومن افكارك السودا دى


فى الساحل الشمالى على البحر
تستلقى هى على الرمال ويستلقى بجانبها وعيناهما تنظر للنجوم
تسنيم : شايف النجمة اللى هناك دى
احمد : مالها
تسنيم : دى واللى جنبها عاملين شكل حلو
احمد : خيالك واسع من يومك يا قلبى
تسنيم : احمد
احمد : ايه
تسنيم : انت ليه متمسك بيا ومش عايز تطلقنى رغم ان بقالك اسرة واطفال ؟
احمد : علشان انتى النفس اللى بتنفسه
تسنيم : لا والله
احمد : اه والله بجد انا رغم عصبيتى وقسوتى بس انتى الست الوحيدة اللى بحبها لما بتبعدى عنى او بتزعلى منى بحس اننى هتجن مبتخيلش ابدا حياتى وانتى مش فيها
تسنيم : يا سلام وحبك دا هيفضل على طول ولا مع الوقت هيختفى
احمد : يوم ما ابطل احبك يبقى اكيد مت
تسنيم : بعد الشر عنك
قضت تسنيم وزوجها اسبوعا رائعا فى الساحل الشمالى وقبل رجوعهم بيوم اتاها اتصال من على يطلب منها تقرير بحالتها وسبب عقمها بالظبط شرحت له هاتفيا وبعدها بساعة اتصل عليها واخبرها بان لحالتها علاج فى المانيا وبان الكثير من هذا النوع من العمليات نجح وبان النساء التى كانوا يعانين مثلها انجبن بعد العملية
فرحت كثيرا واخبرت احمد الذى تحمس ايضا وقرر ان ياخذها ويسافرا المانيا برفقة على لاتمام العملية


فى بيت منى
قبل ميعاد سفر احمد وتسنيم بيومان
فى بيت منى
منى : احمد يا ابنى انا عايزة اقلك حاجة مهممة بس احلف ووعدنى انك لا هتتعصب ولا هتتهور
احمد : ماما قلقتينى فى ايه ؟
منى : انا سكت كتير بس الوقت حان انى اقلك بقى هفضل ساكته لامتى
احمد : ماما قلقتينى فيه ايه
منى : يا ابنى انا بعتلك دلوقتى علشان تشوف بعينك عمايل الحيوانة اللى متمسك بيها
احمد بقلق : ماما بلاش الغاز قلقتينى فى ايه
منى : مراتك تسنيم على علاقة بصاحبها اللى اسمه علاء
احمد بصدمة : ايه
منى : ايوا انا كتير بسمعهم يتكلموا فى التليفون كلام حب وبينهم رسايل متبقاش الا بين اتنين بينهم علاقة استغفر الله العظيم
جن احمد على اخرة وذهب لشقة تسنيم وامسك هاتفها ووجد الرسائل كما قالت امه وضرب تسنيم ضربا مبرحا حتى اغشى عليها واتصل عبد الحميد بالاسعاف


يتبع ياكنتوسه


10-09-2018 03:12 AM
#14  

افتراضيرد: أهواك بلا أمل

الفصل الثانى عشر
فى المشفى
عبد الحميد : خير يا دكتور طمنى
الطبيب : والله يا حاج بنتك عندها كسر فى معصم ايدها وعندها ردود كتير وهى للاسف بتنزف نسا ودكتورة النسا عندها دلوقتى
بعد حوالى العشر دقائق تخرج طبيبة النسا فيسالها عبد الحميد : طمنينى يا بنتى
الطبيبة : الحمد لله يا حاج النزيف وقف والجنين لغاية دلوقتى بخير بس ربنا يستر وما ينزلش اصل وقعتها كانت صعبة قوى " عبد الحميد اخبر الاطباء فى المشفى بانها وقعت خوفا على ابنه من ان يحبس لضربه لها "
عبد الحميد بدهشة كبيرة : جنين جنين ايه مرات ابنى مبتخلفش وكمان دول كانوا مسافرين بعد بكرا المانيا هتعمل عملية ازاى بتقولى حامل ؟
الطبيبة : سبحان الله يا حاج انا شفت من خلال السونار انها برحم ذو قرنين بس ربنا قادر على كل شئ بجد دى معجزة ربنا يتم حملها على خير يا رب سبحان الله ربنا كريم وحب يجبر بخاطرها
عبد الحميد وما زالت اثار الدهشة عليه : سبحان الله احمدك يا رب انك جبرت بخاطر المسكينة دى


فى منزل منى
انتى ايه شيطانة انا مش عارفة ازاى سمعت كلامك وعملت كدا
مروة : معلش بقى كان لازم نعمل كدا علشان نخلص منها
منى : اه انا كنت عايزة اخلص منها بس دا موتها من الضرب انا كنت بحوشه منها ومقدرتش رحت اتصلت بعبد الحميد وعلى ما جه كانت اغمى عليها وكلها دم استغفر الله العظيم انا مش عارفة انا عملت كدا ازاى دا انا ماليش وش حتى اروح المستشفى اطمن عليها وسبت عبد الحميد راح لوحده معاها فى الاسعاف
مروة : عادى يا طنط ما هو ياما ضربنى وانتى مزعلتيش كدا
منى : هو كان بيضربك علشان لسانك الطويل ومش بالشكل المؤذى دا والله انا جاى على بالى اقوله الحقيقة واخلص من ذنبها
مروة : هههه تقوليله طب روحى قوليله يالا
منى : يعنى انتى مش خايفة
مروة : وهخاف ليه هو انا اللى خططت دا انتى
منى : ازاى يعنى مش خايفة لقوله ان انتى اللى بعتى الرسالة بعد ما جبتى خط جديد وسجلتيه فى تليفونها باسم علاء بعد ما خلتينى اشغلها فى المطبخ الصبح وخدتى فرصتك وبعتى الرسايل وهو من نرفزته مخدش باله ان الرسايل كلها فى وقت واحد
مروة : لا مش خايفة هيعمل ايه يعنى هيطلقنى يطلقنى المهم انا ام اولاده وهقدر اخليه يرجعلى هضغط عليه بالولاد وانا عارفة كويس ان روحوا هو وعمى فيهم يعنى مطمنة بس انتى يا مسكينة هياخد فيكى صدمة حياته امه حبيبته تعمل دا بقى امه اللى شايفها ملاك تعمل كدا اكيد هياخد فيكى صدمة حياته يا طنط ومش بعيد يقاطعك بقية حياتك وتبقى هى اللى فازت دا غير نظرة عمى ليكى اللى اكيد هتتغير بعد ما يعرفك على حقيقتك ومش بعيد يطلقك فيه بعد ما يعرف كل حاجة
منى بتصقيف : لا والله جدعة يا بت طب قوليلى يا حلوة بعقلك كدا هيسمع كلام مين فينا ويصدقه امه حبيبته ولا انتى اللى مبيطقيش
مروة : اكيد انا لانى معايا مستندات ودليل وانتى لا
منى بقلق : دليل ايه دا
مروة : يا طنط يا انا كنت بسجلك كل الخطط اللى حطيناها علشان نطفشها كنت بعمل نفسى بلعب فى التليفون وانا بتفق معاكى وانا كنت بسجلك كنت عاملة حساب اليوم دا كويس
منى : يا بنت ال.....
مروة : ربنا يسامحك المهم بقى دلوقتى نرجع حلوين وصحاب وبلاش نبقى اعداء ايه رايك ولا حابه عمى واحمد يشوفوا التسجيلات
سكتت منى ومن بعدها لم تجرا على قول الحقيقة خوفا من خسارة ابنها وزوجها ان علموا


فى مكتب علاء
يدخل احمد المكتب ويدفع الباب بقوة وما ان يرى علاء حتى ينهال عليه بالضرب ويتجمع الموظفون محاولين افلاتهم من بعضهم فلا يستطعون ويطلبوا الشرطة ويقبض على احمد


فى المشفى تفيق تسنيم وترى عبد الحميد بجانبها وما ان راته حتى بدات فى البكاء بشدة وبحرقة شديدة فحضنها عبد الحميد : حقك عليا يا بنتى انا مش عارف احمد لامتى هيفضل فى عصبيته وتهوره دا بس اكيد حصل حاجة احكيلى يا بنتى وانا هجبلك حقك منه
تسنيم ببكاء : والله ما اعرف انا كنت فى المطبخ ولقيت داخل يزعق ويقولى هاتى تليفونك مسك ومعرفش شاف ايه ولقيته نازل فيا ضرب ويقول علاء ومش عارف ايه انا من اللى كنت فيه مش فاكرة كلامه وبعدين محستش بنفسى غير دلوقتى
عبد الحميد : معلش يا بنتى انا اللى هجبلك حقك منه وعندى ليكى خبر اكيد هيخفف عنك كتير تسنيم انتى حامل
تسنيم : ها ايه ازاى امتى مين بتقول ايه مين اللى حامل معلش قول تانى مين حامل
عبد الحميد بضحكة خفيفة : اهدى يا بنتى دى معجزة الحمد لله انتى حامل ومن غير عمليات ولا حاجة شفتى كرم ربنا بقى عليكى
تسنيم الراوية " ودى بقى المعجزة اللى كنت بقولكوا عنها اللى حصلت فى الساحل الشمالى .......




10-12-2018 04:21 AM
#15  
10-16-2018 12:44 AM
#16  

افتراضيرد: أهواك بلا أمل





الكلمات الدلالية (Tags)
أمل, أهواك, بلا

أدوات الموضوع
انواع عرض الموضوع

الانتقال السريع


الساعة الآن 11:52 AM


Powered by vBulletin® Version 3.8.11 Beta 4
Copyright ©2000 - 2020, vBulletin Solutions Inc.
new notificatio by 9adq_ala7sas
User Alert System provided by Advanced User Tagging (Lite) - vBulletin Mods & Addons Copyright © 2020 DragonByte Technologies Ltd.

خيارات الاستايل

  • عام
  • اللون الأول
  • اللون الثاني
  • الخط الصغير
  • اخر مشاركة
  • لون الروابط
إرجاع خيارات الاستايل